خيانة العربان لوحدة العراق ..المعكل الشمري يبيع وطنه ..فيديو

طبعا هذا الشخص ( عبدالله الياور ) يلكلك وما سائل عل الناس ولا حال الناس يبحث عن علاقات ومصالح بالفعل منطقتة تحررت في البداية من قبل البشمركة قبل أن تحرر الرمادي .. والبشمركة أو الكرد أيضا على مصالحهم ( منفذ ربيعة الحدودي مع سوريا ) أو منفذ الوليد
لكن اخ مروان والله مصيبه هسه دعنا عن هذا الزمال ... الناس الباقين اللي هجت من بيوتها في كل المناطق التي طرد الأكراد الدواعش منها وبحجة داعش طرد الأهالي من مناطق سد الموصل عشرات القرى العربية ومن جهة الكسك كذلك ومن جهة سنجار والبعاج عشرات المناطق .. زين ذولي الناس شنو مصيرهم هل الحكومة (ونتمنى ذلك ) عدها قدرة وتجبر مسعود على إرجاع الناس لقراها وأراضيها ومزارعها .. ها هم كلهم نازحين في الجانب الأيسر من الموصل ما أكو فرع إذا ما بيه واحد أو أثنين منهم خاصة في منطقة الشيشان - إتجاه حي الزهراء الذي كان سابقا يسمى حي صدام وبكل الجوالات موجودين دايحيين بالهياكل ... أي عمي الحكومة ما قادرة ترجعهم ومن زمان قسم منهم مرحل قبل سالفة داعش ( أهل زمار ) من يرضون به من العرب أبقوه ومن لا يرضون به أجبرهوه على الرحيل .... وينها الحكومة ... الله وكيلك قبل داعش ولما كان الأكراد عدهم مقرات أحزاب بالموصل مناطق قرب سيطرة الطرق الخارجية من جهة حي العربي أو بالضبط ( حي الأبنية الجاهزة ) يعني داحل حدود بلدية قضاء الموصل الأكراد هناك ما كانوا ما يخلون واحد يضع حجرة أساس واحدة , نحن الموظفين عن طريق جمعيات الإسكان مثل جمعية الأساتذة وجمعية المهن الصحية وزوعولنا أراضي هناك والله الكردي الأسايش ما يخلينا ومرة المحافظ قبل النجيفي ذهب لقضاء تلكليف بمهمة رسمية وطردوه هو والموكب مالته فيا عمي وينها الدولة الفارضة سيطرة من الشمال للجتوب حتى واحد يكعد ويكوم يصفط حجي بكيفه ... هسه لو الحكومة .. وقبل داعش ما كانت مسيطرة ... عراق مفلش الكردي يطمع وطبعا هسه فرصته مسعود يقول دفعنا دم ما نرجع المناطق التي طردنا داعش منها ....فيا أخي والله مصيبة أنا أخواني من تلك المنطقة ( قرية دير أم توثه ) بالقرب من وانه والله ما أحد يرجعهم وساكنين بالرشيدية عشرات العوائل وهناك باب رزقهم وفلاحتهم كلها راحت .... فيا أخي حتى هذا الأهبل الشيخ الذي تنقده مجبور ويبحث عن مصلحته هو كان بدهوك أصلا من الدواعش أخذوا ربيعه لكن رجعوها في العام أو أول العام المهم من زمان قبل ما تتحرر الرمادي أو قريبا من وقت تحرير صلاح الدين ...... فيا ريت الدوله يكون صوتها مسموع وتكدر ترجع الناس احنا شايفين ... والله خطية القسم منهم متعود على طبيعة القرية وما يستطبيع تدبير عيشته في المدينة صار قسم منهم يعمل بسيارات نزح المرافق الصحية فتصور .... هسه أنا ما أدافع عن هذا عبد الله الياور هذا رجل متمكن والله منطيه يكدر يشتري بفلوسه وين ما يروح ..لكن الناس الباقين بالألوف.. وللعلم حتى القسم من تلك القرى البسطاء الذين ودوهم الأكراد لمخيم الشيخان ما يخلوهم يجون للموصل فلا روحة ولا ردة