چلمة نعم بالگلب ما تنكتب بقلام ولا جاي گوه انتخب ..... بمناسبة عيد الغدير المبارك
[align=center]الشاعر مهدي شبيب المسيباوي احب ان ينشر هذه القصيده هنا
چلمة نعم بالگلب ما تنكتب بقلام
ولا جاي گوه انتخب كاتبهه ليجدام
النعم بس العلي علگنه بيهه اوسام
عالراس شلنه النعم جبناهه الك خدام
مو بس نعم سيدي منك ثلث تنعام
نعم الضربته العمر وانتصر بيه الاسلام
ونعم الهزمت الكفر من فلشت لصنام
والنِعم مِنك علي يل كافل الايتام
عالموت ننطي النعم نتحزملهه احزام
نوگف عليهه سره لو چان بيهه اعدام
منريد چلمة نعم بيهه سجن واعدام
منريد چلمة نعم ما بيهه ذره اسلام
النعم للگنطره السوّت جثثها اكوام
النعم للمنذبح من الوريد ونام
النعم بس للعرس والزفتك جسام
ذيچ النعم مو نعم مابيهه عين ولام
ذيچج النعم مو نعم لنكتبت الصدام
بس للحسين النعم والبقت كلهه اوهام
الشاعر مهدي شبيب المسيباوي [/align]
