العبادي يكافأ الجنود والحشد بتفليش بيوتهم على روسهم ...

الجميع كان يترقب مابعد داعش فالقوة التي منحتها المرجعية والجيش والحشد للعبادي جعلته متهورا مرة يعتلي المنصة لوحده معلنا النصر ومرة يتبجح ان عهده عهد النصر والبناء والشوارع لازالت مليئة بالانقاض والنفايا والبطالة ماشاء الله اليوم يقرر رفع التجاوزات اي عيني حقك لان انت ابن الكرادة وعايش بلندن نص عمرك شمدريك بالتعبانيين اللي ماعنده قرصة خبز ياكلها وراح للحشد واستشهد وظلت امه العجوز بيت تجاوز تريد تفلشة على راسها لو تنطيها مليونيين حتى تاخذ الكاع مالتها وتسويها سناتر
من تروح فدوة للقذافي اللي رفع شعار البيت لساكنه بوكتها ونطى فلوس الكاع لو البيت وخلى الناس تسكن بيها
شبيكم يالااسلاميين والله خزيتونا مين نجيب بوتين لو كاميرون لو بلير قنادرهم اشرف منكم لعبتو جبدنه
ليش همه الحشد وين ساكنيين بالمنصور لو باليرموك كلهم حواسم وتجاوزات
بس اكيد نهايتكم على هذول بيوت الحواسم

هذا قرار مجلس الوزراء طبعا راح يتركون المتجاوزين الهوامير والاحزاب ويجون على الفقراء
موضوع التجاوزات على اراضي وعقارات الدولة قرر مجلس الوزراء تكليف القوات الامنية وفرقة الرد السريع بمهمات إزالة التجاوزات على عقارات الدولة وتفعيل تنفيذ القرار رقم 154 لسنة 2001 والتعليمات النافذة الصادرة بموجبه، لغرض إزالة التجاوزات الحاصلة على العقارات العائدة للدولة والبلديات، وإنشاء قاعدة بيانات إستخبارية بشكل دقيق ومفصل عن حالات التجاوز على عقارات الدولة بالتنسيق مع القيادات والأجهزة الأمنية والعسكرية في محافظات العراق".
ولفت البيان الى ان "العمل على إزالة التجاوزات على عقارات الدولة وفقاً لمرحلتين، الأولى تشمل إزالة التجاوزات التجارية والصناعية والزراعية، والأخرى تشمل إزالة التجاوزات السكنية بعد دراسة الحالات بصورة مفصلة".