|
-
منين اجيب( الى احمد عبد الرضا الكرعاوي)
[align=center]منين اجيب( الى احمد عبد الرضا الكرعاوي)
احمد عبد الرضا الكرعاوي، شاب عمره 24سنة، من اهالي المحمودية،خرج من ابيته وذهب الى عمله في بغداد في احد الايام قبل اكثر سنة ولم يعد لحد الان
كتبت هذه الكلمات له و لكل عراقي خرج من بيته ولم يعد[/align]
[align=center]
منين اجيب
زرعت ايدي على كلبي
خضرت جابتلي ايد
ووشلت دمع العيون
وهسة هي تكلي اريد
وين طولت بغيابك
هلال ما بينله عيد
صار اكثر من سنة
وما بدر أي شي جديد
شابكة عيوني الصور
ونسخة صارت بالوريد
والكلب صبح رماد
شتريد احجيلك و ازيد
عيون امك عالدرب
تنتظر منك بريد
عادة العدة لزواجك
عازمة الدنيا على عيد
وروح ابوك معلعلة
فصلت واهس حديد
زحمة كلش بين اخوتك
يكول هيستك وحيد
وآية وية دموع امها
تسولف وتحجي وتريد
خالو ما بين علينه
هو ماما شكد بعيد
وانا متعلم عليه
لا يغرك بالسويد
القهر من يوم يومي
هو يصقل واني اعيد
القلم ما طاع امري
وياك انت شكد عنيد
يكلي طول بالك اصبر
وما رضى يطلع قصيد
خاف يذبحني المطلع
من اسجلنك شهيد
وتنكلب ضدي القصيدة
وهم اريد النو ب ايد
ايد تمسح و ايد تكتب
وكلب ما ضل للوريد
كلي يا باب انا ادكة
وكلهة صارت ابو زيد
ريته اصلا ما غزة
وريته ماجانة البعيد
كلي وين انت علبالي
وما نسيت وما اريد
انت ميت بالسجن
لو صرت يا احمد شهيد
حتى اسويلك عزة
لو اسويلك نشيد
لو اسويلك نشيد
جواد الفراتي
21/3/2008[/align]
-
شكد جميله الصداقه الحره النقيه الي نحرمنه منه بهاي الايام
تقبل مروري اخي العزيز
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|