{الى ابي الليثين } المسدس
[poem=font="Simplified Arabic,6,white,bold,normal" bkcolor="transparent" bkimage="backgrounds/38.gif" border="double,5,black" type=0 line=1 align=center use=ex num="0,black"]
إنهض محكمه كلب النخل زعلان = جي محد فزعلّه وضمد جروحه
دم عين الوطن تنزف على الشطين = وبعده لّهسه يخطب ولد صبوحه
ويكلي العراق - الشعب - الاجيال = ولك ياجيل هو الخلّص بروحه!
بمناجلكم ذبحتوا الكاع خاف تفيض = غيره عله الكصص وتفرزن ملوحه
وسويتوا الفجر سيف ويكص اركاب = وشمس الله الصبح نلكاهه مذبوحه
وحمره السمه تصير وينجفي التاريخ = وطيور الصبح من تبجي مفضوحه
وحلم حلوه انذبح بشفاف الله وياك = راح اتظل عيوني عليك مشبوحه
وكلب ام انفطر من كال يمه نروح = وشبابيج بكلبها الهسه مفتوحه
وضحكة طفله ذبحوهه برصاص الموت = ومن صوت العصف طارت المرجوحه
من حرب لحرب ماضكنه راحة بال = بس الدمعه جانت عدنه مسموحه
عنكود الشعب عالي بعلاة الغيم = بس المشكله ياهو اليجي يلوحه
عنكود العراق تصب دمع عينه = وطاحن حبه حبه وخلصن سنينه
بعدهي جروحكم مانشفت من سنين = وجرح التفرقه للموت ياذينه
بعدهه كبور اهلنه تنز حميه وثار = وتراب الكبر ليهسه بيدينه
وبعد جلمات ذبحوهه عله باب الدار = وي كل جلمه تطفه يطك جرح بينه
وبعد جم شيله طاحت وانسبت نسوان = وراحت يم يزيد مجتفه سكينه
وكل هذا ويكلي الوطن حافي سنين = واجه حزب البعث اسس قوانينه
ولك فشله وعلي كافي من الاستهتار = مو فاضت بعد ماتحتمل بينه
مسدس ضامه ! المن يبوالليثين = بس للمسخره وتجذب علينه
لوطلقه وعلي ماصار كل ماصار = لاهذا الفشل تندك عناوينه
لله الحمد مافكرت بالموت = لومكتول جاهم صرت حادينه
المهم خلص عمرنه وخلصن الشمعات = بس دمعاتهن لسه بصوانينه
مانقبل بعد يحكمنه ياهو الجان = الا النرضه بيه ويفتهم بينه
موياهو اليجي يصعد علينه يريد = مرات المتون اليصعد تهينه
ماتعرف تكحل خلها هيج العين = مرات اليكحل تنفكس عينه
مرات اليكحل تنفكس عينه[/poem]
