المساعد الشخصي الرقمي

مشاهدة النسخة كاملة : باقات من الشعر الشعبي في قلعة صالح / من أعداد الشاعر علي كاظم الدرجال الربيعي


ابو نور 1949
10-04-2010, 17:15
من روائع الشعر الشعبي


قصيدة ( يبس شطنه )
يبس شطنه ونسه ألموحان جاليه
أنعم ألله أعلى المطرونذوك ألميه
**
انعم الله اعلى المطر والماي والمزنه
اولويحصل نظم للصيف وانخزنه
عمت عين الرمال اليبست شطنه
هذاك اليحدر الخيال جاليه
**
جاليه رهيف اويحدر الخيال
ومضايف عامره وتلالي بيه أدلال
اليذب الشبج يترس منه سبع سلال
من بني وعجد مابيه سمتيه
**
من بني وعجد نوبات لو شبوط
وتجينه ويلجرف دزكات مال بطوط
شحلات ويلرطب لو حطوا المسموط
خصوصا لو تمرنخله شويثيه
**
شويثي والمضيف امذهبه ادلاله
ودجاج الماي ضال اومحد ابحاله
كبل ديرتنه جانت تشبه ديالى
أم البرتقال او احسن اشويه
**
ديرتنه جميله وتعجب السواح
ومضايف عامره وتباهي بالمرواح
يكفينه سنه بس تمن المصطاح
عمرنه مشترينه وجبنه كميه
ابو نور 1949
10-04-2010, 17:21
عمت عين الزمن ما أنصف اوياي



لو أدري أبد ما فاركتكم
**
أشتريت ألحزن بس يشهد ألكرار
بعت الدنيا كلها أو ما بعتكم
**
يا ما ذكريات أنكضت ويا ك
ويا ماصور با لحيطان ألكم
**
يعمي أشلون بيه أهواي مشتاك
اتمنى أبلحدكم انه غافي
**
تعبان أو رجيج أو نومي شلون
أنه لو أم أنومك با لعوافي
**
يا جمرة حسرتي وطفرة ألروح
على جمر ألقهر أمشي أنه حافي
**
أيا ما كعدنا أو كمنا وياك
يبو كلب ألجبير ولبن صا في
**
ها عمي أشفت كلي أشجره أوياك
رهبة موت كلي ابحالك شلون
**
بعمي ألحزن يثلم ثلم سجين
ويحتاج الينوح الدمعته عيون
**
تعال أو شوف بيتك والحياطين
على كل أثر منك هم يونون
**
أخوتك لو خواتك من يشوفون
ربعك با لمضايف من يضحكون
**
يهل البيت مزنه أو يشتعل نار
أو كبل لايبجي عمك همه يبجون
**
أنه بيه ألنوايب شجن أرماح
أنحنى ظهري يعمي أبدونك أنته
**
صا حبتك جرح من عمري ظنيت
توفيني ألتعب ذاك ألتعبته
**
ما ضنتي أنتفارك وحدي ضليت
ولا كلبي يهود من حسرته
**
شسولفلك يعمي أشسوه ألفراك
بغيابك أتغار الهم حملته
**
شفت ألموت عمي وحالك شلون
الشريف اشما تعب ما يلكه راحه
**
هلك عمي أو مرارالحزن مربيك
تلكه أوجوه مليانه سما حه
**
أنه الردتك يعمي ألساعه ألعوز
لجن طبع الوكت بس الكبا حه
**
بعد عمي حجرتك شايله أهموم
أو بعد كل ذكريا تك طيف بيها
**
من نشتاك الك تا خذنا الهموم
نجي او بجروحنا انسولف عليها
**
يعمي الموت اخذكم وانه ضليت
ابحسرتي الزمن دك دكات وياي
**
الف موته اموت او كلت ارتاح
يا عمي اشكبرها اهموم دنياي
**
أذكر مشيتك والطيب الوياك
يهزني الشوك جنك من صدك جاي
**
افز مرعوب واتعثر با لأشوا ك
احس با لنار تلجمني ابثنا ياي
**
ما ضن الكه مثلك بعد هيهات
انه ابشيمة العدك ارهب اعداي
**
ألف وسفه طواك الموت يا حيد
والف وسفه ايتخطى الفاسد الراي
**
أمس عنكم يعمي ** راحلينه
ولاشفنا بعدكم ** راحلينه
اهواي اعزاز مثلك ** راحلينه
أمن صدورألمجر ألكم تحيه
((((())))))
مع تحيات الشاعرعلي كاظم ألدرجال ( أبو عمار ألربيعي)
ابو نور 1949
10-04-2010, 17:28
شعر ألسيد علي كاظم ألدرجال ( أبو عمار ألربيعي )


أصعد ألسابع سمه لو بسمي واحد ** ندى
أومن يلتفت يا صاح جن أوراد جوري ** أبندى
لمن سأ لت ألأ صل كلي من كعب ** أبندى
أو ما بين حيره أوأ مل ضل عدي بس ** ألدعه
أو كلت أليريدك هله وألما يريدك ** دعه
ألناس ما هم سوى بيهم أحرار أو ** دعه
وأليكصد ألزينات لا زم للشدا يد ** ندى
ألأأبو ذيه :
1 تبختر يا ترف ما مش ** بدا لك
أظن زلا ت من عدي ** بدا لك
أ ذا أنه أحب وا حد ** بدا لك
طلعت أنه أبنظر غيرك خطيه
2
أحبك ما أحب غيرك ** بدا لك
شوكي ما بده ألغيرك ** بدالك
ما أ كدر أ حب غيرك ** بدا لك
لأ ن أنت ملاك أمن ألسما أو نا زل عليه
3
.أنخمط ديس ألمحنه ** يرضعنا
أو على يا ديره مدري **يرضعنا
متى محبوب كلبي ** يرضعنا
أطش درب ألا حبهم وا هليه
4
علي يلطلك ألدنيا ** مردها
أجيتك وألمرض روحي ** مردها
أ على شبا جك أمد أيدي ** مردها
عليك حسين مد أيدك عليه
5
كريم ألكا صده أو أيده **مردها
ترجع شايل أبأ يدك ** مردها
عجيبه ألمرض غث روحك ** مردها
أو علي معروف يشفي أمن ألرديه
6
شتلنا أو ماطلع يحمد ** شتلنا
أو على جرف ألصبر يمكن ** شتلنا
أشتتأ مل بعد منه ** شتلنا
وأنه منه أصبحن كسرين بيه
7
عجيد أو حاتمي أو عربي ** شتا لك
أصيرن نار من يكرص ** شتا لك
لا تا من خبر منهم **شتا لك
وأنت ألعا رف أمكر أبن أميه
********************************
ابو نور 1949
10-04-2010, 17:45
من االشعر الدارمي للشاعر علي كاظم الدرجال
1لطلاطه والصفصاف والشط والعيون **** حطن ابراسي ارسوم خلني مجنون

2 يا قلعة الطيبين مشتاق انه اهواي **** للكرمه للعنبار للجسر للماي

3اْ صبر واصبر الغير واصبر على الصار ****واْصبر على الكلفات لو صارن اكبار

4 مو طبعي اْ طخ الراس واْتلبد ابدار **** هين عليه الموت من جلمة اْ فرار
ابو نور 1949
10-04-2010, 17:48
من الشعر الدارمي للشاعر علي كاظم الدرجال
1عا شرت سمرة لون مزروعه شامات *** انه العشكت الليل بطلوا يشمات

2 بطلوا شماته اولوم ما اكدر انساه *** اْسمه انطبع با لروح وافتهم معناه



3

اْ جمع احروف اهواي خمسة مواويل *** بيهن دوه الكل داي ريحتهن الهيل

4 اْ حلف وحك عيناك ماشفت راحه *** من الصبا الهليوم روحي ابنياحه

5 والله الدهر دولاب صاعد او نازل *** احسب احسابك زين عوف المراجل
ابو نور 1949
10-04-2010, 17:51
1صوبت سهم الشوك طيحت طيره**** غنجه اووسيعت عين من الحفيره

2 يلمنحدر بشراع لمريبي زتني **** للواوي للبطاط للسود نتني

3 سيد سعد موجود بالقلعه داره **** كون اْ زلف انه اوياك حط بيه شاره
ابو نور 1949
10-04-2010, 17:54
الدارمي / للشاعر علي كاظم الدرجال
حسبالي صندل طك**** من شفت خده
ثاري الحمار البيه **** ورده علا ورده
ابو نور 1949
11-04-2010, 22:58
ومن اعلام قلعة صالح في مجال الشعر الشعبي ومن الرواد الشاعر المرحوم ( حميد بدر عبد الله علي المالكي ) من مواليد قلعة صالح 1909 ميلادي ولكن للاْ سف الشديد ضاع معظم شعره ولم يجمع في ديوان مستقل وله رحمه الله مساجلات مع معظم شعراء العراق الرواد امثال الشاعر مطشر بن عبد النبي النداف والشاعر خنجر خصاف الشامي وكان رحمه الله طيب القلب ويمتاز باخلاق جيده جدا
ومن شعره في لون الابوذيه *****
راح الجان الي ونسه *** وليفاي
اوجان امن الشمس ظلي ***وليفاي
فيته ماتضر غيري *** وليفاي
بكيت اوحيد بس اصفك بديه

2 يمته يفتره كلبي *** ونامن
اوروحي امن القهر تبرد *** ونامن
الناس اتحوكل ابحكه *** ونامن
اْتغارين القهر هالبين اديه

وكان رحمه الله معروف باسم ( الشاعر حميد البدري ) ابو عباس *******
ابو نور 1949
11-04-2010, 23:23
ومن اعلام قلعة صالح في الشعر الشعبي[/COLOR[COLOR="DarkGreen"]

] الشاعر والرادود المعروف ( جبار عباس علي حسين
الخطاوي )من مواليد قلعة صالح 1913 والمتوفي في 8 / 2 / 1967 وقد وهبه الله صوتا
جهوريا حزينا مؤثرا وكان رحمه الله ينظم القصيده الحسينيه ويحدوا بها في المواكب ايام زمان بالرغم
من انه رحمه الله ( كفيف البصر ) وكان يحسن اختيار المفرده المؤثره في المتلقي **
ومن الاعلام الشاعر والرادود ( حمدي عبد الضا السيد ) من مواليد قلعة صالح له مساجلات كثيره
مع شعراء الناصريه والعماره في كافة ابواب الشعر الدارمي والابوذيه والزهيري والبسته والموشح
اضافة الى نظمه للقصائد الحسينيه التي كان يحدوا بها في المواكب وقد وهبه الله صوتا حزينا ولكن
للاسف الشديد ضاع معظم شعره ولم يجمع في ديوان
ومن شعره المشهور والمغنى ايام زمان :
جينا احنه ونزلنا ** يامحله هذول أهلنا
ويم دار المحبين ** خيمنا اوكعدنا
ومن اعلام الشعر الشعبي الخاص بالمنبر الحسيني وخاصة البحر السريع في الشعبي والذي يتلائم مع مراسيم الحزن في عاشوراء هو الاستاذ الشاعر المعروف (فاضل حسين خلف الزاهي ) تربوي من
مواليد قلعة صالح *
للمعلومات اولا انا لست من المتعصبين الى ( الكلاسيكيه ) الجامده ولست ضد حركة التقدم والتطور
والتجديد ولكن ارفض تشويه التراث وتزويقه بمساحيق العصر الحديث وكما يقول الشاعر مظفر النواب
( انه العاكول كلما ينكطع مايه يغوص ازود ) وانا اْ شد على ايدي الشعراء الشباب في مدينة قلعة
صالح الى الغور في كافة بحور الشعر الشعبي ( الدارمي والابوذيه والعتابه والميمر على طريقة الجناس والعكيلي والموشح السريع والموشح والموال الزهيري وغيره ) والارتقاء بالقصيده الى

الاصاله وفي كل الاشياء الجميله لان الشعر الشعبي ثروة التراث الموروث بالتعاقب واخص بالذكر
شعراء قلعة صالح الشباب :
1 الشاعر المبدع (حيدر مهدي حسين الخطيب ) من مواليد قلعة صالح 1977 ميلادي
2الشاعر المبدع (عبد الله حسين عبد الساده القلعاوي ) من مواليد قلعة صالح 1976

وفقهم الله لخدمة الكلمه الهادفه الشريفه ونحن بانتضار ماتجود به اقلامكم والسلام عليكم *
ابو نور 1949
12-04-2010, 21:22
وصيــّـة أم صابئية لإبنها آدم
عماد عبد الرحيم الماجدي


درفــَـش الـْـيهـْـيا أمانـَه **ـ شـُبـْـكَـَـه يايـُمـَّـه بـديـك
اوكَــَـلبي يـُمـَّه تِـدري يـُـمَّه** ـ ذاب كل عمره عليك
اوروحي تدري يـُمَّـه جانـَت **ـ سِـبحـَه تتلولح بديك
ياحِـلـيـب أمـَّـك رضَعـْـتـَه **ـ طاهِـر اوصّبي يـِـجيـك
فصـَّـلِـتْ رسـْـتـَـه يـَـيـُمّـه **ـ نـوره هيبلزيـوَه بـيـك
يمّـه جـيت اوصوت روحي **ـ صار صفـكـَات أوهِـلاهـل
اشفافي يُمـّه اتـلولي كِلهه **ـ وهِـز روحي ، جنت جاهل
تِـبجـي يـُمـّه اوجـَـنـّه حِـسـَّـك **ـ يـُمـّه تـغـريـد البـِلابل
إقـرَه كَـنـْزتـْـنَه يَـيـُمَّـه **ـ اتعـيش دَهـْـرك يـُمـّه عاقـِل
صبّي إنـْتَ إبن صبّي ** ـ يـاذهـَـــــب لـــون الـْـسنـابـِـل
دلِـلـّـول اللـّـيـل كِـلـّه **ـ وهـِـز كاروكــَـكْ وَغـَـنـّي
دلِـلـّـول أوأكِـظ دمعـَـك **ـ بي شـَعـَر راسي أحـَّـني
دلِـلـّـول انت كـُـبُـرتـِي **ـ لـو نِـوايـِب وهـْـدنـَـنـّي
دلِـلـّـول اوتـُبقـَـه صبي **ـ والـْـسيادِر عـَـلـَّمـَنـّي
كَـالـَن الصبي سِـبـيجـَـه ** ـ ذهـَب تـيزاب اويغـَني
كَِـمِـت تـِزحـَف ياحـَلاتـَـكْ ** ـ يمه روحي اويـاك تِـزحـَـف
اعـيـوني تِـتـْـنطـّر مشيتـَـك** ـ رِمِش عيني إلـَكْ مَـلحـَف
لـو ذبَـل وجـْـهـَـك يـَيـُمـّه **ـ اعـضايْ يُمَّه اتكَـوم ترجف
تِـعـثــَر الـْماري يـِـحِـرسـَك **ـ يـجري دَم اجـلايْ ينـْزف
: هـذي مـِن عِـندي وصِـيـَّه **ـ عـَـهـَـد كَِـشطه يَمَّه إحلف
خـَمسَه احفـُظهـِن يـُمـَّه اوتربح **ـ كِـل وكتـَـك عايش فرحان
إشهـَـد وبـْرخ صوم اوصَـدِّق **ـ واصْـباغـَه اوهذي الأركان
تِـشـْهـَد هـّيي الواحِـد أحـَّد **ـ تِـلبس رسته ، اتـْـشِـد هِـميان
اتـْـشِـدَّه ، وبـْراسـَـك عِـمـَّـه **ـ تِـشـْـرح صَـدرَك لِـلإيـمـان
يـــُمّـه اتـْـزَوج مِـن صَبـيـَّه** ـ أصْـلـَـك يـِتجـوهر ، يـِنصان
يايـُمَّـه الـمارق ، صدَّكَــْـني **ـ عـَن دينه الـْـمـُرتـَد خسران
كِـل وكـْـتـَه اوعايش بالـْـذلــّه **ـ خـايـِـف يايـُمـّه اونـَـدمان
يـُمـَّـه افـْرَح لـو راد الشـَرشَه **ــ ياخِـذ نـَـشمثتي امن الآن
غـَسـِّلـْني او لـَبـِّسني اقـْماشي **ـ هـذا الـحَـق اعلـَه الإنـسان
لاتـبـجي اوتِـحـزن يايـُمـَّه **ـ راح اتـْـلاكَـَه اويـَه الـرحـْمان
إلـْـبـَس أبـْـيض يـُمـّه اوهـَـلهـِـل **ـ بـيـن الـوادم والـْخِـلاّن
إرواهـَدهـَيـّي ، بوثـَـه إقــْراها ** ـ إقـره المِـلـْواشه اوفرحان
واللـّـوفـاني يـُمـّه اتـْـلوفـَه **ـ إدعـي الـْـصّبه كِـلـْـنـَه اخوان
واتـْـذَكـَّـر مِن تــُبـْـرخ يـُمَّـه **ـ دارات الـصَبـّـه الـْـعِــنـْوان
واذكِـر أهـْـلـَـك يـُمَّـه اجـدودَكْ **ـ عـَبـّود اسباهي اوشرهان
اسْـنيجـر زهرون اوكـَـلمـَش ** ـ ماجـِـد وعـنيسي اوسلـمان
وشْـبَـيـّب ، مذكور اولـَفـته **ـ ومـْنادي اورومي اوعـَطوان
صنهير اومزعِـل وخـْـنيفر **ـ جاوي اوحـَسحوس اوسلمان
عبد الزهره ، اكميت اوششتر **ـ عبد الله ، امْسلـَّم ، طوفان
ودخيـّل ـ عسكـر ومناحي **ـ ومْـهنـَّه ، اعـكَـيلي اوغضبان
صالح ، مطلك ، جاني اوناشي **ـ باحـور اوعِـكَـله اوفنجان
عاتي اوشـَدّود اوحسناوي **ـ عِـثـمان ، اجـحـيل اوعِـيدان
ماأذكـِرهـُم كِـلـْهُـم يـُمـَّه **ـ يـرحـَـمهُـم هـَيّـي الـْـحـَنـّـان
كِـلهـُم عـَـمـَّك يـُمـَّه اوخالك ** ـ أصحاب الـْدلـّه اوديـوان
ماردَّو سـايـــِـل يايــُمـَّه **ـ إسْـــأل يـايُــمـّه العـُـربـان
أزهـار أهـْـلـَـك كل الصبَّه **ـ يزهـون ابصَـدر البستـان
هذي يايـُمـَّـه وصيـتـي **ـ صـايـْـمـَـه الـْـماري عـَـليـك
درفــَـش الـْـيهـْـيا أمــانـَه **ـ شـُبـْـكَــَـه يـايـُمـَّـه بـديـك
عماد عبد الرحيم الماجدي
ابو نور 1949
13-04-2010, 22:14
من حكايات قلعة صالح
عندما نقل قاممقام قلعة صالح الطوخي ولم يلتحق قائممقام جديد الى المدينه اصبح المرحوم زنيد مأمور البلديه هو الحاكم الناهي فقال الشاعر الصابئي سلمان المندائي بيت من الدارمي لتوثيق ألحدث ::
غمج يجلعه جي جسر مابيج ** من غرب ألطوخي زنيد حكم بيج
ابو نور 1949
13-04-2010, 22:32
لفاني خفيف ألطول ** مازر
خمل وزرا فوك ألصدر ** مازر
كلبي من لحاظه يثور ** مازر
نهودك والتفك أوجرن بيهه



*******
ومن شعر الشاعر الرائد المرحوم حمدي عبد الرضا ألسيد :

عيونه عيون غزلان صد ليه ورماني ** شوا فزيت مرعوب مدري أشوافكاني
ابو نور 1949
14-04-2010, 22:34
قصيدة (هذا عيدك ) للشاعر علي كاظم الدرجال الربيعي


غيمه سوده او سنبل اصفر
والحصاد ايريد منجل
وانت خايف وانه خايف
والمصيبه الزرع يذبل
وادري بعيونك وكيحه
اوطير تايه ريشه مبتل
طير كاصد يبني عشه
اوشايل ابدفات صدره
ابذور حنظل
وانه وأنت اوليل اخضر
هم شفت لون الخضار
ابعين تزعل
وانت لونك لون وردي
اوريحتك من تطك صندل
وانت لو دار الزمان
اتصير صوف ابحلك مغزل
هذا عيدك وانت ما تدري
زمانك دار
لو شكلك تبدل !!
ابو نور 1949
14-04-2010, 22:43
مقاطع من قصيده للشاعر علي كاظم الدرجال الربيعي اسمها ( نهج المجرشه )


ساعه وهلن دمعتي واعتب على المن بيها
يكولون دنياك اكبلت كل الهله اهلن بيها
******
والله لهلن دمعتي وانحر على الزاغيه
واطلع على ابريده او جتف وكـبيبه والعاصيه
لو ادري بالصيكل حسن والعكر والهمليه
ماعاشرت ريم الصحين وسيست تاليها
***

ساعه وهلن دمعتي وانحر على ام سبيته
الناس هارشها الوكت بس السكم جانيته
والله لسولف قصتي للحاكم او حاشيته
وارضه ابحكم قاضي الهوى والروح خل ياذيها
***
ساعه وهلن دمعتي وانحر على الدبوني
واطلع على كميت اوسعد والعيسى والبزوني
واتنومس ابشيمة هلي والوادم الحبوني
واهناك اسولف قصتي ابحاضرها وبماضيها
ابو نور 1949
14-04-2010, 22:48
ومن الابوذيه مهداة الى الشاعر سعدون المكصوصي ( ابوعلياء ) من الشاعر علي كاظم الدرجال


حلوه اويجبر الخاطر **** لحنها
تموج الكاع من تسمع **** لحنها
اشرايك من امد ايدي **** لحنها
علامه اوداله اوشمات اليه
ومن المساجلات بين الشاعرين في الابوذيه
يقول الشاعر سعدون المكصوصي ****
يبو عمار جسمي ذاب وانحل
لان حبل الموادد يبس وانحل
شالوا ماعرفت الضعن ونحل
ادور الكوت مدري الناصريه
جواب الشاعر علي كاظم الدرجال ****
ذبل جسمك يبو علياء وانحل
لان حبل التودهم رخي وانحل
تدور علضعن من شال وانحل
عجيب امرك يبو النفس الابيه****** مع اطيب التحيات
نور على الدرب
16-04-2010, 21:51
;


فهيم عيسى السليم
( كالولي عنك ياعراق )
*************




الى شجرة الرمان زينة البستان
الى اٍبن العراق القديس الفيلسوف الزاهد الصامت
كالولي عنّك بَقجة البستانْ (1)
كالولي عنّك زهرة الرمانْ
لخدود حمرة وتطك قدّاح ورموشك سعف نعسانْ
كالولي عنّك من تجي ريّانْ , كالولي عنك من تِرِدْ ريّانْ
كالولي عنك شوفتك شوغات من لهفة وعشك ألوانْ
كالولي عنك بيرغك ما ينزل وذبتك ناعس وحيرانْ
كالولي عنك من تريد اٍتكول يخرب صاحبك ما يسمع الينكالْ
يتبلهثْ عيونه اٍتشيهْ وكليبه يدك دكة هاون الجيرانْ
كالولي عنك مو جنس اٍنسانْ
كل الحور مشبوبة بجمالك والأنِسْ والجانْ
كالولي عنك كل غوى الحلواتْ والحلوات من يغون يطك بركانْ
كالولي عنك فلفلك حرّاكْ
كالولي عنك آخ من تشتاكْ
كالولي عنك دجلتك لو راكْ , يعزم للكمر بالليل ويعوفه بحلم هيمانْ (2)
كالولي عنك من جنت من جانْ
كالولي عنك من جنت نِمنه واٍجه الطوفانْ (3)
وك نمنه واٍجه
وك نمنه واٍجه
وكْ لاوردة بقتْ لا عطر لا ريحانْ
واٍنذليتْ واٍندليتْ درب المارجع منّه أبدْ اْنسان
درب أسود نذل مسدود بحجار الغدر والموتْ
جحيل الضيم من جلجل على البستانْ
وراحوا خيرة العشاكْ
مرّوا عالنخل دكّوا سلامْ
مروا عالأمل رفعوا الهامْ
مروا بالفرات ودجلتك والهورْ
وتبعوا عالدرب آلاف تبعوا عالدرب آلافْ
مروا بالدرب محّد نسه البستانْ والبقجة وحلم هيمانْ
وراحوا خيرة العشاك
والبيرغ نزل وأرض الوطن تنباكْ
وظليت بهضم ياعراكْ
وكل الفات جنّه وجانْ
لاجن من اٍشطوط الموت والذلة نبع عنوانْ
بالبَقجة بقت نخلة طويلة مهدّلة وتبجي
وبالبقجة بقت هم شجرة الرمانْ
وبالديرة شبح اٍنسانْ بالديرة شبح اٍنسانْ
وهدّت بالألوف الناس
كلْ واحد نبش كبره كلْ واحد عبر جسره
بقجتنه حديد وزَهَرْ
بقجتنه سكاها نهرْ
من دم او دموع وورّد البارودْ
بقجتنه زمن مهدودْ
وكالولي عنك بركة الأحزانْ
كالولي عنّك خايب وتعبانْ
خل نسكي النخل ونضمّد الرمانْ
خل نغسل جراح البيت بالسكتة ومزن نيسانْ
خل نسكت عساهه اٍتخضّر البقجة
وبلكي اٍنعيد جنّه وجانْ
وهم اٍنكول راح انعمّر الديرة
وترجع شجرة الرمانْ
تتوسط ألف بستانْ
وترجع هيبة الاٍنسانْ
فهيم عيسى السليم
(1) البَقجة هي الحديقة داخل البستان
(2) في العامية العراقية نقول أن القمر (عازم) حين تظهر حوله هالة ضوء
نور على الدرب
17-04-2010, 17:42
زغيرة ألامس
راهبه الخميسي

________

يمته أرد ياديرتي لحضن ألدفو؟
وأشهك نفس طيب وعشك
زنادي بيدك ياوطن صحوه وغفو
كردانه تترصع شذر وتلامس ألجيد ألترف
يابنية ألعشرين من عمر ألصفو

يا آخر ألعنكود يزغيرة امس
يلي تدللتي بحضن من دللج
مرت عليج سنين هجران وحزن
أمر ألقدر يامدلله؟
لو طالعج هو ألنحس؟

سيره ومضت كلها ألم يلي دفعتي ألعمر بالثمن ألبخس
وينه ألذي يوفي ويكول
هنا يروحي تدللت؟
جا هيه روحي الدللت كل ألبشر
وألحبت الكيعان وأوفت
ماتريد تضوك ساعات ألعرس؟

جنهه ألحلم أيام عمري أللي أنكضت
كلساع أهيسنك رمح
تغرس غرس
وين الوعد يلواعدت؟
جا هو حلم أخضر تريده ألروح لحظات ألهمس؟
عمر ألجفاف وياك ماهو سنين
يلي رخصت ألمدلله برخص ألرخص
وظلت أماني ألروح متعلكه بزمان ألمضى
يامن جنتي زغيره
ويامن دللج من دللج
ماترجع ألايام وسنين ألمضت
وأرجع يروحي مدلله
زغيرة أمس
_____________________________________________

جا كون أرد
_______

ترفه وحنينه رويحتي ماتحمل هموم ألهجر
عمر ألتعب يا روحي شلج بيه؟
موش أنت ألربيتي مدلله نغمه بوتر؟
تالي ألعمر تجوال ,اسفار وسجن
وتكلل ألعمر ألذي بعد ألتعب رح يستقر
تكلل عمر تعبان بآخر جولته
بكسره وخسارات وفشل بمحبته
ليش ألذي يمنح زمانه بلهفته
ويركض يسابك رحلته
يحضى بأمل مقتول
هذي فرحته؟

جا كون أرد يرويحتي
لذاك ألتراب اللمني
ونضحت بيه عركة جبيني ولوعتي
جاكون أرد يرويحتي
يمكن أشوف أيام ولن وأنكظن
تذكرحلاواتج مراراتج رباج ودمعتج
وهي ألتكلي هنا تعاي
كطره بنهر دجله
وترد رويحتج
وخل حضنج ألدافي يلحبيبه يلف اللي عطش
يرتوي بمزنة دمعتج
نور على الدرب
18-04-2010, 12:54
قصيدة كعب إل حاجي الشعبية للشاعر علي كاظم الدرجال الربيعي

أحنا أولاد الأطرش مصطفى ألكعبي
ابيدرنا عجيد اوحاتمي اوعربي
إحنا امنال حاجي اوعمنا ابو الحمره
والبنده فخرنا او نخوة الدبي
احنا عيون حمره ابساعت الشدات
او من نفرح نغني ابطورنا الصبي
احنا غلوم عمنا اليعكد الرايات
مرمر والمضايف للدرب تربي
انه جد الرسول اومن نسل عدنان
لو تبحث انساب العرب للذهبي
انه كعب ابن يشكر سيد الصحراء
والمرجع ربيعه او قاسط او هنبي
انه امتدت اعروكي ابكل كتر بالكاع
كل شبر السكنته يغرك ابحبي
انه الشجره الثمرها الشبع الجوعان
والشاة اللبنها ايرضع اليحبي
انا ابن العماره الما عرفت الخوف
يحفر كبره بيده اليوكف ابدربي
انا المطكوك باليافوخ طكت موت
بس ماعفت ا صلي او ضيعت تعبي
نضل احنا الاباة او بيت عاصي ازلام
لو طك الفشك اتثني وتعبي
والله احنا زلمنا ماتهاب الموت
او حاضركفن دفني او حاضر التابوت
انه الاسد لو هديت وانه الحوت
(نطفيها لو شبت نارك )
نور على الدرب
18-04-2010, 22:26
عَفى صَبْرك (طال الإنتظار)



عفى صَبْرك .. يَبُو صَبْر الغـِمِيجْ الماوصَل حَدَّّه
ومثل صبرك صبرنا احنا على الشدّات
.. شدّه مْجَلِـّبَه بشدّه!
جِزَر بينا الفرح واشْلَهَتْ بيه الرُوح
.. مامِـــشْ للفـَرَحْ مَــدَّه!
ولا جَفْ لليِتِيم يلوح .. يمْسَحْ دَمْعـِتَه بخَدَّه
علينا الناس عالت وانتَ جاي اتشوف
يَمْتَه العايل تْردّه ؟!
يَ كحْل عيونا ويا فرحة المهموم
جَمْ جَرح اليتاني جفوفك تشدّه؟
يَ فَيْ الكِسَر عَالدنيا
اشْوَكتْ مولاي فَـَيََّـك نِكَعـِد بسِدَّه؟
تِثـَلـَّمْ خنجر الجلاّد من ركَابنا .. مولاي
و رَدْ بركَابنا يابن الحسن .. حـَدَّه!
نطلبك دين يلغايب .. دَ كَوم لدينك و رِدَّه!
- نطلبك ضلع طكـَ بالباب!!
- نطلبك طَـبْـرَة المحراب!!
- نطلبك كَمر طاح عالشريعه وغاب!!
- نطلبك ركَبة العطشان
.. ونطلبك ثلث جبده!!
د كَوم لدينك و ردّه !؟
ابو نور 1949
22-04-2010, 21:49
قصيدة (هذا عيدك ) للشاعر علي كاظم الدرجال الربيعي


غيمه سوده او سنبل اصفر
والحصاد ايريد منجل
وانت خايف وانه خايف
والمصيبه الزرع يذبل
وادري بعيونك وكيحه
اوطير تايه ريشه مبتل
طير كاصد يبني عشه
اوشايل ابدفات صدره
ابذور حنظل
وانه وأنت اوليل اخضر
هم شفت لون الخضار
ابعين تزعل
وانت لونك لون وردي
اوريحتك من تطك صندل
وانت لو دار الزمان
اتصير صوف ابحلك مغزل
هذا عيدك وانت ما تدري
زمانك دار
لو شكلك تبدل !!!!!!!!
مقتبسة من ديوان الشعر الشعبي المخطوط للشاعر
ابو نور 1949
22-04-2010, 21:52
من االشعر الدارمي للشاعر علي كاظم الدرجال

1لطلاطه والصفصاف والشط والعيون **** حطن ابراسي ارسوم خلني مجنون

2 يا قلعة الطيبين مشتاق انه اهواي **** للكرمه للعنبار للجسر للماي

3اْ صبر واصبر الغير واصبر على الصار ****واْصبر على الكلفات لو صارن اكبار

4 مو طبعي اْ طخ الراس واْتلبد ابدار **** هين عليه الموت من جلمة اْ فرار
ابو نور 1949
22-04-2010, 21:55
من الشعر الدارمي للشاعر علي كاظم الدرجال
1عا شرت سمرة لون مزروعه شامات *** انه العشكت الليل بطلوا يشمات

2 بطلوا شماته اولوم ما اكدر انساه *** اْسمه انطبع با لروح وافتهم معناه

3 اْ جمع احروف اهواي خمسة مواويل *** بيهن دوه الكل داي ريحتهن الهيل

4 اْ حلف وحك عيناك ماشفت راحه *** من الصبا الهليوم روحي ابنياحه

5 والله الدهر دولاب صاعد او نازل *** احسب احسابك زين عوف المراجل
ابو نور 1949
22-04-2010, 21:57
صوبت سهم الشوك طيحت طيره**** غنجه اووسيعت عين من الحفيره

2 يلمنحدر بشراع لمريبي زتني **** للواوي للبطاط للسود نتني

3 سيد سعد موجود بالقلعه داره **** كون اْ زلف انه اوياك حط بيه شاره
ابو نور 1949
22-04-2010, 22:03
الدارمي / للشاعر علي كاظم الدرجال
________________________________________
حسبالي صندل طك**** من شفت خده
ثاري الحمار البيه **** ورده علا ورده
من طحت محد كال كوموا نعينه **** حسباله ماتندار واترمد عينه
ابو نور 1949
22-04-2010, 22:08
شعر ألسيد علي كاظم ألدرجال ( أبو عمار ألربيعي )


أصعد ألسابع سمه لو بسمي واحد ** ندى
أومن يلتفت يا صاح جن أوراد جوري ** أبندى
لمن سأ لت ألأ صل كلي من كعب ** أبندى
أو ما بين حيره أوأ مل ضل عدي بس ** ألدعه
أو كلت أليريدك هله وألما يريدك ** دعه
ألناس ما هم سوى بيهم أحرار أو ** دعه
وأليكصد ألزينات لا زم للشدا يد ** ندى
ألأأبو ذيه :
1 تبختر يا ترف ما مش ** بدا لك
أظن زلا ت من عدي ** بدا لك
أ ذا أنه أحب وا حد ** بدا لك
طلعت أنه أبنظر غيرك خطيه
2
أحبك ما أحب غيرك ** بدا لك
شوكي ما بده ألغيرك ** بدالك
ما أ كدر أ حب غيرك ** بدا لك
لأ ن أنت ملاك أمن ألسما أو نا زل عليه
3
.أنخمط ديس ألمحنه ** يرضعنا
أو على يا ديره مدري **يرضعنا
متى محبوب كلبي ** يرضعنا
أطش درب ألا حبهم وا هليه
4
علي يلطلك ألدنيا ** مردها
أجيتك وألمرض روحي ** مردها
أ على شبا جك أمد أيدي ** مردها
عليك حسين مد أيدك عليه
5
كريم ألكا صده أو أيده **مردها
ترجع شايل أبأ يدك ** مردها
عجيبه ألمرض غث روحك ** مردها
أو علي معروف يشفي أمن ألرديه
6
شتلنا أو ماطلع يحمد ** شتلنا
أو على جرف ألصبر يمكن ** شتلنا
أشتتأ مل بعد منه ** شتلنا
وأنه منه أصبحن كسرين بيه
7
عجيد أو حاتمي أو عربي ** شتا لك
أصيرن نار من يكرص ** شتا لك
لا تا من خبر منهم **شتا لك
وأنت ألعا رف أمكر أبن أميه
ابو نور 1949
22-04-2010, 22:11
في رثاء الشاعر خنجر خصاف الشامي للشاعر علي كاظم الدرجال ( أبو عمار ألربيعي )
________________________________________


يبو سعيد طواك الموت وأديارك غدت وحشه
خبر موتك على الطيبين سباح الكلب حشه
مواويلك ترن بذني
وأغانيك تدوهني
ابو ذياتك النسمات لو هبت تفززني
انا الناسي ليالي الشوك
بس شعرك يذكرتي
مثل طير الكطه المسراح
صياد الزمن نشه
فكد عشه
سرح سكران مايدري العدو ياهو
وكع مذبوح بالبارود يتغشه
الك وحشه يبو سعيد الك وحشه
خبر موتك زمن تعبان ماي ابكاع وترشه
يخضر دارمي اوموال جبل شوباش ونطشه
نفوج احنا ابحر شعرك اوتاخذنا إلف رعشه
إلك وحشه يبو سعيد الك وحشه
جنت خيال تمشي ابكاع
ظلمه اوموحشه او هشه
تلاكه الموت والخيال
ملكه الخرسه والطرشه
لاتسمع هذاك أنه
ولايسمع هذا ك انت
اوطواك الموت ياخيال
مطوى العشمه والجمشه
او غدت كاعك تريد الماي
بس ياماي يروي امجودبه او هشه
الك وحشه يبو سعيد الك وحشه

رحمك ألله يا رائد ألشعر ألشعبي في ميسان
ابو نور 1949
22-04-2010, 22:18
عمت عين الزمن ما أنصف اوياي
لو أدري أبد ما فاركتكم
**
أشتريت ألحزن بس يشهد ألكرار
بعت الدنيا كلها أو ما بعتكم
**
يا ما ذكريات أنكضت ويا ك
ويا ماصور با لحيطان ألكم
**
يعمي أشلون بيه أهواي مشتاك
اتمنى أبلحدكم انه غافي
**
تعبان أو رجيج أو نومي شلون
أنه لو أم أنومك با لعوافي
**
يا جمرة حسرتي وطفرة ألروح
على جمر ألقهر أمشي أنه حافي
**
أيا ما كعدنا أو كمنا وياك
يبو كلب ألجبير ولبن صا في
**
ها عمي أشفت كلي أشجره أوياك
رهبة موت كلي ابحالك شلون
**
بعمي ألحزن يثلم ثلم سجين
ويحتاج الينوح الدمعته عيون
**
تعال أو شوف بيتك والحياطين
على كل أثر منك هم يونون
**
أخوتك لو خواتك من يشوفون
ربعك با لمضايف من يضحكون
**
يهل البيت مزنه أو يشتعل نار
أو كبل لايبجي عمك همه يبجون
**
أنه بيه ألنوايب شجن أرماح
أنحنى ظهري يعمي أبدونك أنته
**
صا حبتك جرح من عمري ظنيت
توفيني ألتعب ذاك ألتعبته
**
ما ضنتي أنتفارك وحدي ضليت
ولا كلبي يهود من حسرته
**
شسولفلك يعمي أشسوه ألفراك
بغيابك أتغار الهم حملته
**
شفت ألموت عمي وحالك شلون
الشريف اشما تعب ما يلكه راحه
**
هلك عمي أو مرارالحزن مربيك
تلكه أوجوه مليانه سما حه
**
أنه الردتك يعمي ألساعه ألعوز
لجن طبع الوكت بس الكبا حه
**
بعد عمي حجرتك شايله أهموم
أو بعد كل ذكريا تك طيف بيها
**
من نشتاك الك تا خذنا الهموم
نجي او بجروحنا انسولف عليها
**
يعمي الموت اخذكم وانه ضليت
ابحسرتي الزمن دك دكات وياي
**
الف موته اموت او كلت ارتاح
يا عمي اشكبرها اهموم دنياي
**
أذكر مشيتك والطيب الوياك
يهزني الشوك جنك من صدك جاي
**
افز مرعوب واتعثر با لأشوا ك
احس با لنار تلجمني ابثنا ياي
**
ما ضن الكه مثلك بعد هيهات
انه ابشيمة العدك ارهب اعداي
**
ألف وسفه طواك الموت يا حيد
والف وسفه ايتخطى الفاسد الراي
**
أمس عنكم يعمي ** راحلينه
ولاشفنا بعدكم ** راحلينه
اهواي اعزاز مثلك ** راحلينه
أمن صدورألمجر ألكم تحيه
((((())))))
مع تحيات الشاعر أبو عمار ألربيعي
ابو نور 1949
22-04-2010, 22:22
من أوبريت ( هيله وحمد )
من اجمل ماورد في اوبريت ( هيله وحمد ) من أعداد ألشاعر علي كاظم الدرجال ( أبو عمار ألربيعي )من شعراء قلعة صا لح / ميسان
يمضي حمد في طريقه الى المزرعه وهو يحمل الياْس في جنباته ويقول !
طشوا هلي اوطشوا احبابي **او محد بعدهم يدك بابي
على الطيبين مايخلص اعتابي
هيله تولول لوحدها وكانها سمعت مايقول !
خيال مر بينا يخاله **
اتلوح المراجل على اعكاله
نشمي ولا نشفت ادلاله
وعند عودة حمد من المزرعه في المساء والليل قد ارخى سدوله قال مخاطبا ليل الريف الهادي !
ياليل يلفارش الوحشه **
يمته تروح او تجي الغبشه
لجدامهم كلبي لفرشه
وهيله تغط في نوم عميق وكانها تتمثل بقول الشاعر !
ياولفي اشبع نوم *** نوم العوافي
ماتغفه لو مر بيك *** ليل التجافي

مقتبسه من اوبريت ( هيله وحمد ) الذي عرض على قاعة التربيه في ميسان عام 1973
ابو نور 1949
23-04-2010, 14:00
هيله أشكبرها ألعين من تصد ليه ** أنشغ سبع نشغات وتموت أديه 1
2هيله وثلث تنعام بيكم ولهدوم * * من كثر وني هيله وثلث تنعام منج يهيله
ابو نور 1949
23-04-2010, 14:02
هيله وثلث تنعام منج يهيله ** كلج وفه وطيبات كحيله وأصيله
خادمة الزهراء
24-04-2010, 00:12
كلمات وأيبات رائعة ما وضعتها لنا هنا أخ ابو نور
شكراً ولكم خالص التحية ..
ابو نور 1949
26-04-2010, 22:56
يايمه جانا العيد عيدينا
نقشي رسوم الحنه بايدينا
أصحابي مزهريات
جنهم ورد بطاقات
صرنا شموس ونضوي شوفينا
كل بيت نهديله ورد
نتفائل بيوم السعد
غنوة فرح يايمه غنينا
إحنا كبرنا شبساع
إحنا نبع هاي الكَاع
مطراتك انت ياوطن هيه اللي تسكَينا
مثل العشب أيامنا وسنابل
تظفر محبتنا عشك جدايل
دجله وفرات بميها تروينا
تضحك شمسنا للعيد
ضوّت سمانا من جديد
صاح النخل يادنيا هنينا
ابو نور 1949
26-04-2010, 23:12
هيله وثلث تنعام بيكم وله دوم ** من كثر نوحي عليك سردت ألهدوم
*****

ومن ألأبوذيه ::
أجروحي دوم تدي ** وانه داوي
وتهب رياح صرصر ** وانه داوي
ربح كل داو يسمر ** وانه داوي
خسر وهل الهوى يلومون بيه
*****
.
ومن مطلع اغانيه المشهوره :
ياهوى الجلعه امنشمك وانه عابر علجسر
انسه روحي أنسى نفسي أسكر بليه خمر
ابو نور 1949
28-04-2010, 22:03
ما عندي عين تشوف كسرك يعمي ** خلني بحزن وبعيد غارج بهمي
ابو نور 1949
30-04-2010, 20:51
بالحرثه ضاع الجدم ياهيه ** يابردي
بصيف المكابر علي رديت ** يابردي
ابرد ولا اثمرت بالوكت ** يابردي
ابجرفك يدجله هلي واحباب الي ** يحنون
وشماة بجفوفهم من مد معي ** يحنون
للنار ماظن هلي هامتهم ** يحنون
والحال مدري علت بغيابي ** يابردي

*******
عيوني مشوفه ألج حلي ألشعر ** وأنسلي
انتي ابدلال او غنج وانه احتمس ** ونسلي
خلان جانوا امس لو دلهمت ** ونسلي
واليوم ضاك الخلك راحن ليالي ** السمر
سمرت جرح الكلب مانفع بيه ** السمر
من البيض ما حصلت شمحصل امن ** السمر
يا دموعي ما ظل صبر عوفي الجفن ** وانسلي

*****
ألمشوفه معناها ألمرايه
ابو نور 1949
30-04-2010, 21:01
دللول يالولد يبني دللول
عدوك عليل اوساكن الجول
******
ام الولد تحجي با لذراع
مثل السفينه الشايله اشراع
ما لي ولي اودنكت للكاع
**
بيتك يخوي اشلون امره
مره الحياة اوياك مره
.لاشفت راحه او لامسره
******
رافكتهم محلا رفكهم
من الشمس فيولي ابتفكهم
اوكع ثلث نوبات لامهم
******
ياضعن يلكاطع ألبيده
نمشي وراك امشي ابهيده
بيك المجنه اللي نريده
**
راحوا اوماظنتي يعودون
فدوه الشواربهم والعيون
بيهم فلا خابت البطون
ابو نور 1949
30-04-2010, 21:09
احميد ولك يمه ***حطيت الك ذمه
اكعد يريع الروح *** الدنيا ملتمه
احميد العباره *** كطعت للعماره
وامك المحتاره *** بالضيم يايمه
ابو نور 1949
30-04-2010, 21:18
أنه أول جرح بجه ألسجاجين
وأنه أول قصيده أتسكت ألحروف
**
عهدي أويه ألبواجي وعمري سنتين
وهسه الشيب خط او غطه الزلوف
**
هويتي أتصدرت كل العناوين
وسيف أنه يتحدى اشباه السيوف
**
اوياي اتخالفت كل الموازين
أسرد والوكت متحير أيروف
**
على جلدي الوكت تارك نياشين
تمعنه بضمير وعاين اوشوف
**
واذا تسأل أبن من هذا ومنين
أنه تلميذ من مدرسة ألطفوف
**
أخذت أدروس من مدرسة ألحسين
أو وقعلي أبفخر مكطوع ألجفوف
ابو نور 1949
30-04-2010, 21:37
يطارش خذ كتابي اويا ك ** وصله
على المعرف عما مه امنين ** وصله
اخبره الكلب صار اثنعش ** وصله
وكل وصله تطالب جيبه لي
ابو نور 1949
30-04-2010, 22:00
شموس وصال خلي البان ** غربان

جفا و آمال عهد الگرب ** غربان

ما اشوف بسما الحظ غير** غربان

تحوم بنايحه و تنعب عليه
علي كاظم درجال
01-05-2010, 05:07
يا هيله ما بلكلب من المصايب ** وجل
محمود عمر أ لبشر كلمن أ بساعه ** وجل
رمان خدك عذب أ حمد أ بطعمه ** وجل

تكعد أ في أ لنخل وانه أشتكي ** من برد
والوكت يا منيتي يبرد أ بكلبي ** برد
أنشد على خلتي اْ ويا يوم أ حظى **برد
كلهم تره أ شتتوا سيحان ربي ** وجل
علي كاظم درجال
01-05-2010, 05:08
ياماي رمان خدك للمحب ** ورد اله
وغتاض من كل الورد جي ازهرت ** ورأله
غصبن عليه أ بتعد عن الهوى ** وأردله
ياهيه يا صاحبي اوفي النخل ** فيه
الشوك صار أ فرسي اوليل أ كطعت ** فيه
البحر لو صادفك بجف العزم ** فيه
وان جان وكتك تعس يمكن تعس** وردله
علي كاظم درجال
01-05-2010, 05:11
هيله :
حمد يهواي ** ياسلوتي اْويادنياي
يا غيمه التغطيني ** اوتصد الشمس عن ملكاي
وانت اْوياي ** اْ نسه الضيم اْ نسه اهموم
كل دنياي **
هم تذكر يبعد اجلاي ** من نغفه اعلى جرف الماي

والوادم تغط با لنوم واْحنا اْ معاتت اْ بلا راي

روحين اْ بجسد واحد شبكنه اْلضيم واحنا اْ صغار

ماندري العدو ياهو !!! اْ هلنا

حمد :

لا وحك هودج هواكم ** من يكطعوني وصل اْ ضعن وراكم

هلي ظلام اْ وعفتهم موش اْ بنهم اْنه اْ بنكم *** اْنه اْبنكم
علي كاظم درجال
01-05-2010, 05:20
سليل أ هل أ لمجارم لبس **بته
وبسده طويل أ لليل **بته
لبن كلبي ردت يا ناس **بته
شريفه أومن شريف أو ِشرف ليه
**
سليل أهل ألمكارم ** من عباها
تبشر لون خا يف ** من عباها
تعال أ لنا وخذها ** من عباها
لون ترضه كلب ولسان هيه
علي كاظم درجال
01-05-2010, 05:30
ودعنا أ لغالي أو ردينه
يا دمعتنه اْ و دمعة عينه
راح أ و لعيونه أ شتاكينه
يا ريته أ يحن ويرد لينه
**
يامحنة كلبي أوتعذيبه
شيعيد أ لماضي أ و شيجبه
يا من با لصبر أ توصينه
**
ضيعت عمري لأجلها
ما أ ظن أ لكه مثلها
ألصوج منها مو أ هلها
وانه راضي با لرضاها
أ شكد صبر كلبي عليها
محتار بيه أ و مره بيها
أ تغيرت هيله شجاها
وانه ما أ حمل جفاها
ابو نور 1949
07-05-2010, 21:21
قصيدة ( بحشاشتي )
بحشاشتي سهمك مضى
وعكبك علي ضاك الفضى
أللي حضى بوصلك حضى
والماحضا لاول حض
**
حضه ردي وعمره أحسره
ألذي شخصك مايره
جفني أمعيي أمن ألكرى
مستلذ عكبك وأغمض
**
ماغمض جفني ولانشف
دمعي وروا أجميع السلف
مانايني غير الاسف
ملتهيه ببهامي عض
**
عضي على حبك فرض
واللامني ماله عرض
لو نوخت نوك الارض
ماظن بهمي تنهض
وذانه
وحك ألله وكتابه ** وذانه
تعبنا وكتنا بل ** وذانه
أشك حلكه اليضدني بل ** وذانه
وأشلع شاربه بثنين أديه
ابو نور 1949
07-05-2010, 21:27
قصيدة ألزهراء ألبتول // للشاعر علي كاظم ألدرجال (ابو عمار ألربيعي )
حزنت مره أوضحكت مره
أوياماشا فت ضيم ألزهره
هيه ألكوثر
هيه ألسكر
هيه ألدره
هيه التاريخ ألأسلامي وهيه ألفكره
هيه ألنور ألضوه ألدنيا وهيه ألكمره
هيه أفكار ألمنها ألشاعر ينظم شعره
هيه ألتاج ألفوك ألراس وهيه ألحره
هيه أم زينب هيه ألبلقرأن ألسدره
هيه ألنور بعالم مظلم هيه ألعبره
هيه ألداعت يوم ألبيعه ابحك ألعتره
هيه ألحزنت يوم ألوالد ضمها ألصدره
وهيه ألضحكت يوم ألوالد كلها أبسره
سبحان ألله تموت ألزهره وبيها ألحسره
ورجال اتفكر بالسلطه والوالد مانازل كبره
جاه ومال تريد تحصل والفارس خانكته ألعبره
ولوا مادفن الوالد واجب جا حز الروس المتحجره
وضاع الصوف بحلك المغزل
ياوسفه وبس ضلت ذكرى
وضاع الحك بساعة مندم
وكالوا رايتنا المنتصره
يا ضلع الزهره ودم احمر
سال بساحات ارض الهجره
أشكد وادم حركها الواجب
من الكوفه الحد البصره
لكن حلم الكرار أكبر
من هاي ألناس ألمحتصره
كال الدنيا تهون الدنيا
والشجره أضل دوم مخضره
ياكرار انت الكل مسلم
شمعه تنور دربه وعمره
أه أشكد تحبك وادم
وأشكد بحبك منصهره
نتراهن انه أواصحابي
حب الكرار أشكد قدره
كالوا ندخل بيه ألجنه
كلتلهم وألباقي أنذخره
يازهراء بيوم ألجمعه
ماتت وردتنا ألمبتشره
صوت ألغالي براسي يدوي
للعالم في أجمل بشرى
لاشيطان بهاي الدنيا
ولاطاغي يضل بعد الثوره
ياطوفان الجمعه ألعارم
دوس بجدمانك علجمره
تطلك دنيانا أبحاميها
ماترضه تخليها أمعسره
وأتموت ألبسمه أعلى شفافي
والدمع يهل كطره بكطره
من هدت فشكات ألظالم
صوب ألمهيوب اتحز نحره
سال ألدم بالنجف ألأشرف
مازال ألدم يروي ألشجره
يلبست ألغالي من شفافه
لاتنسه ألوردات ألحمره
درب ألحريه أيريد اكثر
يلصليت بركن ألحضره
ابو نور 1949
07-05-2010, 22:02
قصيدة ( لاتبجين ) للشاعر علي كاظم ألدرجال ( أبو عمار ألربيعي )

لاتبجين دمعاتج على تراب ألكبر طين
لاتبجبن دمعاتج ثكيله وماليه ألعين
أحلفنج أبعشرتنا ألقديمه ودم ألحسين
أحلفنج بنوم ألعافيه ونبض ألشرايين
أحلفنج بشارات أبو سدره وألبساتين
أحلفنج لأن أنت عزيزه وماليه ألعين
أحلفنج بقطرات ألندى وطيب ألرياحين
أحلفنج بشمام ألبنات أمطعم بتين
لاتبجين أضفرنج قصيده أعلى ألحياطين
وضل أغزل بشعرج غزل مسكين
ونه مدوهن بحبج صارلي سنين
وانه أدري أمن أطيحن ماتكصرين
كافي ألنوح بحت صوتج أتصحي ألمجانين
لاتبجين حتى ألكبر ينطر من تصرخين
أشعلي شموع وقري ألفاتحه وسورة ألياسين
وذكري ألله يسمره أو لاتكفرين
صحيح أنت ألوفه وشمعة ألطيبين
وصحيح أنت ألحملتي ألزين وألشين
وصحيح أنت ألمراسيلج دواوين
وصحيح انت أنظلمتي وصاحبة دين
وصحيح أنت ألعلى ألعيله تصبرين
وصحيح انت ألرسمتي أعلى ألورد عين
يهيل أنت بطعم كهوة أفناجين
أذكريني أنه ألشايل محبتج بالشرايين
شتل عنبر على أضفاف ألفراتين
يكاط وعنكر وجولان زاهي ويه ألكواهين
أحس حنظل أبريجي أشماتصدين
لأن كل ألمعاني أتغرز بضلوعي سجاجين
مامرتاح وأنت عيون محبوسة روازين
مامرتاح أجوب ألمدن ملتني ألدرابين
جم عيد اليمروأنت مكدره وما تضحكين
يمفتاح ألمحبه ألقفل زنجر عاكره ألبين
ياوسفه تخلبص غزل عمري أعلى ألطواوين
أمنين أنه أجيب ألجابته أمي ألغاليه منين إإ
ابو نور 1949
07-05-2010, 22:05
قصيدة ( ألمجر ) للشاعر علي كاظم ألدرجال ألربيعي ( أبوعمار ألربيعي )

مجر يامجرأيا مجر
ياغيمة ربيع بمطر
ياجولان زاهي بهور
يابردي وكصب أخضر
ياكحل أليضوي ألعين
ياحنه برجل لسمر
يادهله أليغطي ألكاع
ينبت رازقي وعنبر
ياتين بثنايا ألهور
كاط أوشمبلان أحمر
زهر أخضر طلع خريط
طر ألماي صار أصفر
مثل طعم ألعسل بالريك
جمار ألنخل لو طر
يبلام أليجول ألهور
كلي أبياكتر تفتر
أريد أتناك حتى هناك
نكتب دارمي بدفتر
صرت مغزل بحلك ألماي
لامخلاص لامعبر
شريعتنا كصب مضغوط
وألموكد حله أوجمر
حلم لاجن حلم تعبان
بضلوع ألكصب حشر
دجدم وأربط ألمشحوف
يابلام كلبي أنطر
تعال أكعد تدفه بنار
دار ألكوشه وأتبختر
يبلام ألمنايا أتحوم
فوك ألهور غيم أحمر
يبلام ألسفينه شراع
بس ينكسر تدمر إإ
ابو نور 1949
08-05-2010, 22:10
يلحادي وين تريد بضعون أهلنا ** وأحنا بمرار وضيم وألهم كتلنا
ابو نور 1949
08-05-2010, 22:21
للمعلومات ان هذه القصيده من شعر الشاعر الرائد المرحوم حميد بدر المالكي ( أبو عباس ) من مواليد قلعة صالح
وقد غناها ايام زمان المطرب جويسم كاظم بالأشتراك مع الفنان كريري محمد السلمان وفي نهاية السبعينات غناها المطرب رياض أحمد *
ابو نور 1949
08-05-2010, 22:27
للمعلومات ان هذه القصيده من شعر الشاعر الرائد المرحوم حميد بدر المالكي ( أبو عباس ) من مواليد قلعة صالح
وقد غناها ايام زمان المطرب جويسم كاظم بالأشتراك مع الفنان كريري محمد السلمان وفي نهاية السبعينات غناها المطرب رياض أحمد ( تحت عنوان قصيده لشاعر مجهول )
الربيعاوي
14-05-2010, 23:37
مو ذاك الاعرفك انت من سنين

اطباعك علية هواي مختلفة
**


متغيرة الملامح بيك والاشواك

وجياتك احس مابيها اي لهفة
**


جنت تجرح كبل يومين عندي يطيب

هسة الجرح منك ابد مايشفة
**


وجنت توكف كبل والعين تحجي العين

هسة شبيها عينك شو صفت صلفة
**


كبل حجيك ذهب والناس تمدح بيك

ومن تحجي عسل تتناثر الشفة
**


هسة اختلف حجيك كلة ذم واعتاب

وبكلمن يودك كمت تتشفة
**


على جتافي حملتك سرت بيك دروب

وبنار العشك جمدوب اتحفة
**


مو تدري انة احبك وانت بية الروح

اسهرلك ليالي وعيني ماتغفة
**


شسولف من عذابك بية صار سنين

ونار البية منك ابد ما تطفة
**


شمسح من ذنوبك وانت شو كل يوم

تجرح بالكلب وادكلي ما اشفة
**


طك صبري وخلص والدمع شح العين

وهم البالكلب ماضن بعد يخفة
*8



من عندك نهوني صحبتي واخوان

كالولي صحبتك بالهوى سعفة
**


وكالولي اتركة ماية خابط طين

لتضن بمحبتك يركد ويصفة
**


كدامك بحر مكشوف بس من فوك

لو تنذر عمر ماتكدر اتعرفة
**


كدامك بحر مكشوف بس من فوك

والجوة البحر ماتكدر اتعرفة
**


عاندت ومشيت وكلت رحلة شوك

حطيت البلم وامواجك تحرفة
الربيعاوي
14-05-2010, 23:46
عن حبك ابد ماتوب

اظل للموت احبك وابقى اسولف بيك..
وتظل انت حياتي ونور لعيوني...
وبعدك مااحب صدكني اي انسان..
ولو بينه وبين النار خيرونــــــي...
يكولولي ابتعد عنه تراه نساك..
عنك ابتعد همــه يريدونــــي...
مايدرون عايش بس على ذكراك..
وموبس روحي ساكن انت بجفوني...
كالولي ابتعد صدك تراه سلاك..
كلتلهم وفي محبوبي صدكوني...
ابقه لوصلك انطر وابقه احب جفاك..
يالوحة حياتي واجمل فنوني...
ومادامك تعتنيلي انت وتكول اهواك..
شلي آني بحجيهم خلي ينسوني..
وغيرك مااحب صدكني ماانساك..
ولو كلهه صفت ضدي وتركوني..
الربيعاوي
14-05-2010, 23:54
دك راسك إبكاع العشك
واصعد أمراجف للدف
أيام المزبن كضن
دكضن يأيام اللف
خلاني نيشان الدهر
وزيّر وتر نشابه
بالكوز سدد نبلته
نيشن أبكلبي وصابه
لا بيه أشاكف غدرته
ولا تنفع العطابه
لا تشكي من ظيم الدهر
وأكباله لا تتوسف
لو شاف رجه بالرجل
يفتل أحباله ويلتف
أيام المزبن كضن
دكضن يأيام اللف
غركان واليغرك يظن
أبسباحه ينجه الغركان
لا عون مد أيده إلي
ولا شفت نخوة بطران
علكت عيني بالسمه
مهموم وأدعي الرحمان
هلبت يعاين حالتي
ويحن علّي يتلطف
دعوه ونخيته بالشته
بالصيف نزلي الشف
أيام المزبن كضن
دكضن يأيام اللف
كلناهه غيمه وتنجلي
وتذب مطرها وتصحه
وظلينه ننطر جيته
يغسل أكلوب الملحه
لا كطرة نزلت للزرع
أتبخ الكلب وتفرحه
والنوبه ما طلعت شمس
وكيّل شتانه وصيّف
دك أنكر وشال السلف
والضيف ظل يتضيّف
أيام المزبن كضن
دكضن يا أيام اللف
كالو شمسكم بينت
وجرينه الف هلهوله
ملينه من ليل الظنه
وليل الظلام إشطوله
الدنيه موعوده أبفرح
والفرح بيدك نوله
مدينه نلكط فرحته
دبجات صفكه ونحتف
شو طلع سيباط العنب
من أمس كاضي أمنظف
ايام المزبن كضن
دكضن يا أيام اللف
شمطلوب إلج يا دنيتي
كل العُمر ما وفه
أشحصلنه من كل الجزه
غير اللَهط و الهُرفه
والناس وكفت تستهل
جية العيد أبلهفه
أفتحنه شبابيج الضوه
والفرح جانه وهرّف
أحديثات بجفافي العرس
وكليبي لكليبك رَف
أيام المزبن كضن
دكضن يا أيام اللف
ألبست البياض أتغرنكت
وأتفرعت تانيكم
حسبالي مثلي أبلهفتي
وشوك البكلبي بيكم
أنخلنه مراجلكم زمط
خابطكم وصافيكم
عضينه مية أصبع ندم
لاوينه جم جف وجف
ردينه لهدوم الجِرد
ويوميه من طف الطف
أيام المزبن كضن
هم تكضي أيام اللف
أبسبعة قوالب غسلت
أبصابون سبعه وسبعه
وخايف تسولف صحبتي
حاقد طموحه الرجعه
أشجم هافي يتشلبه البخت
وبيده يطيّح ربعه
بس سمع دكات الطبل
فحطان يركض كييّف
وميزان مقياس العقل
والحرمه أوزن للخف
أيام المزبن كضن
هم تكضي أيام اللف
لا أمزبنايه دخنت
منهوب كل جيس اللف
الربيعاوي
15-05-2010, 00:04
وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه
**

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه
**
حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه
**

مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه
**

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه
**

سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه
**

وحم الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه
.**

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه
**

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
**

وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه
**

يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه
**

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه
**

حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه
**

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
**

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه
**

ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه
**

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه
**

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
**

المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه
**

عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه
**

روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه
**

تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه
**

هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه
**

ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه
**

قوم انصب يصاحب ماتم النه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه
*8

يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه
**

تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه
**
هذا البيه كنتم لايميني
وعذر مافاد بيكم لايميني
لو تكتف يساري وي يميني
هذاك انه الهوى غالب عليه
**

اشمالك يازماني علي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبني بنويه
**

مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه
**

أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه
**

نصحته اولا نفع وياه نصحاي
سكاره احنه بهواه مابعد نصحاي
جفاني وصرت نصي ميت نصحاي
نحيل ولا اثر نكاد بيه
**

وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه
**

اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه
الربيعاوي
15-05-2010, 00:11
خدعني الـــوكت مــر وكــلت غلطان
اشتبه بيه غــلط يا نــــــاس وكتــي

وكـــرر غلــطته ويـــاي مــــرات
تبين عكــس يمشــي وصار ضدي

أعلى أديهه الناس كامت تمشي وياي
وأنه أبرجلــيه مــا أكــــدر أوجـــي

الوكــت لابن الحــرام أيصير وياه
ويه ابن الاْصول أيصير حـــدي

اعرف نــاس ماتعبت ولا يـــوم
أرتقت بيهه الحضارة وبدت تحجي

ونــاس اتمرمرت حد لحظة الموت
عانت من وكتهه وبقت تبجــي

رادت من تجيهه بساعــة الضيم
غدر بيهه الوكت كـــامت تــجــدي

واقـــع حــال شفته وامنت بيه
انتظر كلشي أتوقع منه وكتــي

ذيب الوكــت صار ويفرس الناس
تركهه الناس كلهه ووصـل عندي

مظاهر كلهه صارت هاي دنياك
بريق أيشع عبالك نجم قطبي

يلمع بالمظاهر صح أنه ويــاك
لكـــن بالحقيقة تشوفة مصدي

اهـــواي من المعـادن تخــدع الناس
السراب انشوفة ماي أشكد منمشي

أنـــه هذا الوكــت طلكته فــدنوب
لاْن مايـــوم بيه ارتـــاح بختي
الربيعاوي
15-05-2010, 00:16
((((محتـــــاجك)))








من جرح الجرح يا نار اداور بيك
تبرد من كثر وابكثر يجويني
ذبلت بمحبتك زهرة العشرين
وبريحك طفت شمعة ثلاثيني





ما عوفك بعد ما خذ عهد عالروح
قابل لو حطب للنار ترميني
واتنفس هواك بزحمة الدخان
واكولن هم يحن كلبة ويطفيني





مو ثوب وينزعك جسمي حتى ارتاح
ولا كل يوم طبعي ابثوب تلكيني
احبك مدري ليش وليش مدري شلون
ولا جويات نيرانك تنسيني





ما دور كمت عزت نفس وياك
بس ينجاب طاري اسمك يبجيني
يا اجمل حلم عشتة بخيال النوم
او قيثارة لحن صوتك توعيني





محتاجك حبيب بكثر ما محتاج
واحد يفتهم حجيي ويحجيني
زينتك ضوة وصارت عليك العين
او حرامية العشك ترسن بساتيني





ما تلحك علي انطارة الناطور
من ترمش عيوني انباك تدريني
سولفلي التريدة اجروحي تعبانات
خليني افتهم شتريد خليني
الربيعاوي
15-05-2010, 00:19
حبك مات عدنه احنه ودفناه
و ثوب اسود لبسنه احنه و حزانه


نحزن مو عليك انت حرامات
ما نحزن على الباعو هوانه



نحزن على مضه من ايامنه الحلوات

وخلينه الفرح يركض ورانه



عفنه هوايه لأجلك (وانت ماحسيت)

و لأجل عينك تحملنه المهانه



وتالي بكل صلافه تخون الاحساس

وتطعنّه ب برود و من ورانه



جنت طير وترفرف فوك غيم الشوگ

اطلع بره متريدك سمانه



شلت كتاب حبك من رفوف العين

يل كتابك طلع اسمه (.خيانه.!)



واذا روحي تحن راح اكتل الروح

وبيدي وداعتك انه اكتل انه
وبيدي وداعتك انه اكتل انه
الربيعاوي
15-05-2010, 00:26
شلونك شلون الدار وشلون الاحباب
اذكر جرح بجلاك بشرني ما طاب
**

علمني علنسيان ارد انسه ضيمك
وي غيري شمس تصير بس حصتي غيمك
**

همك وهم الناس وهم هم الهموم
لو وحده منهن بيك ماتكدر تكوم
**
الربيعاوي
15-05-2010, 18:06
عصفور
نزل عصفور ابمحلّتنه
غريب
أكل من حبّات اهلنه
وشرب
من مايات اهلنه
وصار للديره حبيب
ومات عد نخلات اهلنه
والغريب
صلّت الناس
على روحه الغافيه
وﮔﺎلت:
حرام الما يصلّي
اعله الغريب !


شط
نزل شط
الشجره ..جار
ابصحره غبره
من الغبار
ارتوت من ميِّته
وشبّت خضار
وجّف بعد
مانخرت اعظامه
السموم
ونشفت اشفافه
عطش ليل
وهموم
ومات بالصحره
وحيد
ولارهط
صلّت الشجره
عله روحه البارده
وخطَّت
على التابوت خط:
انت شط واحد
حزَّنه اﺸﮔد عليك
احنه والموسم جفاف
ايموت كل يوم النه شط !




أعمى

نزل اعمى
ابفندق الرحمه
نزيل
لاعصى اﺘﮔوده
ولاعنده
دليل
وبعد
ما أول صبح مر
ورسم بعيونه ليل
مات
لارمح اليعرفه
ولاسيوف
ولاسمع حمحمة خيل
صاحب الفندق
بنى اﻟﮔبره مزار
باب فضه
وماي بارد
سلسبيل
الناس من آخر الدنيه
ابحضرته اتطوف
وتسيل
ادموعها
ابحب وحنان
وبالدعاء الطاهر
اﻟﭽفها تشيل:
اللي يريد ايزورك انت
الاولى ابنك
يا براهيم الخليل !
الربيعاوي
15-05-2010, 18:11
عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!
................
اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه
..............
رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟
..............

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه
..................
كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه
.................
متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه
..................
شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه
الربيعاوي
15-05-2010, 18:17
ذكرتك وانتــة ناسيني

ذكرتك والسنين هواي مرت بينك وبيني

ذكرتك وانه ماانساك كلي شلون ناسيني؟

* * *

انه ادري بالبريد تزورة كل ساعة

وادري بيك ذاك الوفي الما غير اطباعة

يدك كلبي وية كلبك نحس اثنينة بأوجاعة

لجن وسفة الدهر فرق مابينك وبيني

* * *

انا بودي اشتكيلك حالتي الصعبة

يااعز الرفاكة ياللي عايش بغربة

نيران الفراك تدري بالكلب ملتهبة

ولون تدري بعذابي ماتأذيني

* * *
وحك ودك وحك ودي فلا ناسي

تجي اسنين وتروح وانتة بأنفاسي

عليك العين ماتغمض يروحي ويااعز ناسي

يل منك عذابي شوكت توفيني؟

* * *
اظل اكتب عليك اشعار للتالي

لاكبلك لابعدك صديق اليخطر ابالي

هاك اخذ كل الذنوب اكشفها للعالي

وشوف اشلون يحكم مابينك وبيني
الربيعاوي
15-05-2010, 18:26
شيخ يتغازل بشابه


مرت شابة أما م رجل كبير في السن فتغزل بها:
الشيخ: ريت الشباب يعود وأتعنى لاهلج
كون البنات هواي وأكدر أبدلج
**

الشابة: ياجدي روح بعيد النفس خضرة
فشلة الحجي الهواي للكاضي عمرة
**

الشيخ:ياترفة خضرة الروح ليش التعدي
أثرت بي هواي كلمة ياجدي
**

الشابة: لاتزعل على الريم لو نفر منك
دوِّر على التهواك من كبر سنك
**

الشيخ: أعرف قطار الشوك مر وجزاني
ودارو عليَّ اثنين شيبي وزماني
الربيعاوي
15-05-2010, 18:34
بهيده على بختك يا كمر .. مساهر واريد اشكيلك



انه غريب ابدنيتي .. مضيّع وادور ابليلك



عن ربعة اهلي ، ودلّة الديوان ، ومواويلك



عن ضحكة البربين لعيون الدلو



عن رقصة الصفصاف والماي الحلو



عن صحبتي، وخلاني , وعيون النهر



بهيده على بختك يا كمر
الربيعاوي
15-05-2010, 18:44
ليش تكسر خاطري ورايد تروح
هيج وبسرعة تكول انساني
رايح الله وياك بس دورني بيك
وعود دليني اذا تلكاني
ليش هسة انة صرت يمك غريب
تايه انة وضيعت عنواني
انت من دكيت بابي بلاية خوف
بيك امنت افتحت بيباني
وانت من طبيت كلبي بكل امان
ومارضيت ايفوت غيرك ثاني
هسة فجاء تريد تطلع مني ليش
بيك انت السبب لو بية اني
انة كل ذنبي احبك بس اريد
اصير فرحة مو تزيد احزاني
حزن جبت انة العمر بس ما بجيت
وانت بس حبك صدك بجاني
انة لجلك عفت كلشي بهالوجود
عفت كل اهلي وعفت خلاني
انة حتى احلامي صارت كلها بيك
وانة باسمك سجلت وجداني
وهسة جاي تريد تاخذ كلشي ليش
اسنين انة انطيك وبلاية ثمن
انطيت عمري وجان بي كومة امنيات
جاي هسة تكلي كلهن خــلصن
شلون وانة دموعي خلصن بس عليك
عيوني تبجي عيون لو هسة بجن
شلون كلي انطاك كلب من حجيت
وابد ما رجفن عيونك باوعن
مني رايد هسة ارجعلك جواب
راح اخلي جروحي هنة يجاوبن
احنة ما نطلب بعد منك تعود
وابد ما نطلب بعد منك تحن
رايدين اترد كلبنا المات بيك
حتى يمنة احنة بكرامة يندفن
علي كاظم درجال
15-05-2010, 22:29
سراب وداعتج ما بقت طِيبَه
عليل وللجرح ماشوف طِيبَه
صدك راح الصديق وراح طيبه
وصدك مات الوفه والله خَطيه
,,,,,,,,,,,,,,,,,,,,,,,,,,,,,,,,,,,,,,,,,,,,...... ..........

جربت هذا الزمن ما شفت بي صاحب
حاصب غدرني وبعد وصاحب فلا صاحب
فضلت ابقى بغرب وحدي بلا صاحب
يا دنية بعد شناوية عليه
\\\\\\\\\\\\\\\\\\\\\\\\\\\\\\\\\\\\\
سبحة أمي وتربه وقبله
وراس أمي اشمنه وقبله
الموت أرضه بي انه وقبله
ولا أرضه بزعل أمي عليه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,

وثيقة بكل فخر كلبي وثقلك
وجبل ماشفت باخلاقك وثقلك
الك يرخص دمع عيني وثقلك
الكلب لمن يدك يوكع بدية
علي كاظم درجال
15-05-2010, 22:41
أكدر اكول اشتاق وكذب عليكم
بس اني مو مشتاق ميت عليكم
**

تدري اشوكت انساك كلش فرد نوب
من تسمع الشيطان تاب من الذنوب
**

امشي وارد ردود وذكر هواكم
كون برصاص يموت كلمن نساكم
**

سالم اريدك دوم يل عني مبعد
وهمومي كلهة تزول لو يمي تكعد
**

من كلبي الك تمثال من دمعي منحوت
ما ينكسر ويطيح صدكني للموت
**

يشتعل كلبي بنار من ما اشوفك
انعل ابو الينساك لابو اليعوفك
**

كالولي عوفة اسبوع خل نستفزة
كلت الدقيقة هواي ياناس اعزة
**

البرد لو مر بيك بعيوني اخليك
وبضلوعي اشعل نار بس كون ادفيك
**

اليوم ترة الاحد وماكو بغلاتك احد
والك مني الف بوسة بس لا تكول الاحد
علي كاظم درجال
15-05-2010, 22:52
لاتمر لا تنشاف شنهي القضية

والمحب والكراه شمتة بية
**



بطلت ما امر بيج معروفة الاسباب

بارخص ثمن ياحيف بعتوني ياحباب
**


لاتعتقد بعناك والغالي انتة
والنظر والدلال لجلك رخصتة
**



خلي النظر للشوف والكلب للود

لكن كفاك النوب لامرولا انشد
**



يلي رضعت وياك لتشح علية

تدري الاخو ينراد لاختة تجية
**


يلي رضعت وياج من درة امي

بعتابج تزيدين علية همي
**




الروح حنت الك والعين مشتاقة

وتدري اليحبة الكلب مو هين فراقة
**



بالعتبة شفت دموع من طول جفاك

ثاريهة حتى الباب يبجي علة فركاك
**



اقبل يمن بجفاك ما عندي كل راي

وبوحي جاي اشريك تقبلني شراي
**


ينزف دمة الدلال بس كتلك يهون

مد ايدك وداويه يا حلو العيون
**



لا تبعد انا ارجوك جنني بعدك

يمي واكول بعيد وعليك انشدك
**



ريت العمر لا طال صرت احسد المات

عمر وخلص بالظيم وهموم وخسارات
**


يا صاح دمعي نشف ما ظل دمع بالعين

فراق النحبهم صعب شك الكلب نصين
**


وينكم احباب الروح مشتاقة اضمكم
صح امشي بين الناس بس روحي يمكم
**



كون الكلب بي باب ينفك تشوفة

لو شفت غيرك بي حقك تعوفة
**






للصاحب امشي بليل للخوة ممنون

لونشف دمع العين ابجيلة العيون
**








احبك من صغر سنك وي اهلك

اليحبك ليش يتعذب ويهلك

اغار عليك من تحجي وي اهلك

اذ ا وية الغريب شلون بية
**




يجيني الشوگ لگلبي واردة

يحاول يحچي وية احساسي واردة

ويگلي ارجع لمحبوبك وردة

گتلة محبوبي من خان بيه الزمن رد علية
**







فراكك هدني ولا خله بيه ابد حيل

وياهو اشكيله يكلي يستاهل والف حيل

كلما تدوس على كلبي اكولن بعد حيل

دوس وخلي الوجع يزداد بيه
**





وحگ الله وقضاه بسماه وارضه

بغيرك لاتضن أقتنع وارضه

عشرتي مثل الخشب وارضه

تلفت احشاي يوم اسكنت بيه
**



دموعي من الهجر حزنت وسالت

وعلية احباب ما نشدت وسألت

الف دمعة الجرت مني وسالت

ولادمعة الجرت منهم علية
**





مشيت ومعرفت قصدي وانا وياك

واذا ونيت احس كلبي ون وياك

علة ايدي جانت الدنية وانا وياك

عفتني وطاحت الدنية من ادية
__________________
علي كاظم درجال
15-05-2010, 23:00
لاتمر لا تنشاف شنهي القضية

والمحب والكراه شمتة بية
**



بطلت ما امر بيج معروفة الاسباب

بارخص ثمن ياحيف بعتوني ياحباب
**


لاتعتقد بعناك والغالي انتة
والنظر والدلال لجلك رخصتة
**



خلي النظر للشوف والكلب للود

لكن كفاك النوب لامرولا انشد
**



يلي رضعت وياك لتشح علية

تدري الاخو ينراد لاختة تجية
**


يلي رضعت وياج من درة امي

بعتابج تزيدين علية همي
**




الروح حنت الك والعين مشتاقة

وتدري اليحبة الكلب مو هين فراقة
**



بالعتبة شفت دموع من طول جفاك

ثاريهة حتى الباب يبجي علة فركاك
**



اقبل يمن بجفاك ما عندي كل راي

وبوحي جاي اشريك تقبلني شراي
**


ينزف دمة الدلال بس كتلك يهون

مد ايدك وداويه يا حلو العيون
**



لا تبعد انا ارجوك جنني بعدك

يمي واكول بعيد وعليك انشدك
**



ريت العمر لا طال صرت احسد المات

عمر وخلص بالظيم وهموم وخسارات
**


يا صاح دمعي نشف ما ظل دمع بالعين

فراق النحبهم صعب شك الكلب نصين
**


وينكم احباب الروح مشتاقة اضمكم
صح امشي بين الناس بس روحي يمكم
**



كون الكلب بي باب ينفك تشوفة

لو شفت غيرك بي حقك تعوفة
**






للصاحب امشي بليل للخوة ممنون

لونشف دمع العين ابجيلة العيون
**








احبك من صغر سنك وي اهلك

اليحبك ليش يتعذب ويهلك

اغار عليك من تحجي وي اهلك

اذ ا وية الغريب شلون بية
*







فراكك هدني ولا خله بيه ابد حيل

وياهو اشكيله يكلي يستاهل والف حيل

كلما تدوس على كلبي اكولن بعد حيل

دوس وخلي الوجع يزداد بيه
**





وحگ الله وقضاه بسماه وارضه

بغيرك لاتضن أقتنع وارضه

عشرتي مثل الخشب وارضه

تلفت احشاي يوم اسكنت بيه
**



دموعي من الهجر حزنت وسالت

وعلية احباب ما نشدت وسألت

الف دمعة الجرت مني وسالت

ولادمعة الجرت منهم علية
**





مشيت ومعرفت قصدي وانا وياك

واذا ونيت احس كلبي ون وياك

علة ايدي جانت الدنية وانا وياك

عفتني وطاحت الدنية من ادية
__________________
ابو نور 1949
17-05-2010, 23:42
شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله
***
إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع
***

اقعد ابتالي الليل وادعي ابصلاتي
ياربي بعد افلان شلي ابحيــــــاتي
*****
ارد انصحك يافلان هذي النصيحه
عوف اتلف وادور حب الصريحه
*****إ
لي تطلبه ايصير بس أمر انــته
أو لاتعب الجلمات أشرلي سكته

الرد
أطلب وقلك صار تامرني أنــــته
عمري من أول يوم بسمك رهنته
******
ميت والمعزيات يبجن عيـــــاره
طفن على التابوت راس الجكاره
******
الدهر شل يمناي شل يسرتي الــــــبين
جابيش اصبر الروح بيش امسح العين
******
من كثر حر الضلع أحترقن هدومي
وتسعين ناقة وجمل ماشالن همومي
ابو نور 1949
17-05-2010, 23:54
جذع ميت

يحسدوني عليك المادرو بية

جرف حاضن الجاري وما حضة بمية

يرد جف ايدي خالي وضلعي كصة الروج

والناعور يغرف بية ليلية

احرس للصبح لاتبوكك عين

وتفك الباب بيدك للحرامية

موكلمن حلو من تعاشرة يوافيك

يمكن موحلو ومامقتنع بيه

مرات العسل للناس سم ايصير

والحنظل دوة والنار حنية

شوف انتة بجمالك ياهو اليجاريك

وشوف اشلون كلبك كلب زهدية

ضعيف انه اعترف وضلوعي محسوبات

بس واضح وياك وصافية النية

وصحيح انه اهلي فقرة وثوبي شكة العوز

بس وداعتك جني املك الدنية

اختاريتك اهل من دون كل الناس

وك ياهو الكدر يختار اهالية

لو كلمن عشك ناعم تهنة وياه

عفتك من زمان ورافكت حية

جذع ميت وانطرك روح وين تروح

الشمس لازم تحودك تكعد بفية
ابو نور 1949
17-05-2010, 23:58
عايش وحك عيناك لكن شعيشه
ناري وصلت للطير حركتله ريشه
***

نارك تصل للطير وتوصل لهل حد
شلون الي فوك الغيم نيرانه تصعد
***

نارك تصل للغيم متعجب بهاي
اثرت بالمريخ نيران الوياي
.***

اثرت بالمريخ وانطفت نارك
البالسمه السابع صاح ياربي جارك
ابو نور 1949
18-05-2010, 00:05
يا منهل الروح
يا منهل الروح روحي لو ترد **منهلك
ما جان طول العمر شكوى انبدت** منهلك

تدري بهلاكي وتناشدني بدهر **منهلك

منهو الك غيري وغيرك ما هلكني ** احد

واهلك رموني بتهم من نار هجرك ** احد

سلمت امري وامرك وامرهم بيد واحد ** احد

منك عسى الله ياخذ حوبتي ** ومنهلك
ابو نور 1949
18-05-2010, 00:19
كَلي شراح اكَلك وانته راح اتروح
وليش اتلح عليه وتنتظــــر ردّي
هذا السان حالي دموعي تحجي وياك
وراح اسكت واحجي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
ضل وياي اريدك والبقن جم يوم
وهل جم يوم صارن حدك وحدّي
خليني ارد اشوفك كَمت احسك طيف
وياعين التكض الطيف اليعـــــدّي
صرفنه اسنين حبنه وخلصن تبذير
وعلى يوم النشوفك باجر انجــدّي
اخذني وياك اريدك مااريد الغير
وكون ابسدك اكَعد واكَعد ابسدّي
لتخليني وحدي منين اعرف الناس
لااكَدر اعاشر لا خلكَ عنـــــدي
احب اشلون غيرك من اود اشلون
وانه وياك كلش خلّصـــت ودي
ابكَد حبك النفسك جنت اناني وياك
ومنو ابكَدك يحبك محد ابـــكَدي
يل بيه ويه روحي الطلعه طلعت موت
شيردكم علي لو صيحــت ردّي
اخذني وياك مني اشعندي باقي وياي
وكلي وياك اخذني وكلشي لتودي
شيصيرن بعد خل اليصير ايصير
خل كلشي الأليه وينكَلب ضــدي
خل اسنيني تغركَ خله عمري يفيض
خل اكَبال عيني وينهدم ســـــدي
خايف صح جنت بس جنت اخاف عليك
والمن بعدك انته وخايف اشعندي
ابو نور 1949
18-05-2010, 00:26
دمع العين داريته والك دار
ضيم الوكت ماهزني والك دار
الك حصه بوسط روحي والك دار
واكًطعهن اذا تحتاج اديــــــــــــــــــه
*****



قلم كًلبي وتداين ورقه منـــــك
وابد ماكو ا بمعزتك ورقه منـــــــك
اسجلك انت الاحلى ورقه منـك
واكتب لافته محجوز اليـــــــــــــــه
*****



بعدني وياك عـالعشـــــره ولا زال
وحبـــــــــــك بالكًلب ثابـت ولا زال
بعدني صـــــــادق بحجيي ولا زال
واظل اهواك لآخر نفس بيـــــــــــــه
*****



اعيوني من فركًاك مبتليه بالهم
اضحك تسيل ادموع اسكت تصب دم
***



للنار اروح اوياك لورايد امشي
جنه وعكًب عيناك ما تسوه كلشي
***


تدري شكثر يفلان وشكًد احبك
من كثر ما اشتاكً مرات اسبك
علي كاظم درجال
18-05-2010, 23:13
ما اكدر اضل عايش حزين وياك
وانت بغير عالم واني هايم بيك

مامجبور اموتا ً واشتعل وانهار
ولا مجبور احير بعيدك شانطيك

نسيتك من شفت بيك الكباحه اشكال
من شفتك تحب وتساند الياذيك

جنت مثل الدرع واكف اصد الناس
واطك بوجه اليحاول يمس طاريك

ومن انه اتعبت انت ادفعتني بساع
شلونك ماكلتلي ولا كلتلي شبيك

رحت بكل صلافه تعانك الباعوك
وبيديهم تخلي كبالي ذني ايديك

مريض انت صدك راجع طبيب ارجوك
مجنون انت كلش ماجنت ادريك

ما اشكيك ابد لا والله ما اشكيك
وما اخليك ابد نص كلبي ما اخليك

روح اركض وره العافوك يامسكين
يا مــــمــــروض يا مدمن عله الحلوين

روح انت مثلهم ضايع وجذاب
وهم عندك مثلهم للأسف وجهين

اريد احجي واريد ارتاح من الليل
وشيفيد الحجي ويه الغدو ميتين

مثل اطرش كعد بالزفه انت اليوم
ورغم صغرك اضن عمرك صبح تسعين

مرحوم انت ميت عندي من اشهور
وكل شهر اني احسبه براسي عشر سنين

واذا ذكروك هسه كبالي اكلهم مات
اقرو الفاتحه ونقراهه الك مرتين
ابو نور 1949
18-05-2010, 23:45
احس متغير اني ومالي خلك الناس
واحس تعبان كلبي من الوكت مقهور
**
مثل غيمة حزن تمطر علي كبريت
وانه بنار عايش والدموع تفور
**
كل يوم الأمس مثل الفيلم ينعاد
وباجر والامس والجاي نفس الطور
**
غيرني الوكت غيرني حيل وياه
وفوك الضيم الاكشر بييه ضل يدور
**
ناعور الدهر يسكيني جان اشعاار
وافتر الوكت وانه الصرت ناعور
**
جنت اضحك واسولف ويه هذا وذاك
عله غفله ولكيت الناس كلهه تجور
**
ماتت للأسف كل بسمه فوك شفاي
وياحيف الرماني بلاذنب مغدور
**
طرت بجناح واحد للفرح فد يوم
اشو حته الفرح ردني بجنح مسكور
**
ضيعت البخت وانه الجنت محضوض
حته ويه العشك ما عشت لحضه بنور
**
يـــــــــــا كلبي شكثر عذبتك انت وياي
احس كلبي عله كلبي من الحزن مفطور
**
لتكابر بعد واكتب جــــــــــروح البــيــك
لتمثل بعد كلش صعـــــــــب هـــــالدور
**
يــــــــاكلبي الندم ياكلني صبح وليل
شيبتك غصب وك انه مـــا معذور
**
جبت بيدي العذاب وعذبيتك ليش
جنت مرتاح انت وماجنت مجبور
**
استاهل حزن واستاهل اكثر حيل
عساني بنار أشب وبالدمع معصور

*****
مع شكري للمندائي المتميز*
ابو نور 1949
25-05-2010, 04:28
أبوذيات حب
صحبتك ليش كصرت ماطلتها
وانا الدنيا على مودك ماطلتها
جنت لك فرصه سهله ماطلتها
خسرتني بسس بطرانك عليه

قرص نعناع خدك وانت هيلة
الحسن بس لجنابك وانت هيلة
تراب اللحد بيدك انت هيلة
ويضل اسمك حلو وغالي علية

اسكي ضماي من شفاك وردة
يلخدك جميل تكول وردة
ردية احوالي بين الناس واردة
اذا بالبوسة هم تبخل علية

موحب بكلبي هذا ورم شاك
واذوب بشوفة عيونك ورمشاك
اظل للموت امشي ورة مشاك
لان روحي التحبك مو بدية
______________
ابو نور 1949
25-05-2010, 04:33
موبيدي احبك
حبيتك بروحي وما حجيت وياك



لان خفت امنكلك تبتعد عني


وضميتك بكلبي وما كلت للناس


ورضيت ابقى بعذابي ولوعتي ووني


بس لشوكت اصبر .., والصبر محدود


وانت بنظرتك يوميه تكتلني


معروفه اليحب بس الكلب ينطيه


بس انت شلع من عندي ماخذني


على جروح الكلب تتمشه من تفوت


ومن دمعات عيني جفوفك تحني


بعيونك سوالف بيها الف تفسير


وحرت يا نضره منهن بيها تقصدني


اريد تحس عذابي ومثلي كون تعيش


ليش انه الوحيد الشوك ياكلني


وليش انه انهضم واتحمل اللوعات


وانت بكل وكت مرتاح وتغني


لازم تستمعلي وتفتهم مني


اشوفك جوه اشايل من هموم


واشوفك نار كلبي البيك تحركني


وراها بكيفك انت تقرر وتختار


لو تبنيني بيدك لو تفلشني
ابو نور 1949
25-05-2010, 04:38
بوذيات حب
صحبتك ليش كصرت ماطلتها
وانا الدنيا على مودك ماطلتها
جنت لك فرصه سهله ماطلتها
خسرتني بسس بطرانك عليه

قرص نعناع خدك وانت هيلة
الحسن بس لجنابك وانت هيلة
تراب اللحد بيدك انت هيلة
ويضل اسمك حلو وغالي علية

اسكي ضماي من شفاك وردة
يلخدك جميل تكول وردة
ردية احوالي بين الناس واردة
اذا بالبوسة هم تبخل علية

موحب بكلبي هذا ورم شاك
واذوب بشوفة عيونك ورمشاك
اظل للموت امشي ورة مشاك
لان روحي التحبك مو بدية
______________
ابو نور 1949
25-05-2010, 04:45
*الطير الطار من ايدي والاخر
وبيتي بجينكو مسكف ولاخر
و واحد لحيته طويله والاخر
يكله يامثكل لحيتك عليه
***



انا اخسرت كلشي و عشرتك مالي منها
و جروح ايام وصلك مالم منــــــــــــــــــــها
و انا روحي بغيابك مال منـــــــــــــــــــــها
و احس بيها ثكل صارت علــــــــــــــــــــيه
****



انا عذول من البواجي جار مني
و عليك الدمع صدك جاري مني
انا تمنيتك تصبح جار منــــــــــي
و اظل امكابلك صبح و مسيــــه
***



*بس انت القلب حبك ولك راد
شما سافرت وابعدت ارجع ولك راد
علتي ماعرف بيها عرب ولكراد
اون عليك كل صبح وكل مسيه
***




*سواجي الدمع فوك الوجن ونهار
وناري اعليك تسعر ليل ونهــــــار
نص ساعه انتلف بجفاك ونهــــار
اشتظن لو طول افراكك عليه
***


أنت الشمس و أنت البدر منهل *
و شفافك طعم العسل منهــل
كـَلبي بس ألك يا ترف منــــهل
الورد من تمر ياخذلك تحيــــــــة
***



يمسافر متى الجية
افكر بيك ليليه
الك تذكار ما ينمحي
ولك شمعات ما تنطفي
اشوفن رسمك اكبالي واحس انك فلا مسافر
واطير من الفرح عالي
وارد مكسور انا الخاطر
يمسافر متى الجيه
***



*احبابي شلون حالتكم بعدنا
شبيدينا والوكت عنكم بعدنا
اذا انتم نسيتونا بعدنــــا
بذكركم كل صباح وكل مسيه
****



دخنت من التتن دنهل وسومر
وكلبي من هواك سنجر وسومر
احبكم من عهد بابل وسومر
ولك حتى حمورابي انكسر قلبه عليه
***




قلبي عليك مثل الذهب واصفه
جمالك يصعب على الكون وصفه
عليل انى وطبيبي وصف الي وصفه
خدودك والشفايف صيدليه
***




سجاجين الوكت بالروح .. بردن
واحس الجسم وكت الصيف .. بردان
أنا ابردنين رحت وأرد .. بردان
واخاف الغربة تاخذ حتى ادية
****




كَـلبي الجان الك مسكن و لكـــــــدار
أبجفاك الحزن شل حاله و لكدار
الوكت دولاب مل مني و لكدار
و انت و الوكت صرتوا عليه
****



يلي كلبك مثل الصخر ولا حن *
سهام كلبك وصلن لكلبي ولاحن
بحبك صرت شاعر ولاحن
يمته نتلاكه انه وياك سويه
****




انا بلياك حتى الماي مرمر
كـَلب شفاف كـَلبي وانته مرمر
عجب يرضيك يا خلي اتمرمر
هلي والناس والدنيه عليه
****



مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنيــة
****




احبك ما أحب عل الأرض ســــواك
سبحان الذي من طــــــــين سواك
بشر لكنه ويال القــــــــمر ســـواك
واحد فوق واحد بــــــــــين ايــــديه
***




حبيبي اديارنا لـــــــوجيتوا مرهــا
أونفسك عالوفـــــا والطيب مرها
أنا عشرتك ضقت حلوتها ومرهـا
بويا طلع مــــرها أمر امن المنيـه
****




أبات الليل بالحـــسرات منطــــر
تضل عيني على البيـبان منطــر
شفت خذها عبالي الفجر منطر
قمت صليت من غــصبن عليـــه
****




تبنا من العشـــــــق واردود عدنــه
وحسبنا اسنين مره وتــــــاه عدنه
أهوايه بالسلف حلـــــــوات عدنـــه
لون روحك صدق خضره وطريـــــــه
****




احباب الي نحبهم مارادونا
جفونا وبجفاهم مردونا
ولك صرت طوبه ويلعب بيها مارادونا
مدكولي بعد ياكولجي يلحك عليه
****


وحكـَ العين ثم اللام واليا
دوم اسال عليك الراح واليا
ترا والله ان لزمت عليك وليه
لسوي مثل ما سويت بيه
****




حروف اسمك على الذرعان دكيت
أو ابد موخوش دكه وياي دكيت
أساس وياك طين أبطين دكيت
نَثَّت والبنيته أنهدم بيه
****





أحس هزني عليك الشوكـَ يا صاح
و ما أدري زعلنة غلط يا صــــــــــــاح
صوتك بالشدايد علي يا صـــــــــــاح
أجيك محزم بروحي الأبيــــــــــــــــه
****



تشوف همومي بعيونك و ترها
وتغيب و تقطع بروحي وترها
يرهيك الوقت يسمر وترها
وتصير إنت أبو الراهي عليه
ابو نور 1949
25-05-2010, 05:00
[center]بهيده على بختك يا كمر .. مساهر واريد اشكيلك

انه غريب ابدنيتي .. مضيّع وادور ابليلك

عن ربعة اهلي ، ودلّة الديوان ، ومواويلك

عن ضحكة البربين لعيون الدلو

عن رقصة الصفصاف والماي الحلو

عن صحبتي، وخلاني , وعيون النهر

بهيده على بختك يا كمر

******
ياجمشه ياأم الوفا شالوا اهلنا الطيبين ** ياوسفه ضل بس العطر من مسك اهلنا الحلوين
/center]
الربيعاوي
28-05-2010, 19:01
في السادس من كانون 1921ميلادي تم تأسيس اول كتيبه للجيش العراقي تحت أسم ( موسى الكاظم ) وكان من بين الذين تم سوقهم ألى ألخدمه العسكريه ألمرحوم ألسيد كاظم ألدرجال / أحد مختاري قلعة صالح وقد تم نقلهم بمركب كان راسيا على شاطىء دجله وعندما صعد السيد كاظم الدرجال الى المركب وكان شابا يافعا نظرت اليه امه المرحومه ( حسن ) وبكت وصاحت بطور النعي المعروف بشدة وقعه على النفس لومضة الحزن العميقه فيه وقد أبكت جميع ألواقفين على الشاطىء ( لن أنسى ذلك الموقف ماحييت ) :::
ملوا ألمركب ملوه
وعزيز كلبي صعدوه
وللجيش من عدي خذوه
يلولد يبني ألمن عفتني
للقهر يايمه أركنتني
كاظم ولك يمه
كاظم الحداره كطعت للعماره
وأمك المحتاره بالضيم يايمه
المصدر / مقابله مع المرحوم سليم خورشيد ألبياتي عن تاريخ قلعة صالح ( موجز تاريخ العماره )
الربيعاوي
28-05-2010, 23:44
فدوة تـــروحـلك هلناس
واولـهـــــــم اروح انــة
الجمال البـيـك شمسـوي
بحــــسـرة كلـب خلانـة
ربـك مــن عـسل سـواك
واحنـــة بطـين ســوانـة
عيون الناس كلها عليك
وانة عيــونـــي خجلانـة
جـــمـالك دوخ الحاسـود
سبحانة الخلق سبحانـة



****

اتمنـــــة بتهـم محبـوس
مــــــــؤبــد بلسجن انـة
وانــــت القاضـي اتمنـة
وكلبـــــك هيـة زنـزانـة
تـعـذب بــيـة ميخــالـف
روحــــي والله فرحانـة
عشي هــوة كلبــك صـار
وبيـتـي تـاه عـنــــوانـة
احبك جــيـت الـك عنـاي
حياتـــي ليــــك ولهـانـة
ابو نور 1949
29-05-2010, 09:37
هاك استكانة جاي أشرب عوافــي
دزيته لك مخصوص يامايه صافي
*

رش الدرب تيــزاب حافي أعتـني لـك
جا شـلي بالرجليـن الما تجي لــــك
**
لو ترش مو تيــزاب لو تزرع ألغــام
اللحم خلـه إيروح أوصلـــك إعظـام
**

كل ما يجيني الليل أذكر وفــــاكم
واذكر محاجي الطيب أبجي أبرهاكم
**

ويا النجم سهران وايدي أعلى خــدي
الليل أوظلام الليل شو كلها ضـــدي
**

وحدي ابنص الليل بس حيرتي أوياي
أبجي أعلى وقت الراح واتنطر الجاي
**

يالتون تالي الليل سمعني حسك
لولا القلت والقال لعبر وونسك
**
شحجي وتريد الناس من عندي أحجـي
دمعتي إبطرف العين بس أحجي أبجـي
*

للخوه ماقضيت شي ماقضيته
حتى الصخر ياناس أتوسديته
*

انت العطش والماي وانت المشوفـه
ورمشك وحق عيناك بالكاس اشوفه
**

أرد انشدك وارجوك صارحني يهواي
تذكرني لوغصيت من تشرب المــأي
**

نارك يخايب ماي مومثل نـــاري
اومن يسري بيه الشوق يحترق جاري
**

هم حلو .هم إزغيــر .. هم أزرك عيون
بس بيه طبع مو زين من يوعد إيخــــون
الربيعاوي
29-05-2010, 13:08
هو / آنه اللي عيني اعليچ واصل عماهـــــــــا
اتحدى كل الناس تبچي أبچاهــــــــا
**

هي / وآنه الدموع اعليك ابچيها اشكـــــــــــــال
وتدري انت فص العين من وشلـت ســــــــــــال
*

هو / صاحو عليَّ الناس واسمع ولا چــــــــــــن
گالوا خذاه الشوگ هذا الولـــــــــــــد جــــــــــن
*

هي / لو تدري آنه اشلون مبتليه بيهــــــــــــم
عمدة من امر يحچون باسمــــك حچيهـــــــــــم
**

هو / خل تحچي كل الناس بالچ تصــــــــــدگين
ولا يبقى فكرچ دوم بيهم تفكريــــــــــــــــــــــــن
**

هي / ماصدگ الينگـــال بس بيـــــك اصـــــدگ
لن نبضي آنه وياك كـــــــل ثانيـــــــة ايــــــــدگ
**

هي / لو تدري حالي اشلون من بعدك اشصار
چا گلت عفيه اعليچ متحملـــــــــه النــــــــــــار
**

هو / شوفي آنه حالي شلون من كثر الهموم
بس رسم فوگ الگــاع سترنـــــي الهــــــــدوم
**

هي / اتمنى طيرة الروح واوصل واحاچيـــــــــك
واگعد وحط الهمــــوم يمــــــــــك وابچيـــــــــــك
الربيعاوي
29-05-2010, 13:20
بفراكك..
حرقت هدومي الحلوات
نشفت الدمع و الريج
وفلّيت الشعر عالمعبر بريسم
واتاني تمرّ..
وكم شمس التغرّب ..
وانته ما مش صوت
و بـحـرقــــــة أحــــط ايــــدي ...
واشك الزيج
و اكولن ليش يا ربي ...
خلص كل حزن الحليوات ..
وآنه بضيج
يا ربّي ..
كل شط عبرته الوادم
جا ليش الاريده يصير شطّه اغميج ..؟
واتنطر تمر .. مثل العراق بعين البعيدين
وتمرّ الشمس بالعين
ويمرّ الكمر بالعين
ويضيع النجم بالعين
واشهك من اشوف الناس..
تمشي اثنين..
كلها اثنين ..
وآنه وحيدة يا روحي ..
تعلكم وسط حلقي الريج
ياشط الفرح .. رد للحديثه اردود
رِد اغميج
خـــلــينــــي أفـــــــوج ويــــاه ..
ريــــــج ابريـــج
*******
الربيعاوي
29-05-2010, 20:36
سراب وداعتج ما بقت** طِيبَه
عليل وللجرح ماشوف** طِيبَه
صدك راح الصديق وراح** طيبه
وصدك مات الوفه والله خَطيه
,,,,,,,,

جربت هذا الزمن ما شفت بي** صاحب
حاصب غدرني وبعد وصاحب فلا** صاحب
فضلت ابقى بغرب وحدي بلا** صاحب
يا دنية بعد شناوية عليه
*******
سبحة أمي وتربه ** وقبله
وراس أمي اشمنه** وقبله
الموت أرضه بي انه** وقبله
ولا أرضه بزعل أمي عليه
,,,,,,,,,,,,,

وثيقة بكل فخر كلبي** وثقلك
وجبل ماشفت باخلاقك** وثقلك
الك يرخص دمع عيني** وثقلك
الكلب لمن يدك يوكع بدية
الربيعاوي
29-05-2010, 20:47
اسمك حلو يهواي ومحله حروفه
ورسمك يا غالي دوم اتمنه اشوفه
**

مرت عليه ايام حالي تمرمر
كلبك علي يهواي يمكن تغير
**

اسال سواد العين والكمر لو هل
بعده حبيب الروح يذكرني لو مل
*

راح احتمل فركاك بس عندي شرطين
لو روحي تبقى وياك لو تاخذ العين
**
**شفتك كمر يهواي وبليله ظلمه
وبين عليه الشوك واشلون اضمه
الربيعاوي
29-05-2010, 21:03
________________________________________
صح انته عنی بعید من احسب امتار

بس انته وسط الروح مبنیه الک دار

****

بس آنه یمی گریب دومی احسك

تحت الرمش بلعین خلیت رسمك
***
فز الگلب بلیل ینحب تره نحیب

منك یخویه الصوچ غرگته بلطیب
***

زین انته گلبك عاد ليهسه عندك

آنه ترکنی وراح أو كعد يمك
***
بیدک اسلم الروح وملاچ اخلیك

واسمک ارید انساه وحایر شسمیك
***

سمیتك أنه الوحي اريك الاحباب



وگلیبی المجروح بذکرك شفه وطاب

***
اتحده کل الگال بگدی یحبکم


بنص الگلب والروح صایر سکنکم
***
انه افرح اذا فرحان انته ** ودمعتی تنشف

واذا مهموم اگل للعين** هلي الدم على المطرف
****
اعزك حته بغیابك

وهمی راحت اعصابك

اریدك تفرح وتضحك

ولا دمعه تدك بابك
الربيعاوي
30-05-2010, 18:30
يا غربتي ..

غربة عصافير التودع اعشوشها... برفّة جنح

ويا دمعتي ..

دمعة الكاع التبكي موت اهروشها... بجيت الملح

يا دار اهلنا الطاهره ... مر العمر


عيون اليحب امساهره ...ومامش خبر
بهيده على بختك يا كمر

**

وك يا كمرنه مروتك ... حنّي الشواطي بدمعتي

كلهم كبرت اعله الصبر...والونّه صارت غنوتي
مشتاق ابوسن دجله... واشرب مايها
واعزف ترانيم المحبّه بنايها
دجله الهوى ، والسوق ، والحب ، والسهر
بهيده على بختك يا كمر
علي كاظم درجال
31-05-2010, 05:00
يبراك
يكسري يصعب أعلى ألناس ** يبراك
طبيب ألعلل عيه أوعجز ** يبراك
لون همي أعلى ضعن ألعيس ** يبراك
عفاني ولا بركت اعلى الوطيه
**
والتهابك
احترك كلبي ابسعيرك ** والتهابك
وترك هلناس كلها ** والتهابك
بسبب روحي التودك ** والتهابك
تفاركها وتشب نيران بيه
**
شبهلاك
شب جمر الهوى ابكلبي** شبهلاك
أشحسن شايل ابوجناتك ** شبهلاك
حوى منجبت واحد ** شبهلاك
ولامثلك ابجنات الزهيه
**
والمذاك
رهيف اجفاك كطعني ** والمذاك
وحريج النايبه ابجبدي ** والمذاك
اهن جرحين الم هذا ** والمذاك
أضمد هاذ ذاك ايعن عليه
**
ولجفاك
اصيحن والهج ابأسمك ** ولجفاك
حبيبي ولااظن اسمي ** ولجفاك
الموت الموت بيه ارضه ** ولجفاك
لأن اجفاك اشد واعظم عليه
**
صدراك
وحك من بالحسن ياترف ** صدراك
صد وشوف جسمي عليك ** صدراك
لاتركض اخاف طيور ** صدراك
تطير ولابعد تنزل عليه
**
ونباك
بكلبي شكثر من الضيم ** ونباك
ربيب الشاة جار عليك ** ونباك
يبن الذيب من أخبرك ** ونباك
طبع الذيب يغدر بالثنيه
**
خمراك
عفيف وبركع العشاك ** خمراك
تعال وشوف حيلي عليك ** خمراك
لون يتبده فوك الكاع ** خمراك
حياتي وياه تتبده سويه
ابو نور 1949
02-06-2010, 03:51
قصيدة ( ألمجر ) للشاعر علي كاظم ألدرجال ألربيعي ( أبوعمار ألربيعي )

مجر يامجرأيا مجر
ياغيمة ربيع بمطر
ياجولان زاهي بهور
يابردي وكصب أخضر
ياكحل أليضوي ألعين
ياحنه برجل لسمر
يادهله أليغطي ألكاع
ينبت رازقي وعنبر
ياتين بثنايا ألهور
كاط أوشمبلان أحمر
زهر أخضر طلع خريط
طر ألماي صار أصفر
مثل طعم ألعسل بالريك
جمار ألنخل لو طر
يبلام أليجول ألهور
كلي أبياكتر تفتر
أريد أتناك حتى هناك
نكتب دارمي بدفتر
صرت مغزل بحلك ألماي
لامخلاص لامعبر
شريعتنا كصب مضغوط
وألموكد حله أوجمر
حلم لاجن حلم تعبان
بضلوع ألكصب حشر
دجدم وأربط ألمشحوف
يابلام كلبي أنطر
تعال أكعد تدفه بنار
دار ألكوشه وأتبختر
يبلام ألمنايا أتحوم
فوك ألهور غيم أحمر
يبلام ألسفينه شراع
بس ينكسر تدمر إإ
ابو نور 1949
03-06-2010, 11:37
قصيدة ( لاتبجين ) للشاعر وألباحث علي كاظم ألدرجال ( أبو عمار ألربيعي )
لاتبجين دمعاتج على تراب ألكبر طين
لاتبجبن دمعاتج ثكيله وماليه ألعين
أحلفنج أبعشرتنا ألقديمه ودم ألحسين
أحلفنج بنوم ألعافيه ونبض ألشرايين
أحلفنج بشارات أبو سدره وألبساتين
أحلفنج لأن أنت عزيزه وماليه ألعين
أحلفنج بقطرات ألندى وطيب ألرياحين
أحلفنج بشمام ألبنات أمطعم بتين
لاتبجين أضفرنج قصيده أعلى ألحياطين
وضل أغزل بشعرج غزل مسكين
ونه مدوهن بحبج صارلي سنين
وانه أدري أمن أطيحن ماتكصرين
كافي ألنوح بحت صوتج أتصحي ألمجانين
لاتبجين حتى ألكبر ينطر من تصرخين
أشعلي شموع وقري ألفاتحه وسورة ألياسين
وذكري ألله يسمره أو لاتكفرين
صحيح أنت ألوفه وشمعة ألطيبين
وصحيح أنت ألحملتي ألزين وألشين
وصحيح أنت ألمراسيلج دواوين
وصحيح انت أنظلمتي وصاحبة دين
وصحيح أنت ألعلى ألعيله تصبرين
وصحيح انت ألرسمتي أعلى ألورد عين
يهيل أنت بطعم كهوة أفناجين
أذكريني أنه ألشايل محبتج بالشرايين
شتل عنبر على أضفاف ألفراتين
يكاط وعنكر وجولان زاهي ويه ألكواهين
أحس حنظل أبريجي أشماتصدين
لأن كل ألمعاني أتغرز بضلوعي سجاجين
مامرتاح وأنت عيون محبوسة روازين
مامرتاح أجوب ألمدن ملتني ألدرابين
جم عيد اليمروأنت مكدره وما تضحكين
يمفتاح ألمحبه ألقفل زنجر عاكره ألبين
أو تخلبص غزل عمري أعلى ألطواوين
أمنين أجيب ألجابته أمي ألغاليه منين إإ
ألف ياحيف ضيعت أللبن بالصيف يازين إإ
ابو نور 1949
05-06-2010, 23:32
ياجسر جلعة هلي يامعبر الطيبين
يابلسم الكل جرح ياكحل نص العين
مفتون انه ابحبهم من جهل من سنين
حبل الموادد يبس ياوسفه راح الزين
مثل المسودن همت ماأدري رايح وين
ضليت ادور ولك برواك البساتين
مامش ابد كل اثر بسمه وطواها البين
جذرك نبت بالكلب مثل الشلب بالطين
من تعطش ارويك انه من دمي يامسكين
ياما شبكت جرف ضامي وحبسني الطين
ياما كعدنا سوى وياما كرصنا البين
وياما سمعنا لغط من ناس بطرانين
وياما حملنا حجي من بشر شمتانين
وانه الحملتك حرز مابين زين وشين
وانه الحضنتك حلم مثل الرمش للعين
لطلاطه تشهد ألي والكرمه والصوبين
مشتاك كلش ألك كلي أشوفك وين
سبحه أتطشر خرزمابين شوك او طين
أشلون أ لمك بعد والظم الخيط أمنين
شاهود ردت الجسر للعبروا مغربين
ماادري وين ارحلوا لمريكا مدري الصين
دورت شرق وغرب مامش خبر للحين
صندوك كلبي انقفل بس هم حزن وونين
أمنين اجيب الجابته امي الغاليه منين إإ
******
للشاعر والباحث علي كاظم درجال ألربيعي
ابو نور 1949
06-06-2010, 03:41
دارميات للشاعر علي كاظم درجال الربيعي
1 أشكد سهله دكت الباب للوكحه عينه
أنريدك تصير أبخير وانت التجينه
****
2صدكني ماناسيك خاف انت ناسي
والخوه يابو شهاب تاج اعلى راسي
****
3 الخوه خلها اتروح واحسبني الك جار
البابي مادكيت اهواي الك صار
****
4 ماريد احسبك جار توصلني لخبار
والجره اوصار عليك مكدر وصار
ابو نور 1949
07-06-2010, 05:52
قصيدة ( عتاب ) للشاعر سعدون السيد حميد المكصوصي


لاتسد بابك بوجه المعتنيك
هاي شيمه والشيم عند الرجال
**
انته لبكلبي ونه بعكلك شريك
وتدري بيه بلايه مال ولاحلال
**
انه شفت اهواي من النايبات
مرن اوراحن مثل مر السحاب
**
وماكلت احاه خوفي من الوشاة
الحسبوا الماي العذب مثل السراب
**
روح خاطر ذني خيل مجربات
وشمس تسطع ماتخاف من الضباب
**
ذهب احمر وبغلاته شيشتريك
انته دجله ومايها المثل الزلال
**
ياتريك المابعد منك تريك
زعل يومن شافك وغاب الهلال
**
خذت روحي وياك يالرايح بعيد
وهسه تدريني تراني بلايه روح
**
خيروني وابد غيرك مااريد
علمتني شلون تداوه الجروح
**
جيد عندك بالبشر مامثله جيد
مثل رقبة ريم تمشي اعلى السفوح
**
شكثر ربك بالحسن متمعني بيك
وغار منك من سمع حتى الغزال
**
هام بيك وباجر الحيكم يجيك
ايريد يتنازل الك من الجمال
**
اللحاظ سهام نبتن بالدليل
والجدايل مااظن بس للغوه
**
انه قبل سنين من هجرك عليل
وتدري عندي شهود من اهل الهوى
**
دخيل عندك كوم وتلكه الدخيل
وخلنه نكعد بس ثلث ساعه سوى
**
عون ابوه المات يسمر بين أديك
بلجن نجازي ربع ذاك الدلال
**
لاتخاف من الاهل انته اشعليك
انه صاير للعشك اكبر مثال
**
جزن حفنه سنين جنها البارحه
ونته ناسي ايامنا اوذاك الوفه
**
لو تبدل كلب ولفك صارحه
هواي وادم عايشه بلا عاطفه
**
ولاتوديله سوالف جارحه
ولاتخلي السالفه اتجر سالفه
**
شلك بواحد نسه ومايشتهيك
تصير عنده بثكل ياخوي الجبال
**
انته لو تزرع زرع ازرع بديك
ولو شتال انثرت يطلعلك شتال
شكرا للشاعر سعدون المكصوصي / اخوك الشاعر علي كاظم الدرجال الربيعي *
الربيعاوي
07-06-2010, 06:02
من تعطش ارويك انه من دمي يامسكين
ياما شبكت جرف ضامي وحبسني الطين


******
ياما شبكت الجرف ضامي وحبسني الطين
******


وانحل
الف ياحيف جسمي ذبل ** وانحل
واظن حبل الموادد يبس ** وانحل
أدور عالضعن وين صار ** وانحل
ادور الكوت مدري الناصريه
ابو نور 1949
08-06-2010, 22:30
مساجله في الابوذيه بين الشعراء كاظم الخطاط المالكي والشاعر علي كاظم درجال الربيعي
1 يقول كاظم المالكي
أهين الروح مره ومره ** أجلها
الوحل للراس واصل من ** رجلها
حماها ماعرفته من ** رجلها
المغزل والغزل تاهن عليه
2 أجابه الشاعر ابو عمار الربيعي
عقرت الروح لجلك **من رجلها
وحياتي وياك مامش ** من رجلها
يلمتيه حماها ** من رجلها
شلون الغزل يصفه اعلى الطويه
ابو نور 1949
09-06-2010, 14:15
من الشعر الشعبي (عيد ألغدير ) للشاعر علي كاظم ألدرجال ( ابو عمار ألربيعي )
هذا عيدك عيد رباني
رساله من ألسما تحمل أمل **
يارسول ألله بلغ
حتى مايبقى عذر
علي من بعدي ولي
ألدين السماوي أكتمل **
وانه من ثايه بعيده
عيوني تربي
شفت أيد أونور طل **
شفت أيد أعظم رسول
مشابكه أيد ألفحل **
أيد مولانا علي
أتهز ألجبل **
وألحجيج أتهني سيدنا علي
أبعيد ألولايه
ألنابت أبجذر ألأزل **
.وأنت ياما دارت ألأيام
بيك وكلت تسهل **
وأنت حتى ألبايعوك
أتنكروا لعظم بطل **
وانه أفرح يوم عيدك
حتى لو غيري زعل **
حتى لو غيري زعل إإ
****
كتبت في العام 1989
ابو نور 1949
10-06-2010, 19:06
ألزهيري من شعر أهلنا ألأعزاز / هلا تذكرت لطلاطه وألمجريه إإ
________________________________________
گلبي الگبل مايون بجفاك ** وننته
وضنيتك انته الفرح ثاريك ** ونه انته
مامش طيوفك واباري ابشوك ** ون انته
ماخوذ مني وخيالك ابد ما ** لحظه
ورسمك يزين النبا مبعد علي ** لحظه
مشتاگ اشوفك ولو مشوار لو** لحظه
وين انته روحي دنت عالموت ** وين انته
***


يا صاح ثكل الدمع بجه العيون ** وشرد

الناس تنشد علي مدكلي خايب ** شرد

الي انطيته عمري غافل اكليبي ** وشرد

ماخله بيه لحم بس العظم** بهدوم

لا تضن حجي الدغش عمرك يخلص ** به دوم

حياتك يصاحب مدرسه وماتضل ** به دوم

ومن يسئلك ربك اشتحجي عن المضه ** وشرد
***

يا صـاح انا اخـوك لو جـار الـدهـر ** صـاحبك
سـكـران بـمـودتـك مـا يـوم انــــــا ** صـاحـبك
أنهظم لو اشوف غيري من الخلق ** صـاحبك
عـنـدك دكايك قـشـر تـمـرد كليبي** مــــــــرد
وكـم عـاقلن لامـنـي وانا لعـذولـي ** مـــــــرد
وانـت الـعـرفـتـك يـا كـريــــــــــم و** مـــــــرد
لـكـن ألـف يـا حـيـف ما تعرف قـدر** صاحبك
***

سألوا تعرف الفرح لا جاوبت ** معرفه

وسألوا تعرف الحزن أي جاوبت ** معرفه

من حيث شاعر صرت وادري الشعر** معرفه

ومختص فقط بالحزن غير الحزن ** مكتبه

واسبابه عندي جرح ما سد ابد ** مكتبه

وشكبان منه الألم يمكن واظن ** مكتبه

وديوان دمعي انطبع دار النشر** معرفه
***

احله اسم بالخلك اسمج برز ** ايمان
ساكنه بروحي تره ونص الكلب ** ايمان
مليانه طيب وعطف مليانه حب ** ايمان
تكتل اذا خزرتك لو نظرتك ** نظره
والوجه مثل الكمر صافي وعليه ** نظره
شلون اسطبر وانتظر مابي بعد** نظره

لو داست اعله الارض لمن تمره ** أيمان
*** ا


مانمت انه الليل من هم العليه ** وارق
جلمود كلبه صخر ما حن عليه ** ورق
انسليت صرت برفع خيط البريسم ** وارق
اتمنى طيفه يمر حتى بطيافه ** بخل
وعملاته وياي مو عملات خل ** بخل
حنظل من ايده صفه زادي ويخلطه ** بخل
بعضاي نار اوجرت واعضاي شبه ** الورق
ابو نور 1949
13-06-2010, 18:11
هاك استكانة جاي أشرب عوافــي
أو دزيته لك مخصوص يامايه صافي
**
رش الدرب تيــزاب حافي أعتـني لـك
جا شـلي بالرجليـن الما تجي لــــك
**
لو ترش مو تيــزاب لو تزرع ألغــام
اللحم خلـه إيروح أوصلـــك إعظـام
**
كل ما يجي الليل أذكر وفــــاكم
واذكر محاجي الطيب واحجي أبرهاكم
**
ويا النجم سهران وايدي أعلى خــدي
الليل أوظلام الليل شوا كلها ضـــدي
**
وحدي ابنص الليل بس حيرتي أوياي
أبجي أعلى وقت الراح واتنطر الجاي
**
إشما تقول الناس عندي أنته لول
سو كلشي بالدلال يالحلو مخـول
**
يالتون تالي الليل سمعني حسك
لولا القلت والقال لعبر وونسك
**
شحجي وتريد الناس من عندي أحجـي
دمعتي إبطرف العين بس أحجي أبجـي
**
للخوه ماقضيت شي ماقضيته
حتى الصخر ياناس وتوسديت
**

انت العطش والماي وانت المشوفـه
ورسمش وحق عيناش بالكاس اشوفه
**
أرد انشدك وارجوك صارحني ياهواي
تذكرني لوغصيت من تشرب المــأي
**
نارك يخايب ماي مومثل نـــاري
اومن يطري بيا الشوق يحترق جاري
**
هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون
**
بالك تقول الاه ياخويا بـــالك
كل التقوله ايصير روحي ابدالك
**
مبخوت أضل للشيب يافلان أذكـرك
أوينكرني نور العين من كون أنكرك
**
سبحانه من سـواك نص وجهك إعيــون
إزغيــر سبيــت الناس من تكبر شلون
**
بيدي أوقرضها الفار فجت عباتي
كل هذا ماطخيت وامشي ابرهاتي
**
أتمنى كون أيصير لحدي أويا لحدك
أو من يطلع الدفان أقعد وقعـــدك
**
بيدك ضيعت ديك الليـــالي
وبلحظه ما أجى أبعينك دلالي
**

شقيت ثوبي أعليك وصلته للنــص
جاوين قلبك أوياي صاير مثل جص
**
ابو نور 1949
14-06-2010, 21:26
امي ألغاليه

سكتنه الصبر من يوم چنه أصغار
منها عرفنه ألوفه وتعلمينه أشعار
الزاد ما بي طعم لو ما يجي الخطار
ضحكتهة هيبة وطن تنثر دمع واسرار
ولو دارت أمي بزعل حتى الشمس تندار
باصبعها محبس شذر عن الحسد والعين
ولو غاب ضي الشمس أمي تشع شمسين
وكت المعاند صگر وبالحب حمامة بيت
وفانوسنه لو طفه ابضحكتهه يضوي البيت
ولو يوم اخذني السهر وي ربعي بره البيت
ما يغمض الها جفن الا اذا رديت
يوليدي غاب الگمر واتنطرك ماجيت
وبكل بشاشه صدر بشفافها .. اتعشيت
تعذرني يبني تره بالنشد لو لحيت
انته طعم دنيتي وانته عمود البيت
ياما حملت الصبر عد مهدك ولوليت
(دللول الولد يبني دللول .. عدوك عليل وساكن الچول)
اومن تنعه امي وتون
بالبجي أتشيب وطن
ياما كسرها الوكت واتلاوت وي الزمن
حته ليالي الشته من شافن امي بچن
اليلة ليلة شته والگاع صارت طين
والحزن موقد جمرمامر فرح للحين
يامن ضحكتج دوة وبسماتج بساتين
فدوة اروحن الج لجدامج الحلوين
يا يمة انتي الوفه و الغالية تبقين
اصعد السابع سما لو بس علي ترضين
علي كاظم درجال
16-06-2010, 10:56
لايجي گلوله ماظل بيه حيل
خلصن دموعي وبچيت سنيني

چان يطلب وانه اگله بعيني هاي
بعيني هاي وحط أصبعه بعيني
،،،،،،،

لاتخجل بعد وكت الخجل مات
ولاتحتار أبد ماتسوه لتحير

گبل ماتحجي اعرفك رايد تروح
روح أحرگهن الدم والتصاوير

وإذا خايف البير يطلع الاسرار
حته البير راح نذبه بالبير

عرفتك من الاول هدة إعصار
وتسد باب السمه بوجه العصافير

أنه مو جنح يمك ذبته الريح
بكيفك ينكسر وبكيفك يطير

مناشير أدري بيك وگلبي تابوت
وگمت ذبيت گلبي عله المناشير

أنه جبت الدروب مغمض وياك
وأدگ روحي عله گنطرتك بسامير

وجبتهه وياي عمرك تلف وتدور
وأنه عله تراب جدمك روحي تدير

وسلمتك عمر ماقصرت بيه
وگضيت العمر وياي تقصير

نواعيري انتهن چي مايك بعيد
الخلل بالماي مو صوچ النواعير

بمواعيدك بعد ماصلي للموت
صرت كافر وكافر بالمواعيد

عله جرفك عمر تانيت الهلال
وصل بس موت منك ماوصل عيد

صرت شاعر حزن واقرالك جروح
شمايكگضي الجرح من وحّده يعيد

وشيّب باب گلبي وبعده مقفول
وحته عله القفل طلعن تجاعيد

أجيب أول نفس خلصته وياك
وأجي بآخر نفس وتگلي شتريد

عصفوره عله بابك حطت الروح
زحمه تحشم عليهه المصاييد

بعد ماريد منك كلشي يفلان
بس انطيني روحي وكلشي ماريد
علي كاظم درجال
16-06-2010, 14:47
يا يمة الايام كطعن كلبي ** وصل
وخلني مثل الحبل بنشر عليه ** وصل
لا خبر منهم اجية ولا مكتوب منهم ** وصل
وبجيتك يا حلو ترد اللي ** روحي
وياروحي مالج بخت عوفيني يا** روحي
لتصيح بسمي بعد ولتكول يا ** روحي
منتظر غيرك انا ها هو يمكن ** وصل
***
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسية

وهو ماخوذ من البيت الشعري الذي يقول
صبحته عند الساء فقال لي ..............هل انت تهزأ ام تقول مزاحا
فأجبته اشراق وجهك غرني.............حتى تخيلت المساء صبـــاح
***
2_الباء
بره المسكوم من علته ....وناداي
وحركت اليابس بهجرك...وناداي
براس اربع طرق لكعد....وناداي
انه المظلوم وانت بدعت بيه
وهو ماخوذ من هذا البيت
لاقعدن على الطريق واشتكي...........واقول مظلوما وانت ظلمتني




3_التاء
تظن يبره الجرح عكبك.....ويلتم
جفيت وبالحشى منـــك.....ويل تم
الثريا الها شمل سبعه......ويلتم
وانه واحد حبيبي وشح عليه
وهو ماخوذ من هذا البيت
خليلي اني للثريا لحاسد.............واني على ريب الزمان لواجد
ايجمع منها شملها وهي سبعة.......ويبعد من احببته وهو واحـــد
***
4_الثاء
ثدي الحب يبس ما در ......والك دار
ومحبتك زالت همومي......والك دار
الك عرش انتصب يا اسمر..والك دار
بكلبي ولا لغيرك سكن هيه
وهو ماخوذ من التخميس الاتي
ما لنا عنك سلوة واصطبار............ولمعناك في القلوب قرار
وسواء منك الجفا والمزار.............اينما كنت فالحشا لك دار
ليس فيها لغير شخصك سكنى
***
_الجيم
جره دمعي على الوجنات.......ما دام
على ريم اليدير اقداح..........ما دام
حرام الزنا بالقران............ما دام
من التقبيل لا تبخل عليه
وهو ماخوذ من هذا البيت الشعري
لقد حرم الله الزنا في كتابه.......وما حرم التقبيل بالخد والفم
****


6_الحاء
حكم سيفك الغـــــدار.......حكمه
ابكلبي وما بقت للصبر....حكمه
كل اللي توله جار .......حكمه
انه عاشك وحكمك جار بيه
وهوماخوذ من هذا البيت الشعري
ها انا اهواك على ما ارى............من قلة الود وبعد المزار
كم جرت بالحكم على عاشق..........اكل قد من ولي الحكم جار
***
7_الخاء
خالص يا ترف بس الك .....ودنه
لون تسكن بيابي العين ......ودنه
لو بات الترف بحشاي ......ودنه
اكله اكرب يحلو الطول ليه
وهو ماخوذ من هذا البت الشعري
لو بات من اهواه وسط حشاشتي.........لقلت ادنو مني ايها المتباعد
***
8_الدال
دليلي ابنار هجرك طاح .....وهواي
لشك ثوبي وادك واصيح....وهواي
اذا تنكر هيامي عليـــــك ...وهواي
ادموعي اعلى الخدود اشهود هيه
وهو ماخوذ من البيت الشعري التالي
اذا تكن منكرا هواي ووجدي.......فدموعي على الخدود شهود
****


9_الذال
ذلولي عليك ناحل ......ما بغيره
وسليم الذات اوده ......ما بغيره
صديـجك لو لكيته ......ما بغيره
بجف ارماد بيعه لو تهيه
وهو ماخوذ من هذا البيت الشعري
اذا لم تجد عند الصديق مروءه........ولا غيرة بعه بكف رماد
***
10_الراء
روحي بيش اسليها .....كتلها
عليك اني ودمع عيني...كتلها
شبه العيس بالبيده.......كتلها
الظمه ودومن اتحمل الماي هيه
وهو ماخوذ من البيت الشعري الاتي
واشد ما لا قيت من الم الهوى.........قرب الحبيب وما اليه وصول
كالعيش في البيداء يقتلها الضما ......والماء فوق ظهورها محمول
***
11_الزاي
زماني ما نطه لروحي .....نفاها
ظلمهه وعن مواطنهه .....نفاها
السفاهه اهل المثل كالو....نفاها
انا اشما سفهت ناري سريه
وهو ماخوذ من المثل الذي يقول
الســــــفـــاها......نــــــــفاها
***



12_السين
سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه
وهو ماخوذ من هذا البيت الشعري
فلما برزنــــــــا لتوديعهم............بكو لؤلؤا وبكينا عقيقا
فساروا فاتبعتهم ادمعي..............فصاحو الغريق وصحنا الحريقا
***
13_الشين
شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه
وهو ماخوذ من هذا البيت الشعري
ان كنت تابى ان تراني عاشقا ........فارجع الي فؤادي المغصوبا
**
14_الصاد
صومي لليكول اهواك.......شفته
صبحت وارشفت من الترف..شفته
يكلي افطرت كتله البدر.....شفته
بجبينك حرم كل صومي عليه
وهو مقتبس من هذا البيت الشعري
قبلته عند الصباح فقال لي..........افطرت يا هذا ونحن صيام
فاجبته انت الهلال وعندنا..........الصوم في رؤيا الهلال حرام
***


15_الضاد
ضكت حلوك حبيبي وضكت......ما راك
وانه بغي التجافي الحيــــــل.....ما راك
يضيج الصدر يوم البيـــــــه.....ما راك
وينطيني عذولي الحك بديه
وهو مقتبس من التخميس التالي
الى كم ذا الصدود اطلت هجري..........رويدا فالهوى العذري عذري
متى يوما اراك يهون امري..............ويوما لا اراك يضيق صدري
وتعذرني العواذل في شجوني
****
16
_الطاء
طريدك لا تطن ياوي......لجنه
انذهل وانياب هجرانك ....لجنه
شمس شبهك انصفها.......لجنه
الك ما انصفك بين البريه
وهو مقتبس من هذا البيت الشعري
شبــــــهك الشــــمس ولكنه.............قد انصف الشمس وما انصفك
****
17_الظاء
ضجر كلبيب دمع العين.......هماي
وراهم يا اجدامي ابشوك....هماي
حجب عن عيني طيب النوم..هماي
اشلون اصفي لزماني الخان بيه
وهو مقتبس من بيت الشعر التالي
قلقـــا تقلبني الهموم بمرقدي...........هل كيف اصفي للزمان واصفح
***


18_العين
عند البد وفه الانصاب .......كله
علن حربه وعلي ثار........كله
حاجه اتصير عند الجلب....كله
يحجي جليب دير النظر ليه
وهو ماخوذ من المثل الشعبي المشهور
لو صارت حاجتك عند الجلب سميه حجي جليب
***
19_الغين
غيرك لا تظن بالعين ......حالي
اوريجي عليك مر ما يوم...حالي
بغرامي يالتسل عن شرح ...حالي
اعله كل حال الهوه جتال اليه
وهو مقتبس من هذا البيت الشعري
ان تسل في الغرام عن شرح حالي.............فالهوى قاتلي على كل حال
***
20_الفاء
فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه
وهو ماخوذ من هذا البيت الشعري
فقدت ضعونا في دجا اللبل حملوا...........وراحو ولم اعرف لهن مقاما
فلا القلب يسلاهم ولا النار تنطفي...........ولا العين تهوى بالبعاد مناما
****



21_القاف
قيد الاسر بالرجلين....... صكه
عدونه والهنا بالكاس.....صكه
انهضوا للعلا واكتبوا ....صكه
اوقع بيه تراني اعله المنبه
وهو ماخوذ من هذا البيت الشعري
الا فاكتبوا صك النهوض الى العلا........فاني على موتي به لموقع
***
22_الكاف
كثروني وزاد الكلب .........لو بات
ومدري انكطع حبل الوصل..لو بات
الكمر ولفي وعندي اليوم ....لو بات
مجنت ارعه الكمر لو زاد ضيه
وهو مقتبس من البيت الشعري التالي
يا ليل طل او لم تطل................لا بد لي ان اسهرك
لو بات عندي قمري .................ما بت ارعى قمرك
****
23_اللام
لااسمع لا ارى لحجي .......ولاشام
ابشوك الما حوى نجد .........ولا شام
اله سوره ابصحن خده........ولا شام
سوده وبالسويد اثر سجيه
****





24الميم
مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه
وهو ماخوذ من البيت الشعري الاتي
ان الافاعي وان لانت ملامسها...........عند التقلب في انيابها العطب
****
25_النون
نهاني الينم عنك............ وابد منهه
وودك مثل روحي .........وابد منهه
السمه كابلت وجهك........وابد منهه
البدر من ضي سناك انعكس ضيه
وهو مقتبس من البيت الشعري التالي
قابلت وجهك السماء فابدت...............صورة البدر من سناك انعكاسا
****
26_الهاء
هله بالي بوداده انكشف .......ستراي
وحوبه الجان الي وياك........ستراي
اجانه بالظلام ايريد............ستراي
انفضحنه ابنور خده اليشع ضيه
وهو ماخوذ من هذا البيت الشعري
اتانا في الظلام يريد سترا..............فانفضحنا بنوره في الظلام
*****



27_الواو
ولك شوك الدليلي......وانت شاكي
الذنب منك عليـــه......وانت شاكي
بليه اسلاح اشوفك.....وانت شاكي
لجن بعيونك سلاح المنيه
وهو مقتبس من البيت الشعري التالي
هزوا معاطفهم وهن رماحم.............ونضوا لواحظهم وهن صفاح
شاكين ما حملوا السلاح وانهم..........منهم عليهم اهبــــــــة وسلاح
***
28_الياء
يحادي الظعن بالله عليك......اني
لما يسمع شريج الروح.......اني
لريد اصبر واعلم الصبر.....اني
امر من الصبر فركاك اليه
وهو مقتبس من هذا البت الشعري
ساصبر حتى يعلم الصبر انني........صبرت على شييء امر من الصبر
********.
نور على الدرب
18-06-2010, 14:11
ماناسيك انا ولانكرت هواك
لكن مبتعد من صالحك اني
**
مااريدن اكونن سبب تعبك دوم
ومارايد تظل باحزاني وتعاني
**
لو كلفت تكره حتى اسمي بيوم
وبعيونك اصيرن مجرم وجاني
**
لان ماريد يوم الكاك مهموم
ولااقبل تضل موجوع وتاني
**
راح ابتعد عنك مو لان انساك
شينسي الكلب يالصرت عنواني
**
تدريني احبك مدمن انا عليك
وانت اغلى الحبايب واغلى خلاني
**
اغلة من الكرايب واغلى هاي الناس
وانا بعدك امسيت وحداني
**
راح ابتعد واعمي العين من فركاك
اخاف تحب من بعدكم تشهد اجفاني
**
وحك عينك عزيزة دموع هاي العين
ولو تدري القرار شكثر اذاني
****
علي كاظم درجال
19-06-2010, 17:35
شكلك شعتذرلك.. قصرت ويــــــــــــــاك
جرحتك يا ترف انه شكثر خــــجـــــلان
انت القدرت جرحـــــــي وعـــشت وياي
انت النشفت دمعي وصرتلي احضـــــان
انت الغيرتني ورجـــــعتلي الشـــــــوك
وانت الفتحت كلبك الي بســــــــتـــــان
زعلتك صدك .. بس والله ما مقصــــود
صح مني الغلط وانه اعترف غلطـــــان
يضل طيب الكلب موجود بالوجــــدان
سامحني بكيانك من حنان البيـــــــــك
لا تضحك جذب وبداخلك زعـــــــلان
اجيتك اعتذرلك وانه ما معصـــــــوم
شسويله الغلط مكتوب عل أنسان
الف اسف والف مره اعتذر كل يوم
********

ثوب الحزن بفراكك ** لبسنه
وثكيل الطبع طبعه لو** لبسنه
ولك خدك ماوصلناله ** لا .. بسنه
تزعل ليش يمدلل عليــــه؟
**
تظل صاحب فضل وشكبر** فضلاك
وخلكي ما فضه الغيرك ** وفضلاك
اميزك عل خلگ كله** وفضلاك
وبسمك احترز صبح ومسيه
**

عليك الليل كله انه ** ونه
ومعاك العتب هسه انا ** وانه
اتهدد بالنفاها انه **.. وانه
وينك مو طبك دهر العليه

0000000000000000000
0

رضى كلبي علمودك **من رخصتك
وسومن بيك غالي **من رخصتك
دست فوكي دكلي ** من رخصتك
حته ابراحتك تسحك عليه
===
ياهو اكثر يحب قيس انته** ونه قيس
خذ مثل العشك انتي ليلى000 ونه قيس
صرتلك مسلم وسيد 000 ونه قيس
شصيرلك نيوتن حته اترد اليه
=====================

وحق اللي تعبده الناس000 وحده
حبك سلب مني الروح 000 وحده
هذني اثنين ونته اختار000 وحده
ترحل لوتظل محبوب اليه
====================
ذهل حشنج خلاييه العقل 000 ولعين
وصبحنه ابوصف هذا الطول 000 ولعين
لو تدري الصبايه بيج000 ولعين
جا طلبن من اوصافج هديه
علي كاظم درجال
19-06-2010, 17:45
________________________________________

ردت طيفك يلوح بليل ** مالاح
طعم فراكك صار هواي** مالح
بعد ماأدز رسايل بعد** ماألح
لان كلما أدز مترد عليه
**
عليك الروح تنشد وأنت ** غايب
كمر هلت أعيادك وأنت** غايب
أسجلك دوم حاضر وأنت** غايب
وأذا تحضر ترد الروح بيه

****

صرت كلي لحياتك ** منهج اني
وحرف بكتاب كلبك** من هجاني
شجنيت اني بمحبتك ** منه جاني
سهام وكل وكت تمطر عليه

****

ألك هالروح بين الناس** وديت
الك وجروح كلبي اخزنن** وديت
ألك كم مسج يالمحبوب** وديت
وأنت ولا مسج وديت اليه

****

يون كلبك يخايب** ونته بيه
وابن خال الجرح انت** ونته ابيه
اعوف شلون شخصك** ونته بيه
وافكر بيك كل صبح ومسيه

****

روايـة شـوك ابعثلك** وقصه
واكلك عن عذاب الروح** وقصه
لان حبك جرح كلبي** وقصه
وخله اتموع روحي ابين اديه

****

منك ما يضوج الكلب** ويميل
وعنك ما يزيغ النظر** ويميل
اكطلعك مسافه متر** و ميل
ولا اتعب واكول شلون بيه

****

هلا يل ما نساك الكلب** مرة
وصدك كل ليالي اجفاك** مرة
شيضرك بالحلم لو تمر** مرة
عزيز انت وتضل غالي علية

****

الگلب ضل بس اهو وحده** ورباه
يتيم وماله واحد** ورباه
منو مثلي اخذ جرحه** ورباه
وكبرنه على القهر سوية

****

احب صوتك واحب للعود** دكات
وزماني شلون اله وياي** دكات
وخلص كلبي وماظل بعد بيه** دكات
وترد روحي من يمر اسمك عليه
علي كاظم درجال
19-06-2010, 22:54
دمع العين داريته ** والك دار
ظيم الوكت ماهزني** والك دار
الك حصه بوسط روحي** والك دار
واكًطعهن اذا تحتاج اديــــــــــــــــــه
***
قلم كًلبي وتداين ورقه ** منـــــك
وابد ماكو بمعزتك ورقه** منـــــــك
اسجلك انت الاحلى ورقه ** منـك
واكتب لافته محجوز اليـــــــــــــــه
***
بعدني وياك عـالعشـــــره** ولا زال
وحبـــــــــــك بالكًلب ثابـت** ولا زال
بعدني صـــــــادق بحجيي** ولا زال
واظل اهواك لآخر نفس بيـــــــــــــه
***
اعيوني من فركًاك مبتليه بالهم
اضحك تسيل ادموع اسكت تصب دم
*****
للنار اروح اوياك لورايد امشي
جنه وعكًب عيناك ما تسوه كلشي
*****
تدري شكثر يفلان وشكًد احبك
من كثر ما اشتاكً مرات اسبك
ـــــــــــــــــــــــــــــ
علي كاظم درجال
21-06-2010, 22:38
روحى الشوك شارلهة **ومرهة
ولا يوم الهنة مسهة ** ومرهة
كظت عامين بالفركة** ومرهة
وبالثالث تريد الوصل هية

* * *
صفينة لا كدر يمنة** ولا هم
لا عاذل يمر بينة **ولا هم
ولونه اسنين يا مصعب** ولاهم
كفر لو سلو اسيوف المنيه

* * *
مجروح الكلب من زغر** خلة
وتسود ن من لفتلة اخبار**خلة
جس بيدة الطبيب وصاح** خلة
ودواه بالعجل لليهواه ترده

* * *
بلتنى الروح وية الكلب **والعين
الخلك نامت وهم بالنار** والعين
طلبت من الجليل العزم **والعين
يصبرني على الذاتة ردية

* * *
اشوكت تعطف يحلو العين** وهنه
يل ابفركاك شاف الجسم **وهنه
عشت عمرك سعيد هناك** وهنة
الالم والسهر والوانة الخفية

* * *
ونين الناى ونتة كلبى **سلهة
وعليلة اصبحت روحى وانت** سلهة
هاى الناس عندك وانتة** سلهة
تخبرك عالجرة بعدك بيه

* * *
هجرهة العين يا صاحب **وسنها
ودهرى لملم اسيوفة** وسنها
اشكال الدنيا راوتنى **وسنها
ضحك للغير وانه الكدر لية

* * *
نار الهجر بالدلال** ولعت
عكب ماهزتة الصد مات** والعت
ابكثر ما النفس بالخلان **ولعت
جازوهة ابرد ه وشح واذية

* * *
امر كلبى الهوه وبالعجل** نخلة
وكال اوية الترف هاليوم** نخلة
ولو حالى شبية ابجذع **نخلة
لجن يخضر لو ن مروا عليه

* * *
عليله النفس بالله عليك** خلهة
من يوم النوة على الهجر **خلهة
عزيز ومن جفاه الروح **خلهة
ساعة اتموت ساعة اتعيش هية

* * *
هاك العكدة بيدك وانت** حلهه
شديدة ويصعب على الفكر** حلهة
النفس مالحكت تصطحب **حلهة
وغدت تركض ورة الجانوا وراهة

* * *
تلوب الروح جدامك** وتلهة
وحجي الشمات ضعفهة **وتلهة
شبية الطفل شاف امه **وتلها
اجيتك والبجى غالب عليه

* * *
ابد ما ينوصف يا خلك** وجهة
خزرني وبالدليل النار** وجهة
كلت هاك العكل يا ترف** وجهة
كال الروح عندى وهاى هية

* * *
حكيمى جزع من علتى **وملنى
ابكثر ماهو صبرنى** وملنى
الهى ينتقم منه **ومنى
حطيتة الكلب نص الاذية

* * *
اهه العمر خلصته **وراهه
عشره امكدره واركض**وراهه
لون ربي رحم مرة **وراهه
لصليله العمر كله هديه

* * *
شجاوب لو نشد ني الروح **ملها
العاذل والقصد بالنشد **ملها
اكلة العشره حيف الولف **ملها
وهو ايعيد اذا شاف الاذية

* * *
عليش الروح تتعذب** وعدهة
والاف البشر يمهة **وعدهة
اذا تنصفهه اتركها** وعدهه
غريبه ولا تحملها الاذيه

* * *
بسبب حبك دوانه وانت** همنة
علينة الناس صاحت وانت** همنه
وحيد الكلب مسة وانت** همنة
او غريبة الروح ببعادك عليه

* * *
لمن شافة الربيع الورد **خالة
ونشد منهو السواد اعلية** خالة
د شوف اشلون ربك خلق **خالة
على المر مر وكملة الهدية

* * *
قره بذنه العدو عنى** وماله
وسعى ابجاهه لعند اهلة** و مالة
نشدني اشغيره حالى** ومالة
وهو يدري المصاب الصار بيه
علي كاظم درجال
21-06-2010, 23:02
سبحانه من سـواك نص وجهك إعيــون
إزغيــر سبيت الناس من تكبر شلون
***
ارد انشد الصباغ هم يصبغ اكَــلوب
اصبغ دليلي اعليك واحزن فرد نوب
***
سـلَم ولَو بالعين تكفي الإشــاره
روحي إبتلت بهواك .. سويلي جـاره
***
كل ما يجي الليل أذكر وفـاكم
واذكر محاشي الطيب وابجي أبرهاكم
***
شلونـك.. شلون الدار . وشلون الأحباب
أذكر جرح بجلاك خبـرني ما طـاب
***

همي الليالي اتعود واتعاتب أوياك
احجايه للشمات خلاني فركَـاك
***
منك سمعت الاه كثرت جراحـي
وشبيدي خوية اعليك كَصوا جناحي
***
يحمل وفى والطيب والرقه كلــها
أوكل مشكله ابهالكون بس يمه حلها
***
سبحان من خلاك تقسي ابغرامك
جانك اتداوي اجروح رق بكلامك
***
أرد أسـأل العشاك ليش آنه مشتــاك
نايم إبحضن إهـواي واشكي من الفراك

***
شحجي شكَل للناس من همي شحجي
مليان بالحسرات بس احجي ابجــي
***
عمداً أمر بالدار وأشبع مغمــه
وابجي بجي المفطوم ومفارك أمه
***
علمني عالنسيان ارد انسى ضيمـك
وي غيري كَمره اتصير بس حصتي ضيمك
علي كاظم درجال
22-06-2010, 05:34
عايل يالأسمــر عايــل
صبح ضعنهم شايـــــل
ـــــــــــ

ما أگدر على ثمنهم **تسعين ناگة وحايـــل
ماغير هذي السمرة **الخلت بگلبي الحسرة
لك من زاخو ولحد البصرة **والگلب صاعد نازل
ـــــــــــــــ


ياعين غيمي وصبي** ونزلي الدمع لاتخبي
ليش عايش ياگلبي** ومحبووبك إنت راحل
ــــــــــــــــــ
عايل يالأسمــر عايــــل
صبح ضعنهم شايــــــل
ــــــــــــــــــ
ما أگدر على ثمنهم ** تسعين ناگة وحايـــــل


راحت ريمة الجزيرة **العلى حديثاتنا أميرة
خلت الروح بحيرة **وگطعت حتى الرسايل
علي كاظم درجال
22-06-2010, 05:52
لانك بألتزامك مو من اهلك
اخاف تشيل ذنبي مو من اهلك
منو بكدي يحبك مو من اهلك
**

منو بكدي يحبك من عشرتك
وتمنى يصير اصبع من عشرتك
وانا شكظيت خايب من عشرتك
**
اعد بسنين عشرتنة وهي جروح
واحس وية النفس يطلع وهج روح
واخيرا كتلي ودعني وهج روح
**
اروحن وين مااكدر هوة انت
وانه الماهان من اجلك هون انت
اللي بدنياي شي واحد هوة انت
**
وحرت بين ان تركتة وان تبعتة
انا الونيت والون ون تبعتة
ماباعك حبيبك وانت بعتة
**
باع عمرة واشترك بيه
وحزن كلبة على حزنك واشترك بيه
وبعد شدوس كلبي واشترك بيه
**
جبل حبة تكلكل لانتكل بيه
ويادنيا شما دفعتي لانتي كلبيه
واذا تنساه ياكلبي لانتة كلبي
**

ولاريدك بعد وبصدري احملك
وحبيبي شلون ترضى بصدري احملك
اذا حملك يتعبك بصدري احملك
**


الي وروحي الارض وشكد دولهة
وتداوي الداء لو بالمخ دولهة
بس العين مايحصل دولهة
**

دواهة العين خلهة من تقر بيه
وتصب كلما تشوفة من تقر بيه
ولك شيصير حبك من تقر بيه
**
تحبني انتة يقين بصدري موشك
الف شوكة السكوت بصدري موشك
انذبح كلبي وتشظة بصدري موشك
***

وعرف محد يدفنة وشي دفن شي
وعكب صدرة المواكد شي دفن شي
كفر من رسم غيرك شي دفن شي
***

واظن للجنة يدخل من يرسمك
وحبيبك يمسح اسمة من يرسمك
بسمك حبي جمالك من يرسمك
ــــــــــــــــــــــــــــــــــــــــ
علي كاظم درجال
28-06-2010, 22:48
يگولون عنه شــهم يحمي الذي ** جــار به
إختــبره بالضيــج مره .. وبالعســر **جربه
إرخيـلــه مره الـحبل ... مره ابرفق ** جربه
آثار مـن الزعـل .. شـوف إعـله وجهه** بدن
خــايـف يـجـي يـوم يرمي علـيحــبـه **بدان
(لا تربط الجربه گرب وحده صحيحة **بدن)
خوف الصحيحه ذيـچ تصبح مثـلهه** جـربه
******
إشـما يجور الزمن تگـه انته عالي** وأشــم
مرخــص اضـلوعـي الك طرزهــه بحله** وشـم
من غير عـطرك ابد .. لتصدگ اهـوه **وشــــم
مـن حيـــث يا زيــن حبـك وسـط دمي** ســره
يلي عــله شـوفتك وگفـت الوادم **ســــــره
لحـلـف وحــگ اــلذي ... لمسجد الاقصى** سره
نجـمي تره ابفـرگتك ينذر إبمحنه **وشــــوم
******
صار الحچي ابلا فعل سوله وغدت ** عاده اله
مافاد بيـه النصــح .. ابدن ولا **عــدلــه
لعـبك تـره عـل الحبل ماهـي يخي** عـادلـه
گلبك طـلع موگلب … ويـحبله مـيه** والـــف
مـو طبع مني من احـب . ابقه ادورن** ولـــف
حـچيك عـجب غـرني واحسبتك آنـه ** ولــــــف
عـضيت شـــفتي ندم … ليـش الگلب** عـاد اله
******
ما يـوم انتـه اغـلطـت گلت الاحــبة** أمــر
واجــرعــنه من فـرگـتك ســم الفراگ** وأمر
ادلّــل علـينه يـمـن رغـباتـه صارن** أمــر
يـلي ابرمــش عـين ولفــك ســاكن** وحاجبـه
نـورك علي ليـش انتـه بكل بخــل** حــاجـبه
لتصــدگ ابـيوم عـطـفـك انـه لي** حـاجة به
لاچـن ضميري الـذي هـزني .. وبـذلك **أمــر
ابو نور 1949
29-06-2010, 22:07
قصيدة ( كلك حلو من الجدم للراس )للشاعر محمد جبر الخفاجي
*******************************************
يلكلك حلو من الجدم للراس
من كال البعض من بعضك أحله
**
ردت ابدي الوصف والحيره ابدي امنين
ردت انطيك حقك ولو مو كله
**
يل كصتك بدر والشعر جنه ألليل
وجن تطلع شمس من ترفع الكذله
**
يل رمشك كصب من هور أهلنا الجان
من جان أيتشلبه وعرجه بالدهله
**
يل بعينك كحل ماشافته النسوان
رباني الكحل والخالقه امكحله
**
بخدودك دخت والوصف داخ اوياي
جن لمت فواكه وبفرد سله
**
وحلكك صح حلو بس ياحلو دولاب
الحنظل من يمر من شفتك يحله
**
يل رقبتك وسط بين ألكصر والطول
كلت مثل الغزال وكلت مو مثله
**
وصدرك من نضج عاند نضج ليفوك
وغيرك بالعكس لو نضج يدله
**
يل خصرك متاهه اتيه بيه الناس
وجي أنت كنز بس انته تندله
**
من تمشي البشر توكف تصير صفوف
صف يزيح صف ايريد يحتله
**
شلل تمشي الشباب وتلفت الانضار
وانت لوحدك بس تعتبر شله
**
ولأن كل المحاسن تختصر بيك
يعني انت الجمال العل ارض كله
**
ماعندك نقص سبحان من سواك
واتحدى اليشوفك لو لمح خله
منتخالي
نخيت اوليد أخيتي ** منتخالي
وحلفلي ابروح خالي ** منتخالي
كلب سمجه يكلبي ** منتخالي
تظن كل ابن اخت يطلع عليه
شفته
يحط حمره اعلى شفته مره ** شفته
كلت مسكين صارت مره ** شفته
طلع غلطان ظني من ر ** شفته
طلعت لاشكر لاعسل هيه
نشرت القصيده بواسطة الشاعرالحاج علي كاظم الدرجال الربيعي ( صح ألله ألسانك أخوي محمد جبر الخفاجي )
ابو نور 1949
29-06-2010, 22:11
قصيدة / جفاء / للشاعر المبدع السيد سعدون السيد حميد المكصوصي
***********************************************
الروح صعدت للسمه** وكلبي انسجم وي ناره
افيش ياريح الجمه ** وياعنبر النكاره 1
**
اتعده امس وشلون ا مس **انسه وكول طويره
ومن تكعد اكبال الشمس **تزهي ابضواها الديره
مرن اومرن وانه اعس **لكن بعين ازغيره
كحيله واصيله امعلمه **وبحر اليودع اسراره
عين التصدلج بالعمه **وماشاف لذه بداره
**
مدري انه اخاف امن الهوى **ماادري صارت عاده
جيف الكلب مره انجوه **وحيهم وياي اتعاده
مسكين اليدور دوه **ومجنون كلي اشفاده
خله بعد لاتلجمه ** لو زعل دم يتجاره
كلها علي امحزمه **وكلها أصبحت مكاره
**
تتمايل اومرت علي ** خستاوي بعده بسوكه
لتلومني انه اشبيدي **روحي حرك محروكه
اذكر كبل صارتلي في **ماادري كلبي اتبوكه
وبيدر عشقنا اتهدمه **ولميته كاره وكاره
وكل ساعه غيم اتلملمه **تتراعد اومطاره
**
ارد اسألج عن السبب ** تمحين اسم وي الدم
ماكتلي مسكين اوتعب **وكاضي العمر يتألم
مرينه ابحجة عتب ** بلكن تزيلين الهم
جمدوب كاتلني الضما ** ياطعم ماي عماره
انتي لونج مسلمه **جاخفتي من الشاره
**
1 النكاره / قريه من قرى ناحية العدل في ميسان أشتهرت بزراعة الرز العنبوري
****
بواسطة الشاعر الحاج علي كاظم الدرجال الربيعي ( صح ألله ألسانك أبو علياء ألورده )
مسكين الدارمي
05-07-2010, 21:58
والمربي
انه التعبان بيكم ** والمربي
الحنظل يشل ريجي ** والمربي
نذل تلحس عسلنا ** والمربي
وانه فردة تمر حسره عليه
**
موقد انه
هفت جمر المحنه ** موقد انه
رعيع ادري ابعدوي ** موقد انه
على يادان تلعب ** موقد انه
وانه بدان الاحبهم مزهريه
*****
المصدر / باقات من الشعر الشعبي / للشاعر أبو عمار الربيعي
نور على الدرب
16-07-2010, 12:29
قصيدة ( ألبنيه ألمغروره هدى ) من شعر الحاج علي كاظم درجال الربيعي
ياعشرة ندامه ويلهداوي
مثل عشرة الفار ويلعتاوي
**
ربح كل داو يسمر بالسباقات
وانه طول العمر خسران داوي
**
ردتك تبتسم فد يوم ياهيه
مكدر شايل اشكال النعاوي
**
وجهك من تباوع وجه تمساح
شايل غيض وهموم وشكاوي
**
ماعندك حجايه أطيب الروح
ولا صافي حليب البيه تخاوي
**
حتى الجلب طيب عنده وكفات
وانت سموم عقرب بالجلاوي
**
حسبالي وفي وطيب وبن ناس
ماأدري رعيع اودمن واوي
**
كلت اليوم باجر هابعد يوم
يطيب الجرح من كثر التداوي
**
اولمن طحت حسبالي يتجون
اويشيلوني غموس أمن العراوي
**
ماأدري خسيس أومنبت أجلاف
تخلبص غزل عمري أعلى الطواوي
**
أبد ماغيره عندك مامش أحساس
بس كومة شتايم والدعاوي
**
أنه العفت العزيز اومنبت الطيب
أستاهل بعد أكثر بلاوي
**
غمك يازمن غمج يدنياي
ضليت أويبد الذات ألاوي
**
معدنهم دغش كلهم كراهات
راووني الظهر والقمر ضاوي
**
ابد مامش محنه بكلب جلمود
حتى ألجلبه حنت عل جراوي
***************
مع تحيات أبو عمار ألربيعي
نور على الدرب
26-07-2010, 20:26
لاحن
ملوم الكلب عالطيبين ** لاحن
غنج ومهندج ومهيوب ** لاحن
بصدر المجر والنخلات ** لاحن
تذكرت الجره والصار بيه
ماجراني
انه ألجريت حبلك ** ماجراني
وانه من جور دهري ** ماجراني
سألني ألأصل كتله ** مجراني
عرف مجراوي انه وخان بيه
بيدراوي
أنه الحاوي رطبكم ** بيدراوي
وانه ألمحد حجالي ** بيدراوي
ٍسألني ألأصل كتله ** أبيدراوي
ألمنزل كصب والعيشه هنيه
******
مع تحيات الشاعر علي كاظم درجال ( ابو عمار ألربيعي )
ابو عمار الربيعي
07-08-2010, 10:37
حمدنا
تعافينا وشكرنا ألله و **حمدنا
وحتى العاذل بغيضه ** حمدنا
كفو منك نبت طيب ** حمدنا
أنتنومس بيك أبو ذات الوفيه
*****
شعرنا
صور وأفلام يحميد ** شعرنا
ولافد يوم بالعاذل ** شعرنا
بدموع العين خضبنا ** شعرنا
صرنا مسودنين شميت هيه 1
******
1 المسودنيه : عشيزه صابئيه من عاداتهم وتقاليدهم الارتماس بالماء وهو أساس كل شيء في معتقداتهم الدينيه *
نور على الدرب
07-09-2010, 23:22
يهلنا
كبرنا وكمنا نذكر ** يهلنا
وضعنا بأرض ماندري ** يهلنا
ذاك اليوم عيد ألنا ** يهلنا
هني أمن أحبابنا تلتم سويه
ابو عمار الربيعي
16-09-2010, 21:47
أون اونتى صارت **دوى ألها
ونار الشوگ بضلوعي ** دوى ألها
عليل وعلتي ماظن ** دوى ألها
دواها خلتي أ وشحوا عليه
***
يروحي بطلي المعاشر ** وعودي
سباني ونحل اعظامي **وعودي
اني الماخنت مرة **وعودي
عجب ليش الحبيب يخون بيه
***
الدنيا خالفت وياي ** وجفت
ضعون المُحب عني اِبعدت** وجفت
عيوني من الدَمع وَشلت ** وجفت
وغدى بس الونين يحيط بيه
***

ازرع ورد واحصد شوك** وجني
وغرامك بالف لهبة نار** وجني
يجاسي الكلب دمعي حرك** وجني
ولا نوبة عطف قلبك عليه
****
الگلب عاف البشر كلهم** ولك رد
مشى مسافر تذكركم ** ولك رد
عرب ما طيبوا علتي ** ولك راد
دواي انت يهل مبعد عليه

****
علي كاظم درجال
16-09-2010, 22:44
غيد ألأوده مثيل أبهل ألعرب **مايله
بنور خده يلالي بوجنته ** مايله
أشمعدل ألروح ماتفعل بعد ** مايله
من حيث بربا ألجهل ذايك ملذه ** وطيب
كسر الزجاج انكسر مامشله تداوي ** وطيب
أنا ألزرعت ألورد وعملت منه ** طيب
واليزرع أوراد تالي من ألثمر ** مايله
******
أشماله ألكلب مايرتاح ** ماله
مثل ألبلبحر غركان ** ماله
أليزرعله زرع بالثمر **ماله
يتعبه وصار حظ ألأجنبيه
علي كاظم درجال
18-09-2010, 20:35
أنا وليل ألمجر والون والهموم
أنتشارك والدمع بعيوني شاهد
*****
أنا ألضيعت عمري ويالمجانين
انام أعلى ألحصيره وكلبي جامد
*****
ردت أشعل ألنار بكلب ألحباب
أحترقت أنا وقلب محبوبي بارد
*****
تهنه ونام باأطيب عرك طيب
لأن كل ألجروح أصواب واحد
*****
ياهرش ألكطعته أبساعة ألغيض
تضل تنزف غضب وبغم أجاهد
*****
ياريت أمن أموتن أنت دفان
نتباره ألذمم يبن ألأماجد
*****
أوصيك أووصيتي أبرقبتك دين
اذا زعلان خلني أبضيمي خامد
*****
لأن غيضك ثكيل أوحمل هميان
وأظن مايك خبطته وجان راكد
*****
أنه ألمديون ألك لمجرجع الخام
أضل ألياوكت يفلان لابد
*****
وسدني ألمنيه وكلي مبخوت
وهيل أتراب همك وأنت صامد
*****
أهناك أمن أنتلاكه بيوم ألحساب
أنجيل أذنوبنا بميزان واحد
*****
من شعر أبو عمار ألربيعي
ابو عمار الربيعي
20-09-2010, 12:24
أيها ألأخوه ألشعراء في جميع ألبلدان
**********************
هذه ألزاويه من ألشعر مفتوحه للجميع وألحقوق محفوظه ولكن يتحمل ألشاعر ماينشر من قصائد ونتمنى ان تكون هادفه وترفد ألأدب ألعربي بصور شعريه رائعه وجميله وغير مطروقه سابقا وشكرا جزيلا ***
أبو عمار ألربيعي في ( 20 /أيلول / 2010 م )
ابو عمار الربيعي
22-09-2010, 06:01
ونامن
يمته يفتره كلبي ** ونامن
وروحي من القهر تبرد ** ونامن
الناس تحوجل أبحكه ** ونامن
أتغارين ألقهر هل بين أديه
بهداي
هله يلي ينس لهواه ** بهداي
وخلخاله ينوش ألحجل ** بهداي
أمن ومش يالمحبوب ** بهداي
أمنين أتخاف وأنت أوصلت ليه
وأغارن
احب ألخيل لو لزن ** وغارن
عيوني من ألبجي شفن ** وغارن
اموتن من تحب غيري ** وغارن
ونه بعده ألهوى يحكم عليه
وانه داوي
تهب سموم صرصر ** وانه داوي
جروحي دوم تدي ** وانه داوي
ربح كل داو يسمر ** وانه داوي
خسر وهل ألهوى يلومون بيه
ابو عمار الربيعي
22-09-2010, 17:32
لاتسربه
يحادي الزمل هونك ** لاتسربه
وتره كلبي أمانه ** لاتسربه
ولو سرك زمانك ** لاتسربه
تره سنين العمر حلوه أورديه
وليفاي
راح ألجان ألي ونسه ** وليفاي
وجان من الشمس ظلي ** وليفاي
فيته ما تضر غيري ** وليفاي
بقيت أوحيد بس أصفك بديه
وألطمانه
عليك مهدل أنحب ** والطمانه
وأبد ماذكت راحه ** والطمانه
وحك ألله من ألده ** وألطمانه
أوسدنه ألمنيه أوأطفي ضيه
وألترابه
وحك نتاك كلبك ** والترابه
تضل عيوني وكحه ** والترابه
أنه الساكن مريبي ** والترابه
واعرف الشاع والملغز عليه
ابو عمار الربيعي
11-10-2010, 15:45
ياهوى الجلعه أمن شمك ** وانه عابر عالجسر
أنسه كل هم العليه ** وأسكر بليه خمر
ــــــــــــــــ
تمشي روحي اويالجرف
نغم صفصاف بلطف
الماي بزلوفك يحف
يالجمالك كله سر
*****
ياهوى الجلعه اشحلاتك ** وانت طيب ادري بيك
تملي رياتي محبه ** وانت بايع وأشتريك
ــــــــــــــ
أه ياريحة أهلنا
ياحزنا ويافرحنا
والمنازل غدت جنه
ياوطن كلك سحر
*****
ياهوى الجلعه سلاما ** عالوجوه الباسمات
ياتمر خستاوي طيب ** من نخيل ألبهضات
ـــــــــــــــــــ
يامنادي بظل جرفنا
ياشعر مصبوغ حنا
ياكحل بعيون أهلنا
انت بعيوني قمر
*****
أنت بعيوني محنه ** وطلتك طيب أو وفا
انت جنه بعيني واكبر ** انت موقد ماطفه
ـــــــــــــــ
انت سالوفه قديمه
معضد بمعصم حليمه
صرتي بعيوني يتيمه
من نويتي أعلى السفر
*****
ياهوى الجلعه عذابي ** وحيرتي بديار غربه
ياحسافه العمر غرب ** وأنقفل درب ألمحبه
ــــــــــــــــــــــــ
ضعنا تيهنا دربنا
ولاأكلنا ولاشربنا
وصار للشامت زرعنا
وضاع ياوسفه الثمر
*****
ياهوى الجلعه سلاما ** من تروح ومن تجي
مثل روجات ألمشرح ** من تميل أو تنتجي
___________
روجه مليانه محنه
وروجه معجونه ابدمعنه
صرتي نار بوسط جنه
ياحياتي امن الكدر
ابو عمار الربيعي
15-10-2010, 20:23
أمي ألحنونه الزاجيه
************
امي الهزت الكاروك ** وامي اللولت وناحت
وامي الماتنام الليل ** لو نام القطا نامت
وامي انعجن بيها الطيب ** مثل الورده لو فاحت
وامي عيونها النجمات ** بعنان السما لاحت
وامي معدله وبت خير ** لو كعدت اولو كامت
وامي لو صرخ جوعان ** عافت زادها وصامت
وامي بلون ثلج الكاع ** بيضه ومهره لو صالت
وامي مهندجه وعيون ** شهله وبالدمع لاجت
وامي ام جرغد النوماس ** لو دردمت لو لولت
وامي اموسمه بشامات ** سود او عالوجن دارت
وامي المالواها العوز ** والايام من جارت
وامي اومن اصيح امي ** يهيج الشوك بيه وعت
امي وماابدل امي ** لأن كل بت لها منبت
امي مزامط الاوطان ** لو غنتبت لو ضحكت
امي من تزاعل ناس ** جن عين الشمس دارت
امي وبليالي شتاي ** تسهر ابد مانامت
امي اومن دمعها الكاع ** صارت وحل لو ناحت
امي وياحسافه الموت ** اخذها وفرحه مادامت
امي اشعندي غير امي ** الوفيه الطاهره البارت
امي ويامعزة امي نبت طيبين والبطون ماخابت
ـــــــــــــــــــــــــــــــــــــــــــــــــ
للشاعر / علي كاظم درجال ( ابو عمار )
ابو عمار الربيعي
13-11-2010, 21:36
قرص نعناع خدک وانته= هیله الحسن بس الجنابک وانته= هيله
اتراب اللحد بیدک وانته = هیله یهاب و ما یمر منکر علیه
**
حبیبی امسهر العشاگ = ليلاك ابکثر نوحی ونحیله اعضای = لیلاک
ارید الله یحرمک نوم = لیلاک مثل ما حرّمت نومی علیه
**

تهل بطروشنه طروشک = نهالي دمعک من یهل دمعی =نهالی
جسمک من نهل جسمی =نهالی نارک من تشب نیران بیه
======
بواسطة علويه البصراويه
مسكين الدارمي
25-11-2010, 20:32
يازمنا
يشيب الطفل منك = يازمنا
احباب الي نودهم = يازمنا
جنت تطوي الفيافي = يازمنا
شجاك اشعطلك شبطاك اليه
***
من شعر / عجرم بن حسين ابو السوف
ابو عمار الربيعي
11-12-2010, 20:45
أبيات من ألابوذيه / أعداد أبو عمار ألربيعي
========================
1 ياليت
على صدري جدايل سود = ياليت
وأمي لم تلد ذكراك = ياليت
يكون أنا وحبيبي نموت = ياليت
يريت اتصير دفنتنا سويه
****
2 بدوه
حسافه أللبن جان ثخين = بدوه
وعليه ألأجنبي ياحيف = بدوه
أشماسوي فضل للناس = بدوه
عكب طيبي يجازوني برديه
*********************
مسكين الدارمي
16-12-2010, 18:50
يدر بالدر تداري = منتداري
بدر بدر بدارك= منتداري
قسم بالدر لدورن= منتداري
وادور الدور دور القاط ميه .
***
تحل بالحال حبلي = وانتحبلي
حِلا حالي ابحلالك = وانتحبلي
عدوي الجان ضدي = وانتحبلي
حبيب وحل مجاني الحل عليه .
***
يخل يالخال خالي = وانته خالي
تخل بالخل خليلك = وانته خالي
تظل ما بيك نخوه = وانتخالي
اليضد والخل يخل خلات بيه .
================
للشاعر الرائد المرحوم نعمه غالي ألفريجي من مواليد ميسان 1932 م
مسكين الدارمي
17-12-2010, 20:39
أهنا يمن جنا وجنت جيناك عنوه انزورك
غالي وعلينا ما هنت ونريد شم ازهورك
ونذكرك ايام المضت. يوم الجنت وشهورك
ما تبلغ المية شهر ونقدرك ونهابك

***********

اهنا يمن جنا اوجنت جيناك خويه انشوفك
ونذجرك ايام الجهل ذيج المضت منعوفك
ونريدك اتصبح وفي اترد لهفته الملهوفك
بس لا تناسيت الولف ويهب ثلج مشهابك
***********

اهنا يمن جنت الضمد النا وجنت تهوانا
والبيتنا جنت العمد وتكيف ابملكانا
شنهو الذي منا حصل عنا تصد تنسانا
بيك الكلوب امهيمه . اتود الهله وترحابك
************

اهنا يمن جان الوفى . او وصل الولف من شانك
لمن تمر تنطي كفى وحنا الصدك خلانك
جفني وحكك ما غفى جيفن تغمض اجفانك
ولف الجهل ما ينسى رايح غلط باحسابك
************

اهناه يمن جنت الكمر وليالنا بيك اشركن
يا ما تشاركنا السهر وياك وايام المحن
ردتك تمر حين الشفت حادي الضعن ساك الظعن
وتوادع اصحاب الجهل . وتنوح نوح اصحابك
***********
المصدر/
منتديا ت عشيرة الفريجات ( حقوق محفوظه )
الشاعر الرائد نعمه غالي حسن الفريجي / من مواليد الكحلاء 1928 م
ابو عمار الربيعي
24-01-2011, 15:29
( هذاك انت ) للشاعر علي كاظم درجال ( ابو عمار الربيعي )
====================================

موش أنت ألحدر ضلعي وأكول أنت
**
ولاذاك ألزرك نكاط من شفته
**
. وهذاك أنت جذر عاكول مالحته
**
وهذاك أنت ألتدوف ألحنه معجنته
**
وهذاك أنت ألهمل مزنه أعلى مكحلته
**
وأنت ألسلهمت عينك لمن شفته
**
وهذاك انت ألنسل شعره أعلى مكصرته
**
وهذاك أنت أ تلولح كذلته بكصته
**
وهذاك أنت عسل لجبال من ذكته
**
وهذاك أنت حوافر خير خاصرته
**
وهذاك أنت شطب ريحان ناضرته
**
وهذاك أنت أليطك عنبوري لو جسته
**
وهذاك أنت نبع شفاف خاطرته
**
و أذا كلبي لجمني وكمت مازحته
**
واكول أنت -لأن أنت الحبيب بعوز شاركته
**
واكول أنت - صلاة ألليل وألترتيل نافلته
**
وأنت هلال والصيام ناطرته وحلم أنت
**
حديقة بيت كل ألورد حاضنته أشحلاك أنت
=========================
مع تحيات ( أبو عمار ألربيعي ) في 23 / 1 / 2011 م
ابو عمار الربيعي
16-03-2011, 14:51
يماي

رضعتيني الصبر والضيم = يماي

وكتلني العطش وانه الجرف = يماي

الأحبه أكبال (اقبال )عيني دوم = يماي

وأحسه ابعد من نجوم الثريه
============================
ابو عمار الربيعي
20-03-2011, 22:38
السريع في الشعر الشعبي
=================


ذوبت كلبي بصدودك وبجفاك

اتغيرت متكلي ياكلبي شجاك

**

اشتكيلك ياحلو وبعيني عبره

وأه لو تدري شعمل بيه هواك

**

بالذي يرضيك ياولفي رضيت

واطمع ابوصلك يمحبوبي ورضاك

**

لاتظن أنساك ياوردة اصباي

وشلي بكلبي لو تحداني ونساك

**

لو غبت واتبعدت عن العيون

أتغيب روحي وراحتي تمشي وراك
---------------------------------------
نور على الدرب
05-06-2011, 22:11
وحك ام حمل والشط ** والمغربه

انه ابحسرت الضعنت ** والمغربه

الليل الفرش وحشه ** والمغربه

يروح وهم تجي الغبشه الهنيه

==================
للشاعر علي كاظم درجال الربيعي
علي كاظم الربيعي
11-06-2011, 17:02
دارمــــــــــــــيات لطلاطة
=============
لاتگطع اترجاك
سمعني كلمة
والله الهوه بلياك
مايسوه اشمه
==============
لاتظن يوم انساك
يالمني بيه
ماي انته ومباريك
بثنين اديه
===========
سهران افكر بيك
ماشايف النوم
وتخيلت مرسوم
وجهك بالنجوم
=============
ينراد اخلي اعيون
بعيوني ذني
حته اگدر ابچي اعليك
من تمشي عني
================
هدني التعب يفلان
والهم أكلني
من غيبتك لليوم
محد فگدني
================
نمت آنه عالتبريد
حسبالي أغفه
نار المحب بحشاي
ماترضه تطفه
==============
أصفن واعد انجوم
وايدي اعله خدي
هم غربة هم افراگـ
هم ولفي ضدي
==============
للدوم اظل وياك
يالطيبك ايفوح
ولخوتك ماعوف
لو تطلع الروح
==============
غيرة وكرم واخلاص
كلهن صفاتك
واتعب شوصف بيك
يالطيبة ذاتك
==============
صدگني آنه اوياك
روح بوسط روح
گبلك أحس بالآه
لو إنته مجروح
==============
تدري شوكت أنساك
وبگلبي اتهون
من تسمع آنه اهناك
بالنجف مدفون
==============
حسبالك آنه انساك
يالتسوه كلشي
تسوه العدل والمات
والتوه يمشي
==============
عبوة وزرعني الشوگـ
صرت اعله دربك
واعذرني لو طگيت
فجرني حبك
==============
تدري شوكت أنساك
ياأغله الاحباب
لمن يجيني الموت
واتغطه بتراب
==============
لعيونك الحلوات
صدگني أشتاگـ
ماأصبر بلياك
واتحمل افراگـ
==============
كون الجمال البيك
أتمنه بيه
حته آنه من اشتاگـ
أصفن عليه
==============
غالي وعزيز اهواي
وفراگك اهموم
وعيوني لو تنساك
أعميها للدوم
==============
حاير شحط للعين
وامنعها منكم
صبح وعصر وغروب
تسألني عنكم
==============
عيون البشر حلوات
بس عينك احله
خظرة وتسلب اعقول
لو تحط كحله
=============
ظلمة وتريد الناس
توصل للبيوت
بس آنه اريد الگاك
هالساعة لو موت
==============
گالولي اجاك العيد
چا ليمته اتهيد
عيد اليمر بجفاك
ماينحسب عيد
==============
تدري آنه گبل العيد
عاشورك اوياي
حاسمها لو مو عيد
ماتضحك اشفاي
==============
يم بيتي بيتك كون
واشمرلك العين
تشبعها منك شوف
وتردها بعدين
==============
صايم على فرگاك
غيرك فلا اريد
أفطر أنه بملگاك
وك شوفتك عيد
==============
أتعارك اويه النوم
بلكي اغفه وانساك
تاليها صورة وصوت
إبحلمي الگاك
==============
باخر نفس مخنوگـ
واتمنه اشوفك
واعذرني بس الموت
يجبرني اعوفك
==============
نامت اگلوب الناس
بس گلبي گاعد
والضغط من فرگاك
كل ساعة صاعد
==============
للموت اضل وياك
ماابدل الراي
وافدي الجسد والروح
لليوفي وياي
==============
بالگلب ساكن دوم
مايمكن انساك
يهجرني حته النوم
من يمر ذكراك
==============
علي كاظم الربيعي
11-06-2011, 17:07
الخوة شحت حيل
صارت قليلة
لكن وحگ عيناك
خوتنه اصيلة
==============
ليل وشتى وبردان
ماتدري حگك
ماأدفى حته بنار
أدفه امن اشبگك
==============
أصفن واحاچي الروح
وين احنه چنه
هم ترجع الأيام
ويلتم شملنه
==============
علي كاظم الربيعي
11-06-2011, 17:21
ابو ذيات لطلاطة
===========
طعم طيبك يغالي عسل = وي جوز
ومنك مايتوب الكلب = و يجوز
تريد انساك بس بالموت = و يجوز
تلمنه الاخره ونرجع سويه
**
سكر كاس الخمر من ذاك = نفسك
و اكو غيرك حلو بس ماكو= نفسك
اريدك ياحبيبي اتبوس = نفسك
بس ابضامرك تنويها اليه
**
شخصك حيل طيب = وانه احبـه
وحرت وين اشم خدگ = وين احبـه
انتـﮧ الورد الابيض = واني احبـه
واموت عليگ من تسئل عليـه
**
ردت طيفك يلوح بيوم = مالاح
وطعم فركاك صار هواي = مالح
بعد ماودي رساله = وابد مالح
لان مايوم رد مرسال ليه
---------------------------------
علي كاظم درجال
24-06-2011, 18:38
وي لف
زماني اليوم هتلي وكلف ** وي لف
نغل ينهب ابمال الناس ** وي لف
اضل اغسل بذيله دوم ** وي لف
مكركش والنجاسه ذيج هيه
===================

وين انه وبياحال يردون اخاوي
وكانون الحبيبات بالكلب داوي
------------------------------------
علي كاظم درجال
24-06-2011, 22:56
لفاني خفيف ألطول ** مازر
خمل وزرار فوك ألصدر ** مازر
كلبي من لحاظه يثور ** مازر
نهودك والتفك أوجرن بيه
===================
علي كاظم درجال
25-06-2011, 22:50
مقطوعة ( ون ياجفن ) ابو عمار الربيعي
=====================
ون ياجفن وامطر دمع
**
وانحب حزن حدر الضلع
**
واشلع جذور الهم شلع
**
لاتاخذك ومضة فرح لاتنخدع
**
دنياك عبرة كنطرة وعمرك شمع
**
لاياجفن لاتنخدع خليك ثابت كالجذع
**
بيافوخي مفتول الحزن ماينكطع
**
كطرات دمعك من تصب ماتنسمع
**
ترسم خرايط عالوجن من تنفدع
-----------------------------
علي كاظم درجال
08-08-2011, 10:46
المساجلات في الشعر الشعبي
----------------------------
يقول الشاعر سعدون المكصوصي\
--------------------------------
مدري الضعن وين راح - - وليا نويه
يا كاظم الدرجال – شيرده ليه
--------------------------------
الجواب من الشاعر علي كاظم درجال الربيعي
------------------------------------------
1
أدري ابضعنهم شال – وانوى اعلى نيه
طاح ابصريم وشوك – مايرد ليه
-------------------------------------------
2
شورت بيه سعدون – والشاره ديه
طاح ابحلك تنور—نعله اعلى بيه

مع تحيات ابو عمار
علي كاظم درجال
12-08-2011, 10:27
من المساجلات الشعرية
-----------------------
الدارمي للشاعر سعدون المكصوصي من العمارة
---------------------------------------------
اشكد وشكثر عيلات == مرتني وتفوت
بس طحت من سمعيت ==هذا اهله بالكوت
--------------------------------------------

الجواب للشاعر علي كاظم درجال الربيعي
--------------------------------------------
خي عونك العيلات == تسمعها وتفوت
من كلت من ميسان == صرت ابحلك حوت
--------------------------
مع تحيات ابو عمار الربيعي للسيد ابو علياء المكصوصي
علي كاظم درجال
13-08-2011, 21:39
كتلني الينسل بريحه ** بلاماي
مثل عود الكبر وأزهر ** بلاماي
طراريد العشك سارن ** بلاماي
مراديهن هوى واعملن بيه .

---------------------------------------
علي كاظم درجال
13-08-2011, 21:47
مشحوفي طرّ الهور والفالة بيدي
بنيّه لو گطان آنه او نصيبي
----------------
سکان الهور معازيب يحبون الضيوف ويحترمونهم ونحن نسمي من يسکن الاهوار (المعدان) [تسمع بالمعيدي خيراً من أن تراه].قالها النعمان بن المنذر ملك الحيرة على ( نوع من الطيور )
وعلي ذکر کرم وسخاء المعيدي ، حينما سؤل ان يتمني قال :
----------------------------------------------------------
تمنيت ياربي عليك الفين مهدوده ( المهدوده=الجاموسه)
والفين راس امن البقر ماجوده
والفين فرده امن التمر مفروده (حتي يبيّن کرم المعيدي او جوده)
والفين کرمه من العجم ممدوده
وهو يفتخر علي الحضري الذي قال:
-----------------------------------------
تمنيت ياربي عليك الفين سيتاوي (سيتاوي=حارس)
والفين تاله من النخل برحي او خستاوي
والفين راس من الغنم بيضي او مکاوي
وبنيه غاويه وآنا لها غاوي
وهم يحبون التصغير في کل شئ فالاسماء جويسم ، ارويض ، محيسن ... الخ
قال احدهم يخاطب جاره : خويه اشبيه اغديکم قال له: اغدينه انصيف اذويل اميل شبيبيط (ويعني نصف ذيل شبوط)

حکاية مريم
------------------------
مريم وتسمي امريّم تصغيراً ، امرأة فقدت ابنها وزوجها في عدة ايام ففقدت عقلها ثم سکنت البنايا جمع (بنيه) وهي قبور يوضع فيها الميت (امانةً) او وداعاً کما يسمونه لأمد معين حتي يخرجوه ثانية ويدفنونه في النجف وهي عادة اسلامية ايام زمان ..
والبنيه تشبه القبه الصغيره مبنية من الطين والقصب.
کانت مريم تجد ملاذاً في هذه القبور الخالية تعيش علي صدقات الناس. کانت عائلتها تمتهن زراعة الخضر ويسمونهم محلياً الحساوية ويرونهم الفلاحون مرتبةً دنيا کذلك (البربرة) اللذين يمتهنون صيد السمك.
کانت مريم تترنم ببعض الاهازيج مدحاً بزوجها ، تقول :
-------------------------------------------------------
زرع لوح الفجل والشلغم إبراگه
تلوگ إبچتف ابو محيسن المطگاگه
رجف من شاف ابو محيسن السطاوي ( الحرامي )
شرد مثل المجريه تطرد الواوي (ذات الجراء=الکلبة وتکن شرسة جداً)
محلَه من يمر ويصيح خضراوي
تعالوا جاي يرفاگه
تلوگ إبچتف ابو محيسن المطگاگه
--------------------------------------
عابرة سبيل2005
16-08-2011, 17:50
http://www.noraletra.com/vb/images/smilies/bsmsalm.gif

جزاكم الله ألف خير وبارك بكم
علي كاظم الربيعي
21-08-2011, 22:07
شجاني
------------------
شجاني ومن جديد النوب حبيت
جنت عاقل واكيد وياك جنيت
==
تبت توبة نصوحة من العشك دوم
وعلى فيض المشاعر حرس خليت
==
قفلت كلبي قفل مرعوب وبليل
عجيبة شلون كلي لكلبي طبيت
==
للعشرين جنت رجعت وياك
وجن كبلك ولا فد يوم حبيت
==
على رموشك كحل من حزن ودموع
وعلى وركة خريفي افراح نديت
==
يا عين التشيلك يا شمس آب
اشيلك حجر لو الك صديت
==
فداك الراح كلة وانذر الجاي
وعمت عينه اليكلك فد يوم ضحيت
==
تمنيتك الي بأول اللجمات
وشكد حلمت بيك وتمنيت
==
لو تدري فرحتي لجيتك هاي
ولو تدري شجبت وياك من جيت
==
جبت بسمة لشفافي العطشن سنين
والف جرح بجرح بالروح راويت
==
كلي ذنوب ادري، وروحك ايمام
نزعت الماضي كلة وابيض كلب طبيت
==
ومن نور البروحك شاهت العين
كبل ماطوف بعيونك تحفيت
==
اعشك لحظة لحظة واشكي الفراك
انت وياي كلي واني سليت
==
ريتك تبقى كتلك ريتك وياي
وكلشي البية اسمعه يكول يا ريت
------------------------------------
علي كاظم درجال
27-08-2011, 16:17
الى سيدي ومولاي الامام الحسين ( ع )
=======================
امد جسمي ويبابك وازحف ازحوف
**
وجيك بعطش ضامي وكلب ملهوف
**
واخلي دموعي حرثه لليجي يطوف
**
واشد معصب الراس بشال من صوف
**
ياحيد النشامى الماعرف خوف
**
يدم الخط عجايب يوم الطفوف
**
فرق مابين ايد اتريد معروف
**
وايد اشابك الجرذان الجلوف
**
سلاما عالجسد من داسته الخيل
**
وغمك يازمان اتكطع الجفوف
**
سلاما ياارض حضنيتي الحسين
**
حضن ام الطفلها بشوك مشغوف
**
سلاما يامضاجع صارت اعلام
**
وعلى الدنيا العفا واشله المشحوف
_______________________
مع تحيات ابو عمار الربيعي
علي كاظم الربيعي
30-08-2011, 21:19
هدماي
عليه أجحف زماني وكثر ** هدماي
ونهر النذل شوف شلون ** هدماي
أخبرك هدم مرتي صار ** هدماي
وشيلتها صفت يشماغ اليه
-------------------------
علي كاظم الربيعي
19-09-2011, 22:08
المساجلات في الشعر الدارمي
------------------------------------------
يقول الشاعر عبد الحسين الدراجي – العمارة
-------------------------------------------
صحباني وكت الضيج ماواحد انشاف
وكت النفاه اهواي تنعد بالالاف
---------------------------------------------
يقول الشاعر السيد سعدون السيد حميد المكصوصي – العمارة
-------------------------------------------
متحزم احزامين فن واحد يفوت
السلف كله اوياي واليوصل يموت
--------------------------------------------
يقول الشاعر جبار المكصوصي
--------------------------------------------
اتحزم احزامين للحك والنصاف
وليمشي بالطيبات صدكني ميخاف
-------------------------------------------
يقول الشاعر علي كاظم درجال الربيعي
-------------------------------------------
ثنيت انه وثاويت اشحده ليفوت
معفي اليمر بالدار رديته تابوت
--------------------------------------------
يقول الشاعر حسن راضي موسى الوحيلي
--------------------------------------------
للموت اشد احزام كون اسمع الصوت
انه وهلي نهد ليك لو يكرب الموت
-------------------------------------------
ميسان في 19 / 9 / 2011
علي كاظم الربيعي
05-10-2011, 16:19
من شعر الابوذية
--------------------
من شعرالشاعر هشام نجم الربيعي
وفراح
العمر مرهون هم وحزن – وفراح
وظن مايوم اعوف الحزن – وفراح
اشوفن جنت بس الروح – وفراح
عمت هسه وشمتت اعداي بيه
*************
ومن شعرالشاعر ملا جادر ملا حطاب
وشراك
انطر قلبي ابكثر النوح – وشراك
تخيل لي جبينه البدر – وشراك
خفت ارشف شفة المحبوب – وشراك
حرت شصنع ونه روحي شهية
*************
ومن شعر الشاعر علي حسين رديف
عيسه
حادي البل شله بالنوك – عيسه
ولا مره اجاه النور – عيسه
شفت سمراء اجمل قوم – عيسه
انشده عقلي وغرامي عم عليه
*************
ومن شعر الشاعر علي كاظم درجال الربيعي
بيديراوي
انا الحاوي رطبكم – بيديراوي
وانا المحد رواني – بيديرواني
سألني الأصل كتله – ابيدراوي
المنزل كصب والعيشه هنيه
***************************
علي كاظم درجال
05-10-2011, 18:35
من الشعر الشعبي / الابوذية
------------------------------
ونهده
امعرت لارضه يهدني ** ونه هده
سويعه لارضه نكعد ** ونهده
ابوسن بيه من شفته ** ونهده
وصلت للصدق عاندت هيه
****************
شدهن
حرت مدري شضمد ششد – شدهن
كثيرات وعليه صعب – شدهن
شدهني الوكت يبن الناس – شدههين
شده باول شبابي وشيب اليه
***************
ولاحوك
بعد مااغزل الغيري – ولاحوك
لأن لاالردي يستاهل – ولاحوك
غشمه وصوبوك انته- ولاحوك
غضنفر بالحجي صاير عليه
***********************
علي كاظم درجال
06-10-2011, 14:45
قصيدة ( السمراء ) من شعر اهلنا الطيبين
-------------------------------------------
طولك حلو مثل الغصن
زلفك امنشر عالمتن
نهدينك ابغاية حسن
ومرصعه ابشذراتك
يسمر يبوا عيون السود
ليش الهجر عاداتك
خليتك انته ومرضعك
بلكن تردك ذاتك
اعطف علي يسمر درد
يالوجنتك روضة خلد
وارتشف من خدك ورد
واشتم مسج وجناتك
يسمر يبوا عيون السود
ليش الهجر عاداتك
خليتك انته ومرضعك
بلكن تردك ذاتك
------------------------
مع تحيات ابو عمار الربيعي
علي كاظم درجال
28-10-2011, 17:22
قصيدة ( حليب الأم ) للشاعر علي كاظم درجال الربيعي

-----------------------------------------------------

اشكد ريان جسمه ** الرضع من ديس امه

سفينتنا محطات

والدنيا مسافات

اوحليب الام صلاوات

وفه وبلسم ونعمه

**

حليب الأم بساتين ** ثمر غالي ورياحين


سوالف بالدواوين ** اشم امي امن اشمه

**

حليب امي جداول ** يمر باحلى الخمائل

ورد جوري اوفسائل ** جمعها باعلى قمه

**

حليب امي اشحلاته **غني اوحلوه صفاته

اصيل اونكر ذاته ** الشبع من حلمة امه

**

حليب امي شربته ** احسن عسل ذكته

طعم هيل ومضغته ** مري اوطيب ابطعمه

------------------------------------------

كتبت في 28 / 12 / 2002 ولحنت وغنتها مجموعة من الاطفال في مهرجان في ديوان وزارة الصحة لتشجيع الرضاعة الطبيعية ....
علي كاظم درجال
28-10-2011, 21:22
جسر قلعة صالح / للشاعر ابو عمار الربيعي

-------------------------------------------------

ياجسر جلعة هلي يامعبر الطيبين

**

جيت او شبكتك جرف ___ ضامي وحبسني الطين

**

ياسندباد البحر غافي ابيابي العين

**

ياشمبلان النهر جذره ابحلاة التين

**

صفصاف جرفك نما ---او خيم على الصوبين

**

لطلط يموج النهر كلهم تره معيدين

**

دك ياطبل بالعظم كلهم تره مغربين

**

سبحه وكطعها الوكت والخرز صار طحين

**

شلحم ششلن ششد فاضن سواجي العين

**

عالخد احفرن نهر هلبت نوفي الدين

**

ياجسر اهلنا الوفي امفاركهم امن سنين

**

عبروا تراهم ولك دليني راحوا وين

**

اشمالك جفاك الوكت وارداك وسفه البين

**

وانت الحضنتك طفل وتكلي انت امنين

**

برعم شتلتك ولك مابين البساتين

**

خضرت اعطر ورد لكن الك وجهين

**

كل وجه لونه شكل ياوسفة مختلفين

**

حالف اصيرن ولك معبد للمحبين

**

وانت تضل بس رسم عد ناسنا الحلوين

**

ماتوانا

يبويه الدهر اوجر ** ماتوانا

أحباب الي نودهم ** ماتوانا

لون تحسب الناس ال ** ماتوانا

ولامعبر شبر مابيه ضحيه

-----------------------------------
علي كاظم درجال
28-10-2011, 21:28
لاتنعين
----------

لاتنعين صوت الليل مسموع

**

ولاتبجين كل انسان مصروع

**

وماتدرين هذا المات مامات

**

اذا عنده عرك بالارض مزروع

**

خوفج عل اليموت ابتر ومكطوع

**

يفز مرعوب من كابوس الاوهام

**

وعيونه اتدامه هموم ودموع

**

حتى الماي حنظل طعمه بالريك

**

او حسراته اتكسر بين الضلوع

------------------------------------

مع تحيات ابو عمار الربيعي
علي كاظم درجال
27-11-2011, 14:20
زهيريات ميسانية / اعداد ابو عمار الربيعي
---------------------------------------
اولا :: شرك
ياساري الليل عقلي من ودادك – شرك
ريض رعاك الذي محد ابحكمه – شرك
بطي بالوداع حبك بالمفاصل – شرك
احلف ابراس النبي لجلك وامير – النحل
جسمي من اجفاك اصبح في نزول – ونحل
صارت حلم ياصاحبي ذيج الليالي – ونحل
من بعد ذاك العز صرت انه بسجن وحديد- وشرك
ثانيا ::: وسام
من مثلي بالروح لجلك باع بيها – وسام
صاحي ادخلت عشرتك وطلعت بيها – وسام
من قبلك ابليس افتن بين حام – وسام
معذور ماعاتبك ذاتك عليه – حالتك
من حيث لن عكربه تلدغ طبع – حالتك
ادعي عليها ابمرض ايد الذي – حالتك
وكف اليطعمك شهد حنظل سقيته _ وسام
ثالثا : مايصح
ياصاح عودي ذبل وبكل دوه – مايصح
والدمع هل وجرى من مقلتي – مايصح
حتى مخلول الذيب مثلي لو صحت – مايصح
من حيث انه مصيوب حدر الجوانب – تبن
ومعالج الروح سري اعلى ماموتن – تبن
لاتنهضم للسبع لو جان علفه – تبن
اليوم حتى التبن علف السبع – مايصح
--------------------------------------------------
وهنا اتذكر قول الشاعر المرحوم سالم خلف لايذ العتابي
ارى حمرا ترعى فتعلف ماتهوى ** واسد جياع خان الدهر ماضيها
عابرة سبيل2005
28-11-2011, 21:37
http://www.noraletra.com/vb/images/smilies/bsmsalm.gif
بارك الله بكم

في ميزان حسناتكم
علي كاظم الربيعي
01-12-2011, 18:27
شكرا لعابرة سبيل على المرور والتعليق الجميل .....
فرحان علياني
02-12-2011, 08:45
بسم الله الرحمن الرحيم
السلام عليكم ورحمة الله وبركاته
بارك الله فيك اخي علي كاظم الربيعي
على ما قلت وما نقلت ولقد هيجت المشاعر ولدي الكثير وانا لست بشاعر
والسلام عليكم ورحمة الله وبركاته
اخوكم :
... فرحان علياني ...
علي كاظم الربيعي
05-12-2011, 21:39
شكرا للعلياني على التعليق الجميل ... تحياتي
فرحان علياني
06-12-2011, 12:24
بسم الله الرحمن الرحيم
اخي علي كاظم الربيعي المحترم
السلام عليكم ورحمة الله وبركاته
اما بعد :
اخي العزيز منذ الصغر و انا اعشق الشعر الشعبي متآثرآ بما كانت تنعي به والدتي عندما
تمر بها ضائقة بسبب وفاة والدي ولم يكن لها معينآ ولا نصارآ سوى صغارها اليتامى وكان
ذلك بعد وفاة والدي رحمه الله في عام 1958م ومنذلك الحين انا اكتب في خراطيش محفوظة
لدي ولم انشرها بسبب عدم معرفتي الاوزان الشعرية وبحورها وكنت اخشى النشر لان معرفتي
بقواعد اللغة العرية هي ضعيفة ايضآ .
فهل يمكنني ان ارسل اليك بعضآ منها وتقول رأيك بصراحة وامانة وبلا مجاملة انها تصلح
للنشر من عدمه .
والسلام عليكم ورحمة الله وبركاته
اخوكم :
...فرحان علياني ...
























:
منازار
15-12-2011, 13:27
أخي الفاضل فرحان العلياني حياك الله معنا في الشبكة

راسل الاخ الربيعي على الخاص ربما لم ير مشاركتك هذه

خالص التحيات
علي كاظم درجال
03-01-2012, 20:08
(ركبانيةسيد فالح )
ياراكبا من فوك بكرة سبيه
تسبق نسيم الريح مرت عليه
قلت ارد اسالك قال رايح ابنيه
قلت ارد اساوم قالماعندي انا سوم



ريض رعاك الله يابوا رشيده
نيتك سريعة اتعود لو هي بعيده
سوي امروه اوياي وجطلي وعيدة
القلب من كثر لوعه بات مالوم
***
ارخى سدوله الليل وابدى سلامه
قالت انا بيني وبينك علامه
لو غرد القمري وناحت حمامه
طار الكرى من مقلتي ماترىالنوم
*****
حمل هم
ياهو اللي مثل قلبي ** حمل هم
وصفيت امنت الشايل ** حمل هم
ناس الكنت انت سايق ** حمل هم
لذت بيهم يناهي اشلون بيه
علي كاظم درجال
05-01-2012, 20:49
بسناك
يبدر التم صحيح الريم*** بسناك
سني لو من سناه ايزيد *** بسناك
الك شفة عقيق وبرد *** بسناك
والك زلفين والخيله شجيه
------------------------------
علي كاظم درجال
05-01-2012, 21:23
انه محمديهيله
--------------------------
انه محمد يهيله ماتعرفيني
**
وليف اصباج ذاك الي نسيتيني
**
انه محمد يهيله من يمر طاريج
**
روحي اطير بيه وينخطف لوني
**
اذا ماصح ورق تكتب مكاتيبك
**
بالاوراد ترويلي وتخبريني
**
انه الشلتج سلال اشواق
**
ماظني ابصريم و شوك ترميني
**
واذا ماجو هلج غفله يبنت الناس
**
تطويني بعباتج حتى تحميني
----------------------------------
علي كاظم الربيعي
19-01-2012, 22:34
مسعود العمارتلي

------------------------------

مسعود العمارتلي،أو مسعودة العمارتلي اختلف في تاريخ ولادته قيل انها ولدت عام 1901 أو 1898، في محافظة"العمارة" / "ميسان" في ناحية الكحلاء " الجحله". ومنذطفولتها عشقت الغناء، وكانت تحفظ وتؤدي الأبوذية والبستات الريفية ....

كانت مسعودة تعمل خادمه في بيوت أحد الشيوخ، وكانت مهمتها رعاية الغنم، فكانت تخرج لرعي الغنم الفجروتردد ما تحفظه من أغاني وبستات وأبوذيات أثناء خروجها للرعي، ووفي أحد الأيام تبعهاشابان للتحرش بها وكانت وقتذاك في الثامنة عشر من عمرها، فتصدت لهم وربطتهم ثم قادتهملصاحب البيت، وحينها اعترف الشابان ونشروا فيما بعد أنها تملك صوتاً جميلاً، كانت مسعودةشابه نحيلة الجسم سمراء، قوية البنيه والملامح، وقد أشاد الناس بشجاعتها منذ ذاك الحادث،فاستغلت اشادتهم وأعلنت عن صفاتها الرجوليه وخلعت عنها ثوب الأنوثه فصارت ترتدي زي الرجال (العقال واليشماغ)، ومنذ ذلك الحين أصبحت شهرتها واسعه في العماره وصارت تغني في مناسبات تلك القرية، هربت بعدها إلى مدينة "العماره" بتشجيع من شقيقته...أو بالاحرى شقيقتها مرتدياً زي الرجال ليغني في المدينة ومقاهيها. ومن ذلك الوقت عرفت باسم مسعود العمارتلي ووصلت شهرته أرجاء العراق كمطرب ريفي ذي صوت شجي من دون أن تثيرالشكوك ....

مسعودة في بغداد

-----------------------

سمع فيما بعد بصوتهأحد أصحاب التسجيلات أثناء حفلة لاحد الشيوخ فاعجبه صوت مسعود فأخذه معه إلى بغدادوسجل عدة اسطوانات، وفي بغداد كانت داره ملتقى هواة الغناء وقد تعرف على حضيري أبوعزيز القادم إلى بغداد من الناصرية وغنى معه اغاني عدة. استدعى إلى حلب وسجل اسطواناتهناك.

مسعودة والتلحين

---------------------------

لم يلحن له أحدبل كان هو يلحن اغانيه المستمدة من الريف ومن اغانيه المسجلة على اسطوانات (سوده شلهاني)و(ذبي العباية) و(خدري الجاي خدري) و(بوية محمد) و(كصة المودة) وله الكثير من الأغاني وغيرها التي لم تحفظ لأنها كانت تذاع حية حيث لا توجد أجهزة للتسجيل ومكاتب التسجيل.

وفاة مسعودة

-------------------------------

عادت لمسقط رأسها"ناحية الكحلاء" وظلت هناك تعيش حياة الذكور وتزوجت من إحدى النساء في القريةولكن أمره كشف حين تزوج فدست له زوجته السم ومات وكان ذلك عام 1944.

ويقال أيضاً إنهاماتت بالتدرن الذي كان منتشرا آنذاك.

أغاني مسعود العمارتلي

--------------------------------

كان مسعود يجيدغناء (البستة) باللهجة الجنوبية. وكذلك أبدع في عناء (الطور المحمداوي)

سكينة

طش وآنه الم

طب دشر توه

عزيزين

كصت المودة

براضه أمشي براضه

طر الفجر

سوده شلهاني

ذبي العباية

خدري الجاي خدري

محمد بويه محمد
.-----------------------------------------
علي كاظم الربيعي
06-02-2012, 14:10
حزورات من الابوذية
--------------------------

وباها
وحك الرضعت الخمسه ** وباها
صديقك دوم تجيله ** وباها
اكو وحده احملت عمها ** وباها
وحملت من اخوها بلا اذيه
****
بسنداي
نجم ساري باثر ساري ** بسنداي
عقرب بسمر بساري ** بسنداي
بكيت انقيطه ومعلك ** بسنداي
لاني للسما او لا للوطيه
-----------------------------
علي كاظم الربيعي
07-02-2012, 13:23
تعال ابريني ذمة اليوم اخر يوم
**
وجه وكت البجي مطلوبة دمعتنه
**
غصبن نفترك والفركة شي مكتوب
**
اوسواها الزمان وراد فركتنه
**
وتشتت شملنه وطشر العشاك
**
اوماترجع بعد هيهات لمتنه
**
خلص عمر الشباب وضاعت الاحلام
**
وهب شيب الكبر وانطفت شمعتنه
**
الحـــــــــــب انتهه والـــــورد كت دموع
**
من شاف الحزن بشفاف ضحكتنه
**
ولك كلبي انعزل مابيه بس احزان
**
وبقه فارغ مكــــــــــــــان البيهه ونستنه

******************
ما تدري بجفاك الكلب *** ماراد
وكتي وليريده عمل *** ما راد
بعالي الصوت اصيحن يرد ***ما راد
هلال اللي مشه ميعود اليه
وانجب
العمر ماي وتبده غفل *** ونجب
وكف خيل التنعثر وكَع *** ونجب
الوكت من زمخ كَتله أنلصم **** ونجب
وخزرته بغيض من عاين عليه
ماهوينه
جبل والريح شامخ ***ماهوينه
وبعد شخصك يغالي ***ماهوينه
الجفن والعين تسال ماهو ***وينه
فركاكم صعب واثر عليه
-----------------------------------
علي كاظم الربيعي
11-02-2012, 19:56
وحلماه
الرجل ينقاس بافكاره ** وحلماه
والغشيم الي ركس نصه ** وحلماه
ازراره مايظم صدره ** وحلماه
مثل رمان راوي انشطر ضيه
من الحن
دخت يهلي على راسي ** من الحن
شوقي خضب جفوفي ** من الحن
بسك يايتيم البل ** من الحن
اشعبت كلبي اوليفي عن عليه
شيبينه
هجر وابعد علينه ** شيبينه
وبعد شوك النكتمه ** شيبينه
شباب احنه ومن النوايب ** شيبينه
البشر شيصير اذا كل يوم اذيه
جلجل
ذلولي ناحر الوديان ** جلجل
برض وحله اوعليها الليل ** جلجل
صرت شجره اوعليها الطير ** جلجل
الثمر بالكاع والورقه زهيه
----------------------------------------
مع تحيات ابو عمار علي كاظم درجال الربيعي
*********************
علي كاظم درجال
22-04-2012, 22:05
صورة جمالك
---------------
بين الجفن والعين صورة جمالك
محفوره عالضلعين آية جلالك
شلتك نبض بين الوريد تدريني ما غيرك اريد

يغالي وكل خيالي والشعور وياك
اضمك وعلى رسمك لهفتي بطرواك
حياتي وامنياتي فرحتي بملقاك
افكر من ادور بالنبض القاك
واكثر شوقي يكبر واتسامر بمعناك
نامت على خد الغرام شامة عشق تضوي هيام
وعلى الوجن شطين شوقي ودلالك

اسافر بالمشاعر والعشق جنحان
واجيلك معتني لك وانت بالشريان
من اسمك ثغري ضمك ضمة الولهان
احبك وعلى حبك هايم وسهران
ضامي كل غرامي حبك دوا العطشان
انت النبع وانت الوجود حبك يظل سر الخلود
مثلك اجيبه منين محد مثالك

زماني لو رماني عاندت دنياي
اقصدك وانه عبدك بس الك منواي
اطلبك وعلى دربك سيدي عناي
منك القى منَّك شيمتك وفّاي
تسرح روحي تفرح فرحة شجر بالماي
وشما يراويني الزمان يحسين الاقيك الامان
والرحمة بالكونين اول خصالك

يشمسي ولمن امسي عيني بيك تشوف
نهاري بيه اداري قلبي الملهوف
وآمل يمك انزل واعتنيك زحوف
جروحي تبقى روحي بالحنين تطوف
وانت يالعشقته كل يوم اشوفه طيوف
بنار الهجر شمعة واذوب عن حبك ابدا ما اتوب
مشتاق الك يحسين واطلب وصالك
--------------------
من شعر المنبر الحسيني / منقول

-------------------------------------
الشيخ محجال
26-05-2012, 22:03
صــــحة صـــدور ..
----------------------

@@@@@

ثـبـِّـتها المحبة .. البينك وبيني
وختمها بطبعتك .. فوگ شفتيني..!!

@@@

وارفقها .... بقرار
يوقعه قاضي الشوگ ..
وبصحة صدور .... لكل عناويني

@@@

يتهموني بهواك .. وكلهم يگولون
ما عندك وثيقة..!ّ!
وتهدت .. دليني

@@@

أريد أحمل هوية .. إبإسمك وتوقيع
من كل سيطرات الحقد ..
تحميني

@@@

أنا بحبك جبل ... وتهدمت للگاع!!
حتى اعداي .. تل!!
گامت تسميني ...

@@@

أريد تعيد حبَّك ,,, مثل أول يوم
شفتك ..
والتهت ... باسمك شراييني

@@@

وانا بلياك ريشه .. وتاهت ويالريح
(ثبتني اببصمتك)
يالتناغيني

@@@

دنيا .. أوراق صارت
(طمغة ... وتوقيع)
وقعلي ... بحنانك
وارحم سنيني

@@@
-------------------------------
شعر د. هاشم الفريجي
الشيخ محجال
28-05-2012, 18:40
دارميات الاحبة
-----------------------
1
لازم أمـر عـالدار *** والطم عله الراس
وأنحب وأصيح الغوث *** وتـلومني الناس

2
عمده أرد امر عالدار *** وأشـبع مـغمه
وأنـحب نحيب أيتيم *** مـن يذكر أمه

-3-
جلجل عليـنه اللـيل *** والـحزن خطار
عـني بـعيد الـزين *** وحشة أنتي يادار
4
كـل مـا أشوف الدار *** تـهـمل عيوني
صـدك وحك عينـاك *** لـمن تجونـي
-5-
عـمده أرد أتيه الروح *** وبعاصف الريح
بلجي عله نـزل هواي *** من تصفن أطيح
-6-
يسـألني عـن الـدار *** وشـلون أهلها
وأتـلايـمت بـالحين *** شـامت نـزلها
-7-
صـد أبـد ماتـسوين *** غبره أنتي يادار
فـوك الـعويل البـيج *** غـاطيج الغبار .
-8-
وبيت أهـل شوكـاي *** كاموا يفلشون
كل ما يطيح هـطـار *** يهل دمع العيون
-9-
ويـن أهلج الطـيبين *** جيت أنشد الدار
كالتلي زيـد أبـجاك *** غـاطيهـا الغبار
-10-
أشـبعـد وشخـليت *** تـنعب يـخايب
يـادار الـمحبـيـن *** صـارت خرايب
-11-
لازم تـمر عـالـدار *** وأدك عله جلاك
وتبـجي بكـثر ما جان *** يظحك لك اهواك
-12-
مـا طوله شال الـزين *** شـيلو يـهـلنه
أمــكـابـلين الدار *** شنـهو شغلنـه
-13-
يـالفلـشيت الـدار *** خل شبـه تومي
كـل مـا يطيح هطار *** زادت همـومي
--------------------------------
علي كاظم الربيعي
09-06-2012, 16:15
جلجل عليـنه اللـيل *** والـحزن خطار

عـني بـعيد الـزين *** وحشة أنتي يادار
مع تحيات ابو عمار الربيعي الى الشيخ محجال

---------------------------------
الشيخ محجال
06-07-2012, 18:24
من طكت تفكنا اوثارت الجيلات / د- هاشم الفريجي
----------------------------
من طكت تفكنا وثارت الجيلات...
واهتزت الثورة .. بفعل الفريجات..
احنا اخوة الكوشة ... وزلم للعتبات..
مهيوبين أهلنا ازغارهم .. وكبار..
***
هاي افعالنا ومحد علينا ايعيل ...
ظل بيرغنا عالي .. وما بكلفة يميل
العايل .. لو نكتله لو بيومه يشيل ..
لكن بالكرم ..يحجيلك الخطار..
***
يا تاج الشرف لايك على الزينين
الفريجات ذوله وبيك مفتخرين
يفدونك بدمهم وبسواد العين
اهل نوماس احنا وكلنا ناس اخيار
***
هاي ولو ردت أسأل من العربان
تعرفنا العشاير احنا أهل ميسان
عمارة اللي بناها .. ومن نسب عدنان
ديرتنا العمارة .. وتشهد الآثار..
***
طور الدارمي .. بس النا والله يعود
وحنا اللي عزفنا الناي .. وي العود
مثل فريج صدّك أبد ما موجود
ابن الدارمي .. وأول سكن لاهوار
***
تتشرف ربيعة ..بنسب لفريجات ..
إحنا أهل الكلافة وزلم للعتبات
عز تسيارنا .. وعالي بعلو النجمات
خل اليرضى يرضى .. واليغار يغار؟؟
---------------------
المصدر/ منتديات عشائر الفريجات

د. هاشم الفريجي
علي كاظم الربيعي
01-08-2012, 10:58
ابوذيات اهلنا الطيبين
---------------------------
يهيله وداعتج ما بقت -- طِيبَه
عليل وللمرض ماشوف -- طِيبَه
صدك راح الصديق وراح -- طيبه
وصدك مات الوفه واندفن ضيه
***
سبحة أمي الي وتربه-- وقبله
وراس أمي اشمنه -- وقبله
بالموت أرضه يهل سامع -- وقبله
ولا أرضه بزعل أمي عليه
***
شهاده بكل زهو كلبي -- وثقلك
وجبل ماشفت باخلاقك -- وثقلك
الك يرخص دمع عيني-- وثقلك
الكلب لمن يدك يوكع بديه
-----------------------
علي كاظم الربيعي
13-08-2012, 12:57
الدارمي في الشعر الشعبي العراقي ( دارميات ميسانية )
------------------------------
سيد وابن سادات سيدعلى الكل
وابن الطليق عقول مشحونه بالغل
-----------------------------
السلام على الحسن المجتبى يوم ولد ويوم استشهد ويوم يبعث حيا
ابو عمار الربيعي
-----------------------------
ماتمر خايب ليش– وانه الك صيوان
تتكهكه وبطران --- كهكهت غمان
-----------------------------
ابو عمار الربيعي
متعني للعراف اردنشده بهاي --- شلسبب ناري اتزيد من اشرب الماي
--------------------
تدري شكثر اهواك وشكد اريدك *** من ايدي اغار عليك من الزم ايدك
-----------------------
عمي يبلام .. تعبنه الهوه
لجروح الأيام .. ماشفنه دوه
-----------------------
سيس بلمنا ** لمالنعاج اليوم
وابعد ضعنا ** ماضنتي بعد يعود
--------------------
جلجل عليـنه اللـيل*** والـحزن خطار
عـني بـعيد الـزين *** وحشة أنتي يادار
-------------------
بالكلب شبت نار طفيها يهواي
بالوصل تطفه بساع ماتطفه بالماي.
***
من كلبي اخذلك نار كمل جهنم
والمايعرف ينوح مني يتعلم.
***
صح والله اكو عطاب وتشمه الخشوم
من كلبي هاي النار مو من الهدوم
-----------------------
كون العزير ايصيرترجيه بذني
والكمت والكعديت بالخد يحبني
----------------------
نه أحميد يهيله ماتعرفيني
وليف اصباج ذاك الي نسيتيني
--------------------
الزوجة..
أكعد نهارك فات أوه أمداني
خلصت عمرك نوم تشخر بذاني.
الزوج...
كليلي شتريدين خليني نايم
اليصبح بوجه البوم يشبع شتايم.
--------------------
شال ومشى الغماس لملم غراضه
والسمر ويه البيض عدهن عراضه
-------------------
دارميات ألأزابج
--------------------------
لو بالحسد بلواك يشفيها نوحـــــــي
بس المصيبه عليك توجعني روحي
-----------------------------
بشرني حي لـــو مات شخبار الفراك
كل لحظه الك اشتاك هم مثلي تشتاك
-----------------------------
احركني اصير ارماد ونثرني بالريح
التم واردن نــــــار بس اسمع تصيح
---------------------
حطيته بالدلال كل كصدي اداريه
تالي الوكت الكاه فال ويدج بيه
--------------------------
يالرايح ال بغدادارجوك اخبره *** انه بسعادة وخير بس بيه حسره
والحسره بالدلال طاحونه بتره *** واليصد يبن الناس حيرني بامره
-----------------------
مر بيه يابو الغيث شوف اشجرالي *** حتى العدو بسام حنلي وبجالي
-----------------------
ابجي بتوالي الليل بس ابجي بهداي
**
والصخر لو له اعيون جادمع اوياي
---------------------
احلف وحك عيناك ماشفت راحه *** من الصبا الهليوم روحي ابنياحه
------------------
خلني اشتعل يهواي بس انت تسلم
وحته العذاب وياك يحله ابجهنم
-------------------
اتكومن يهواي بيناثرهن ** شلحم ششل شلون ياهيه منهن
-----------------
اصيحن بالدلال عشرةمن الهموم
صارن بلب حشاي لازم وملزوم
--------------------
اْ جمع احروف اهواي خمسة مواويل *** بيهن دوه الكل داي ريحتهن الهيل
---------------------
المساجلات في الشعرالشعبي
----------------------------
يقول الشاعر سعدون المكصوصي
--------------------------------
مدري الضعن وين راح - - وليا نويه
يا كاظم الدرجال – شيرده ليه
--------------------------------
الجواب من الشاعر علي كاظم درجال الربيعي
------------------------------------------
1
أدري ابضعنهم شال – وانوى اعلى نيه
طاح ابصريم وشوك – مايرد ليه
-------------------------------------------
2
شورت بيه سعدون – والشاره ديه
طاح ابحلك تنور—نعله اعلى بيه
-------------------------
ياجارح المحبوبعمي ارده اكلفك
جرحه غميج اهواي شله اعلى عرفك
----------------------
لاتامن اسود راس البسه بسه
ولاتصنع المعروف للنجس رسه
------------------------
عينن بليتي ** اهلاينوعه اهلا ييمه
صارت سجيتي** بس الهضل والنوح
----------------------------
علي كاظم الربيعي
26-08-2012, 13:26
من شعر الابوذية الميسانية

-------------------------------
من منكم عليه نشد *** من سال ( مَنْ سألَ)
جفيتوا وبجفاكم طحت *** منسال ( مسلول )
انا اشبيدي غير دمع العين *** منسال ( لما سال )
يسيل الدمع وبركبته كل الخطية ( يعني ان دموعي تسيل والذنب يقع على الذي سبب الرحيل )
------------------------------
ولنتأمل العاشقة تقول :
------------------------
دمعتي صلت خدي *** من تسالي ( عندما تسيل )
وعليك الراس شيب *** منتسالي ( لم يُمشط ) ( وينسل شعره في العامية العراقية تعني يمشط شعره )
شعجب لسه يكلبي *** منتسالي ( لماذا حتى هذه الساعة لم تنس يا قلبي)
سلوك اشبيدي تلوم بية ( سلوك = نسوك : اذن لماذا تلومني وانا التي مابيدها شيء اوحيلة )
---------------------
زماني اشلون بلشني *** بلاشات ( البلشة = الورطة او المصيبة )
أتعب والتعب رايح *** بلاشات ( بلا شات = بلا شيء )
مثل السرح عد خاله *** بلا شاة ( مثل السرح = الذي رعى الغنم عند خاله بدون شاة أي بدون مقابل
الخال يكول هذا بن اْخت ليه ( الخال يزعم ان هذا ابن اخته ويجب عليه خدمة خاله بلا مقابل)
---------------------------
سرى ضعن النوده *** ما تونه ( لم يتوانى )
وبعض ونّي الخنسه *** ما تونه ( الخنساء لم تئن مثل انينه )
جثيرين من اهلنه *** ماتونه ( مات لنا الكثير من اهلنا )
فلا فيَّوْ مثل فيتك عليه .
-----------------------------
من منكم عليه نشد *** من سال ( مَنْ سألَ)
جفيتوا وبجفاكم طحت *** منسال ( مسلول )
انا اشبيدي غير دمع العين *** منسال ( لما سال )
يسيل الدمع وبركبته كل الخطية ( يعني ان دموعي تسيل والذنب يقع على الذي سبب الرحيل )
ولنتأمل العاشقة تقول :
------------------------------
دمعتي صلت خدي *** من تسالي ( عندما تسيل )
وعليك الراس شيب *** منتسالي ( لم يُمشط ) ( وينسل شعره في العامية العراقية تعني يمشط شعره )
شعجب لسه يكلبي *** منتسالي ( لماذا حتى هذه الساعة لم تنس يا قلبي)
سلوك اشبيدي تلوم بية ( سلوك = نسوك : اذن لماذا تلومني وانا التي مابيدها شيء اوحيلة )
--------------------------
علي كاظم الربيعي
27-08-2012, 09:16
من شفاتك

اشحلات الحجي يطلع ** من شفاتك
اضن حيلي تبربد ** من شفاتك
شفت من شاف شفك ** من شفاتك
فاتك طيبتي ونفسي الابيه

ظهراك
الي باطن كلامك شلي ب ** ظهراك
انه كل يومي ليل وشلي ب ** ظهراك
حكه لو تسوفن عرك ** ظهراك
اذا كل يوم تتماطل خطيه
--------------------------
علي كاظم الربيعي
13-09-2012, 09:13
الأبوذيه في الموروث الشعبي

------------------------------

الابوذية هو أحد انواع الشعر الشعبي مؤلفة من بيتينبأربعة اشطر ثلاثة منها في جناس واحد يتحد في اللفظ ويختلف في المعنى فيما ينتهي الشطرالرابع بـ " يّه" ويسمّى الرباط ولا بدّ للفظ المشترك في الأشطر الثلاث أنيكون في كلّ شطر يعطي معنى غير الشطرين الآخرين وبذلك يكون لفظ واحد بثلاث معاني.

و هي من بحر الوافر (مفاعلتن مفاعلتن فعول)، وقدرفضَ -- محمد صادق الكرباسي-- صاحب ديوان الأبوذيةكونها من البحر الوافر حيث قال بأن لها وزن خاص يولد من الهزج التام أساساً و يصل فيالنهاية إلى أنه نُظِمَ على الهزج و الرجز، و كثر مزج الرجز بالهزج ، فسمّاه مرجاً، تيمناً بالآية الكريمة { مَرَجَ البحرين يلتقيان } و أراد بهما بحر الرجز و بحر الهزج

اما عن اسبابتسميها بذلك فقد جاءت من كلمة مركبة من (أبو) أي صاحب، ومن (ذية) وهي مخففة (أذية)فيكون معناه (صاحب الأذية) وهذا التعليل قريب من الصواب لأن ناظمه أو قارئه لا يمكنأن يجيده إلا إذا كان مصاباً بمصاب جلل سواءكانت المصيبة نفسية أو غيرها مما تستوجب ألمهفيندفع بواسطته للإعراب عما يدور في نفسه ولينفس كربه بواسطته وقالوا جاءت من كلمةعبودية نسبة إلى شخص أسمة -- حسين ألعبادي-- من منطقة الجبايش لأنه أول من قالها و وزنها و نطقها.

وقالوا ايضا ان أول من قال ونظم شعر الآبوذيه همأهالي سوق الشيوخ ولديهم باع طويل في نظمه بلإضافه إلى باقي أنواع الشعر الشعبي.ويتميزالأبوذيه أنّه ينظّم في الأحزان والفراق ولذا أخذ أسمه منها (أبو الأذية) وشاعت الأبوذيهبهذه الصيغه نتيجة اللهجة العاميه للمنطقه.

وينظم به الوصف والشوق والحنين والغزل على ان يكونذا مسحه حزينه. وأما من ينظم الأبوذيه بالفرح يدل بذلك على ضعف البيت لمخالفته أصلالشعر وإن طبق ميزاته, فلذا يستهجن بعض الشعراء الذين يكتبون كلّ من ينظّم الأبوذيهبالأفراح ويصبح البيت بدون معنى لديهم.

انتشارالابوذية الجغرافي:

---------------------------

في الوسط و الجنوب العراقي إلى جانب المدن الإيرانيةالجنوبية التي تدور في فلك المدرسة العراقية، كالأهواز.

وقد دأب الشعراء الذين يكتبون الأبوذيه أن يكتب أحدهمبيتاً من الشعر ويرسله إلى شاعر آخر أو إلى جمع منهم بواسطة أو مباشرةً من خلال جلساتهمالمشتركه طالباً منهم الردً عليه وتسمّى هذه الطريقه بالمجاراة. ولهذه المجاراة قواعديلتزم بها الشاعر عند الردّ وهو أن يستخدم نفس اللفظ المشترك في البيت المرسل له أوبكلمه قريبة منها في المعنى والوصف. ولها عدة أنواع , منها :

---------------------------

المطلق والمولد

الأبو ذيه المشط

الأبو ذيه المدوره

التطريز بالأبو ذيه

أمثله على الأبو ذيه بشكل عام :

-----------------------

يروحي لليودﭺ حيل ودِّيه -- الَه حِّني وجثير الشوكودّيه

عَلي واجب لزوم اكضيه وديه -- الَك يلي كثر فضلكعليه

--------------

كلْ مُغرم بَرت علّته وناله -- سعيد اللي حضه(ى)بشخصك وناله

الطارش من سمع نوحي وناله -- ترك شغله وبﭼه رحمه علّيه

--------------

المطلق و المولد

----------------------

هاتان التسميتان هما لنمط واحد من الشعر و هو النمطالتقليدي للأبوذية و لكن يكمن الفرق بأن الأبوذية المطلق تأتي من فكر الشاعر و إحساسهكما في هذه الأبوذية

------------------------

تشوف همومي بعيونك و ترها

وتغيب و تقطع بروحي وترها

يرهيك الوقت يسمر وترها

وتصير إنت أبو الراهي عليه

و الأبوذية المولد

--------------------------

فيكتبها الشاعر مستعينا بخيال غيره من شعراء الفصحىو ذلك بأن يبدأ الأبوذية ببيت أو بيتين من الشعر الفصيح ومن ثم يبني عليهم أبوذيتهكما في المثال التالي :::

------------------------

يقولون لثم الغانيات محرم *** و سفك دماء العاشقينمباح

لابد من حي الحبيب زيارة *** ولو ركزت حول الخيامرماح

روحي برشف خدك ** من عداها

أحب وصلك وهابك ** من عداها

فراقك يوم أحمله ** من عداها

أزورك لو تصير أحزاب اليه

الأبوذية المشط

----------------------------

هي مجموعة من الأبوذيات المتصلة المترابطة و كل ثلاثةاشطر تليها ثلاثة أشطر أخرى أما الشطر الرابع المكمل للأبوذية فهو يأتي في نهاية المطافبعد أربع أو خمس أبيات و أكثر كما في هذا المثال

الدهر ياصاح بالفرقة ولانه

ولانوبه إنكسر قلبي ولانه

لاإنت عرفت الحب ولانه

نسينا الشوق وأخلفنا وعدنا

وعلى الهجران ردينا وعدنا

هذا من الوقت و الحب وعدنا

يفر بيه الوقت نوبة وفربيه

ومن ثلج العمر دربي وفر بيه

أشرد وين أنا بقلبي وفر بيه

بدرب مسدود ومتيه محله

دموعي ﭼم ذنب قلبك محله

بعد طير بضباب أبدا محله

ولاظن بعد نتلاقه سويه

الأبوذية المدوره

---------------------------

يطلق على الابوذيه بالمدوره عندما يكون المعني بالشطرالثالث غير واضح و مبتور فيكمله البيت الرابع كما في المثال الآتي

عقلي ياترف حبك ** وجن بك

من الجوري يامحبوبي ** وجن بك

إجيت إنت على وعدك ** وجن بك

ليالي الفرح وأيامي زهية

التطريز بالأبوذية

---------------------------

فن التطريز فن قديم تواجد في الشعر العربي الكلاسيكيو تواصل إلى الأبوذية و يقصد منه بأن يبدأ جميع الأشطر بأحرف إسم معين كإسم الحبيبةأو الصديق أو ماشابه ذلك كما في هذا المثال المطرز بإسم زينب :::::

-----------------------------

ز - زهرة بغصن عمري تفوح ** بتنا

ي - ياصوره على وسادة فرح ** بتنا

ن - نغم رافك بتوت القلب ** بتنا

ب - بشاير فرح منها تهل عليه

----

نثرت دموعي للاسمر** والاكحل

وصبغ وجانتي على خدودي**ولك حل

صدكني سهل انت ** ولك حل

احلك لو ترد انت علية

**

على ضيم الهوى ياروح ** علمي

وبيها ارفعت اني اليوم ** علمي

اسالتها المستوى وتكول ** علمي

بخامس باء يالتسال عليه

--

قلبي انت ملكته ** وانت حر بيه

عليل وطبي عندك ** وانت حر بيه

كاس السم اشربه ** وانتحر بيه

اذا غيرك يمس اطراف ادية

--

باب الدار بجفوفي لحني

وحنين النوك ما يوصل لحني

وطيت لكن اسهمك لحني

بوسط قلبي وطبيبي احتار بية

--

هلي وياهم چنت عايش بلاهم

ونهاري شماضوى مظلم بلاهم

هلي مدري الوكت شنهو بلاهم

ولاهم اعرفوا بالصار بيه

-

حبيبي لا تظن انساك ولهه

دوه الروحي غرامك صار ولهة

الشفة والعين ترد عليك ولها

تدعيلك كل صباح وكل مسية

--

الك ياصاح ماظل مني خاطر

واحسبه احساب دربك من اخاطر

تعال كرب حبيبي مني خاطر

تعرف اجنون حبك اسوه بيه

--

انا بگاروك حبك وانته هزني

صرت فرصه بحياتك وانتهزني

انه شجره محبتك وانته هزني

وخلي الورد يتناثر عليه

--

عيونك تصيب الگلب بسهام

يلي ابد ماشفت بهواك بسهام

انا طير المهاجر بالفضاء بسهام

اشوفك وانا تايه بالبريه

--

يـحلو الاطبـاع واصلني وقارب

ماعندي اهل غيرك وقـارب

سفينه بالبـحر ردتك وقـارب

تشيل الحمل من يثگل عليـــه

--

تغيب الروح بغيابكواردها

كتاب جفاك من عندك وردها

روحي بفركتك يذبل وردها

شمس انت وتنور الدرب ليه

--

تلوعنة وشفنه كل حلاوتهم ومرهم

والروح تمشي على طوعهم وأمرهم

حبيبي دوه لجروحي ومرهم

تمنيته يجي ويحن عليه

--

همت وانسلب عكلي وزاد مرضاي

على المر ماشفت شخصة مر ضاي

لون بات الترف بحشاي مرضاي

لكه اكرب يهل مبعد علية

--

بسك لا تضل تشكي بهاماك

وتلوم العين وتعضعض بهاماك

اخذ طبع النخل وارفع بهاماك

واذا بالطين عركك هاي هية

--

لو ردت الحبيب اتشوفه ينشــــــاف

وطيبلك جرح بضــــــــماده ينشـاف

اخبرك بل حبيب اشلون ينشـــــــاف

بس ضيف الاميل وهاي هيــــه

--

سماح اطلب انا المنكم وهدنــــه

كمش بيد التعورنه وهدنــــــــه

جبل راكَع خجل جيتك وهدنـــــــه

اصير اتراب ونته اسحكَ عليه

--

وحك رمضان وأشرافه وكتبه

عليك يهل دمع عيني وكتبه

انه شماريد أهم خطك واكتبه

شدهني جفاك من غصبن عليه

--

وحگ اعيونك ورسمك وداعك

وحگ جلماتك الحلوه وداعك

يصاحب فرهَد ابروحي وداعك

انتلف ثلثين والباقي باذيه

--

عجب خلخال ساكك مايرنش

جبح ودموع عينك مايرنش

يرن منك مصايب مايرنش

كرهتك لوحياة تصير اليه

--

تعال اسمع ون النايات وون عود

يخويه امشي نرد للوطن ونعود

اذا باجر متت بالغربه ون عود

وتظل ابعيد عن ارض الوطيه

--

روحي من الهجر عجزت ولابت

حلفت بدار ماأنزل ولا بيت

ذكرك مابقى ب***ي ولا بد

انكطعت من كطعت الوصل بية

--

تلوج الروح ياأحبــابي وراكم

وعجاج الضعن سد عيني وراكَم

يدمرني الحلم بيكم وراكم

ويريت الحلم واليقــضه سويه.

-

وسط گلبي يظل طابع ** وسمهه

عسل صافي حلو مرها ** وسمهه

صفيت متيه باسمي ** وسمهه

لان هيه النجم واني الثريه

--

الدنيا خلافك وحشه ** ومره

ولا منك بعد جيه **ومره

صورك مره اضمنها ** ومره

اشوفنها توج نيران بيه

--

احبة وما احب واحد ** بدالة

وياذنب البدة مني ** وبدالة

الك منصوب بكليبي ** بدالة

خطك على النبض يشتغل بية

--

سماح اطلب انا المنكموهدنــــه

كمش بيد التعورنه وهدنــــــــه

جبل راكَع خجل جيتك وهدنـــــــه

اصير اتراب ونته اسحكَ عليه

--

حبيبي اليوم مابين** ومايه

وبهجره نشف دم الكلب ** ومايه

جبتله نانسي واصاله ** ومايه

وطلع يدور هيفا وهبي عليه

--

سابيني بجمـــالهاوطول ** شعره

انا اموت من اسمع ابيات ** شعره

انا بيني وبين المـــوت ** شعره

حبيبي اشوكت تلــــــحك عليه

--

احبـــك حب مــاينــوصف ** وصفه

وحبي الــك مثل الــذهب ** وصفه

مريض اني ودكتوري وصفلي ** وصفه

اخدودك الشفايف صيدلـيه

--

ابزمن من هالبلاء اخصب ** وهد من (وعهد من)

هاجر من مصايبكم ** وهدمن

الصواريخ بمنازلنا ** وهدمن

بيوت وذبحن من غير سيه

--

ألف وسفه الوقت عنك ** بعدني

أموت و أرتجي وصـــــــلك ** بعدني

و تراني عالعهد باقـــــي ** بعدني

تراك أنت النظـــــر والحيل بيه

--

اجيت امشي بتوالي اليل ** واسعة

على ام الشعرالطويل وعيون ** وسعة

ياحافر قبر لهواي بالله عليك ** وسعة

اريد اني وحبيبي نندفن بي سوية

--

يا ناس باعو لعلتي و **ورمهة

جبير وما اضن يهدأ **ورمهة

احبهة من جانت تمشي** ورمهة

وهي تحبني من جانو يلومون بية

----------



--

حلو اسمك وابوك اشلون.. سماك

وحبيبك لو زعل وياك .. سماك

اصيرن سمج وانت اليوم .. سماج

امن اطيح ابشبكتك تعطف عليه

--

اريد اخبط زميج الرمل .. والحر

وادور عل صديج الوفي .. والحر

نخيت الهل وابو الحسنين .. والحر

يحفظ كل اخو يذكر خويـــه

--

بنيت ابيوت بالشعله .. وسومر

ووجهي من التعب مولح .. وسومر

الناس اتدخن السيجر .. وسومر

ونه التتنات ما طاحن بديــــه

--

عمري التيهيته وضاع .. سني

كبرت وطاح من گدام .. سني

شيعي ومن اجلكم صرت .. سني

وتيهت الخمس والمرجعيه

-----------------------
علي كاظم الربيعي
13-09-2012, 09:15
الأبوذيه في الموروث الشعبي

------------------------------

الابوذية هو أحد انواع الشعر الشعبي مؤلفة من بيتين بأربعة اشطر ثلاثة منها في جناس واحد يتحد في اللفظ ويختلف في المعنى فيما ينتهي الشطرالرابع بـ " يّه" ويسمّى الرباط ولا بدّ للفظ المشترك في الأشطر الثلاث أنيكون في كلّ شطر يعطي معنى غير الشطرين الآخرين وبذلك يكون لفظ واحد بثلاث معاني.

و هي من بحر الوافر (مفاعلتن مفاعلتن فعول)، وقدرفضَ -- محمد صادق الكرباسي-- صاحب ديوان الأبوذيةكونها من البحر الوافر حيث قال بأن لها وزن خاص يولد من الهزج التام أساساً و يصل فيالنهاية إلى أنه نُظِمَ على الهزج و الرجز، و كثر مزج الرجز بالهزج ، فسمّاه مرجاً، تيمناً بالآية الكريمة { مَرَجَ البحرين يلتقيان } و أراد بهما بحر الرجز و بحر الهزج

اما عن اسباب تسميها بذلك فقد جاءت من كلمة مركبة من (أبو) أي صاحب، ومن (ذية) وهي مخففة (أذية)فيكون معناه (صاحب الأذية) وهذا التعليل قريب من الصواب لأن ناظمه أو قارئه لا يمكنأن يجيده إلا إذا كان مصاباً بمصاب جلل سواءكانت المصيبة نفسية أو غيرها مما تستوجب ألمهفيندفع بواسطته للإعراب عما يدور في نفسه ولينفس كربه بواسطته وقالوا جاءت من كلمةعبودية نسبة إلى شخص أسمة -- حسين ألعبادي-- من منطقة الجبايش لأنه أول من قالها و وزنها و نطقها.

وقالوا ايضا ان أول من قال ونظم شعر الآبوذيه همأهالي سوق الشيوخ ولديهم باع طويل في نظمه بلإضافه إلى باقي أنواع الشعر الشعبي.ويتميزالأبوذيه أنّه ينظّم في الأحزان والفراق ولذا أخذ أسمه منها (أبو الأذية) وشاعت الأبوذيهبهذه الصيغه نتيجة اللهجة العاميه للمنطقه.

وينظم به الوصف والشوق والحنين والغزل على ان يكونذا مسحه حزينه. وأما من ينظم الأبوذيه بالفرح يدل بذلك على ضعف البيت لمخالفته أصلالشعر وإن طبق ميزاته, فلذا يستهجن بعض الشعراء الذين يكتبون كلّ من ينظّم الأبوذيهبالأفراح ويصبح البيت بدون معنى لديهم.

انتشارالابوذية الجغرافي:

---------------------------

في الوسط و الجنوب العراقي إلى جانب المدن الإيرانيةالجنوبية التي تدور في فلك المدرسة العراقية، كالأهواز.

وقد دأب الشعراء الذين يكتبون الأبوذيه أن يكتب أحدهمبيتاً من الشعر ويرسله إلى شاعر آخر أو إلى جمع منهم بواسطة أو مباشرةً من خلال جلساتهمالمشتركه طالباً منهم الردً عليه وتسمّى هذه الطريقه بالمجاراة. ولهذه المجاراة قواعديلتزم بها الشاعر عند الردّ وهو أن يستخدم نفس اللفظ المشترك في البيت المرسل له أوبكلمه قريبة منها في المعنى والوصف. ولها عدة أنواع , منها :

---------------------------

المطلق والمولد

الأبو ذيه المشط

الأبو ذيه المدوره

التطريز بالأبو ذيه

أمثله على الأبو ذيه بشكل عام :

-----------------------

يروحي لليودﭺ حيل ودِّيه -- الَه حِّني وجثير الشوكودّيه

عَلي واجب لزوم اكضيه وديه -- الَك يلي كثر فضلكعليه

--------------

كلْ مُغرم بَرت علّته وناله -- سعيد اللي حضه(ى)بشخصك وناله

الطارش من سمع نوحي وناله -- ترك شغله وبﭼه رحمه علّيه

--------------

المطلق و المولد

----------------------

هاتان التسميتان هما لنمط واحد من الشعر و هو النمط التقليدي للأبوذية و لكن يكمن الفرق بأن الأبوذية المطلق تأتي من فكر الشاعر و إحساسة كما في هذه الأبوذية

------------------------

تشوف همومي بعيونك و ترها

وتغيب و تقطع بروحي وترها

يرهيك الوقت يسمر وترها

وتصير إنت أبو الراهي عليه

و الأبوذية المولد

--------------------------

فيكتبها الشاعر مستعينا بخيال غيره من شعراء الفصحى و ذلك بأن يبدأ الأبوذية ببيت أو بيتين من الشعر الفصيح ومن ثم يبني عليهم أبوذيته كما في المثال التالي :::

------------------------

يقولون لثم الغانيات محرم *** و سفك دماء العاشقينمباح

لابد من حي الحبيب زيارة *** ولو ركزت حول الخيامرماح

روحي برشف خدك ** من عداها

أحب وصلك وهابك ** من عداها

فراقك يوم أحمله ** من عداها

أزورك لو تصير أحزاب اليه

الأبوذية المشط

----------------------------

هي مجموعة من الأبوذيات المتصلة المترابطة و كل ثلاثةاشطر تليها ثلاثة أشطر أخرى أما الشطر الرابع المكمل للأبوذية فهو يأتي في نهاية المطافبعد أربع أو خمس أبيات و أكثر كما في هذا المثال

الدهر ياصاح بالفرقة ولانه

ولانوبه إنكسر قلبي ولانه

لاإنت عرفت الحب ولانه

نسينا الشوق وأخلفنا وعدنا

وعلى الهجران ردينا وعدنا

هذا من الوقت و الحب وعدنا

يفر بيه الوقت نوبة وفربيه

ومن ثلج العمر دربي وفر بيه

أشرد وين أنا بقلبي وفر بيه

بدرب مسدود ومتيه محله

دموعي ﭼم ذنب قلبك محله

بعد طير بضباب أبدا محله

ولاظن بعد نتلاقه سويه

الأبوذية المدوره

---------------------------

يطلق على الابوذيه بالمدوره عندما يكون المعني بالشطرالثالث غير واضح و مبتور فيكمله البيت الرابع كما في المثال الآتي

عقلي ياترف حبك ** وجن بك

من الجوري يامحبوبي ** وجن بك

إجيت إنت على وعدك ** وجن بك

ليالي الفرح وأيامي زهية

التطريز بالأبوذية

---------------------------

فن التطريز فن قديم تواجد في الشعر العربي الكلاسيكيو تواصل إلى الأبوذية و يقصد منه بأن يبدأ جميع الأشطر بأحرف إسم معين كإسم الحبيبةأو الصديق أو ماشابه ذلك كما في هذا المثال المطرز بإسم زينب :::::

-----------------------------

ز - زهرة بغصن عمري تفوح ** بتنا

ي - ياصوره على وسادة فرح ** بتنا

ن - نغم رافك بتوت القلب ** بتنا

ب - بشاير فرح منها تهل عليه

----

نثرت دموعي للاسمر** والاكحل

وصبغ وجانتي على خدودي**ولك حل

صدكني سهل انت ** ولك حل

احلك لو ترد انت علية

**

على ضيم الهوى ياروح ** علمي

وبيها ارفعت اني اليوم ** علمي

اسالتها المستوى وتكول ** علمي

بخامس باء يالتسال عليه

--

قلبي انت ملكته ** وانت حر بيه

عليل وطبي عندك ** وانت حر بيه

كاس السم اشربه ** وانتحر بيه

اذا غيرك يمس اطراف ادية

--

باب الدار بجفوفي لحني

وحنين النوك ما يوصل لحني

وطيت لكن اسهمك لحني

بوسط قلبي وطبيبي احتار بية

--

هلي وياهم چنت عايش بلاهم

ونهاري شماضوى مظلم بلاهم

هلي مدري الوكت شنهو بلاهم

ولاهم اعرفوا بالصار بيه

-

حبيبي لا تظن انساك ولهه

دوه الروحي غرامك صار ولهة

الشفة والعين ترد عليك ولها

تدعيلك كل صباح وكل مسية

--

الك ياصاح ماظل مني خاطر

واحسبه احساب دربك من اخاطر

تعال كرب حبيبي مني خاطر

تعرف اجنون حبك اسوه بيه

--

انا بگاروك حبك وانته هزني

صرت فرصه بحياتك وانتهزني

انه شجره محبتك وانته هزني

وخلي الورد يتناثر عليه

--

عيونك تصيب الگلب بسهام

يلي ابد ماشفت بهواك بسهام

انا طير المهاجر بالفضاء بسهام

اشوفك وانا تايه بالبريه

--

يـحلو الاطبـاع واصلني وقارب

ماعندي اهل غيرك وقـارب

سفينه بالبـحر ردتك وقـارب

تشيل الحمل من يثگل عليـــه

--

تغيب الروح بغياب --كواردها

كتاب جفاك من عندك-- وردها

روحي بفركتك يذبل--وردها

شمس انت وتنور الدرب ليه

--

تلوعنة وشفنه كل حلاوتهم-- ومرهم

والروح تمشي على طوعهم -- وأمرهم

حبيبي دوه لجروحي -- ومرهم

تمنيته يجي ويحن عليه

--

همت وانسلب عكلي وزاد مرضاي

على المر ماشفت شخصة مر ضاي

لون بات الترف بحشاي مرضاي

لكه اكرب يهل مبعد علية

--

بسك لا تضل تشكي بهاماك

وتلوم العين وتعضعض بهاماك

اخذ طبع النخل وارفع بهاماك

واذا بالطين عركك هاي هية

--

لو ردت الحبيب اتشوفه -- ينشــــــاف

وطيبلك جرح بضــــــــماده -- ينشـاف

اخبرك بل حبيب اشلون -- ينشـــــــاف

بس ضيف الاميل وهاي هيــــه

--

سماح اطلب انا المنكم -- وهدنــــه

كمش بيد التعورنه -- وهدنــــــــه

جبل راكَع خجل جيتك -- وهدنـــــــه

اصير اتراب ونته اسحكَ عليه

--

وحك رمضان وأشرافه -- وكتبه

عليك يهل دمع عيني -- وكتبه

انه شماريد أهم خطك -- واكتبه

شدهني جفاك من غصبن عليه

--

وحگ اعيونك ورسمك -- وداعك

وحگ جلماتك الحلوه -- وداعك

يصاحب فرهَد ابروحي -- وداعك

انتلف ثلثين والباقي باذيه

--

عجب خلخال ساكك -- مايرنش

جبح ودموع عينك -- مايرنش

يرن منك مصايب -- مايرنش

كرهتك لوحياة تصير اليه

--

تعال اسمع ون النايات و --ون عود

يخويه امشي نرد للوطن -- ونعود

اذا باجر متت بالغربه -- ون عود

وتظل ابعيد عن ارض الوطيه

--

روحي من الهجر عجزت -- ولابت

حلفت بدار ماأنزل -- ولا بيت

ذكرك مابقى ب***ي ولا بد

انكطعت من كطعت الوصل بية

--

تلوج الروح ياأحبــابي -- وراكم

وعجاج الضعن سد عيني -- وراكَم

يدمرني الحلم بيكم -- وراكم

ويريت الحلم واليقــضه سويه.

-

وسط گلبي يظل طابع ** وسمهه

عسل صافي حلو مرها ** وسمهه

صفيت متيه باسمي ** وسمهه

لان هيه النجم واني الثريه

--

الدنيا خلافك وحشه ** ومره

ولا منك بعد جيه **ومره

صورك مره اضمنها ** ومره

اشوفنها توج نيران بيه

--

احبة وما احب واحد ** بدالة

وياذنب البدة مني ** وبدالة

الك منصوب بكليبي ** بدالة

خطك على النبض يشتغل بية

--

سماح اطلب انا المنكموهدنــــه

كمش بيد التعورنه وهدنــــــــه

جبل راكَع خجل جيتك وهدنـــــــه

اصير اتراب ونته اسحكَ عليه

--

حبيبي اليوم مابين** ومايه

وبهجره نشف دم الكلب ** ومايه

جبتله نانسي واصاله ** ومايه

وطلع يدور هيفا وهبي عليه

--

سابيني بجمـــالهاوطول ** شعره

انا اموت من اسمع ابيات ** شعره

انا بيني وبين المـــوت ** شعره

حبيبي اشوكت تلــــــحك عليه

--

احبـــك حب مــاينــوصف ** وصفه

وحبي الــك مثل الــذهب ** وصفه

مريض اني ودكتوري وصفلي ** وصفه

اخدودك الشفايف صيدلـيه

--

ابزمن من هالبلاء اخصب ** وهد من (وعهد من)

هاجر من مصايبكم ** وهدمن

الصواريخ بمنازلنا ** وهدمن

بيوت وذبحن من غير سيه

--

ألف وسفه الوقت عنك ** بعدني

أموت و أرتجي وصـــــــلك ** بعدني

و تراني عالعهد باقـــــي ** بعدني

تراك أنت النظـــــر والحيل بيه

--

اجيت امشي بتوالي اليل ** واسعة

على ام الشعرالطويل وعيون ** وسعة

ياحافر قبر لهواي بالله عليك ** وسعة

اريد اني وحبيبي نندفن بي سوية

--

يا ناس باعو لعلتي و **ورمهة

جبير وما اضن يهدأ **ورمهة

احبهة من جانت تمشي** ورمهة

وهي تحبني من جانو يلومون بية

----------



--

حلو اسمك وابوك اشلون.. سماك

وحبيبك لو زعل وياك .. سماك

اصيرن سمج وانت اليوم .. سماج

امن اطيح ابشبكتك تعطف عليه

--

اريد اخبط زميج الرمل .. والحر

وادور عل صديج الوفي .. والحر

نخيت الهل وابو الحسنين .. والحر

يحفظ كل اخو يذكر خويـــه

--

بنيت ابيوت بالشعله .. وسومر

ووجهي من التعب مولح .. وسومر

الناس اتدخن السيجر .. وسومر

ونه التتنات ما طاحن بديــــه

--

عمري التيهيته وضاع .. سني

كبرت وطاح من گدام .. سني

شيعي ومن اجلكم صرت .. سني

وتيهت الخمس والمرجعيه

-----------------------
علي كاظم الربيعي
13-09-2012, 09:38
الشعر الدارمي في الموروث الشعبي
-----------------------------------
لقد عرف الدارمي في المدن الجنوبيه من العراق وخاصةفي ميسان والناصرية .والدارمي يتكون من بيتينشعريين فقط وذو قافية موحدة، متكامل الصورة الشعرية، بكل الخصائص الشعرية المشروطة. ويشترط في البيت الثاني دوماً أن يكون معناه مضاداً للأول و مناقضاً أو مكملاً وتوضيحاًله، وأعتقد هنا بأن فنية البناء الشعري للدارمي وشكله، قد توارثها شعراء القصيدة الشعبيةفي العراق كأحدى الطرق المحببة في كتابة الشعر الشعبي العراقي .
والشعر الدارمي سـلس وشفاف وذو موسيقى ناعمة، قويالديباجة،تفيض به الكلمات الدارجة العراقية ذات الشحنات الجذابة . ومن خصائص الدارميهو اظهار حالة ما بوضوح شعري تام . والدارمي يحوي علىإبداعية كبيرة لشاعره، لكون المساحةالكتابية ضيقة وقصيرة جداً، مقارنة مع أنماط الشعر الشعبي الأخرى . لذا يمكن أن نسميهبـ" شعر الومضة " الكاشف بغنائية عالية وروحية الأقصوصة الغنية بزوايا الحدثالروائي . والدارمي سهل ممتنع،له من المسميات المعروفة كالغناء – التوشيح - غزل البناتأو نظم البنات وذلك لفحولتهن الشعرية المتجددة وجدارتهن في إنتاجه وصياغته بإبداعيةملموسة . حيث مازالت المرأة العراقية رائدة في الأبداع من خلال هذا النمط والشكل الشعريالشعبي . فقد دجنته وعبأته بدفء مشاعرها ومكونات أحاسيسها الشجية العذبة، وكذلك نمنماتأشياءها اليومية . فما بين شفافيتها كأمراة ووضعها الأنساني العام، وجدت في شعر الدارميخير لسان حال لها . ويكتب على ( سائر الأوزان الشعرية العامية ومجزوءاتها ).. ذُكرأيضًا أن الدارمي
بحره " مجزوء الرجز " والذي هو
-- مستفعلن فعلانمستفعلاتن--
-- مستفعلن فعلان مستفعلاتن --
واسم الدارمي له الكثير من التعليلات عند الباحثينالعراقيين، منهم من يرده الى بني دارم وهم من قبيلة تميم المضرية العدنانية وهوالارجح لان الدارميين كانوا يسكنون ميسان—اراضي الكحلاء من زمن قديم وقد حاربهم محمد بن فلاح المشعشعشامير المحمرة ، او لصبغة " الديرم" الداكنة المستعمل من قبل النساء في العراق وهو لحاء شجرة الجوز، ومنهم من يعللالأسم لـ " دردمة " وهي تسمية شعبية للمتحدث مع النفس. ويقال أن الأسم مشتقمن " الدردَمَة " وهو إصطلاح شعبي، يعني " الـهَمْهَمَة " أي تكلّمكلاماً خفيّاً .ونظراً لسهولة معانيه العميقة بما يحمله من ترافة نغمية أخاذة، مازالتالأغنية العراقية تعتمده كنصوص غنائية .
ومن الدارميات في الفخر:
--------------------------
واحَدكُم عله الموت يِكِبل ولا يهابْ
لا نفسَه تحَمل لوم ْ لا يقبل عتابْ
وهذا الدارمي فيه شئ من الحس الطبقي حسب تعليق مظفرالنواب:
----------------------
شبه الدرج دنيّاك شَيْ اعله من شَيْ
يَالبِالشمس ظليت هَمْ يِكسر الفَيْ
ومن الدارميات المتداولة بين العراقيين، وهي كوصيةعلى الكبرياء وعزة النفس :
-------------------------
لو ضَكِـتَكْ دِنْياكْ ها بالَـكْ اتْصيحْ
إرجي الرمح لِجْلاكْ واصْبرْ لَمَا اتْطيحْ
وهذا دارمي آخر يفسر نفسه:
---------------------------
يادِنيَة نوبْ ألويـج نوبْ انْتي تِـلْوين
إخْذيني بِالمعروفْ لو رِدْتي تِجْـفينْ
بعض الدارميات تكون - رادود - بمعنى رديّه بين اثنين
-------------------------------
بالك تمر بالدار عنها اشمر بعيد
دار العزيز هواي نوح وبجي تريد
فيرد عليه :
--------------------
عمدا امر بالدار والنوح ازيده
واسمع صداها يقول راح التريده
ومن الشعر الدارمي
-----------------------
مساء الخير يلي منالعسل اصفه *** لوبيدي علاج الناس اخلي شوفتكوصفه
--
اكتب جوابي عليك معروفه الاسباب *** لو صرنه متحدين جرح الوطن طاب
--
سن الضحك وياك لازم اشلعه***كلبي الرف عليك من صدرياطلعة
--
ما ظل فلس بالجيب واتصل بيكم....ولا فرس يم البابواركب وجيكم
--
وين البخت يفلان وتكلي مبخوت ... لو اشتغل دفان هممحد يموت
--
زين البخت وياك واصل لهلحد ... احفر كبر للمات كالوعدل رد
--
القلب قال أحاه ! قتله وجعــــــــــتين
منهو الاجى أوعزاك من طقك البين
--
يالردت عني اتروح خليلي صبرين
واحد يصبر الروح والثاني للعـــين
--
شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله
--
مدرسه البيها هواياحلى المدارس
افرح لون بالباب خلوني حارس
--
كون المدير يكول درسهم انته
اشرح خمس ساعات بس عن كذلته
--
الطالبات انجوم وانتي گمرهن
لشوفتج فدوه يروح عمري وعمرهن
--
يا حلوة الحلوات نتلاكه يمته
هو العمر شيفيد من يكضي سكته
--
اول اريدج دوم عالصف تطلعين
وحالف قصيده اهديج كلما تنجحين
--
هاج الكلب اخذيه دفتر للدروس
وعيوني من تقرين سويها فانوس
--
خابرت ست مرات طلعتلي امج
قررت من هاليوم ما راح اكلمج
---
ماهمني الكصاب منكص وريدي ... همني الصديق الخان وضنيتة ايدي
--
مر بينه شنهو يصير من تمر خايب ... مسموم انا بفركاكمامش حبايب
--
طيرانته وانا الكاع لازم تحط يوم ... لوطاير وتعبانلو صايدك حوم
--
هاي اذني يابو فلان انچان افك حلگي ... وباب الكلبمفتوح هم احط سرگي.
-
هذا الحچي التحچيه قنعة لروحك ... اصبر شهر شهرينواحسب اجروحك
--
كون الله واهل البيت ويه الصحابة ... يرجع حبيب الروحويذكر احبابة
--
كون الخميسيشيل منك يالسبوع ... بيه زفة المحبوب وتهل الدموع
----------------------------------
علي كاظم الربيعي
25-09-2012, 18:33
الشعر في الاهوار


---------------------


المرحوم عبود الحاج سلطان :
دعنه من حچي العاذل -- ولوما
دم احمر یکت دمعي -- ولوما
سل سیف الزعل واغضب-- ولوما
الوذ بلیل شعره فتک بيه
..........................
الملا فاضل السکراني:
عسمه اشلون ماذبهه -- مسلتی
براس الخصف وانکسرت -- مسلتی
عفيه اعلیچ یا عینی -- مسلتی
دما واتشمتین اعدای بیه
..............
المرحوم الشیخ عبد الصمد مال الله الأسدي یقول:
اذا سار الأکارم في طريقٍ
اسیر به واجعله طريقي


---
ولو إن الصدیق اراد غيظي
وشرقني علی ضماءٍ بريقِ

---
غفرتُ ذنوبهُ وکظمت غيظي
مخافة أن أعیش بلا صديقِ
....................................
فواکبه ابوموعود الرشیدی بهذا البیت الأبوذية:
طریق أهل الکرم جدته -- مشیته
ورضیت اشماوعد ربي -- مشیته
اکظمت غیظي ودمع عینی -- مشیته
اموت ولا أخو یزعل عليه
-------------------------------
علي كاظم الربيعي
22-10-2012, 10:03
حبيبي مطرز بشامات **** بسمار






اومن هجره لذيذ الزاد **** بسمار





انه المطكوك باليافوخ **** بسمار





صرت مجنون ليلى العامرية






----------------------------






مع تحيات ابو عمار الربيعي
علي كاظم الربيعي
27-11-2012, 12:58
من شعراء الفريجات


---------------------

في العام 2008 اصدر الاستاذ الشاعر عبد حلو حيدر الفريجي من مواليد قلعة صالح – قرية الواوي و قرية (الواوي) الغافية على ضفاف جدول (المجرية) المتفرع من ضفة دجلة الشرقية شمال مدينة قلعة صالح في العمارة تنساب مياهه بهدوء مارا بعدة قرى منها (قرية الشلفة) حتى يصب في هور (مريبي) والكحلاء.
وقرية الواوي هذه تحيطها حقول الحنطة والشعير وبساتين النخيل والاراضي الخضراء ولكن ريعها ومحصولها يصب في جيوب الاقطاع آنذاك، ومن الظلم والجور وأعمال (السخرة) هاجر الفلاح حلو ابن حيدر الفريجي الى مدينة الديوانية تاركا قريته وأرضه وعشيرته واستقر فيها بعد ان تطوع في افواج الشرطة المحلية كان هذا في الاربعينيات من القرن المنصرم وبقى فيها حتى ولادة ابنه (عبد بن حلو بن حيدر الفريجي) فعاش طفولته وشبابه وتخرج وتعين معلما في مدارسها.
وكان الاستاذ عبد مولعا بالشعر الشعبي متأثرا بشعراء الديوانية ومنهم علي الشباني ,سعدي المصور, عزيز السماوي, وكزار حنتوش، فنظم القصيدة والابوذية والموال والدارمي حتى نشرت له بعض الصحف قصائد من نظمه مثل صحيفة كل شيء والاتحاد والراصد.
وفي العام 2008 اصدر ديوانه الوحيد (جرح السنين) وفي ص6 من الديوان يقول:::::


-----------------------
نحرني امريح الكذله -- ولا كط
الحواري ما حنن طوكه -- ولا كط
الحنة ثابت ابجفه -- ولا كط
سحرني ابنضرة اعيونه عيه


-------------
جنة الوصل للمحبوب -- حي حي
المغرم ما ينام اليل -- حي حي
تلسعني من الجدم للراس -- حي حي
ابكل لسعة تدور الارض بيه

--------------------
والشاعرالاستاذ عبد الفريجي نظم الكثير من الموالات ومنها :::

---------------------
خشف النحرني اصبح شامه ابجبينة-- وخال
لزلوف حلو الحسن طيب الروايح -- خال
للتعب يسوه بعد ما من صديج -- وخال
من بعد عناي اجي الدارك -- واصل
ماريد ولف الذي ما مش بحبه -- وصل
روحي الطاوعت للنذل بنار اذبهه -- واصل
يا صاح كلبي انجرح كلي اشيفيد الخال

--------------------

المصدر/

الباحث الاستاذ قاسم موسى الفرطوسي
علي كاظم الربيعي
11-12-2012, 09:12
ابو ذيات دندوشة
----------------------------
وسفه الدهر شتتكم -- وطركم
حسافه ماكضه منهم -- وطركم
بذجركم هذا انه اهذي --- وطركم
يعيد الله شتتكم جمع ليه
****
زماني جرد اسيوفه -- وسنهه
عليه اوحرمت عيني -- وسنهه
وحق اللي فرض خمسه -- وسنهه
بعد هيهات عيش ايصير اليه
****
حبيبي دك بذرعانه -- ولجتاف
بضلعي جاسي اللبي -- ولجتاف
رضينه بحبس دندوشه -- ولجتاف
وهي سجاني وتفتر عليه
****
مر ولفي ايهبتني و -- مره هبته
ومره اوصلت يمه -- مره هبته
طحت مقدر يصاحب -- مره هبته
اسد يخسه الاسد ملقاه اليه
****
ابنار الهجر يامهجه -- دموعاي
على مصابي السمه يمطر-- دموعاي
اشما هلن يدندوشه -- دموعاي
حسناتج تبدل بالف سيه
****
سريتوا بالضعن ياترف -- هاوين
جفيتوني ولعند الغير -- هاوين
هاميت يحلو الطول -- هاوين
حياتي والنظر اقبالك عليه
****
وحق الالف واللامين -- والها
روحي بهوى ساهي العين -- ولها
لها ثغر وجبين وعين -- والها
خذ شبه البدر لو سطع ضيه
****
من مثلي دمع عيني -- يهلهه
سبب غالب على روحي -- يهلهه
وعلي تحيولكم ميت -- يهلهه
من تبدي ترد الروح اليه
*****
حزني عليك مايبطل -- وناحي
اسب اللامني بودك -- ونا حاي
تبات الناس مستوره -- ونا حاي
ليلي والنجم يشهد عليه
****
وحك آية عصا موسى -- وسينا
الك حثت رجايبنه -- وسينا
الك حسن النبي يوسف -- وسينا
الي والنور الك والنار اليه
****
يحادي روعت قلبي -- بلحداي
يخايب لفني وياهم -- بلحداي
اون طول الدهر حتى -- بلحدي
على الساروا وخلوني شجيه
****
كل مغرم برت علته -- وناله
سعيد اللي حضه بشخصك -- وناله
الطارش من سمع نوحي -- وناله
ترك شغله وبجه رحمه عليه
****
حبيبي جفاك المعبودج -- صبراي
حبيبي كمت اكل للروح -- صبراي
حبيبي من ذكرتك نفذ -- صبراي
حبيبي يصب فراقك عليه
*****
الدمع نهران بخدودي -- كراهه
حبيبي سلب من عيني -- كراهه
ليش امحبتك صارت -- كراهه
اشبده مني وتشمت اعداي بيه
****
روحي والهوى ودنياي -- وعداي
علي وشلون اشيل الجدم -- وعداي
صابر وانتظر واشوف -- وعداي
ابفرح لو دوم وكتي محيط بيه
*****
ابكثر مانوح ملوني -- يراني
طحت والشامت ابعينه -- يراني
يخوتي السبع من جسمي -- يراني
اكبال اهلي وعمامي اتشوف هيه
****
اف منه زماني اه -- منه
على اللي عشرتي وياه -- منه
اكله الدرب هذا يكول -- منه
اكله فوت بيه يرد عليه
****
دمه دمع البيابي سال -- وانهات
عليك اكضي العمر حسرات -- وانهات
بهواك انه اعذلتني الناس -- وانهات
ما خذني الهوه غصبن عليه
*****
المصايب بس على روحي -- تلافت
يقلبي اعله النكر طيبك -- تلافت
اون وعظامي بهجرك -- تلافت
طريح وساد دوب النفس بيه
****
عفاني جيف الى مهجه -- ولي روح
اداري بالعلل كلها -- ولي روح
ماني بحال من يبكه -- ولي روح
ابحالك يالقطعت الوصل بيه
****
روحي مشت وياهم -- وهامت
على الما بينت منهم -- وهامت
اجفوف اعليك اطيرها -- وهامت
واخلي ادموم تجري اعلى الوطيه
*****
تهت محد من احباب -- علي شار
ينجيني الذي شمسه -- علي شار
حجيت المصلحه طلعت -- على شار
رجيت الغانمه صارت رديه
******
هذا اللي لعند اعضاي -- هد هد
ملهي وابد ماينصاد -- هد هد
اكله اقرب يقلي ليك -- هد هد
ارفع مشتهاك اشتظن بيه
*****
ناحل وامشي امكابر-- تراني
اجلد خاف عدواني -- تراني
تاره الموت يدهاني -- تراني
اصحه من يمر شامت عليه
****
قوم انصب يصاحب -- ماتمالنه
على الوياه ليله --- ماتمإلنه
لون الرجل يملك -- ماتمنه
مهو بالهون فركاهم عليه
*****
يصاحب لو تشوف اشلون -- كتماي
على عيوني ويسح الدمع -- كتماي
اشما اقل للروح سر الهوه -- كتماي
تحن وتهيج الساكن عليه
*****
تظن انساك وانته الروح -- واسلاك
سبب مايوم مني انقطع -- وسلاك
أعيش آنه عقب فرقاك -- وسلاك
معافي والوشاة أعملوا بيه
****
هذا البيه كنتم -- لايميني
وعذر مافاد بيكم -- لايميني
لو تكتف يساري وي -- يميني
هذاك انه الهوى غالب عليه
****
اشمالك يازماني علي -- صليت
ابنار وحمسيت اجلاي -- صليت
مثل ماصلت ام عمران -- صليت
فنكحني الهوه وذبني بنويه
****
مدري لاتناشدني --- على احشاي
بجيت وصب دمع عيني -- على حشاي
تبعت الضعن وكفوفي --على حشاي
إشما مال الضعن روحي إتميل بيه
****
أنام وشوك محبوبي -- يعاني
افز مرعوب واتخيل -- يعاني
هلي الدمع مرخوصه -- يعاني
على اللي بالوصل شحوا عليه
*****
نصحته اولا نفع وياه -- نصحاي
سكاره احنه بهواه مابعد -- نصحاي
جفاني وصرت نصي ميت -- نصحاي
نحيل ولا اثر نكاد بيه
****
وحق التعبده شيعه -- وسنه
ذوله الحرموا نومي -- وسنه
عليك اسيوف جردنه -- وسنه
علمك يلعبدت اشميت هيه
****
اعذرني والوكت عنك-- لهاني
بعزاك الزاد الي ابدا -- لهاني
تفر من البدن روحي -- لهاني
بسبب ماشالت التابوت هيه
**************************
علي كاظم الربيعي
14-12-2012, 12:32
النعي في الشعر الشعبي

-----------------------------
لم يكن النعي وليد زماننا هذا او من مبتكرات هذا الزمن، فلقد كان النساء والرجال في السنين الغابرة تكرر كلمات التوجع عند الفجيعة، وفاق لطم الوجه و اللدم علی الصدر و الشهيق والزفير و هي اذا نعت ترفع صوتها مرة و تخفضه اخری تبعا لتوازن احساساتها و يتخلل كلماتها او حروفها نشيج و انقطاعات قصيرة كما تفعل المراة القروية في الارياف و البدوية في الفلوات. والنعي هو الفن السامي الذي يحتفل بمخزون لغوي لا يستهان به و يستند الی خلفية تراثية.
و للنعي نساء اشتهرن باجادة هذا النوع و برعن فيه.و قد اتسم هذا النوع من الشعر بالعاطفه الصادقة وهذه نماذج من شعر النعي :::::
-----------------------
راحت احلوگ و ظلت احلوگ
او راحت احلوگ التطلع احگوگ
او ظلت احلوگ الما اتلوگ
*****
گلبي مثل زراع ديم
يكرب صبخ و يناطر الغيم
منهو اليساعدني علی الضيم
*****
اشكثر برباك يا يمه تعبيت
و ابذيچ الليالي يلولد سهريت
يا هيبتي او يا ونست البيت
*****
تعبت اعليك يا يمه التعب وين
يا ثمر چبدي او يا گرت العين
رايح يالولد يا يمه لاوين
*****
ردت الولد ويه اليدفنون
ايحط النگاب اعله العيون
ايهابون منه او ما يضحكون
*****

عونه الگعد وياك عونه
او من الرمد طابن اعيونه
انته الطبيب الينعتونه
*****
يمه راسي اوجعاني گومي شديه
او شد الغريبه ما مضه بيه
شدچ ييمه العافيه بيه
*****
يمه ردتك ذخر لأيام كبري
او ردتك تنزلني ابگبري
راح الولد عفيه اعله صبري
*****
الينازه رادت ثلث صبيان
واحد ولد و اثنين خوان
ايوصلون حرمتهم للوطان
*****
روحي او روحك فرد معلاگ
و اثنينه ما نحمل افراگ
ضيم العليه اليوم مطباگ
*****
يمه حطيت حملي او گلگليته
او لا ظلي واحد ما نخيته
حته العليه العتب هم جربيته
*****
شفت الهوه حرك الباب
حسبالي يا يمه جيت احباب
ثاري الهوه و الباب چذاب
**************************
علي كاظم الربيعي
26-12-2012, 21:36
المرحوم - محمد كاظم درجال / قصيدة حزن قلعة صالح



----------------------------------------


حيل اوزارجن شدنه يمعزيات


مات محمد الدرجال ابو الوكفات


*****


غمك يازمن تتلكط الطيبين


تتخطه الرعيع بحجة البد ذات


*****


غمك يازمن تاخذ شريك الروح


من حضن الصحاب بلحظة الصفنات


*****


اهمل يامزن واحفر خدودي شطوط


وانزل عالصدر واتلمس الصدمات


*****


واحضن نار صدري ولاتطفي النار


صير الها نفط خل تشتعل صرخات


*****


صارت ليل دنيانا وتريد انوار


وعكوس التصيب الغازي متعسرات


*****


يادانك الطر الهور صوب حفيظ


طاح بنص صريم وشوك ومشلهات


*****


يمحمد يخويه اشبيدي وانه ابعيد


وانت املاوه ويه الوجع والحسرات


*****


يمحمد يخويه انطر دليلي عليك


من صوتك سمعته ابزفرت الشهكات


*****


كتلي انه طحت وبصدري احس الام


وبظهري الخناجر ياعلي مغرزات


*****


احس كلبي لجمني وكلت اخوي ابضيج


من عندي ايتفرهد وايدي مجتوفات


*****


واسمع صوت يمحمد يهد الحيل


صار ازرق اخوك وشخر يمكن مات


*****


انهديت وانحليت واتفلش عمود البيت


يمحمد او مارديت نجمك راح ابد مابات


******


يمحمد اشلون انساك وانت دواي


وانت الماعفتني بساعة الشدات


*****


يمحمد انه المطلوب والديان رافع سيف


والضر اللفاني ايشتت البسمات


*****


وانت الطومرت واعكدت ركبة غيض


كتله انه جبيلك لو صرت أفات


*****


يمحمد طواك الموت والشعلة بجت لوعات


يمحمد طريق التاجي مامربيه بعد هيهات


*****


يمحمد انه المطكوك باليافوخ طكت موت


واصحابك نعم الصحاب ماكصروا بالكلفات


*****


يمحمد واخوتك يشهد الكرار مفجوعين


بس ندري المنايا وعود بالشريان مزروعات


*****


يمحمد عرك مكطوع مامد الجذر بالكاع


بس اسمك يبو جاسم يضل يطوي المسافات


*****


بلايا اوداع يمحمد يبو جاسم عفتني شراع


والروجات تاخذني حلم تعبان للصعبات


*****


من شالوك يمحمد -- صحت اوداعت الله وياك


اريد الله ينور كبرك بنوره ياطيب يبو الطيبات


*****


ياريحة العنبر يارغيف الخير يامضياف


ياطيبة ومحنه وخير ياسنبل حمل خيرات


*****


لاتنعين ابد مامات اخوي محمد ولايات


لون البرد وجهك صار حتى ارتعبت الشمات


*****


ولي فاي


يمحمد منيتي وروحي ** ولي فاي


وانت امن الشمس ظلي ** ولي فاي


فيتك ماتضر غيري ** ولي فاي


بقيت اوحيد بس افرك بدية


------------------------------------


اخوك المفجوع بك ::: ابو عمار الربيعي في 21/12 / 2012م


***************
علي كاظم الربيعي
31-12-2012, 12:37
هوسات عشائر بني كعب العدنانية / اعداد ابو عمار الربيعي

---------------------------
من شفت حيد المنايه ابگومي چن سار او حده
او طايح ابارح نوايب گلبي لم حيله النده
اتریگت کومت مآسي او صاير الهم الغده
ومشوبح عینی إعله النيبه &&&
***
امشوبحه اعيون القوافي امحمله ابکارت حزن
اوروحي چن ناگه ابدویّه تاهت ابّيته او تحن
حضنت إگليبي النوايب نار تلهب بالگطن
لاتطفی ولاني امطفيهه &&&
****
امحودب بيده عوچيته امشيب ينهت ابلوعه
أثاري دفتر المبيوگ شفته امهدله اضلوعه
گتله الچنت مثل الشاب جاوبني ابصدی ادموعه
بايگني الیکســر بالساني &&&
*****
کلام الگالته العگال در ومانگص قدره
الرجل لو رافگ الغمان گالوا ینکسر ظهره
یظل عایش علیل الحال دوم امعذب ابدهره
یتندم باول مشواره &&&
*****
الیوگف من تریده اشراع وبعز ماخلف وعده
المثل گایل ثلث مرات یسوه الگومه والگعده
خل عگلک وسیع ایکون شان اهل الفهم صعده
والمایعرف سد اکتابه &&&
*****
الك حب ابدلیلی ایدور ماینقاس اقیسنه
حیث اویل عگل مدیوف حتی ابدمی احسنه
اصیح ابصوت اسمع الناس تدری ابگلبی شتمنه
للموطن روحی اتفداهه&&&
*****
تنول العز یخی بعضاك کل اهل العگل تعنی
وکلمن عگل عنده اوسیع یدری اهل الچلم معنی
الو تجمع شملهه الگوم بیت امنل شرف تبنی
محیوکه ابمرمر سیسانه&&&
*****
انصبت لکن ما حچیت سکته خلیت اطلابه
خفت تزاحم اخوتی وسیفی دخلته بگرابه
گلت خل اعرف عدویی عرفته ابطیحت انگابه
شفته ابن العم ما حاچیته &&&
*****
الباع الدر علی الفحام وما یعرف ثمن دره
یمته ایمییز الچلمه التنفعه ویا هی التضره
حچی اهل العگل موزون کون اتصره الف صره
طیرك بلقیم اتهداله &&&
*****
توجه چف یمینك زیـــن بیه احروف مکتوبه
زغیر اعضاك لو مفسوخ ایدک تضل معیوبه
کلمن باهه کل اعضاء بیــهن حصل مطلوبه
کل عجده التکلف حلاهه &&&
*****
یصــــــح بیــن الزلم رجّال صیته امامن الدیره
وجبان ایصح سبع مرات راسه امطلگ الغیره
تخیّر بل ربــــــع وفّای صاحب یعرف السیره
و اعداك اسلال ایحط بیه &&&
*****
زامطت بعضيدي خصمي وگلت انچلنه الخصم
لچن وسفه مادريته ايدور إعليه الهضم
ابساحة الشده نخيته واگف ابچفه يصم
طگاني وطايح خلاني &&&
*****
ابساحة الحومه ترکني طايح او محد إلي
دايره افتروا عليه خصمي و ادموعي اتهلي
ما بچيت آنه من خصمي بس بچيت آنه الهلي
خلوني او خصمي ايدگ سوطه &&&
*****
گمت احشي ابنهار الصیف وصرت للوکت مرجوحه
امغمض چـنت الوح الطیرهسه الیمل مالوحه
صارت ماصخه العیشه بعد ماظلت املوحه
والما یـسوا ایشیل اذراعه &&&
*****

عالیهل بطل ملامک و الغبر اترک هوا
المایعرف الصگر شنهي استطمع ابلحمه وشوا
گوم الیفهمون راقي ابحد مجـد رفرف لوا
خاوي ابعز لو ردت اتخاوي &&&
*****
اخـاوي الگدهه کون اگدود وابدن غبر ماخاوي
ایتحنبط ادری بس یمی ویغش من عویت الواوي
عمي امبین امن إبعید لیسه الدگل خستاوي
ومو کلشي التلمع ذهبایه &&&
************************************
علي كاظم الربيعي
03-01-2013, 14:36
محمد ولك يمه

--------------------
محمد ولك يمه ؛؛؛؛ حطيت الك ذمه
اقعد يريع الروح ؛؛؛؛ الدنيا ملتمه

****
محمد العبارة ؛؛؛؛ كطعت للعماره
وامك المحتاره ؛؛؛ بالضيم يايمه
****
محمد يمزن العين ؛؛؛ يهمل على الخدين
قلعتنا الصوبين ؛؛؛ تبكيك يايمه
****
محمد زرعت الطيب ؛؛؛ والهلا والترحيب
البطون عيب ايخيب ؛؛؛ من جابتك يمه
****
محمد تعدل الطاح ؛؛؛ والصاحبك مسراح
ياسدرة الافراح ؛؛؛ فيت علي يمه
****
محمد اخاف عليك ؛؛؛ من كل ولم ياذيك
وعيوني اتباريك ؛؛؛ لمن تجي يمه
****
لمن تطب للدار ؛؛؛ من همي طار تغار

لو تدري بيه اشصار؛؛؛ من غبت يايمه
****
يايمه وين اتروح ؛؛؛ وانت عزيز الروح
ياعطر دوم يفوح ؛؛؛ من احصنك يمه
********************************
علي كاظم الربيعي
05-01-2013, 13:09
ابو ذيات الحسجة والموروث الشعبي للريف العراقي
-----------------------------------
(1)
انه بيه زماني لـــــــــــوج ؛؛؛ ملاج
ويروحي المــــاتريده الكاع ؛؛؛ ملاج
صرت صانع عكب ماجنت ؛؛؛ ملاج
خادم والخلك تامر عليه
( (2
بيدك بيس ناوي اتريد ؛؛؛ لطماي
بجيت وحتى جفن العين ؛؛؛ لطماي
صرت شلتاغة بس مافاد ؛؛؛ لطماي
الطم والمذمه ترس بيه
(3)
المصايب دوف روحي بوحل ؛؛؛ دفان
وركص ركصن عليه وطبل ؛؛؛ دفان
صرت بطران كلت اشتــغل ؛؛؛ دفان
شما احفر كبر ينهدم بيه
(4)
بكثر همي ليالي ؛؛؛ ماشــــــلتهم
بكثر شيلي الوسيعه ؛؛؛ ماشلتهم
الك الله يكلبــــــي ؛؛؛ ماشلتـــهم
يعوض التعب اذاك المر عليه
(5)
ابحزن فركاك احط اصخام ؛؛؛ ولطام
على راسي وانه اردس حيل ؛؛؛ ولطام
متـــت ولتمو الحـــــفار ؛؛؛ والطــــــام
اشمتو وانه التراب انيم عليه
(6)
انه ابنه وفعــــــــله ؛؛؛ شح لبنه
ولبـــــنه هواي كلــــش ؛؛؛ شح لبنه
اهي درت ولاكـــــــــن ؛؛؛ شح لبنه
ثدي عايب الدر وعمل بيه
(7)
انجن وماعرفت اسباب ؛؛؛ جناه
دليلي وكمت احسن بيه ؛؛؛ جناه
وعلي يوم الموادع صار ؛؛؛ جناه
مثل يوم القيامه قام بيه
(8)
المصايب من كدر فركاك ؛؛؛ ياران
عليه ومثل يور الوكت ؛؛؛ ياران
تضن اعيوني عكبك بعد ؛؛؛ ياران
امنهد فركاك مات الشوف بيه
(9)
من ضيم الوكن روحي ؛؛؛ تونحل
ولغز فركاك البصدري ؛؛؛ تونحل
كمت هاماكمت صاحو ؛؛؛ تونحل
كمت من ضيم مامش حيل بيه

(10)
طبك طبكن بروحي عود ؛؛؛ وناي
وحسهن جـــن ونين الناي ؛؛؛ وناي
بهيده يل تــــــجد بضعن ؛؛؛ وناي
اما تسمع ونـين النـــاي بيــــه

------------------------
علي كاظم درجال
10-01-2013, 11:53
دارميات الحسجة من الموروث الشعبي الريفي العراقي


----------------------------------
ماترد ليك الروح تابت تراها &*تبقى انتا والوياك دومك وراها
*****
بيك انتا ماضل صوج ’’صوج الكلب حن &* يتهاوش ويالروح وعيوني ناحن
********
ثوب ابيض الجلمات مالطخن يوم&* عشرتنة عالمكشوف حسبالك نجوم
******
لاتنسى واذكر دوم’’ دوم الله فوكك
&&*
دوم اني اباري وياك تتهمني ابوكك
*******
للوجهه صافي يلوك بس كونة اية&*
مو بس حسن وعيون كون بهداية
*******
روحك عساها بخير ومارايد هواي&*
من يمر بيك الخير لاتكطع وياي
********
حافي اركض الدنياي مالحكلها&*
والنوب اعرس خوش يرهم قفلها
*******
ضليت ادج بالساس لمن صرخ آخ
&* اعرف شنو البنيان خوية اني لباخ
*******
اتكبر اني شلون ماترهم وياي
‏&*
كل ناسك انتا تبيع بس اني شراي
********
مو جاهل اني بهاي وانتا ادرى بيا&*
احجي شعليك ذنوب شنهي العليا
********
ها ها عليمن هاي مايلحكلها
‏*‏*&
الحسجة لاهل الطيب صارت صفه الها
********
ذاكرتي حد السيف ماغلطة بيوم&**
من يعتني ابن اجواد توكفله وتكوم
********
حسجه اني ابن ديوان وابن المضايف*&* الشعر يسري وياي مثل السوالف
*******
اني الحجي المكيول ما اعتنيله*&*
ومن احجي انا بزود ماعندي حيله
*******
بأمر الله اوافي شواط جي لنا واجب* &*
وعن صحبت الطيبين مايعلى حاجب
********
اكتبلي يبن الطيب بيت بردف بيت*&*
موضوعه عن اهواي مايوم الى نسيت
*********
مانصح دهري وياي ثكل بهمي* &*
خلاني للبذات كتله ابن عمي
********
الجمهوري بيها ارجال حسجتها بيها*&*
والشعر من تحجي توزن بديها
******
اوزن بديه ودوم مايزل وزني* &*
واحجيهن الجلمات بسم اليعزني
*******



شاعر تراني بزود واحجيلك ابيات*&*
ما احجي مكيولات لا والله هيهات
*******
البيت الأسولف بي ماضنا معيود*&*
اطرب واغني وياك واتناشد انشود
*******
ابقى امشي عدله وياك ماتزل عيني*&*
بس كونك انتا وياي تبقى على ديني
********


جلماتي يبن الناس مالاتي ذني* &*
وابياتك من اسنين مرن جزني
********
التمو يالشمات خلوني اكلكم* &*
الدوم ازامط بي متبري منكم
********
متبري منكم حيل كل اليحبنا*&*
عدنا الملح والزاد حسبت لبنا
*******
ميت لفاني الضيم تعقلها فد يوم*&*
وصلت لحدها وياي ماشايف النوم
*******
سمك وصل للراس ماشيلن ايدي* &*
من كثر هم الروح من ذاك عيدي
********
شدني اني بالكلفات اصبحلك احزام*&*
بس كونك علبليس موش اعلالسلام
*******
اجروحك البروح مو مية اكثر*&*
الكلب من طاريك طاح وتعثر
*******
بالحسجة ياهالناس مشهودة لينا* &*
مارايد اني هواي ردهن علينا
*******
لمعاتبي انا وياك ماضن وكتها*& *
وحلوك هالشمات خليني اسدها
********
اتوسل الطيبين تمسح اذنوبي*&*
واحلفلك من اليوم بدلتا ثوبي
********


شالوها ست اولاد يامحلة موته*&*
كلمن يريد ايصيح خي نصي صوته
********
شنهي المعزه الحيل سولفها ليا* &*
وحجيلي شنهي عليك شنهي العليا
*******
انت العليك هواي ماحاسب الهن* &*
بس الثكال اثنين خوي ابحملهن
*******
ضل كلبي حيل ايصيح لاتدني يمة* &*
جي بي جرح مفتوح محد يلمة
********
ناذرلك انا الروح مو منها وصلة* &*
تساويني بالبذات والناكر اصلة
*******
الحر يظل حر دوم حد المنية* &*
انشد اظل للدوم عالمني بية
******
لامره لامرتين اكثر نحبكم*&*
واثبتهن الجلمات دوم بذكركم
*******
مو اني منك بيك وانتا ادرى بيها* &*
روح انتا للشمات واسمع حجيها
********
مرخوصة الك هالروح وعيون الاثنين* &*
ضليت الك مطلوب شلون اوفي هالدين
*******
عالراس اشيلك دوم بس جاوب بيت* &* حيل اني جيت وياك لتكلي ماجيت
******
يادربي اضل امشيك ماعيفك بيوم* &*
حسبت جلد وياك مو حسبت اهدوم
*******
مانحجي عنك شين حد كطع الانفاس
* &*طبع الشماتة انصاغ للساسة نداس
*******
لاتحجي بطل اعتاب حيل اوجرتني
‏* &*حسبت اكومن بيك بيدك تعتني
*******
لاتعت بي النوب راكس لهامي*&*
ما أرد ليك بيوم حالف بأمامي
******
اني الكلب والروح كل حسبتك هاي* &*
دلالي فوك الروح وكليبي وجلاي
******
شص بالنفط ذبيت شتتأمل اتصيد*&*
لو شبج فوك الفال ماضنتي يفيد
*******
لاتمر بيا النوب ماريدك اتمر*&*
غلطة الكلب خاواك بيكم تقشمر
*******
لاتشتكي انتا الناس لو هم ثكل بيك* &*
اتنخى ابو الحسنين عالحق يدليك
*******
روح انتا عني بعيد خذ شرك وياك*&*
ولهانة بيك الروح ما أكدر انساك
******
ياطيب الوكفات مطلوب الك دوم * & *بعون الله اوفي اوياك لوبيع الهدوم
*******
واجب ترى الوكفات من اوكف الكم*&*
وتكلي اوفي وياك ضلت باصلكم
******
يالشمري اني وياك مانسطلح دوم*&*
بيامعنى توفي وياي شككهة الهدوم
******
دربك ترى انتا بعيد عن دربي شمرة* &*
انتا بظلام الليل واحنا على كمرة
******
اتقبل التحجيه وكل التكولة
‏*&‏*
حبك صبح بالروح يالغالي سولة
******
ها خوية رد اجواب حتى انتواصل
‏*‏*&
بعدك ترى على النت لتكلي فاصل
*******
امقصر ادري بهاي كد شعر راسي*&*
اغفرلي ذنبي وياك ليش انتا قاسي
*******
صدكني الك تشتاك روحي ويالعيون*&*
ابقى اني حد الموت للطائي مديون
*******
بدموعي اطفي النار لو مستك يوم*&*
واجروحي من طاريك توكفلك تكوم
*******
اجروحي صفن سيل شي اعلى من شي
‏*&‏*
وتكلي للطيبين خلينه نمشي
*****
البرخص باعوك دور باصلها *&*
مو بس اصل نداس خابط لبنها
*****
بس اخرب اني وياك مانصطلح دوم*&*
كلبي بعشرتك صار كل لحظة ملجوم
******
ملجومه روحي هواي مايلحكلها*&*
والنوبه ولعت بيك وثكل حملها
*****
لاهدم مامش ثوب ومصلخ صلوخ*&*
ادنه عني امتار من يمك ادوخ
*****
لا والله مو بذات وانت ادرة بيه
&*‏*
بطل العتاب وياي يالمني بيه
*****
دوم اني اسولف بيك ياطيب الذات* &*
كلبك شلون اطاك وتكلي بذات
‏ ******
خليني اجملك بيت عن جلمتك هاي*&*
راح ابقى ست اشهور مابطل ابجاي
*******
خضره وبعدها الروح تندل سراها* &*
تمشي ورى الغمان جانو وراها
******
الولا راح بعيد هذا اني يمك*&*
نتقاسمه اني وياك ونشيله همك
*******
عوف انتا حجيك هاذ خليني اسمعك*&*
عنهم حجيت اشلون مو هم ربعك
*****
صح كاسرت مشروب بديتا كاسي*&*
ماحاربت للدين شد غيره راسي
*****
شد راسي غيره وصاح كاعي اني تنداس*&*
وسفه وعلينة يشيد بالغيره عباس
******
علمني ابو السجاد ما دنك العين*&*
متحزم الها احزام والنصرت الدين
******
اهل الكرم والطيب والكم دواوين* &*
ماجاملت مولاي احلف بالحسين
*****
يالساعدي اكتب بيت جاملنا نوبة
‏*‏* &
شعر الأصل والزود راوينا ثوبة


******
كل الهلا اهلا بيك يالمني بية*&


*هاك اخذ ماي العين واخذ الثنية


*****
كل صوج ابد مابيك ماعرف ناسي


*&*حتى الدني المنبوذ شلتة على راسي


*****
اكتب شعر يفلان من اول اصباي


*&*دوخت روحي وياي ومدوخ اعداي


*****
ها خوية كلي شلون وين اصبح الراي



*&*يستمر نوحي عليك لو أبطل ابجاي
****************
علي كاظم درجال
14-02-2013, 19:52
زهيريات مصلصلة
-------------------------
ألك طلعة تفتن العشاق *&* مــــن حورها ( من بهائها )
ولواحظك كـــالضبا واضحيت *&* منحورها (مذبوحا لها )
إسرقت جيد المها واعيون *&* من حورها ( شديدة البياض )
والمشتري الزين لمّا شاف حسنك *&* فلا ( ضعف وانتهى )
أنت البدر والقلب مـــــــا حب غيرك *&* فلا ( لم يحب غيرك )
رضوان لــــــــــولا يشوفك يا عنود *&* الفلا ( الفلاة الصحراء )
رادك وعاف الجنان وفات *&* مـــن حورها ( ترك الحور العين )
-------------------------
لحظيك لمّا اغزلا ثوب السقم *&* بدواك ( دوك الغزل )
خططت ذا حاجبك لــون الحبر *&* بدواك (دواة البحر )
يا فاتن الناس والعشاق مـــن *&* بدواك ( ظهورك )
حيرة اهل المدن كـــل يوم *&* بدواني ( البدو )
وآني الذي مادحك كل يوم *&* بدواني ( ديوان الشعر )
لا تبدل المبتلــــــــي بالله *&* بدواني (بالأدنى )
بدواك داوي القلب داوي القلب *&* بدواك ( بدوائك )
--------------------
خشف هجرنــــــي وزاد ابعلّتي *&* واعداي ( عدوي )
كانوا احبابــــــي وأثاري بالقلوب *&* اعداي ( مرضي )
لمّين خلصت سعودي وانقضت *&* واعداي ( اعداء )
مـن حين شافو الامر صدّو **& وفاتوني ( ايام الجمبلة معهم )
أهل العـــــــراق اشتفو بيّا **& وفاتوني ( صدو عني )
قصدي لشوف الذي راحوا **& وفاتوني ( شمتوا )
لَرجع اليهم قبل مـــــــا تنقضي *&* وعداي ( ينتهي اجلي )


----------------------
حكم الهوى حين صيّرني عبد *&* مولاي
أذعنتله حيـــن شفته بالوصل *&* مولاي
لازلت أنظم بوصفه يــــــــا ربع *&* مولاي
حتى سقيته بكـــــــر عساه ماي او **& غدا
واضحي من السكر عدمان حسبته **& غدا
إطلبت منه الوصل قلّــــــــي بجفنه **& غدا
إصحى من السكر وافعل ما تشا *&* مولاي
--------------------

يا زين حبّك فرق بيــــــن الجفن *&* واسناي
وسهرت بهواك عامي هالمضى *&* واسناي
شيبتني دون جيلــــــي بالعمر *&* واسناي
قلّي إن جنت عارف ما صاب عرفك **& شبه
وصف جمالي وحقق لـــــــوز خدي **& شبه
قلت البدر بيــــــه قال اظلمتني **& بالشبه
يخشى البدر لو سطع وجهي بنور *&* اسناي
--------------------
ركن اصطباري سيوف الحاظكم *&* تهوى
وبقربكم مـا حضيت ولا نسمت *&* اهوى
جــم دوب لوعات وجدي للعقل *&* تهوي
واهيم بأرض الفلا واحمس بروحي **& وصل
ما تخبروني سبب عشقي هواكم **& وصل
نفسي العزيزه لكـــــــــم ذللتها **& بالوصل
والنفس مـــــــــــا ذلّها إلا لمَن *&* تهوى
----------------------------
علي كاظم درجال
17-02-2013, 16:13
دارميات ديرتنا
-------------------------
مايلحك اعله الطاح فزع الكًرابه
بعد الفزع شيفيد للمضه أصوابه
------------------------------

لو غبت عني الروح احسبها شده
واحرق ابدمع العين حتى المخده

-------------------------------
بالك تمر بالدارعنها أشمر ابعــيد
دار العزيز اهواي نوح أوبجي اتريد

-------------------------------

عمده ارد امر بالداروالنوح ازيده
واسمع صداها يقول راح التريده

------------------------------

انت العطش والماي وانت المشوفـه
ورسمك وحق عيناك بالكاس أشوفه
-------------------------------
علي كاظم درجال
23-03-2013, 15:29
ترفات اديكم ليش ماخشبن يوم """"

وانه ايدي كربه وليف يوم اردى من يوم

--------------------------

ابو عمار
علي كاظم درجال
23-03-2013, 15:31
لاتعصر العين اتفجر الدمعه
اذا كلبك صخر جلمود مانفعه ؟؟
تتباكى صحيح ابحجة المفجوع
بس ماسال دمعك سيلة الشمعة
نيشان الدموع حفور عالخدود
مو دمعة جلد مابيها كل لمعه
-----------------



ابو عمار في 23 /3 /2013م
علي كاظم درجال
23-03-2013, 15:34
شفت خدك يطك قداح

ورموشك سعف نعسان

ادري ابشوفتك شوغات

ملهوف وعشك الوان

خل نغسل اجروح الروح

بالصنطه ومزن نيسان

بلجي ايخضر البستان

وطك شجرة الرمان

تتمرجح حلم تعبان

وترد هيبة الانسان

----------------------

ابوعمار
علي كاظم درجال
23-03-2013, 15:35
خطف لوني المهندج من خزرني

واحس شعواط من كلبي خنكني

واظن عيون غزلان الرمني

لأن فزيت مرعوب واغني """

سليمه الواجفه لو موش هيه

صحت الله ولحد يازماني

انه بعازه ولمجسم نساني

------------------------





ابو عمار
علي كاظم درجال
23-03-2013, 15:38
انا العاكول عايش بالصحاري


يلاعب الطير ""


لأن جذري طويل وحاضن الماي


صح الشوك بيه ايخرمش الايد


بس برعم شجرتي اللغز والخير


------------------------


ابو عمار
علي كاظم درجال
23-03-2013, 15:41
ضليت نخلة بوسط صحره

والريح صرصر مثل الابره

والجرح ماضن بعد يبره

والموت كضني بدار كفره

ضل اللحد ياهو اليحفره

راحوا احبابك ضل يكلبي

اسويت يمدولب يكلبي

اشوداك يمعابه يكلبي

موت ابحسرتك ها يكلبي

جذبوا علينه الواعدونه """ عمير ولك بويه

----------------------





ابو عمار
علي كاظم الربيعي
03-04-2013, 23:57
يلمنحر للهور لمريبي زتني ""
ولو طكك المشهاب بالك تردني """
---------------------
ابو عمار
علي كاظم الربيعي
12-04-2013, 21:29
خلاني زماني بطرك يردون *&* احميد ولك يمه
ابيب العين احط الولف يردون*&* احميد ولك يمه
****
شماتي موشمات شماتي يردون
اوكع بحلك الموت حتـى يضحكـون
****
بعدوصلك تصد عني *&* تجافي
وتصير ايـام عشـرتنه *&* تجافي
تطيش اسهام هـجرانك *&* تجافي
كَلب مغرم يحب وصلك خطيه
علي كاظم درجال
13-04-2013, 11:16
الركبانية/ اعداد ابو عمار الربيعي
---------------------------
لون من الشعر الشعبي*&* وقد اشتهر في البادية العراقية وكلمة ركبانية نسبة الى الركبان ( الظعون )التي تقطع الصحراء بحثا عن الماء والعشب
وهو يغنى عادة في الدبكات المعروفة في باديةالوطن العربي ::/::
----------------------
(**ظعون الحملت وظعون شالت **) كما يصدح بذلك المطرب مسعود العمارتلي ومن القصائد الشعرية التي تصاحب الركبانية::/:::
--------------------------
يشويكنه أمن أرحلت لليوم نتنطر""
والدمع لذغة جمر فوك الوجن تسعر""
نومة صويب يحس حدر الضلع خنجر""
وحياة ذاك الوفه ما غمضت لعيون
""""
حنه حفظنا العهد والعهد ليه احكوك""
وحنينه يشويكنه الوصلك حنين النوك""
ياويل كلب الذي امحمس ابملكه الشوك""
والناس حين اليون بدموعه يتشمتون
"""""
نطوي فيافي الدرب والليل يطوينه""
واطموسنه فايضت من دم مواكينه """
ياولفي من زغر يالما الك شينه"""
يايوم تنسى الجفه وترد لنا لظعون
""""
ليلوم بيه ايهذي وخل اليلوم ايلوم ""
حسراتنا امجمره وبينه جرح ملجوم""
واللي بجبينه كلب منصور ومحموم""
لاتظن يشويكنه ليله اتغمضله اجفون
""""""
لهفة امفارك هله عالزين لهفتنه ""
البيه الوفه والرجه وطيبة حمولتنه""
ينسانه رب العرش لو نسى عشرتنه""
ومن كال اهل الوفه لو فاركوا ينسون
""""
كما اشتهرت في العراقوخاصة ميسان – اراضي الكحلاء ركبانيةالمطرب سيد فالح والتي يقول فيها ::/::
----------------------
ياراكبا من فوك بكرة سبيه ""
تسبق نسيم الريح مرت عليه ""
قلت ارد اسالك قال رايح ابنيه ""
قلتارد اساوم قال ماعندي انا سوم
"""
ريض رعاك الله يابوا رشيده ""
نيتك سريعة اتعود لو هي بعيده ""
سو ي امروه اوياي وجطلي وعيدة ""
القلب من كثر لوعه بات مالوم
""""
ارخى سدوله الليل وابدى سلامه ""
قالت انا بيني وبينك علامه ""
لو غرد القمري وناحت حمامه ""
طار الكرى من مقلتي ماترى النوم
"""
حملهم
ياهو اللي مثل قلبي *&* حمل هم
وصفيت امنت الشايل *&* حمل هم
نا س الكنت انت سايق *&* حمل هم
لذت بيهم يناهي اشلون بيه
-----------------------
علي كاظم درجال
13-04-2013, 11:18
شجرة اثمرت والناس تاكل وتمشي """
طير وعصرني الجوع اقضم بعشي
---------------------
ابو عمار الربيعاوي
علي كاظم درجال
25-04-2013, 08:47
ياحجرة هوانا بغير رازونه ""
ماشافت شمس زنزانة مدفونه""
محكومة بسلاسل قصة مسجونه""
لاعينك تشوف النور""
والناعور بيك يدور""
وانت بحجرتك محجور""
تتنطر طلعت افراج مجنونه ""
عمت عين الزمان الغيب عيونه ""
ومن جور الليالي انهدلت متونه ""ا
يهلبت يغفل الناطور""
والدنيا ترد تنور""
ونغني بفرح الطيور""
ياديرة هلي الطيبين مامونه ""
***********************
ابو عمار الربيعي في 25/4 / 2013
علي كاظم درجال
25-04-2013, 08:49
ياسردفنته سنين مابين الضلوع ""
سريته للمحبوب سال ويلدموع """
------------------
ابو عمار
علي كاظم درجال
25-04-2013, 08:51
من شعر الحسجة ( أيبني )
---------------------------
آيبني شكول عليك اعليك آيبني ""
دولبني زمــــاني بـــيك دولبـــني""
***
دولبـــــــني زمـاني بــيك يــا سلوه
اشلون انساك ونسه ايامنه الحلوه
اشهل البلوه المثلها ماجرت بلوه
آيبني العـــــند الموزمه تذبني
**
تذب البيك تسعه من الشهر شالت
اونالت من ثجـــيل الحـــمل ما نالت
أمك جابتك جابتك يمدلل اوحالت
أو يوم البيه صرت ياشبل شيبني
**
شيبني اصيارك والهدم حيلي
هز مهدك يشمامه وسهرليلي
منك ماخرمت امك ليش ياويلي
آخـــر ما كلت حقها او تطالبني
**
اطلبك سهر ليلي والمـنازع ذاك
آطلبك باللبن من درَّتي الغذاك
نسيت ارباك باجاسم نسيت ارباك
يمدلل سكمني اربــــــاك وتعبني
**
أتعــبتي وسكمني او غـــــير الــلواني
على صدري ربيت او مرعلى متوني
حسبت حساب وحسابي طلع دوني
علىراسي ابـــيوت امشيده تبني
**
تبني البيت لامك والجعيده امك
تصابحني او تجيب الواجب بصمك
ريت الكبر ضمني كبل ما ضمك
الموت المــوت يبني اوياك يرغبني
**
يرعبني الكبرسني او شوفي ازهيد
حيلي راح مني والجريب ابعيد
يبني من تجي الشبان يوم العــيد
صارالنوح يوم العيد يطربني
**
يطربني ا لعـــزه والـــنوح بالهـــجــري
يفيَّ الصيف ياعذب الهوه اليسري
اخــذني الكبر محني الظهر تدري
ابـــذلـة كـــبرتي يبني تسيبني
**
تسيب امك يجاسم من بعد عدها
عين لله على العريس واحدها
تريد اتناشدك دكعد او ناشدها
تكلك باليسر منه الـــــيركبني
**
يبني الفاجــدات اكثرهـــن امخـــلفات
ما تدري تموت أم الولد لو مات
يبني ارباي وينه او سهر ليلي الفات
يبني ليش مـا تكعــد تحاسبني
-------------------------
للشاعر عبد الاميرال فتلة ( رحمه ألله )