منقول من الرابط
http://www.akhbaar.org/wesima_articl...607-70293.html

الاسوة الحسنه

استقالة خمسة وزراء من الحكومة البريطانيه خلال ثلاثة ايام .. ناس اولاد حلال ويعرفون الله من صدك , صحيح يشربون ويسكي ويروحون ديسكو وملاهي ليليه وماكو شغله من مباهج الحياة الا ويسووها.. واصلا مايعرفون القبله وين صايره ولا يروحون للحج ولا يخمسون ولا يزكون ولا يصلون ولا يصومون .. بس ماياكلون حرام ومايعرفون يكذبون , لمن شافوا ارواحهم غير جديرين بالمسؤليه استقالوا وعافوا الحكومه كموقف أخلاقي منهم وليس كإلتزام قانوني , لأن عدهم أخلاق.. اما ربعنا بالرغم من ان كلهم حجاج ويوميه يصلون صلاة الصبح من غبشة الله , ويكولون احنه نخمس ونزكي فلازكين لزكة جونسون من تلزك بالظهر.
عمي تره انتم حراميه وماعدكم أخلاق , ميفيد عمي اربع سنين ماقدمتوا شئ غير الفضايح وخليتوا الوادم تضحك علينه . مايفيد , احنه مانريد حجاج ولا نريد ناس تصلي وتصوم , نريد ناس عدها احساس وأخلاق حتى نشغلهم عد هذا الشعب المسكين الذي انهكه التعب عدهم احساس وأخلاق مثل الانكليز , وراح نظل ندور لمن نلكي , اكيد اكو , بس اللوكيه مايخلوهم , تره عجيبه مو.

عمكم عبد علي