اشننســــه....شعر شعبي .... الشاعر الشعبي ابو حيدر اللامي

شعـر شعبي

اشننســــه

أرض السواد - أبو حيدر اللامي



هذوله احنه يهلتنشد علينه امنين مينام ابسواد الليل واحدنه لوانوبه انثلم رمحه

احنه الدله والديوان واحنا امظيف للتعبان وحنه الزاد زاد ومانكص ملحه

احنه اهل الصبر ياناس نصبر مانصيح احه

شحلات اللي يعرف احساب وايشوف الخساره شسوت بربحه

الرجل لو زامط ايزامط وصدره يصير مثل الحجر بيه جدحه

الرجل ميهاب من الموت اويدج الملحه نص جرحه

وذا واحد تعب منه نكله اتكتر ابصفحه

لون زلمة سكت علحك من كل العشيره انكوم وانمسحه

مومنه اليسالم بينا ويسكت نكله شيل وانصحه

انشدك انته يلملجوم هم فديوم سمعيت الصكر للطير ذل جنحه

زلمة اليركب المهره ويهد الجامه وتطفح فرد طفحه

عمت عينه اليكول اليوم ننسى اشسوه ابن صبحه

اشننسه اتريد ابو الحسنين عاش الظيم من ازبيره واطلحه

اشننسه اتريد ابو الكلفات ثالث يوم ينزف ما بطل جرحه

اشننسه حسين لو عباس ننسه ارظيعنه وذبحه

اشننسه الكاظم ابسجنه كظاها ومامشه ابفسحه

اشننسه زينب الظلت وحيده وما مش الها امعيل طول الليل تدعي الله يطر صبحه

اشننسه سكينه وام كلثوم شافن ظيم وابد ماشافن الفرحه

اشننسه الصدر من ذبحوه اشباه ارجال والله اعيونهم وكحه

بس ابهاي ننسه احنه اذا سمعيت كل البيض لونه اتغير ومحه



http://www.iraqsawad.net/a3375.htm