يوم الغدير ، كاظم ال جابر ، الحمد لله الذي جعلنا من الموالين لعلي ( ع )
[align=center]يوم الغدير
كاظم ال جابر
[email protected]
چان ابليس صافن والغدير يشوف
وعيون الوكاحه اتاكسر ابخسه
ودنيه بلا افق من كثر ذيچ الروس
والصحراء يم وماله كل مرسه
كلمن بلع روحه وگصر يم رجليك
من شافو اذراعك للسمه يترسه
انعّوج فچ الزعل من جمد فوگه الحيف
واصوات التبايع كلهه چن خرسه
عرف كل الچفوف انغسلت من العار
.يا اطهر وجه وچفوفهم نجسه
وكف شاهد عليهم ذمه للتاريخ
اذا تنسه العرب هالماي ماينسه
گلك بخ علي بس بيها الف حساب
.وابن العاص ضحچه اتّكسر بضرسه
عرف باچر يقبح كل وجه التاريخ
من ينزع العيب ويشرد ابفرسه
وعرف نعثل يفگّس بيضه كل شيطان
ولهذا العصر شاهد تظل لسه
كفروا بايعو كل ظنها الاول صار
.كلمن خنگ روحه ويبلع ابنفسه
كلما صاح احمد ياعلي يخافون
.اجبن منها صافر تنحسب شرسه
چم رگبه التوت من شالك المرسول
وانت بصفنتك وعيونك منعسه
طولك صار اطول من قزح بسماك
.ومحنيه الزلم وتبايع امقوسه
استحه وجه الغدير وعرك بيه الماي
.من صارت عطاشه وكلها متيبسه
من شالك محمد صاح اباهل بيك.
.دنيه واخره وباچر لحد هسه
اغتاضوا واليدفنه الغيظ مامبخوت
.كلمن ظم ضميمه وكل حقد دسه
وشفتك اكبر من اتبايعك اجلاف
صحراء الحجاز الكرهتك لسه
وشفتك اكبر ابهاي الشهاده اليوم
ولي كل مؤمنه ومؤمن علي امسه
علي بس انت الها وهذا الك تاريخ
وتنگص الگفوف الرادت اتمسه
لان مامش بشر مثلك يدير الكون
ويگود النجوم ويامر ابشمسه[/align]
