ذخرتك يلولد لبن الزجيه ** كتبلك والحسن يبني الوصيه
لا للظلام ** يبني جسام
*****************************************
احن يولدي وتدري ** عليك ادموعي سچابـــــــه
لا تنسى الوصيه الزوم ** وابوك أذكر غيابـــــــه
عيوني تناظرك وتحوم ** واشوفك ترتدي اثيابه
واعرفك ليث بالميدان ** وسيفك ناره لهابـــــه
شامخ يولدي ورافعلي راسي
بيك انه افتخر عرفتني ناسي
انت الضرغام * يبني جسام
******************************************
يشمعة عمري وسنيني ** خذت كل مهجتي وياك
ربيت وسهرت الليل ** ما ضاع التعب واربـــــاك
انه امك وصيحا ليك ** جيتك والكلب ينخــــــــاك
انصر عمك المظلوم ** اجاك بلهفه يتلكــــــــــاك
اعرفك يلولد تحمل شهامه
أفزع وأنتصر لهل الكرامه
جرحي الليتام * يبني جسام
******************************************
گوم بنفسك اتقدم ** هايه الحومه جدامــــــــــــــك
بشجاعه وتضحيه أمحزم ** ومرفوع بنصر هامك
ثابت موقفك ادريك ** وابد مهتزت اجدامــــــــــك
يبني وداعتك هاليوم ** راح يحقق احلامــــــــــــك
تقدم يرتجل صوب العســـاكر
انا ابن الحسن بالحومه حاظر
تشهد الايام * يبني جسام
*******************************************
برز للمعركه وعازم ** وحشود الكفر تفـــــتر
بصرار وهجم عالگوم ** فناها وارعب العسكر
رد وشفته للخيمه ** وسيفه بيمنته يبشــــــر
گال اعل الوعد تدرين ** ييمه وداعتچ انصــــر
اوفي بالعهد جدام الانصــــــــار
والنصر الولي انضحي الاعمار
يحيى الاسلام * يبني جسام
******************************************
وسيوف الغدر حزت ** رگبته وخابت اضنونـــــــي
دامي اعل الثرى مطروح ** مخضب شفته بعيونــي
من شاهدته بصوابه ** جني بالگلبي صابونـــــــــي
واون بصوت متكسر ** من جسام حرمونــــــــــي
تمنيت القدر يبني يغــــــالي
وياك اندفن وانسى الجرالي
عيني المتنام * يبني جسام
عماد الحسني
