كالوا كام (شعر شعبي)

كالوا كام
ـــــــــــــــ
گالوا گام
گلتلهم فـَلا سَلهَم دقيقه إونـــــــــــــــــــــــام
ضـَمَدهِن بـِديه إوناض
مافـَزَع خـَذِل ماگـــــــــــــــــــــام
تِشـَلبَه إبلايَه سِلـَم صَعَد فوگ إلموت
مايـِثني إلثـَلِم بَتار لوضرغــــــــام
تِشاوَه إبلا طبيب إوطـَبطـَبَه إعلى إمتون
ولا جَبرَة خِواطِر مِن نـَسَب وأعمام
مِن ذ َلـَوا وِگـَف وگفـَت سَبع بالغاب
گـَومهم بـِديه إوطـَيَحوا مِن گــــــام
نِفخـَوا بيه نـَفخ إلساحِر إلممقوت
وي إبليس شـَدوا رايَة إلعَباس
خِنبَوا مِن لِفاها إبليس خـَنبَت مِستِحي إبحَمام
لـَعَب بيها إعلى كيفـَه إبليس
وأشباه إلزِلِم خـَدرانـَه بالافيون
سَكتـَه إولا تِهِزهم غيرَت إلبراس
وِبعَد إلزِلِم عَدَة نـَفِسهــــــــا أزلام
إبشِر يارسول الله
بولاد إلعراق إلطـَلِگـَت للنوم
وِبشِر بالعراق إلفـَلَش إلتابوت
وِتلاوَه إوي مَلچ إلموت گِوَه إوگام
إبشِر يارسول الله
نِرضَع مِن صِفاتـَك معنى حُب إلگاع
بأذن إلله نوگـَف بالحلوگ إعظـــام
إبشِر يارسول الله
نِصطـَف لِلِحساب إسروب يوم الدين
وأنت إفرِز عَدَدها إوحَدِد إلارقــام
مِنهو إلماقـَرَه إلتاريخ وأمعَن بيه
لو ظـَل بالثـَنايَه إيگهگه إوي إبليس
ما كَلـَف حياته يوم صَلـَه إوصــام
بَس وكت إلغـَدر سَياف
واگف چَا الشِمِر لـَحسين يو إلطاح
وِإبعَد إلدَراهِم سَيـِد إلگِـــــــــــــوام
إبشِر يارسول الله
نوگـَف چالقيامه إوبَرزَخ إلماطاع
لِلخان إلضَمير إوتِفـَل بالوِجدان
وِإلمَجَد حَياتـَه إورَمَم إلاصنـــــام
إبشِر يارسول الله
تِدرينـَه إعلى طـَروَه إلموت نِمشي إصفوف
نِشخـَص على إلمنايَه إونوگـَف إلها إوگوف
لـَعيون إالعراق إلكون كِلـَه إيطـــــــــــــوف
ولا تِنداس حُرَه لو طِفِل يـِنظـــــــــام
مارِجسَت طـَهوره إلبيها داحي الباب
والتاريخ سِت ألاف مادَنـَج خـَجَل من عار
بس العار للتاريخ طـَبلـَه إبطـَبـِتـَك صدام



مشير السعيدي

احسنت اخي
ذكرت الام العراق

من وصية لاحدى شهيدات العراق :

((((( من يعرفني يوصي أهلي بايجاد طفلي جهاد والعناية به ، لانني لا اعرف مصيره )))))) جميلة

السلام عليكم


شكرا لك لمرورك هنا

واسف على التاخير بسبب مشاغل الحياة





مشير السعيدي