(يمكن ) باسم البدري
طالت سككتتك لاتحبس الصوت راح اهواي منك بيمن اتعوضه
فوضه بكل كتر منك يبو النهرين على طولك الموت وعرضك الفوضه
سد الباب منك علي طبو بيك ليغرك شكلهم باجر وترضه
اكمه وابرص واعمه الضماير بيك اخذ بخت المسيح وشافي المرضه
شافو حصتك رادوا عرش بلقيس هدهد من اجو واتحولو ارضه
وماتت جم قصيده بحلك اليحبون وتفجر جم طفل يقرالك ابومضه
شيمكن ياوطن باجر يريد ايصير حتى انكول يمكن جفنك اتغمضه
يمكن بالوطن باجر وطن يبنون وخيط الامن يمكن باجر انكضه
ويمكن عذراء ترجع من صدك بغداد واشوف النهضه ردت تبني بالنهضه
ويمكن كل طفل يرسم ورد واشجار مايرسم ارهابي ايفجر الروضه
ويمكن ياوطن يرجع بسمنه البيت وشعبي من الاحتلك يستحل ارضه
ويمكن ياوطن واليمكن اعتقلوه ويمكن ياوطن امريكه ماترضه
ويمكن من اديك اتضيع الفرصه بحيث الشعب يبقه ايدور الكرصه
مشاهد فوك ارضك صوراها الجوع بيا مشهد تخوف تنتهي القصه
ولان شفت الكصص مابيها كطره خير وزعنه كصص من دخلت الحصه
واكو ماعنده كصه احتار يطلع بيش واتوسل ابجاره ودايناه كصه
جبت كل العمر شعره بخلك مجنون والعاقل يرخي شمايجر نصه
من النص يكضهه العصا جفك كون من تكض طرفها اتيه العصه
خلصنه من امس شيريد باجر جاي باجر من يجينه ارواحنه مخلصه
وبالك ياوطنه تصالح وترضه وتمد ايدك بايد الخان امس ارضه
لتضوكه زبد ماجان امس فلاح شيعرف من لبنه وايد التخضه