 |
-
 جبار رشيد
[align=center]هذه قصيده اخرى من ديوان الشاعر جبار رشيد
الذي يحمل اسم ( صوت الشمس)[/align][poem=font="Simplified Arabic,7,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نذرنالك
ايام البعد جبناهه صفنــــات
بيــــن آمالنه
وحيرة امرنه
تجي لوما تجي كَضينه الأيام
وصرنه وياهو يدري
شلون صرنه؟!!
صبرنه متاع صار وبعدك بعيد
وتجوع ايامنه
وتآكل صبرنه ..
شبعد يالماتمر مو كافي الغياب
وصار اهواي ننتظرك تمرنه …
ونذرنالك تجي وندعيلك اتعود
وعمت سجينه
وشيب نذرنــــه
وعلى غيرك جذب ماترهم الروح
*****
ومن غيرك يسد حاجة نظرنــه
يبن الناس غيرك…
ماكو موضوع…
وهلبت بالجذب شخصك ذكرنه
* * * *
نسولف بيك…
لآخر لحظه بالليل
وترد من الصبح تشغل فكرنـــه
******
ياتالي الأيــــــام
يلعب اصبانه ياشيبة كبرنـــــــه
اشكَد كَبلك مشو
ما سلًوا الروح
ولابغيابهم كســــــرو ظهرنـــه
*****
منين انجيب مثلك
حتى ننساك!!
ومنو المثلك يعوضك لوخسرنه
*****
الشبه كل اربعين ..
احجايه تنكَال
واذا واحد يصح جان انتظرنه
البعد نيران كبره…
ايبخر الدموع
وبس ايزود يتبخر بصرنـــــه
تعال الجرح..
جن ومارضه يهيد!!
وحجينه وياه ماينفع عذرنـــــه
******
يشكَ روحه اعله
طوله وينكت جروح …
* * * *
وكضينه اخيوطنه وملت ابرنه
شوكت يندكَ علينه
ويضحك الباب…
ويترس بيتنه وصوتك يسرنه
وترد انته ويجن
الراحن وياك…
وتجيبه وياك يا لماخذ عمرنه[/poem]
-
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بسم الله الرحمن الرحيم
السلام عليكم ورحمة الله وبركاته
جميل تسلم يا مبدع تمتعنا بما تنقل لنا
مشكور يا غالي[/poem]
-
جبار رشيد
يعني ابداع
لكن عفوا المشترك هو جبار رشيد بذاته
-
مشكــــــــــــــــــــــــــــــــــــورين
حبيبي محمد الشاوي
شكرا على تواصلك ومرورك الطيب
علي الحمزه
حبيبي اهلا بيك ومنور الصفحه
تحياتي لك
انا المشترك
النور
والقصائد هي للشاعر
جبار رشيد
لكم وله كل المحبه والاحترام
النور
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
