[CENTER][CENTER]
تدري ليش
********
حچو ثلثينهم بالدين **** والمنكر طغى أعلى الزين **** ولابيهم الگالو ليش
تدري ليش**---**---** تريد تعيش
ربعنه التحچي لهجتنه **** نهر غيرتهم الطافح **** نشف مايه وصاير گيش
تدري ليش**--**--** ناس تريد بس تعيش
الناس تگول خوش أخبار **** راح يصير عدنه أعمار **** وصرنه نأمّن من الجار **** والخطّار نفرح بيه ويقوى أنشالله الدينار
وتالي الجار بيه الشر**** والخطّار يتأمّر**** وضل دينارنه مدمّر
وماكو أعمار بس تفليش ***** تدري ليش
يطعنونه بلب أحشاه **** تجيه تتألم أنته وياه **** يگلّك ماكو شي بالريش **** تدري ليش **** يمكن لو يطيب يعيش
العاده رفعة الذرعان عند الفوز**** مو كل ساع رافعهن لهذا وذاك للتفتيش
تدري ليش**--**--** ولامرّه يگلهم ليش
شنهو الخللا صاحبنه**** زمانه الفات كله أفرار**** يدور واسطه اعلى الجيش
تدري ليش**--**--** يريد يعيش
يطب للسوگ غصبن خوب **** مابيه يشتري المطلوب**** بس يگدر يگول أبّيش
تدري ليش**--**--** یگلك خلنه بس نعيش
بس الرادو يموتون ماماتو**** واللي مات من عدهم **** يموت ويوصل الدفّان
يتحايه ويرد يعيش
كافي الليش**** گول يعيش**** ألف مرّه أگول يعيش
وادمنه تضل عدله**** واللي مات من عدهم**** يتحايه ويرد يعيش[/center
]أبو ماجد الزيادي
[/CENTER
]