باقات من الشعر الشعبي في قضاء المجر الكبير / للشاعر علي كاظم الدرجال

باقات من الشعر الشعبي في المجر الكبير (منوعات )
يقول الشاعر مطشر بن عبد النبي النداف المجراوي
ياصاح جرح الكلب حاير انه ابلحمته
اْوثوب التهاني ركد مبتوت من لحمته
غم الرجل لو رجه انوالات من لحمته
يا صاحبي الروح بعنان الصبر عتها
اولديار الاجوادروحك لو بغت عنها
لكن بدت مساله وارد ساْ لك عنها
كلي الجلب لوسمن هم تنوكل لحمته

الجواب *******
ارداي ثوب الصبر وعلى النوايب جلد
واللي نخاني اطيحن دوم جلد اوجلد
اطعن اكلوب العدا اوبلراس اجلد جلد
واعتني الزينات لو سابع سمه لو سمن
اولركاب الانذال انه اشتري لو سمن
يلكلت لحم الجلب من ياكله لو سمن
اليوم اكو انذال تاكل لحمته والجلد

من اعداد الشاعر علي كاظم الدرجال الربيعي

للمعلومات ان الشاعر مطشر بن عبد النبي النداف من مواليد المجر الكبير سنة 1898 وتاريخ
وفاته ستة 1969 ميلادي وهو مؤلف اغنية !
اهنا يمن جته اوجنت جينا اوكفنه ابابك
ولف الجهل ماينسي اشمالك نسيت احبابك
وهذه الاغنيه من اداء المطرب الراحل 0 داخل حسن

اْ

هنا يمن جنه اوجنت *** جينا اْوكفنه ابابك
اوليف الجهل ما ينسي *** اشمالك نسيت اْحبابك

اهنا يمن جنه اوجنت روحين لاجن بس جسم
فركاك فطر مهجتي او ضليت بس امشي رسم
تدري اْبنحولي اْ شوصلت عجزان عن شيل الهدم
يل صوبت جبدي ابسهم ها ها تشد اصوابك

اهنا يمن جنا اوجنت ما نقبل الواشي الوشه
فركاك فطر جبدتي او كطع سبابيح الحشه
ذبيتني اْبير الهوى او ليش اكطعت بيه الرشه
بذات ما عندك وفه يحرم عليه اعتابك

اهنا يمن جنا اوجنت اثنين ما ثالث نحب
فركاك مو هين علي يا صا حبي كلش صعب
ما جنت اظن ابعشرتك يومين عني او تجتنب
وانت يا ما عندك وفه تجفي اوتخون ا صحابك

اهنا يمن جنا اوجنت مابيني او بينك شرط
وياك لو طاير طرت وياك لو حطيت احط
ذبيتني ابحر الهوىاو ضليت يس انتك واغط
او خليتني باخر نفس متكلي شنهي احسابك

اهنا يمن جنا اوجنت والكومه والكعده سوى
اذكر ليالي الي مضت اونايم انه ابحر الكوه
حاكم على حبك تره اوفرني ابدواليب الهوى
والله ما يعظم علي امصاب مثل امصابك

المصدر / من مكتبة الشاعر علي كاظم الدرجال الربيعي / مفتاح القصيدة لشاعره من الناصرية غنى المطرب داخل حسن بعض الآبيات منها واعتمد المستهل وكانت من الأغاني المشهورة للشاعر / مطشر بن عبد النبي النداف ألمجراري الز بيدي

شعر ألسيد علي كاظم ألدرجال ( أبو عمار ألربيعي )
أصعد ألسابع سمه لو بسمي واحد ** ندى
أومن يلتفت يا صاح جن أوراد جوري ** أبندى
لمن سأ لت ألأ صل كلي من كعب ** أبندى
أو ما بين حيره أوأ مل ضل عدي بس ** ألدعه
أو كلت أليريدك هله وألما يريدك ** دعه
ألناس ما هم سوى بيهم أحرار أو ** دعه
وأليكصد ألزينات لا زم للشدا يد ** ندى
ألأأبو ذيه :
1 تبختر يا ترف ما مش ** بدا لك
أظن زلا ت من عدي ** بدا لك
أ ذا أنه أحب وا حد ** بدا لك
طلعت أنه أبنظر غيرك خطيه
2
أحبك ما أحب غيرك ** بدا لك
شوكي ما بده ألغيرك ** بدالك
ما أ كدر أ حب غيرك ** بدا لك
لأ ن أنت ملاك أمن ألسما أو نا زل عليه
3
.أنخمط ديس ألمحنه ** يرضعنا
أو على يا ديره مدري **يرضعنا
متى محبوب كلبي ** يرضعنا
أطش درب ألا حبهم وا هليه
4
علي يلطلك ألدنيا ** مردها
أجيتك وألمرض روحي ** مردها
أ على شبا جك أمد أيدي ** مردها
عليك حسين مد أيدك عليه
5
كريم ألكا صده أو أيده **مردها
ترجع شايل أبأ يدك ** مردها
عجيبه ألمرض غث روحك ** مردها
أو علي معروف يشفي أمن ألرديه
6
شتلنا أو ماطلع يحمد ** شتلنا
أو على جرف ألصبر يمكن ** شتلنا
أشتتأ مل بعد منه ** شتلنا
وأنه منه أصبحن كسرين بيه
7
عجيد أو حاتمي أو عربي ** شتا لك
أصيرن نار من يكرص ** شتا لك
لا تا من خبر منهم **شتا لك
وأنت ألعا رف أمكر أبن أميه
********************************

في رثاء الشاعر خنجر خصاف الشامي للشاعر علي كاظم الدرجال ( أبو عمار ألربيعي )
________________________________________
يبو سعيد طواك الموت وأديارك غدت وحشه
خبر موتك على الطيبين سباح الكلب حشه
مواويلك ترن بذني
وأغانيك تدوهني
ابو ذياتك النسمات لو هبت تفززني
انا الناسي ليالي الشوك
بس شعرك يذكرتي
مثل طير الكطه المسراح
صياد الزمن نشه
فكد عشه
سرح سكران مايدري العدو ياهو
وكع مذبوح بالبارود يتغشه
الك وحشه يبو سعيد الك وحشه
خبر موتك زمن تعبان ماي ابكاع وترشه
يخضر دارمي اوموال جبل شوباش ونطشه
نفوج احنا ابحر شعرك اوتاخذنا إلف رعشه
إلك وحشه يبو سعيد الك وحشه
جنت خيال تمشي ابكاع
ظلمه اوموحشه او هشه
تلاكه الموت والخيال
ملكه الخرسه والطرشه
لاتسمع هذاك أنه
ولايسمع هذا ك انت
اوطواك الموت ياخيال
مطوى العشمه والجمشه
او غدت كاعك تريد الماي
بس ياماي يروي امجودبه او هشه
الك وحشه يبو سعيد الك وحشه

رحمك ألله يا رائد ألشعر ألشعبي في ميسان

السلام عليكم:اود تصحيج بعض المعلومات للتأريخ كوني عملت في قضاء المجر وتعرفت على بعض من عائلة احفاد حاج مطشر:
البيت الاول ليس للحاج مطشر وانما لابيه والبيت الثاني ردا على البيت الاول لحاج مطشر :ورد عليه ولده الشاعر عبذ الامير بالبيت التالي
ملاني ثوب الصبر والوكت ثوبه أعظام
ما أطخ ومد الجدم للرحم كصه أعظام
اللحم كطعه وصل وبراح هشم أعظام

من حيث عندي نفس للنذل مادانت
شما يزري بيها الوكت للغمه مادانت
هم كلو لحم الجلب لتكول مادانت
او ناس الكلت هل لحم اكلت جلد وعظام

واجابه في نفس السنة ابن حفيده وهو الشاعر باسم عبدالهادي مطشر عبد النبي المجداوي
خلصت روحي الصبر او صبر الوكت شربته
او جلمه الطيبه صفت ياصاحبي شربته
طيب اصيل الطبع مابيه ابد شر بته
من حيث عندي نفس انشد الرحمي وصل
ماخذ طريقي عدل أذكر ألاهي وصل
هم كلو لحم الجلب الخبر ليكم وصل
او ناس الكلت هل لحم دم الاخو شربته


مع تحيات صالح العقيد

نصبت أشباج عمرك بين ألأ جنا ب
وبديت أطش طعم وأصيد ألكلو ب
**
عثر كلبي أبشبجكم طا ح وأنعاب
وتصيح ضلو عي كلهن وين مصيو ب
**
تهد ن با لضلوع الشبج ما صا ب
يصيب ألباع ثوبه أو بدل ألثوب
**
الغدر طبع ألذيا به مكشره ألنا ب
تدور أدرو ب ضيكه وابعد اْدرو ب
**
الطبع عند ألوفي ما مون ألأ حبا ب
مثل طبع ألسبع عد ربعه مهيو ب
**
حسبت أحسا ب لاجن ضاع ألحسا ب
وجنت أطلب أبروحي وصرت مطلوب
المصدر / ديوان غزل ودموع / للشاعر محسن كا ظم خليفه ألعقابي ألمجراوي

شكرا للأ خ صالح على ألمتابعه وأ ثمن ألمعلو مات ألتي أ وردها عن ألشاعر ألرا ئد مطشر بن عبد ألنبي ألنداف ألمجراوي ونأ مل منه ألمزيد وألله ألموفق ***

جبت ألمجر صوبين أمخب وأدور
وألله ألكيت أهواي بدموعي أثور

قصيدة بنات الشرف ااشاعر محسن كاظم خليفه العقابي من مواليد المجر الكبير 1965
________________________________________
بنات الشرف لبست لبس الا سمال
وبنات السحت سترتهن دشاديش
الدهر كصر اديه الجانت اطوال
وصعب صارت يكاظم لكمة العيش
صيح طوفان دمع العين من سال
مثل طوفان نوح الماعرف كيش
لاْن صعبه تدنك روس الا جبال
وتاوذ اصكور بجناح الخفافيش
الشرف لازم نحطله اليوم تمثال
الصكر مهيوب رغم اجناحه من ريش
مو كل من سرجله كحيله خيال
ومو كل من ضرب درباش درويش
بعت مالي او حلالي ستر للحال
وانه ادري اسنين عمري كظت تفليش
لاْ جل ما دنك الهامه للانذال
وطيح ابشبج للجانوا خراخيش
انه الشالت جفوني هموم حمال
وعلى امتوني اثر ظل للخراميش
انه الضحيت عمري الا جل العيال
ولا مريت لحظه ابصاحب الطيش
انه الصابر بصبرالنوك جمال
ولا بعت الشهامه بيش مابيش
حلو راس الشرف من يلبس اعكال
بحلات الجاسبي ويه الكراكيش
ور غم لبس الشرف يبنيتي السمال
تظل دشداشتج احلى الدشاديش

تحياتي للشاعر المبدع محسن كاظم خليفه العقابي على هذه الصوره الشعريه الرائعه

عمت عين الزمن ما أنصف اوياي
لو أدري أبد ما فاركتكم
**
أشتريت ألحزن بس يشهد ألكرار
بعت الدنيا كلها أو ما بعتكم
**
يا ما ذكريات أنكضت ويا ك
ويا ماصور با لحيطان ألكم
**
يعمي أشلون بيه أهواي مشتاك
اتمنى أبلحدكم انه غافي
**
تعبان أو رجيج أو نومي شلون
أنه لو أم أنومك با لعوافي
**
يا جمرة حسرتي وطفرة ألروح
على جمر ألقهر أمشي أنه حافي
**
أيا ما كعدنا أو كمنا وياك
يبو كلب ألجبير ولبن صا في
**
ها عمي أشفت كلي أشجره أوياك
رهبة موت كلي ابحالك شلون
**
بعمي ألحزن يثلم ثلم سجين
ويحتاج الينوح الدمعته عيون
**
تعال أو شوف بيتك والحياطين
على كل أثر منك هم يونون
**
أخوتك لو خواتك من يشوفون
ربعك با لمضايف من يضحكون
**
يهل البيت مزنه أو يشتعل نار
أو كبل لايبجي عمك همه يبجون
**
أنه بيه ألنوايب شجن أرماح
أنحنى ظهري يعمي أبدونك أنته
**
صا حبتك جرح من عمري ظنيت
توفيني ألتعب ذاك ألتعبته
**
ما ضنتي أنتفارك وحدي ضليت
ولا كلبي يهود من حسرته
**
شسولفلك يعمي أشسوه ألفراك
بغيابك أتغار الهم حملته
**
شفت ألموت عمي وحالك شلون
الشريف اشما تعب ما يلكه راحه
**
هلك عمي أو مرارالحزن مربيك
تلكه أوجوه مليانه سما حه
**
أنه الردتك يعمي ألساعه ألعوز
لجن طبع الوكت بس الكبا حه
**
بعد عمي حجرتك شايله أهموم
أو بعد كل ذكريا تك طيف بيها
**
من نشتاك الك تا خذنا الهموم
نجي او بجروحنا انسولف عليها
**
يعمي الموت اخذكم وانه ضليت
ابحسرتي الزمن دك دكات وياي
**
الف موته اموت او كلت ارتاح
يا عمي اشكبرها اهموم دنياي
**
أذكر مشيتك والطيب الوياك
يهزني الشوك جنك من صدك جاي
**
افز مرعوب واتعثر با لأشوا ك
احس با لنار تلجمني ابثنا ياي
**
ما ضن الكه مثلك بعد هيهات
انه ابشيمة العدك ارهب اعداي
**
ألف وسفه طواك الموت يا حيد
والف وسفه ايتخطى الفاسد الراي
**
أمس عنكم يعمي ** راحلينه
ولاشفنا بعدكم ** راحلينه
اهواي اعزاز مثلك ** راحلينه
أمن صدورألمجر ألكم تحيه
((((())))))
مع تحيات الشاعر أبو عمار ألربيعي ألى جميع ألأخوه ألأعزاء في قضاء ألمجر الكبير *

لون من ألأبوذيه /من أعداد أبو عمار ألربيعي *
ليالي ألمضن غشني ** وراحن
أومن كف ألضعن كفن ** وراحن
نذر شرعي مسك لزرع ** وراحن
ألطرق لو عادوا أحبابي عليه

من اجمل ماورد في اوبريت ( هيله وحمد ) للشاعر علي كاظم الدرجال ( أبو عمار ألربيعي )من شعراء قلعة صا لح / ميسان
يمضي حمد في طريقه الى المزرعه وهو يحمل الياْس في جنباته ويقول !
طشوا هلي اوطشوا احبابي **او محد بعدهم يدك بابي
على الطيبين مايخلص اعتابي
هيله تولول لوحدها وكانها سمعت مايقول !
خيال مر بينا يخاله **
اتلوح المراجل على اعكاله
نشمي ولا نشفت ادلاله
وعند عودة حمد من المزرعه في المساء والليل قد ارخى سدوله قال مخاطبا ليل الريف الهادي !
ياليل يلفارش الوحشه **
يمته تروح او تجي الغبشه
لجدامهم كلبي لفرشه
وهيله تغط في نوم عميق وكانها تتمثل بقول الشاعر !
ياولفي اشبع نوم *** نوم العوافي
ماتغفه لو مر بيك *** ليل التجافي

مقتبسه من اوبريت ( هيله وحمد ) الذي عرض على قاعة التربيه في ميسان عام 1973

من شعر السيد كاظم المالكي / من أعداد أبو عمار ألربيعي ( علي كاظم ألدرجال )
ومضه
لأن كلك ثلج ** كلي أشتعل نار
وتراوالي أمن أبوسك
بيدي أتموع
وألمنك وحطك وسط ألعيون
حتى أشمابيتجك تنزل دموع
ــــــــــــــــــــــــ
من ألأبوذيه :
بجينا أهواي ماواحد ** بجلنا
وتساوى ألعسل وألحنظل ** بجلنا
حفظنا ألغيره با لكصه ** بجلنا

وبعنا اهدومنه أبطبته الثريه
ــــــــــــــــــــــ
الجفن ماحفظ دمع العين ** كت له
وكتلني الوكت لاكن موش ** كت له
انتخب ياحزب ياتيار ** كتله
وياهوا ايكوم كال الحل بديه
ـــــــــــــــــ
الوادم ما تخوفني ** باسرها
ولي دنياي ماباحت ** باسرها
الطكه ابعشره اريدنها ** باسرها
عليها اوثار منها اخذ بديه
ـــــــــــــــ
المصايب موش حلي ** وانه حلها
وعسل بشفاف خلي **وي نحلها
يكلي اطني قضيتك ** وانه أحلها
بمجان الحل عجدها اوردها اليه
ومن شعر المرحوم مطشر عبد النبي النداف في ألأبوذيه
بهدا ياحنوتي والراح ** وجفي
أنتوادع ونتبارا الذمم ** وجفي
مشت وأرحلت والدلال **وجفي
نار بنور خدها أويشع ضيه

ومن شعر مبتكر ألأبوذيه ( ألعبادي ) من أعداد أبو عمار ألربيعي
منو مثلي أبهوى كلبه **وله دوم
بثناياه ألكبر بين ** وله دوم
أمل ألفرس لو كبرت ** وله دوم
شبصرك (برذعه )ألنامت عليه
ملاحظه : مابين القوسين أسم زوجة ألشاعر
ـــــــــــــــ
ومن شعر ألأبوذيه في ديارنا **
بديت أكتب أودهري علي ** يملي
ومن كثر ألمصايب ناخ ** يملي
وحك أللي سعاللماي ** يملي
بجربته ألصار نص ألصار بيه

يقول الشاعر عبد النبي النداف المجراوي
ياصاح جرح الكلب حاير انه ابلحمته
اْوثوب التهاني ركد مبتوت من لحمته
غم الرجل لو رجه انوالات من لحمته
يا صاحبي الروح بعنان الصبر عنها
اولديار الاجوادروحك لو بغت عنها
لكن بدت مساله وارد ساْ لك عنها
كلي الجلب لوسمن هم تنوكل لحمته

الجواب لولده ألشاعر مطشر بن عبد ألنبي ألنداف
ارداي ثوب الصبر وعلى النوايب جلد
واللي نخاني اطيحن دوم جلد اوجلد
اطعن اكلوب العدا اوبلراس اجلد جلد
واعتني الزينات لو سابع سمه لو سمن
اولركاب الانذال انه اشتري لو سمن
يلكلت لحم الجلب من ياكله لو سمن
اليوم أكو أنذال تاكل لحمته وألجلد
ويقول ألشاعر عبد ألأمير بن مطشر بن عبد ألنبي ألنداف
ملاني ثوب الصبر والوكت ثوبه أعظام
ما أطخ ومد الجدم للرحم كصه أعظام
اللحم كطعه وصل وبراح هشم أعظام

من حيث عندي نفس للنذل مادانت
شما يزري بيها الوكت للغمه مادانت
هم كلو لحم الجلب لتكول مادانت
او ناس الكلت هل لحم اكلت جلد وعظام

وأجابه بن حفيده ألشاعر باسم بن عبد الهادي بن مطشر عبد ألنبي ألنداف
خلصت روحي الصبر او صبر الوكت شربته
او جلمه الطيبه صفت ياصاحبي شربته
طيب اصيل الطبع مابيه ابد شر بته
من حيث عندي نفس انشد الرحمي وصل
ماخذ طريقي عدل أذكر ألاهي وصل
هم كلو لحم الجلب الخبر ليكم وصل
او ناس الكلت هل لحم دم الاخو شربته
( وألله وألنعم من بيت ألمرحوم عبد ألنبي ألنداف كول أوفعل ومنكم أتعلمنه ألشعر ألشعبي ألأصيل وخاصة ألزهيري ياأمراء ألزهيري في ألعراق )
تقيلوا تحيات ألشاعر أبو عمار ألربيعي / ميسان ـ ألمجر ألكبير

في او مشارك لي في هذا الصرح
اود ان اجاري امراء الزهيري كما سماهم الاخ نور على الدرب بيت المرحوم طشر عبد النبي
واقول
اليشور الصحاب يربح عقل ما يظل
وماي الحيا بكصته ما طاح ابد مايظل
في الدخش بالجذب مبخوت لا مايظل
والطيب ثابت يظل للجود دومة يلد
والبخت لهل البخت لكل الصعايب يلد
يالكلت ناسك كلت لحم الجلب واليلد
يا صاح هذا الوكت حتى العظم ما يظل

تحياتي للجميع
المجراوي

مني سلته
ذبحني وسلت سيفه ** مني سلته
وباك العنب كله ** مني سلته
احلفنك هذا شعرك ** مني سلته
أبمشط لو أجرت عمال ميه
كل حيلها
مدينة شوك روحي ** كل حيلها
لجن وياك فشلت ** كل حيلها
وجوه الناس ماضل ** كل حيلها
وجه للصدك بس للجذ ب ميه
من لي سنها
الكباحه من كتبها ** من لسنها
تلاسني وتغلس ** من لسنها
جليله حيه الوادم ** من لسنها
أتلوك ولكلوب كلوب حيه
يملاي
ناحل مايجد بالسير ** يملاي
ولاتنكطع عنهم يوم ** يملاي
انه حين الشفت حلو الطول ** يملاي
تبسم وضرم النيران بيه
من شعر كاظم المالكي / ميسان / المجر الكبير

واجمل ما قيل في شعر الغزل
شعر غزل رهيب
شعر غزل رائع

والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق





===================


مساء الحب يا حب يعيش ودنيته طرياك
احس انك هنا ايامي ولو ما كنت تطريني
يفوح من الزهر عطره ويبقي القلب مع ذكراك
وهج ذكراك في قلبي بعد صدك يدفيني

=================


أحبك وأسألي عني القمر لا تعلمين كم قلبي لأجلك قد سهر

لا أحببت مثلك لا أنثى ولا ذكر سأظل أحبك وأجري نحوك في الممر

تخيلتكي جنبي دائما منذ الصغر وليتنا نجتمع ونلتقي في السفر

فهاك حبيبتي خدي وردة الزهر ولتبقى ذكرى على طول الدهر

سنلتقي يوما عند ضفة النهر وسيكون يوماً جمييييل قريبٌ للسحر

أحببتك وعشقتك بصدقٍ يا سمر ولا جدوى من حبي لكِ ولا مفر

فهل تقبليني حبيبك يا فنر؟ أم ترفضيني وترميني لقروش البحر؟


====================

سلام يا رمش ر باهي الخد سلام .. يا ذابح القلوب الخلية




ما بي ظمأ .. لا شك بي روح عطشان وما ني عليل وأن بدى سقم حالي




يا ليت ربي ما خلق .. حب وفراق وإلا خلق حب على غير فرقا




أنت العذاب وكيف أنا بك اعذبك يامن جرحت القلب .. جرحك علاجي




كل يعاتب بعض الاحيان غاليه والحب يبقى فوق كل الجروحي




با متع عيوني .. بشوفة عيونك اخاف من يوم اجي فيه ما لقاك




والله ما غيرك بقلبي يوازيك أغلى من الدنيا ..على الخد ما طاك




إلا العيون ابخل بها ما قدر اعطيك وش فايدة دنياي من دون شوفك

=======================

خَدَعوها بقولهم حَسْناءُ

والغَواني يَغُرٌهُنَّ الثَّناءُ

أَتراها تناست اسمي لما

كثرت في غرامها الاسْماءُ

إن رَأَْتْنِي تميلُ عني ، كأن لم

تك بيني وبينها اشْياءُ

نظرة ، فابتسامة ، فسلامُ

فكلام ، فموعد ، فَلِقاءَ

يوم كنا ولا تسل كيف كنا

نتهادى من الهوى ما نشاءُ

وعلينا من العفاف رقيبُ

تعبت في مراسه الاهْواءُ

جَاذَبَتْني ثَوبي العَصيِّ وقالَتْ

أنتم الناس أيها الشعراء

فَاتّقوا الله في قُلوبِ اَلْعَذَارَى

فالعذارى قُلوبُهُن هَواءُ

لو عـيـوني واجـهت كـثـر الفـضـول
غـيـر شـخصك يا حـبـيـبي ماترى
**
لو عـــذابي من عنا حــبك يحـــول
يا حــلاته عــذب اســمـك لا طرى
**
ولو وصــفـتك تعـجـز احـروفي تقـول
ســيــروها قــدام وترجـع لي ورى
**
هب يا حــــرف تـنـثى لايـجـــول
عــادتك تسـري إذا طيـفـه ســرى
**
والتـمسـتـه يرتـعش فـيني جـفــول
قـل عـنـدك لي ذعــــاذيـع وترى
**
يالمشـاعـر صـاحـبك وصـفه يهــول
مـــا دريتي بالثـــريا والـثــرى
**
مـنــوتي حـلـمـي تـردى لا ينــول
لـيت حلمي عن مــواجـيـعـه درى
**
لاذكـــرته من غـلى ذكـــره يـطـول
مــا كــفــاكِ إنه حــريمك لـلكرى
**
ولا كـتـبـتـه ارتجي صــمـتـه يزول
اعــذريني لا كـتـبـت ومــا قـرى

يالدربك ظلام وعاصفة واشباح


يالريحك غدرباكَت شمع دنياي


ألمن جاي؟


لا كابوسك يمربيده شايل سيف


لا ليلك يخوف اضواي


ألمن جاي؟


جاي تصلح المكسور؟


افعالك أثرهه يزول؟


هاي أحلام..هاي أوهام


ما اردَّن بعد واشبك سراب الشوك


ما احطَّن بكَاعك وآنه طاير فوك

بجيت عليك .

.

محتاجك نفس بس وين ألاكيك

مشيت وغيبتك صارت طويله

ألوج عليك مثل الشارب السم

ومثل لايج كلب مصيوب جيله

يطك جرحي ملح وألكاك خنياب

هلبت شاخه منك تعتنيله

وكاسر بالصبر مايكسر وياي

لأن حتى الصبر مهدوم حيله

بجيت عليك حد ما ذابت العين

جا ذا مو ألك ياهو ألأبجيله ؟

تمر ليال هجرك صفنه ودموع

كل ليله بسنه وحسبها ليله

مو كتلك دليلي وياك خليه

بشر من غير دم شله بدليله

تعال مروتك سويها لله

وغير مروتك ماعندي حيله

أظل أتأمل عيونك تجيني

لوحسبة وصالك مستحيله

جربت الوسائل كلها وياك

وتعبت هواي مانفعت وسيله

بس الطيف ظل يباري للعين

وهم مامش جفن يكدر يشيله

وأخاف حجايه من شامت تجيني

وتدري حجاية الشامت ثجيله

باجر شعتذر لو عيروني

أكول الوكت ذب روحي بشليله

شمعزها الروح ماذلت فرد يوم

شجاها وصارت بحبك ذليله

شجاها وصارت بحبك ذليله

يا مدري شأوصفك يا نبع ريحان
يمطرز ورد من راسك لجدمك
يا زيبك وابد مالمه جف انسان
مجنون التدنه ورايد يلزمك
كلت بلجن اوصفك بالشعر يا زين
لن حتى الشعر يتغزل بجسمك
يا ورد البنفسج والبنفسج غار
من حسنك واجه ومن خدك يشمك
اقسم ما اغالي بموصف المزيون
شمس انته وغشيم الرايد يضمك
هذا العيد اجانه وجيتك عيدين
جا هلبت تجينه وتجلي كل همك
وناذر لو تجي وبعيوني اشوفك جاي
اطش سنين عمري الباقية لاسمك
مثل يعقوب بعدك راح مني الشوف
ويرد الشوف من ترجع واشم هدمك

هو / آنه اللي عيني اعليچ واصل عماهـــــــــا
اتحدى كل الناس تبچي أبچاهــــــــا
**




هي / وآنه الدموع اعليك ابچيها اشكـــــــــــــال
وتدري انت فص العين من وشلـت ســــــــــــال
**



هو / صاحو عليَّ الناس واسمع ولا چــــــــــــن
گالوا خذاه الشوگ هذا الولـــــــــــــد جــــــــــن
**




هي / لو تدري آنه اشلون مبتليه بيهــــــــــــم
عمدة من امر يحچون باسمــــك حچيهـــــــــــم
**



هو / خل تحچي كل الناس بالچ تصــــــــــدگين
ولا يبقى فكرچ دوم بيهم تفكريــــــــــــــــــــــــن
**



هي / ماصدگ الينگـــال بس بيـــــك اصـــــدگ
لن نبضي آنه وياك كـــــــل ثانيـــــــة ايــــــــدگ
**



هي / لو تدري حالي اشلون من بعدك اشصار
چا گلت عفيه اعليچ متحملـــــــــه النــــــــــــار
**



هو / شوفي آنه حالي شلون من كثر الهموم
بس رسم فوگ الگــاع سترنـــــي الهــــــــدوم
**



هي / اتمنى طيرة الروح واوصل واحاچيـــــــــك
واگعد وحط الهمــــوم يمــــــــــك وابچيـــــــــــك

لعب الطفل بالطير صرت انه بيدك

كل هذا والدلال يصرخ يريدك
**********************
بالك تضن وتكول انه اكدر انساك
يفحط دليلي عليك لو يمر فركاك
**********************
برض الحرام وياك كعده اشتيهيها
مزروعه كلها الغام محد يجيها
**********************
تيزاب احط بالعين وعدم نضرها
والروح اذا تنساك اكطع خبرها
**************************
سهران افكر بيك والليل اجاني
وافتر وحوم عليك وانه بمكاني

احنا بخضار الشوك بعده الوكت شاب
كلبي اعلى الثمانين للحب فتح باب
........................................
يـاتـرف كـلي اشبيك تخزرنة وتـروح
لتعاين اعلى الشيب عاين على الروح
........................................
اشماطول الهجران بالكلب موجود
يـايمة للتسعين واتـنـطـره يــعـود
........................................
مابيها كل منكود مابيها كـل عيـب
ايزيد الوفه بالشوك لو بين الشيب
........................................
للموت اظلن شاب بالحب والاحساس
والكلب اخضر دوم لو شيب الـــراس
.......................................
مامش عمر محدود للحب والاشواك
يــا دنيا للعمرين نبكه احـنا عشــاك
......................................
ينضج اويانه الشــوك كلــما كبـرنـه
ويكضن سوه بالموت الحب وعمرنه

اشما تريد يصير ياوكتي بلواك .. ربع النفس بالروح واتماطل انا وياك


لو نهر من تيزاب شارعكم العام ... اتعنة الك سابوح خل اوصل اعضام


عيد واجاني العيد وانتم بعيدين ... تبجي وتريد احباب مجبوره هالعين


فدوة الك كل الراح والباقي فدوة ... غالي واشوفك دوم بعيوني قـــدوة



جربتكاني هواي كل رجـوة مابيك ... ولساني اكصة انوب لو هم يحاجيك



تدري شكثر يهواككلبي ويحن ليك ... وذاك انته دوم وياي حنية مابيك



ناذر وحق عيناك لو اشمياسك ... شوباش اطش سنين عمري اعله راسك


خل نكعد اني وياك ياهو اكثر هموم ... همي بكثر دنياي و الباقي مضموم


لابيك جيه وتجي ولا بيه حيل انساك ... ظلينه بس بالحلم نتلاكه انه وياك


لبغداد انا اتعنيت ومفخخ عضاي ... لو اطك انة هناك لواحضن هواي


عيون العراق أعيون من أحلى لعيون ... فن وأصاله وخير بس عدنـــــا تلكَون

محاورة شعرية بين طالب وطالبة واستاذ:

الطالب : بالصف افكر بيج وعن درسي فاتر

واسمج كتبتة بشوك فوكَ الدفاتر

الطالبة: امن الجامعة للبيت وانت على بالي

وبكل صفحة يالمحبوب وجهك يلالي

الاستاذ: الحب يدفع الانسان لاعلى المراتب

ويتبرة منه الشوك لو طلع راسب

الطالب: انه ادري يا استاذ للعاطفة احدود

والواجب اخليه للدرسة مشدود

الطالبة: حب الوطن يا استاذ من حبنة اكبر

نريد انتفوق دوم وبالعلم نسهر

الاستاذ: ولدي المحبة احساس والعلم بابة

ويندم هواي هواي اليهمل كتابة

للشاعر ناصر محسن الساري




محاورة بين عشاق:

هو: ابسد شجرة التفاح مشتولة روحي

وبالفركة حتى الطير ناح على نوحي

هي: اجيتك ومن ابعيد سبكتني روحي

ومن لمست الجفين طابن جروحي

هو: لا كلبي نوبة ايهيد لا عيني تغفة

لا صبر بيه يفيد لا ناري تطفة

هي: اتمنة روحي اتصير نجمة وترابيك

وبهيدة تالي الليل انزل واشم بيك

هو: اتمنة اهل الشوك يلتم شملهم

والطرب والاشعار اتبرع الهم

هي: اهل الهوى ايكولون كلهم مساكين

وعدهم الف تفسير لو رفة العين

للشاعر ناصر محسن الساري


حوار بين ام عاشت في زمان الحب وابنتها التي عاشت في زمان المال عندما جاء رجل يحبها لكنه لا يملك المال التي كانت تحلم به :

الام: يمه الاجه ابن جواد موش ابن غربة

اصل الستر والطيب واصل المحبة

البنت: اليخطبني لازم كون انه الاريده

عنده قصر واموال وسويجه بيدة

الام: ابكبرج واجه الخطاب كتلهم ارضة

جابولي خام الشام والحجل فضة

البنت: يمة زمانج راح بيه انظلمتي

وذاك الوكت مرفوض مو مثل وكتي

الام: عشنا بوفة وبطيب كل الليالي

لازفة لاكنتور.... لامهر غالي


البنت: اعرف بنات هواي عزن نفسهن

اتكلف كذا دينار بدلة عرسهن

الام: اشرايج لوَن زنكين عالحسن حبج

وملج بعد شهرين واعلينة ذبج

البنت: بنتج بعدها اليوم حلوة وزغيرة

مو مشكلة من يروح يخطبني غيرة

الام: بس كلمة عندي وياج ولله شهادة

بالوفة وبالاخلاص سر السعادة

البنت: اخر كلام وياج متطورة انه

والما يجيب المال شلي بحنانة

الام: اختاري والله اوياج يا سلوة العين

امج واعرفج زين باجر تندمين

للشاعر ناصر محسن الساري



يحكى ان رجلين كانا على خلافٍ دائم بسبب المواشي. وشاءت الصدف ان يحب ابن الرجل الاول بنت الرجل الثاني. وبعد عناءٍ تكبده الولد في اقناع ابيه ذهب هو وابوه مع مجموعة من (المشاية) الى بيت الرجل الثاني ليطلبوا يد الفتاة ولكن والدها رفض اعطاءها كما ياتي:

والد الفتاة: شلي بحلالي اليوم لو صبح واشي

اعذرني يا ابو فلان واخذ المواشي

والد الفتى: ياخوية انه وياك باجر مرحلين

خنجر عليش تصير بين المحبين

فقررا الوالدان ان يحمعا بين الشابين ويستمعى الى حديثهما عن الحب فوقفت الفتاة خلف الستارة:

الفتى: اثمرت هاي الكاع للبيها متعوب

وخضرت سنبلتين مابين الكلوب

الفتاة: اي صدك سنبلتين شوك ونداوة

ولمت شمل خصمين بعد العداوة

الفتى: اتكربنا صدكوا نريد نتكرب اكثر

اكبار وصفيتوا احباب واحنة نتمرمر

للوردة دمعي الماي بسكوت اساجي

اتعطشونة واحنة فروع من السواجي



والد الفتى: اشرايك يا ابو الديوان يالهمي همك

نمشي ونعوف الزاد.. لو حلها يمك

والد الفتاة : يحرم علي الزاد لوما احلها

من هسة تمشي وياك وابنك رجلها

للشاعر ناصر محسن الساري



تابع احد الشبان احدى الفتيات فقال لها
كاع انه وانت الطير لابد يحط يوم
لو تتعب الجنحان لو ينكرك حوم
فقالت له
كاع انت وانه الطير وتظن احطن
لو تتعب الجنحان با لماي اغطن

من عيني الدمع يهــمل وســـالي
راح الجان الي سلــوة وســــالي
الناس نجوم يا صاحــبي وسالـي
كمر نوره يتلالـــه علـــى الثريــا
**


جثير تحملت لاجـــلك وداريــــت
ودمعتي تلوج بعيونــي وداريــت
الدنيا لو جـــفت عنــــي ودارت
اريدنـــك تجي وتحـــن عليــــة
**

انشدك يا حلو الاوصاف بس تان
اريــدن مــن الوجنـــات بستـــان
حبــك زرع بــالــدلال بستـــــان
الثمر للغيــر وانا الضـــيم الـــية
**


مثل الشمع عودي ســال منـــي
والمصايب للمصايـب سلمنــي
جني همـومــك علي سالمـنــي
ولا كلبــك يحـــن مــرة عليه

هيله وسبع تنعام بيكم وله دوم ** من كثر نوحي عليج سردت الهدوم
**
هيله وسبع تنعام منج يهيله ** كلج وفه وطيبات كحيله أو أصيله
**
نكاط اريد اصير بشفافي هيله ** غرغره بساعة موت مابيدي حيله

ماتستاهل ابجيلك حرامات
ولاتاخذ بعد من عيني دمعه
***


چنت ازرع ورد بس هسه مجبور
حته الباقي منهن راح اشلعه
***


أيس مابقتلك يمي اسرار
وحته اليدگ باب الروح ادفعه
***

بقى يمي الشمع بس ذوبه الليل
وانه متاني الصبح يطلع واشيعه
***


عرفتك ثوب بس ماتستر العيب
المايرهم علي مجبورانزعه
***

چنت اخجل واعبرلك حجی هوای
واعرف بي چذب بس كلت اسمعه
***


وهسه أتكطعت وياك الدروب
وبقه درب الخجل بلساني اكطعه
***



كرهتك كثر ماودعت الشموع
شمعه بعيني تحله وتطفه شمعه
***


جنت كبر الجرح شايل معاناة
وصدك جان الكلب من ينعه ينعه
***


جن داخل حسن لو طلعت الاخ
وتطلع روحي الك وتردهه فدعه
***


حسبّتك رقم من لمعة البيك
وين ادري الصفر هم ينطي لمعه؟؟
***


وين ادري الغصن بيه يركض الموت
وعلى عش المحنه يودي الافعه
***


باجر راح اجفن كل الجروح
ونعش الذكريات براسي اشيعه
***


وباجر راح اهدّم بيت الدموع
وابني من الفرح بعيوني قلعه
***


وتذبل شفتك وترد الي زحوف
وانه بجفي النهر وبكيفي اكطعه
***


وأكلك كلشي مات اللهفه والشوك
محال اليندفن تكدرترجعه
***

وسود تصير كلهه ايامك البيض
وينذل خاطرك ويعض اصبعه
***



مثل ماجرعتني بكا سك الموت
كاس الذل شرط باجرتجرعه
********

مثلك بالجذب ماشافت العين
ولا حسبه حلم راوتني العيون
***
رسمتك بالشوارع عالحياطين
وحفرت اسمك يالسمر بين الجفون
***
انحتك عالحجر تمثال اسويك
وركع كل وكت ويه اليركعون
***
انقشك عالحجر يسمر** ونحتك
ودوه العلتي اوصفنك** ونحتك
اذا يختل نبض كلبك** ونحتك
اجيبن كلبي سيرا بين اديه
****
واذا جابك حنينك لينه رديت
فرحي الكون كلبي ما يشيله
**
وحظنك من ترد وتسامر وياك
وشبكنك لان مابيدي حيله
**
ولانك عالبشر ما وصفك شلون
انته الناس من عندك قليله
**
ذبل جوري الورد لمن ** وصفتك
لان بيدي اعزلت شينك ** وصفتك
اذا غيري يتماشالك ** وصفتك
كبل للشط اغسل اثنين اديه
****

قصيدة ( ألمجر ) للشاعر علي كاظم ألدرجال ألربيعي ( أبوعمار ألربيعي )


مجر يامجرأيا مجر
ياغيمة ربيع بمطر
ياجولان زاهي بهور
يابردي وكصب أخضر
ياكحل أليضوي ألعين
ياحنه برجل لسمر
يادهله أليغطي ألكاع
ينبت رازقي وعنبر
ياتين بثنايا ألهور
كاط أوشمبلان أحمر
زهر أخضر طلع خريط
طر ألماي صار أصفر
مثل طعم ألعسل بالريك
جمار ألنخل لو طر
يبلام أليجول ألهور
كلي أبياكتر تفتر
أريد أتناك حتى هناك
نكتب دارمي بدفتر
صرت مغزل بحلك ألماي
لامخلاص لامعبر
شريعتنا كصب مضغوط
وألموكد حله أوجمر
حلم لاجن حلم تعبان
بضلوع ألكصب حشر
دجدم وأربط ألمشحوف
يابلام كلبي أنطر
تعال أكعد تدفه بنار
دار ألكوشه وأتبختر
يبلام ألمنايا أتحوم
فوك ألهور غيم أحمر
يبلام ألسفينه شراع
بس ينكسر تدمر إإ
رد مع اقتباس

ومن شعر المرحوم عبد النبي الزبيدي النداف في ألأبوذيه وهو والد الشاعر المعروف مطشر عبد النبي النداف ::
بهاماي :
******
ألدهر ماله كثر طكه ** بهاماي
وبقيت أنهش يخلق ألله ** بهاماي
لون أهل ألمجر هموا ** بهاماي
تشت ومابقت منهم بقيه
ومن اعلام المجرالكبير في الشعر الشعبي الشاعر كاظم نجم عبد ألله جيبون ألذي أشتهر يقصيده مغناة (( هيمت كلبي أميره )) ويسكن في الوقت ألحاضر في ناحية علي الشرقي / ميسان **
ومن أعلام المجر الكبير في ألشعر العمودي ألأستاذ المرحوم علي حسين علوان ألجبوري ألمعروف ( علي بخشه )
ومن أعلام المجر الكبير في الشعر الشعبي ألسيد جعفر ألسيد محمد ( متغرب )**
من اعداد / الشاعر والباحث علي كاظم ألدرجال( ابو عمار ألربيعي )

اعز مخلوق الي بدنياي والدتي
الناس بنص وهيه بنص معزتها
**
عاشرت بحياتي هاكثر ناس
ولا شفت بحياتي مثل طيبتها
**
اذا اوصف مثلها اطب منيا باب
وكل باب الأطبه كبالي صورتها
**
ولو غانم الوالد واعز من الروح
ربع الحب اله والباقي حصتها
**
اهي اول نسيم الهب وسط ريتي
وبعد ماهب مثلها ومثل ريحتها
**
وهي اول طعم زاد النفذ لحشاي
وبنا عضمي ولحمي بفضل درتها
**
سهرانه بليالي الشتا عد راسي
انه مشرغد وهي منغصه بنومتها
**
سنين العمر نزفتهن على سنيني
ولا ساعه بعمرها الخذت راحتها
**
تلتذ بالأذيه وراهمه على الضيم
شكثر ماعذبتها تزيد لذتها
**
وذا كلنه عواطف والده هاي
بين الام وبنها الفطره غذتها
**
ترى حنان الام لبنها منهو ازغير
ونه امي ذيج هيه وذيج فطرتها
**
كلمة يلولد مابارحتها يوم
وكلمة بعد روحي مافاركت شفتها
**
شكثر وجعات من فكد الاحباب تسير
بس الام تجيس الكلب وجعتها
**
امي شكد وفتلي زغير وجبير
شما اكبر تطيب وتحلى عشرتها
**
ياخذني اللهو عن امي نوبات
وحنا امي عله حاله ونفس ذبتها
**
واروح فديوه الك اطعم ثلث كلمات
صرت جبير ومابدلت كلمتها
**
بعدها تشوفني ذاكه البعدني زغير
شما اكبر هذيج امي ومحنتها
**
يريت شبذلت امي وياي اجازيه
ورد فضل الأمومه بكد جلالتها
**
شجازي سهر ليلها لو حملها شهور
لو عصرات المنيه المني شافتها
**
لو سهر الليالي الكاضه الكاروك
بشتاها ولاغفت نص ربع ليلتها
**
تحط عيونها بدربي لون ماجيت
وتغدي الونه والدمعات سولتها
**
شحلات امي بسوالفها بنواعيها
بفرحها بحزنها وحتى صفنتها
**
وذا شدت الوزره بلمة الخطار
تشبع ضيوفها وتفيض سفرتها
**
حتى القافيه صارت على امي ولام
وتمام الوصف كول وفعل وصفتها
**
بكثر ماعاشريت وجربت ناس
وبخلت كلوبها وعرفت منبتها
**
عرفت اليحب واليكره وليش
وعرفت تحب عليش وشنهي غايتها
**
بس كلب الحنينه الوالده غير
احس كلشي التسويه من سجيتها
**
يربي المغفره منك الوالدتي
وتسير الكنزا بالمحشر شفيعتها
**
اريد الصبر منك وتكالي عليك
تجاوز عن ذنبها وامحي زلتها

امـــــــــــــــــي


يمه البيت عكبج يبجي عالبيت
وسود وداعتج شفت الحياطين
**
وعتبة بيتنه تبجي على الباب
وعلينه اتسودنت ماترضى ترحين
**
وشفت دمع البلابل والعصافير
طاح اعله المكان البي تكعدين
**
وشفت لطخة حزن بخدود الورود
وصبح بستانه يبجي البساتين
**
فراكج مو سهل يذبحني كل يوم
كل يوم بسنه لاوالله عشرين
**
ييمه بفركتج نص عمري ماخوذ
ولاجن فركتج يايمة يومين
**
ماادري شيضل لو طال الفراك
على هذا الوضع ينراد عمرين
**
شكض من الدمع ودموعي شلال
وعليج اتسودنت ماتسكت العين
**
جلمة يمه منج بلسم للجروح
وجلمة بعد بيتي اداوي جرحين
**

اذا موجودة يمه نصير عقال
ونصير بغيبتج مثل المجانين
**
على وجهج لكينه الحزن مرسوم
وكباله الفرح ذابحته السنين
**
تروح بروحتج ماتبقى ارواح
جسد واكف جذب بس احنا ميتين
**
يااجمل واحن مخلوق بالكون
مثلج ماكو اقسم مثلج اثنين
**
اغفه بحضن صبرج وانه شبعان
واحس جوعانه كلش من تنامين
**
امي الجنه انتي منزلة بيت
وتنام بظلج ابيوت الجوارين
**
سكوتج ادري يمة يحير الليل
مثل صفنه البحر لمن تصفنين
**
واذا تحجين بليل يعزف الحان
ومن حلكج يضل يطافر التين
**
خيط السبحة انتي اخذينه وياج
نطشر خرز لمن تروحين
*****

أ ريد ارجع على العشرة ** وانخاك
لان دم الوصل واحد ** وانا اخاك
ادري الوكت هذا هد حيلك** ونخاك
لكن تدري وكتي شسوة بيه
**
عجيبة تريد تنساني وانه** اسلاك
اظنك لاكي من غيري ** ونس لك
اريد اعرف شنوا اصلك ** ونسلك
وشنو انته يابوا اطباع الردية
**
يا صاحب لاتظن مسرور** بعداك
وعسى سم الزهر يندار** بعداك
شيطفي الكلب من نار** بعدك
يطفيها الوكت من ترد الية
**
القلب عاف البشر كلهة ** والك راد
مشى وسافر تذكركم ** والك راد
عرب ماطيبوا علتي ** ولاكراد
دواي انته يهل مبعد علية
**
شفته وجنه دورة بدر** وجهه
ونيران الغضه بحشاي ** وجهه
يربي يالتوجه الكون ** وجهه
على كلبي الذاب خله يحن عليه
**
ليش تخون وانت احلفت ** بآيات
ومزلاكة طلعت مو درج ** بايات
تريد تروح مو بس باي** بايات
واليرجع للوصل نعله على ابية
*****

واللة ندمه
________________________________________
كان شابا يحب فتاة وكانت الفتاة ترفض كل من يتقدم لخطبتها وكانت تنتظر الشاب بفارغ الصبر

فاكمل الشاب دراسته واصبح موظفا ولكن للاسف تزوج فتاة اخرى وتركها

فمرت الايام فالتقى الشاب بالفتاة فلم تقل الفتاة شيئا غير عبارة واحدة وهي (واللة ندمة)

فتأثر احد الشعراء بهذه العبارة وجسدها بقصيدة وقال بها:-


واللة ندمة إإ
*******

مات جوة الكاع حبك من عكب ماجان نجمة

وشرجي صار العمر بعدك يالجنت بأيامي نسمة

احنا سبحة وطش خرزهة مانرد هيهات لمة

دنيا جذابة ووكيحة وهالوكت ماعندة ذمة

واني حزني الجان جاهل من هجركم صار زلمة

واللة ندمة إإ

بية وصلت انسة اسمي ومانسيت بيوم اسمة

وروحي بيني وبينة صارت لاهي يمي ولاهي يمة

شما اريد الزمهة عنك روحي ماتنطيني لزمة

واللة ندمةإإ

حصدوا ابستان وردك وانه حصرة علية شمة

وكالوا المقسوم يحصل وانتظر تجمعنة قسمة

ولو سمعت جدام مرت كلبي فرفح كال جدمة

واللة ندمة إإ

حسبت يذكر محبتي وبالبواجي عيونة تعمة

بطلت عينك بواجي ورضت بشفافك البسمة

واللة ندمة إإ

شمعي نورتة بطريقك وانتة شمعاتك مظلمة

كلي يانوم الانامة وياحلم كلي الأحلمه

كافي وانساهم ياكلبي وذولي موش وجوه نعمه

تكتب بدمك رسايل للي مايسوون جلمة

بعد لاتحمدلك احد تالي هم تحتاج ذمة

محتاجه كلش الك يل شاغل انت الفكر
محتاجة الك مو حجي وارتاح من ينذكر
هنيالة من كابلك يااحله صورة شعر
محتاجة الك ماتجي ماباقي شي بالعمر
زعلان ؟ليش الزعل زعلان انه اعتذر
بس ارجع لخاطري صير على نحري عطر
صير على جفني كحل حليني بين السمر
تعبني ذرف الدمع بس ماطفالي الجمر
بركان في داخلي وياخوفي لاينفجر
شمأخرك ماتجي ماظل الك كل عذر
اهلال جرحك كمل اي كمل واصبح بدر
صدكني حيل اتعبت حبك عسر مو يسر
اترجيت وتوسلت بيك شكثر وشكثر
مافاد بيك الرجه وجبرتني لهل امر
مابعد اضلن شهد خليك مني حذر
واحجيهه لاتستحي كول انت طبعك غدر
حبك تحية صبح ماتلفض بالعصر
روح وبعد لاترد شي عادي صار الهجر
الماعرف معنى العشك مابعد احطله كدر
جانت درجتك الف بس هسه صارت صفر

فدوة تـــروحـلك هلناس
واولـهـــــــم اروح انــة
الجمال البـيـك شمسـوي
بحــــسـرت كلـب خلانـه
ربـك مــن عـسل سـواك
واحنـــة بطـــين سوانـة
عليك الناس كلهة اتبـاع
وانة عيــونـــي خجلانـة
جـــمـالك دوخ الحاسـود
سبحان الخلق سبحانـة
اتمنـــــة بتهـم محبـوس
مــــــــؤبــد بلسجن انـة
وانــــت القاضـي اتمنـة
وكلبـــــك هـوةزنـزانـة
تـعـذب بــيـة ميخــالـف
روحــــي والله فرحانـة
عشي هــوة كلبــك صـار
وبيـتـي تـاه عـنــــوانـة
احبك جــيـت الـك عنـاي
حياتـــي ليــــك ولهـانـة

روح براحتك لو عني ردت اتروح
علي لتخاف .. اعذرك ماتحاجيني
وياك اخذ عيني التهل ادموع
ومن تشتاكلي بس باوع العيني
كلب الحب رسمته بجف يسرتي وهاك
شوف اسمك كتبته بشوكي بيميني
بنص درب العشك شو تيهتني شبيك
تدليني كلت جا ما تدلّيني
اليذكروني عفتهم لجل شوكي وياك
واني اتذكّرك وانتي الي ناسيني
ضحّكتك لمن جار الزمان عليك
حرام عليك تتعمّد تبجيني
بايعني برخص واني بغلاة اشريك
مو انت الكلت بالروح تشريني
صرتلك كلّي شمعه ونوّرتلك دوم
عكب ما خلّصتلك نور عشريني
بعد ما كلت آه ودرت وجهك ليش
جي طرواك كتلك ضل يداويني
وجي كتلك ضواي ونور عيني اتصير
تريد اتروح عنّي اتريد تعميني
روح وداعت الله بس اكلك ها
الي رب ٍ كريم الصبر ينطيني
الي رب ٍ كريم الصبر ينطيني