الى امير المؤمنين

[align=center]الى امير المؤمنين

يا نور العدالة الشگ ظلام الليل
ويا شمس الامامة الضوت الاكوان
**********
نشكيلك جرح من يوم حرگ الدار
ما بطل نزيفة وظلت الاحزان
***********
يا حيدر شيعتك واليهة ظيم وجور
يروح ابليس يتولاهة الف شيطان
************
الحگ مذهبك يالظارب بسيفين
مزاد انعلن بيه وگطعوا الشريان
************
واليمشي على نهجك يا اسد خيبر
أعوان الدجل توليه والغربان
**************
نعاين والفرح نور دربنة شموع
يوم ارتفع سيفك من وسط كوفان
*****************
نسولف وي نفسنة نگول حلمانين
معقولة بعراقك يرجع البنيان
****************
صدرك يا علي شال باديه السيف
خط على الچفن منهاج وي قران
***************
لچن وسفة الوكت ما ينصف المظلوم
وما تكمل فرحتة ويضحك الحزنان
***************
عليه تحالفت اهل الدجل والزيف
تطعن بالضهر وتهدم الصيوان
****************
همهة الجيب عامر يا علي الكرار
نسوا نهج الحسين انكتب بالقران
****************
تلهث عالملك وقصور والاموال
نسوا التفطرت رجليه يفتر يطعم الجوعان
***************
نسوا من راكع وزكة
ونسوا ليش الرظيع يرفرف وعطشان
****************
چن النهج عدهم بس بواچي ونوح
ومن عگب البواچي كرسي عالي الشان
**************
والعندة خمس ركظة عليه تصير
لأن جيب الجماعة من الحلگ نقصان
*************
أسمك يا علي ونهجك يا داحي الباب
صاير للجيوب اليوم احلى اعلان
*************
لچن گولك نهج يتجدد بكل يوم
من يمشي بطريق الحق وحيد لقلة الاعوان
*************
من هذا النهج صدرين فوك الموت
داسو عالمنايا وثبتوا برهان
************
وصدر الثالث يناطر طريج الفوز
عاشگ للشهادة ولفة الاكفان
************
انصرة بصارمك ننخاك اجينة اليوم
تدري الكفر ويا الدجل صاروا عليه أعون

حيدر السماوي [/align]2005-11-6