ليش تروح؟؟؟

[منازار]

[align=center]ليش تروح؟؟؟
مو بعدك حلم بالعين يتشاقه وينبض الروح
وسنينك...هوى حديثات ..ومحجر عشك وسطوح
ليش تروح؟؟؟؟
سكته بلادمع يغسل وجهه تعبان??
لاترسم خريطه لجدمي لاعنوان؟؟
ياخذنى لنبع روحك واهز شباجك بحزني
واكلك ليش هسه تروح؟؟؟
ليش اتروح؟
وتعوف القلب بجفاك من تحت العرك مذبوح
وتخلي الورد مهظون وبنص الربيع ينوح
وتموت الشواطي وتحزن النهران
ويعزل فرحنه ويصرخ الوجدان
ليش تروح؟؟؟؟؟
مو تدري الحزن طوفان غرك كل حراثي الكون
وجفوفك سفينة نوح؟؟؟
يل شايل بقليك كل عذاب الكون..
.ياغيمه ومطرها جروح
ليش تروح؟؟؟؟
موكتلي انرد ونضيع بين الناس؟؟
ويخضر دمعنه بنص وطنه اجراس
تتناغه ويه ضحك الكاع
واصوات اللعب تحت النخل والياس؟؟
موكتلي تريد تموت بالبصره؟؟؟؟
* * * * *
بعدنه اهنا
نحلم بالوطن والناس
وانت تسافر لوحدك قمر مكتول
سلم لي اعله امي وياك
وبوس اطفال قبلك سافروا سكته
بعدها امهم ( حلبجه) اتاني رجعتهم
وصل دمعتي للماتوا من الجوع
سلم لي اعله روحي وياك
ابوزيدون الوائلي [/align]

[هناء العراق]

والله حزنت جدا من هالقصيدة


فعلا دمعت عيني

[مصطفى ناجي]

بعدني ابجي على ام شامات ولا ظل واحد ابدنياك طيب ذات