اضحك مع النكات وانسى الهموم

[الكافي]

السلام عليكم اخوتي واخواتي في المنتدى
لابد ان يضحك المرء ولو قليل لينسى الهموم التي يعيشها في العراق

زوجة كالت لزوجها صارلك ساعتين دتقرأ بعقد زواجنا متكولي شدتدور ... كللهة دا ادور تاريخ انتهاء العقد
-=-=-=-=-=-=-=-==-=-=-=-=-=-=-=-=-=-=-=-=-=
فد يوم واحد وهابي طب لمنتدى شيعي كلهم اني اسمي عمر بس يدلعوني علاوي
-=-=-=-=-=-=-=-==-=-=-=-=-=-=-=-=-=-=-=-=-==-=
دليمي ديحجي بالسياسه يكول همزين امريكا اتهمت طالبان ما اتهمت المدرسة كلها
-=-=-=-=-=-=-=-==-=-=-=-=-=-=-=-=-=-=-=-=-=
فد يوم محشش اشترة عصفور شافة يوصوص خلالة دهن
-=-=-=-=-=-=-=-==-=-=-=-=-=-=-=-=-=-=-=-=-=
فد واحد كلهه المرته : لج انتي مخبله شلون تمشطين شعر الجلبه بمشطي ؟؟
جاوبته مرته لتخاف حبيبي غسلت المشط قبل مامشط للجلبه
-=-=-=-=-=-=-=-==-=-=-=-=-=-=-=-=-=-=-=-=-=
محشش لوتي يقول لجماعته : مره نتلتني الكهرباء فطلعت صورتي بالفاتورة
-=-=-=-=-=-=-=-==-=-=-=-=-=-=-=-=-=-=-=-=-=
فاكهة عراقية تبدأ بحرف العين تزرع في يوم واحد وتنبت في يوم واحد وتقطف في يوم واحد فما هي ؟!! الجواب ...... عبوة ناسفة
-=-=-=-=-=-=-=-==-=-=-=-=-=-=-=-=-=-=-=-=-==-=
من اقوال الدكتورعدنان الدليمي من صام عشرة ايام من رمضان بقى له عشرين يوماً
-=-=-=-=-=-=-=-==-=-=-=-=-=-=-=-=-=-=-=-=-==-=
مصلاوي عزم صديقه على تشريب لحم...باوع صديقه عالاكل وسأل قال اشو الاكل بلا لحم؟ رد المصلاوي ليش شاي الوزة بيه وزة؟
-=-=-=-=-=-=-=-==-=-=-=-=-=-=-=-=-=-=-=-=-==-=
الكتور عدنان الدليمي سأل الامريكان كاللهم شوكت تطلعون كلوله 1/1 كاللهم ليش مو كلكم سوية
-=-=-=-=-=-=-=-==-=-=-=-=-=-=-=-=-=-=-=-=-==-=
فد واحد وهابي اكل قطعة ماجي اتخربط راح للطبيب كله :شماكل ؟كله جكليت ام الديج
-=-=-=-=-=-=-=-==-=-=-=-=-=-=-=-=-=-=-=-=-==-=

[babil]

وهابيبالع شريط مال كبسله وصعد المنبر وكام يشخبط .
من رجع الى بيت قال له ابنه:- صلاح الدين ضرب القدس نووي عبرناها .
مال ابو جهل كام يلعب ويه ريال مدريد وعبرناها ..
بس مال ابو لهب اشتره بلال الحبشي وباعه الى برشلونه بخمس ملايين هاي مصايره.

-----
كردي ديمقراطي طب لمحل موبايلات كاله كاكا شنو اقوى موبايل؟كله سني اركسن,,كله زين اعلى صوت؟كله هم السني اركسن- كله واحلى شكل؟ كله احلى شي السني اركسن.. طلع الكردي الديمقراطي ضايج فشاف صديقه كله شبيك كاكا ؟ كله ولله كاكا العراق خرب حتى الموبايلات صارت طائفيه اتصور موبايلات بس سني اركسن ماكو شيعي اركسن.
------------
دليمي شاف لافته على جسر مكتوب عليها (تم بناء هذا الجسر بعد ان شمر العراقيون عن سواعد هم ) فالدليمي كال شنو بس الشمر والسواعد يشتغلون لعد إحنا طراطير فجان يكتب جوه اللافتة تره الدليم ما قصرو.
سمعوا عائلة " آل " قالو احنا رح نبني جسر من جثث شهدائنا...!!
-------------
مصلاوي راسه وجعه شد البراسيتوله بخيط وبلعها من صار زين جر الحبل وطلعها

شيخ جامع محشش وجعه راسه.. أخذ حبايه أسبرين ومالگه ماي.. تيمم

واحد محشش منع زوجته من زيارة اهلها يخاف علة نفسة من انفلونزا الطيور,كلتلة زوجتة: بس اهلي ما عندهم لا بط ولا دجاج ولا طيور, جاوبهة: بس امج بومة

محششين ثنين قلدوا سيارة النجده.. واحد يصيح: ويو وييو وييو.. والثاني يصيح: أحمر أزرگ...أحمر أزرگ

حشاش عطس ... صاحبه گح.. گلله ليش تغير الموضوع؟

شيخ جامع دخل على جماعه يحششون.. گاللهم: حرام عليكم.. گالوله كلهم: وعليكم الحرام ورحمة الله شيخنا.

محشش يسوق سياره ..وگفه شرطي المرور گال له إجازتك؟..گلله: أي حشيش؟

محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟

محشش عوّز .. دز إبنه يجيب عوازه.. أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه هنانه براس الشارع

محشش راح للمطار يستقبل أبوه باس الجنطه وشال أبوه

حشاش سأل أبو المخضر:عندك فاصوليه خضره؟ گال :لا والله خلصت گال: لعد شظل عندك يالون؟

حشاش ضرب صديقه راشدي، گال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه

محشش دخل محل گال لأبو المحل:عندك جگاير روثمن؟ گال له :لا.. راح للمحل اللي بصفـّه گال له: زين وإنته؟

محشش يسوق تكسي .. أشّرت له بنيه ..وگف گال : وين تروحين؟ گالت: للشورجه گاللها: اوكي بس لتتأخرين

محشش رجع للبيت متأخر ..مرته فتحتله الباب.. ضربها وگاللها وين ليهسه متأخره بت النعال؟

محشش كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن؟.. گيمر؟

محشش سأل مرته : عندچ طماطه وبصل وبتيته ودجاج ؟ گالت : اي عندي , گال: لعد سويلنه كيك

واحد محشش اتصل على ناس گال : هذا بيت سعد؟ قالوا لا .. .قال لهم : لعد ليش تردون

حشاش گال لبو التكسي: توديني وين؟ وادفعلك شگد؟.. أبو التكسي هم محشش.. گال له أنزل هنا وإدفع شگد ما يعجبك
مع تحياتي الي جميع الحلوين والحلوات ولاتنسون ردودكم

محشش سألوه: بيش الساعه؟ گال:هاه؟ كالوله: بيش الساعه؟ گال: آها

محشش گال للبگال: عندك جگاير كنت؟؟؟ گلله نعم.. گال: آني همينه

محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس

محشش خابر الشرطة، گاللهم: انباگ الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي

محشش راد يتعرف على بنية كال الها اقدملج نفسي تلعب

محشش راد يصجم بنية كال حليب ماكو بالسوق هالكيمر منين؟ البنية جاوبته جلد ماكو بالسوق هالقندرة منين؟

محشش يحجي ويه نفسه : ضفدع بالماعون لأ . تمساح بالبانيو هم لأ .. سلحفات بالسطل لأ . أحسن شيئ اخابر على الدكتور واساله : دكتور شنوكتلي مرضي ؟ كال سرطان بالحوض

محشش طلعله جن باليل مجان حافظ شي من القرأن غناله طلع البدر علينا

واحد محشش كال للبصفه هم محشش: ادنه دا اكعد جاوبه ذاك كله :ادنه تحت اقدام الامهات

محشش اشترى لامه عصفوورين واحد بس يغرد والثاني ساکت گلتله ليش ساکت هذا گلها هذا الملحن .

محشش راح لابو صيدلية كله عندك شريط فلو اوت كله اي، كله حطة خلي نسمعه

محشش اتصل ببوش وكله: احب ان ابلغك انو قررنا اعلان الحرب على امريكا ! رد بوش: ممكن أعرف انتو منو؟ المحشش: وانا واصدقائي أبوزلف وأبوعبدو وأبولبن وكل الحشاشة بالكهوة، يعني8 رجال تقريبا!!
رد بوش بضحكة: بس تعرف انه عندي مليونين جندي تحت امري؟ المحشش: هاي معلومة جديدة تحتاج مشاورات دقيقة مع الشباب، ثاني يوم اتصل المحشش ببوش و قله: بعد مانعلن الحرب على امريكا، رد عليه بوش باستغراب: وشنو السبب؟ المحشش: الصدك غير؟ ماعدنا مكان يوسع مليونين اسير

عشرة محششين ديتشاقون بالرشاشات خمسه ماتو و3 تصوبو بقو ثنين كالو خل نبطل لتصير صدك

محشش بالامن لازم ارهابي وكاعدله دك بالصوندة ويكله: ابن الكلب اعترف, جم مرة مفجر نفسك؟.

واحد حشاش ابوه مات اخذه للمغيسل كله اريدة غسل و كوي


محشش دخل عليه عزرْْْْْأيل قاله انا ملك الموت قاله خرعتني عبالي مغاوير

س : ما هو وجه الشبه بين (اللبن) و (الحبانية)؟


ج : نشيل حرف اللام من كلمة ( لبن ) فتصير ( البن )، ومعناها قهوة. واحنا نشرب قهوة بشنو؟؟ بالفنجان. وعبد الحليم الله يرحمة غنى اغنية ( قارئة الفنجان )، وبالعراقي نسمي اللي يقرا فنجان ( فتاح فال )، وقبل كان عدنا حارس مرمى اسمه ( فتاح نصيف )، زين نشيل ( فتاح ) من الجملة، شيبقى عدنا؟؟ كلمة ( نصيف )، واحنا قبل وين كنا نصيف؟؟ (بالحبانية )... اذن (اللبن) = (الحبانية )..

محشش خابر على وزارة الدفاع شالوا التليفون كالوا الدفاع اتفضلوا كلهم انطوني الكولجي "