واضح والحرامي اشلون كام يبوك( الشاعرعماد الحسني)

واضح والحرامي اشلون كام يبوك
وعيون البشر اتشارك بسكته
والكل ارتكب مسوول عللي الصار
صاروللحرامي ومسند الشفته
يا وسفه علناسي لما تميز زين
اشو كلمن تره مبتلي بمسألته
هاي اشلون ترهم ورزايا اتحوم
باعو هل العراق وحرفو ملته
هايه ارض العراق اتحشم الطيبين
جاوين اليهد ويبري هم ذمته
ونريد الينتفض ويدافع علدين
من ذاته اليحامي وتنتصر صفته
عدنه احنه الحسين بكل عصر موجود
عايش دمه بينا وعبره ملحمته
مانقبل نطخ هامات للظلام
لأن حامل شرف والغيره منبته
تعلمنه عبر ودروس من حسين
مهما يصيربينا ننتفض بغته
هاي ارض الكرامه وترفض الاقزام
بيها حسين ساكن نحتمي بكبته
وعرفنه اهل الظلاله وميزينه الضال
وبين كل رذيل نختم وبجبته
ظل جرح الوطن ينزف لحد اليوم
ويتامى طشرت تدرون عايلته
عمت عينه الرضا والساكت بهل الظيم
وي اهل الردى ينحال محكمته
ماعدهم حميه اعل الوطن ينباع
باعوه بخس والكفر غادرته
عماد الحسني