كلمات وأيبات رائعة ما وضعتها لنا هنا أخ ابو نور
شكراً ولكم خالص التحية ..
كلمات وأيبات رائعة ما وضعتها لنا هنا أخ ابو نور
شكراً ولكم خالص التحية ..
يايمه جانا العيد عيدينا
نقشي رسوم الحنه بايدينا
أصحابي مزهريات
جنهم ورد بطاقات
صرنا شموس ونضوي شوفينا
كل بيت نهديله ورد
نتفائل بيوم السعد
غنوة فرح يايمه غنينا
إحنا كبرنا شبساع
إحنا نبع هاي الكَاع
مطراتك انت ياوطن هيه اللي تسكَينا
مثل العشب أيامنا وسنابل
تظفر محبتنا عشك جدايل
دجله وفرات بميها تروينا
تضحك شمسنا للعيد
ضوّت سمانا من جديد
صاح النخل يادنيا هنينا
هيله وثلث تنعام بيكم وله دوم ** من كثر نوحي عليك سردت ألهدوم
*****
ومن ألأبوذيه ::
أجروحي دوم تدي ** وانه داوي
وتهب رياح صرصر ** وانه داوي
ربح كل داو يسمر ** وانه داوي
خسر وهل الهوى يلومون بيه
*****
.
ومن مطلع اغانيه المشهوره :
ياهوى الجلعه امنشمك وانه عابر علجسر
انسه روحي أنسى نفسي أسكر بليه خمر
ما عندي عين تشوف كسرك يعمي ** خلني بحزن وبعيد غارج بهمي
بالحرثه ضاع الجدم ياهيه ** يابردي
بصيف المكابر علي رديت ** يابردي
ابرد ولا اثمرت بالوكت ** يابردي
ابجرفك يدجله هلي واحباب الي ** يحنون
وشماة بجفوفهم من مد معي ** يحنون
للنار ماظن هلي هامتهم ** يحنون
والحال مدري علت بغيابي ** يابردي
*******
عيوني مشوفه ألج حلي ألشعر ** وأنسلي
انتي ابدلال او غنج وانه احتمس ** ونسلي
خلان جانوا امس لو دلهمت ** ونسلي
واليوم ضاك الخلك راحن ليالي ** السمر
سمرت جرح الكلب مانفع بيه ** السمر
من البيض ما حصلت شمحصل امن ** السمر
يا دموعي ما ظل صبر عوفي الجفن ** وانسلي
*****
ألمشوفه معناها ألمرايه
دللول يالولد يبني دللول
عدوك عليل اوساكن الجول
******
ام الولد تحجي با لذراع
مثل السفينه الشايله اشراع
ما لي ولي اودنكت للكاع
**
بيتك يخوي اشلون امره
مره الحياة اوياك مره
.لاشفت راحه او لامسره
******
رافكتهم محلا رفكهم
من الشمس فيولي ابتفكهم
اوكع ثلث نوبات لامهم
******
ياضعن يلكاطع ألبيده
نمشي وراك امشي ابهيده
بيك المجنه اللي نريده
**
راحوا اوماظنتي يعودون
فدوه الشواربهم والعيون
بيهم فلا خابت البطون
احميد ولك يمه ***حطيت الك ذمه
اكعد يريع الروح *** الدنيا ملتمه
احميد العباره *** كطعت للعماره
وامك المحتاره *** بالضيم يايمه
أنه أول جرح بجه ألسجاجين
وأنه أول قصيده أتسكت ألحروف
**
عهدي أويه ألبواجي وعمري سنتين
وهسه الشيب خط او غطه الزلوف
**
هويتي أتصدرت كل العناوين
وسيف أنه يتحدى اشباه السيوف
**
اوياي اتخالفت كل الموازين
أسرد والوكت متحير أيروف
**
على جلدي الوكت تارك نياشين
تمعنه بضمير وعاين اوشوف
**
واذا تسأل أبن من هذا ومنين
أنه تلميذ من مدرسة ألطفوف
**
أخذت أدروس من مدرسة ألحسين
أو وقعلي أبفخر مكطوع ألجفوف
يطارش خذ كتابي اويا ك ** وصله
على المعرف عما مه امنين ** وصله
اخبره الكلب صار اثنعش ** وصله
وكل وصله تطالب جيبه لي
شموس وصال خلي البان ** غربان
جفا و آمال عهد الگرب ** غربان
ما اشوف بسما الحظ غير** غربان
تحوم بنايحه و تنعب عليه
يا هيله ما بلكلب من المصايب ** وجل
محمود عمر أ لبشر كلمن أ بساعه ** وجل
رمان خدك عذب أ حمد أ بطعمه ** وجل
تكعد أ في أ لنخل وانه أشتكي ** من برد
والوكت يا منيتي يبرد أ بكلبي ** برد
أنشد على خلتي اْ ويا يوم أ حظى **برد
كلهم تره أ شتتوا سيحان ربي ** وجل
ياماي رمان خدك للمحب ** ورد اله
وغتاض من كل الورد جي ازهرت ** ورأله
غصبن عليه أ بتعد عن الهوى ** وأردله
ياهيه يا صاحبي اوفي النخل ** فيه
الشوك صار أ فرسي اوليل أ كطعت ** فيه
البحر لو صادفك بجف العزم ** فيه
وان جان وكتك تعس يمكن تعس** وردله
هيله :
حمد يهواي ** ياسلوتي اْويادنياي
يا غيمه التغطيني ** اوتصد الشمس عن ملكاي
وانت اْوياي ** اْ نسه الضيم اْ نسه اهموم
كل دنياي **
هم تذكر يبعد اجلاي ** من نغفه اعلى جرف الماي
والوادم تغط با لنوم واْحنا اْ معاتت اْ بلا راي
روحين اْ بجسد واحد شبكنه اْلضيم واحنا اْ صغار
ماندري العدو ياهو !!! اْ هلنا
حمد :
لا وحك هودج هواكم ** من يكطعوني وصل اْ ضعن وراكم
هلي ظلام اْ وعفتهم موش اْ بنهم اْنه اْ بنكم *** اْنه اْبنكم
سليل أ هل أ لمجارم لبس **بته
وبسده طويل أ لليل **بته
لبن كلبي ردت يا ناس **بته
شريفه أومن شريف أو ِشرف ليه
**
سليل أهل ألمكارم ** من عباها
تبشر لون خا يف ** من عباها
تعال أ لنا وخذها ** من عباها
لون ترضه كلب ولسان هيه
ودعنا أ لغالي أو ردينه
يا دمعتنه اْ و دمعة عينه
راح أ و لعيونه أ شتاكينه
يا ريته أ يحن ويرد لينه
**
يامحنة كلبي أوتعذيبه
شيعيد أ لماضي أ و شيجبه
يا من با لصبر أ توصينه
**
ضيعت عمري لأجلها
ما أ ظن أ لكه مثلها
ألصوج منها مو أ هلها
وانه راضي با لرضاها
أ شكد صبر كلبي عليها
محتار بيه أ و مره بيها
أ تغيرت هيله شجاها
وانه ما أ حمل جفاها