أجمل وأغلى الهدايا

إحتفلت أكثر مدارس العراق
بعيد المعلم
وخلي نسولف على مدينة بــلــد التي شهدت الإنفجارات قبل أيام
وما رأيته
تلاميذ يتجولون في السوق ويختارون أجمل وأغلى الهدايا
لتقديمها الى المعلم وقد إتصلت بأكثر من صديق
وسألته عن الهدايا وعددها
فكانت الإجابة
أجمل وأرقى الهدايا وعددها يزيد عن
ثلاثين هدية
**********
ونبقى نحجي على الحكومة
الوضع الإقتصادي تعبان
الناس عطاشى وجياع
ماي ماكو
كهرباء ماكو
الشوارع مو زينة
و و و و
سيبقى الكلام هكذا
المهم
إرجاع البسمة على شفاه العراقيين ومهما كان الثمن
ملف مرفق 2854

اتفق مع الاخ ابو حسين البلداوي تماما ....

واحب ان اصحح مفاهيم غابت عن 30 مليون عراقي وهي :-

الكهرباء بالعراق 50/60/24/7/52/1 طبعا هذا كود جديد يعني الكهرباء موجودة بالعراق 52 اسبوع بالسنة وسبعة ايام بالاسبوع و24 ساعة باليوم و 60 دقيقة بالساعة 50 ثانية بالدقيقة ( لان تردد الكهرباء بالعراق 50 هرتز مو 60 ) .... يعني خصم الكلام ابد ابد ماتطفى ! انا مفكر اسوي تردد الكهرباء 60هرتز لان العراقيين يگولون الكهرباء ترمش !!!

اما الماي فموجود ومعقم وهاي الصور اللي نشرها العقيق قبل فتره للناس اللي تملي من نهر كل اوساخ الدنيا بيه كانت مشهد من فلم وحسبالنه صدگ ! چا ليش اغلقنا دور السينما ... حتى ما تلتبس علينه الصورة !!!

اما الوضع الاقتصادي فبفضل قانون السيارات المصفحة والامتيازات الرئاسية ... اهوووووه ... لعنة الله على لساني اقصد قانون الضمان الاجتماعي والحماية الاجتماعية ... فماكو فقير ولايتيم بالعراق تستجديله جمعية الايتام الخيرية فلوس الدواء ... دعاية مال جماعة محمد حسين فضل الله ضد العراق واهله !!!!

الشوارع موزينة !!! هذا هو العجب العجاب ... هاي شلون ؟ بالعراق الشوارع موزينة ؟ چا وين الشوارع زينة بفرانكفورت مثلا ؟ والله صدگ عين بني ادم مايمليها الا الگير مال الشوارع !! !

علينا ان نعيد البسمة الى العراقيين مهما كان الثمن .... ولكن مانيل المطالب بالتمني يا اخي البلداوي فالدنيا وللاسف لا تؤخذ الا غلابا !!!

جمعة مباركة ..


..

لا أود التعليق أكثر من هذه الحروف وبنظر الأستاذ الفاضل العقيق
العراق
ما هو إلا مدينة أو قرية أو خربه صغيرة تقودها عصابة
محمود المليجي وتوفيق الدقن وعادل أدهم مدينة كلها إغتصاب
بقيادة ( محمود المليجي ) و بوكسات بقيادة ( توفيق الدقن ) وإختطاف بقيادة (عادل أدهم ) عمي ترة أكثر من 95 % من العراق بألف خير وأنت خير العارفين ياأستاذ

اقتباس:

---

المشاركة الأصلية كتبت بواسطة العقيق

اتفق مع الاخ ابو حسين البلداوي تماما .... واحب ان اصحح مفاهيم غابت عن 30 مليون عراقي وهي :- الكهرباء بالعراق 50/60/24/7/52/1 طبعا هذا كود جديد يعني الكهرباء موجودة بالعراق 52 اسبوع بالسنة وسبعة ايام بالاسبوع و24 ساعة باليوم و 60 دقيقة بالساعة 50 ثانية بالدقيقة ( لان تردد الكهرباء بالعراق 50 هرتز مو 60 ) .... يعني خصم الكلام ابد ابد ماتطفى ! انا مفكر اسوي تردد الكهرباء 60هرتز لان العراقيين يگولون الكهرباء ترمش !!! اما الماي فموجود ومعقم وهاي الصور اللي نشرها العقيق قبل فتره للناس اللي تملي من نهر كل اوساخ الدنيا بيه كانت مشهد من فلم وحسبالنه صدگ ! چا ليش اغلقنا دور السينما ... حتى ما تلتبس علينه الصورة !!! اما الوضع الاقتصادي فبفضل قانون السيارات المصفحة والامتيازات الرئاسية ... اهوووووه ... لعنة الله على لساني اقصد قانون الضمان الاجتماعي والحماية الاجتماعية ... فماكو فقير ولايتيم بالعراق تستجديله جمعية الايتام الخيرية فلوس الدواء ... دعاية مال جماعة محمد حسين فضل الله ضد العراق واهله !!!! الشوارع موزينة !!! هذا هو العجب العجاب ... هاي شلون ؟ بالعراق الشوارع موزينة ؟ چا وين الشوارع زينة بفرانكفورت مثلا ؟ والله صدگ عين بني ادم مايمليها الا الگير مال الشوارع !! ! علينا ان نعيد البسمة الى العراقيين مهما كان الثمن .... ولكن مانيل المطالب بالتمني يا اخي البلداوي فالدنيا وللاسف لا تؤخذ الا غلابا !!! جمعة مباركة .. ..

---