لا ما مات ..... قصيدة شعبية للشاعر ابو حيدر اللامي

لا ما مات ..... قصيدة شعبية للشاعر ابو حيدر اللامي

لا ما مات


الشاعر ابو حيدر اللامي (هولندا)


عرك جف المنيه وجفه ماعركان سمعت ايموت
يوم الليل ويغيب النجم ويتيه اهلاله
مامات الصدر حي يسمع اليشجون مثل جده
الحسين ايشوف من بعده يزيد اشسوه بعياله
حلف ماساووم ولاباع دينه محمد ابدنياه
طلكها ابثلاثه وشاهده افعاله
تحزم بلجفن واولاده كلها اوياه
تركض علمنيه ابزوده وبجاله
دطلع يا صدر خل عينك اتشوف ردالنه يزيد
وشمر هم وياه واشباه الرجال اتساعده اجماله
كال حسين هيهات والف هيهات
مثله ايصيح لاهاب المنيه وخطرت اباله
انته ابن الوطن موش الدخيل اعليك
ياشعبي الاجوكم كلهم اوشاله
الصدر بينه ابدمانه ابجلمت التنكال والكال
اعله صادق مات صدكني يتراواله
انه ابن العراق وخطي خط احسين لاجفن التحرك
من شاف الجيوش اصطفت اكباله
عراقك شاب منه الشيب يمحمد
صارولي قياده الجانو احثاله
ماريد الوطن لوذله بيه انعيش
ولا اريد مظيف النامت ادلاله
جم طعنه الوكت طعنانه كلنه اتهون
بس طعنه ابظهرنه من الصديج اتصير جتاله
مانام ابلحد اللحد نام اوياه
اتوجه اعله جرحه والجرح شاله
زعل كل العراق اعله الصدر من طاح
من هور العماره الهامت اجباله
كالو مات كلت مامات لامامات صادق حي
كالو ليش كلت مامات جتاله
[email protected]