كل ماينكع مايك يعاكول ،،، تغوص ازود!!!
وجذرك ويه سطح الماي يشابكن خد وخد !!
--------------------
ابو عمار الربيعي
كل ماينكع مايك يعاكول ،،، تغوص ازود!!!
وجذرك ويه سطح الماي يشابكن خد وخد !!
--------------------
ابو عمار الربيعي
ساعة وهلن دمعتي ( على نهج المجرشة – اللوحة الثانية ) أبو عمار الربيعي
-----------------------------
ساعة وهلن دمعتي واعتب على المن بيها
يكولون دنياك اكبلت ياحي هلا اهلا بيها
****
ساعة وهلن دمعتي وانحر على الدهميه **
واطلع على هور السطيح ، نهير والمجريه
وام الخرز تشهد علي وجبيشه والعانيه*
من انحدرنا ويالنهر والجالي جلب بيها
****
ساعة وهلن دمعتي وانحر على ام الذيب **
واطلع على مريبي الشمس من تغيب
وارض السلوك الغاركه بعطر الطيب
يا هو المثل كلب صبر لمن سمع طاريها
****
ساعة وهلن دمعتي وانحر على جمشة هلي**
والكسرة وعيون المها البيهن دليلي مبتلي
ام ريحة جا وين الوعد مو كلتي انت الاولي
بطلي مواعيد الهزل واوزني العار البيها
****
ساعة وهلن دمعتي وانحر على ام طغار**
واطلع على مغبرة وحفيرة بحجة انا الخطار
بطاط يامعضد ترف بيد البدور الصغار*
محلاك من تجري بغنج للشلفه من ترويها
------------------------
**اسماء اراضي في قلعة صالح
*العانية ::: السفينة الشراعية
*بطاط :::فرع من نهر المجرية
مع تحيات ابو عمار الربيعي
كل ماينكطع مايك يعاكول ،،، تغوص ازود!!!
وجذرك ويه سطح الماي يشابكن خد وخد !!
--------------------
ابو عمار الربيعي
المساجلات الشعرية في الابوذية
-------------------------
اليريد يلوم خله *&* منيلمنه
شكثر سنين ردنه *&* من يلمنه
الجرح عمى ابوزينب *&* منيلمنه
كلنه انصير بلسم للرزيه ...
------------------
ابو علياء السيد سعدون المكصوصي
من يلمنا
اذا ردنا التجافي *&* من يلمنا ( من الملامة )
واذا اتفرق شملنا *&* من يلمنا( جمع الشمل )
ابد ماصحت افن ( أوف ) *&* من يلمنا ( من ألآلم )
اخاف امن الشماته تلوم بيه ...
------------------
ابو عمار الربيعي
من تكلبه
گلبی بلا گلب بعدك *&* منتگلبه
تگلبه وماتجد غيرك *&* من تگلبه
نشاز يصير ثوبک *&* من تگلبه
ونشاز يصير كل غيرك عليه ....
ابو حمزة الخفاجي
****
من تكلبه
كلب الردي اسود *&* منتكلبه
مثل حية ومعفية *&* من تكلبه
كل ثوب يتغير *&* من تكلبه
بس ثوب الحيايا يزيد ضيه .....
ابو عمار الربيعي في 31/ 12 / 2013
------------------------
ولك رديت واشرديت ؛؛
بالماي الندي غصيت ؛؛
احس يطفن عيوني .
اشما الك صديت ؛؛
ضيعت الدرب والبيت ؛؛
ياريت ابد مارديت ؛؛
صحيح انت العدل .
وانه الصفيت الميت !!!!
-----------------
مع تحيات ابو عمار الربيعي
واجرد
يصهل من تلز الخيل *&* واجرد ( سباق )
لاغش كلبك ولاغل *&* واجرد ( قلب ابيض )
مامش شعر فوك الجسم *&* واجرد ( أملس )
مثل صحراء مامش نبت بيه ..
-------------------
مع تحيات ابو عمار الربيعي
حرافيش
اعداي من ارذل الوادم *&* حرافيش ( الجافي الغليظ )
مكدرين وعلى الباطل *&* حرافيش ( القوي المتهيأ للشر)
زحفت ازحوف اعرفنك*&* حرافيش ( ألأفاعي )
تلدغ تفترس مامش خطيه ..
-------------------
مع تحيات ابو عمار
الى الغالية هيلة
-------------------
نص حاي
نص ميت يهيلة الجسم *&* نص حاي
سكرنا بالهوى ومابعد *&* نص حاي
نصحته ومايفيده أبد *&* نص حاي
جفاني وشمت الغمان البيه .....
-------------------
مع تحيات ابو عمار الربيعي
ابو ذيات قلعاوية و مجراوية
------------------
وانحال
وهن عظمي وتردى الجسم *&* وانحال
لآن حبل الموادد يبس *&* وانحال
انت بحال اخس كل حال *&* وانحال
مثل حال الموسد للمنية
****
وندماي
الحبيب الجان الى سلوة *&* وند ماي
راح وحسرتي بصدري *&* وندماي
اصحابي اتخضب بحنة *&* وندماي
خضابي الصار من جفني لديه
وهدناي
****
مسني الضر وهد حيلي *&* وهدناي
كتله اشتمر عن ابعد *&* وهدناي
ربي لاتكلني لحد *&* وهدناي
روحي التحتضر علتي الخفية
****
وجن
يهيلة اعضاي من الشوك *&* وجن
حسافة سنيني كلها المضت *&* وجن
ضاعن بين دس الانس *&* وجن
صرت سكران كل صبح ومسية
****
وشال
عليكم حتى دمع العين *&* وشال
ويوم الطحت انه الحمل *&* وشال
انت الضعن واسرى بحال *&* وشال
بهدوة ليل ماودع خويه
****
ونامن
اريد اتوسد ذراعك *&* ونامن
وروحي من القهر تبرد *&* ونامن
من هجرك نسيتي اسمي *&* ونامن
من رحمة على ابيك ردني ليه
_______________
مع تحيات ابو عمار الربيعي في 17 / 2 / 2014م