مجموعــــــــــــــــه ابوذيــــــــــــــــــــات لعيونكــــــــــــــــــــــم

[عباس الركابي]

[align=center]بلاداي
ــــــــــــ
جريح الوطـــــــــــــــن ينزف ـــــــ بلاداي
وجثير اجيوش هالــــــــطبت ـــــــ بلاداي
اقاتل لو صرت عـــــــــــــاجز ـــــــ بلاداي
مثل عبـــــــــــــــــــــاس بارض الغاضريه


ترابي
ــــــــــ
عزيز الوطن واعشــــــــگ ـــــــ ترابي
وتضل عالبلد عينــــــــــي ـــــــ ترابي
العراق اسرار واهـــــــوايه ـــــــ ترابي
رجال ابطـــــــــــــــال من نفس الهويه


بالسوگ
ــــــــــــ
شفت ولفي وخزرني الصبح ــــ بالسوگ
عنيد وما يجــــــــــي وياي ــــ بالسوگ
رفع ثوبه وشفت شامـــــات ــــ بالسوگ
دعيت امن الله فد ليلــــــــــــــــــه سويه



گابلاني

الوكت عمدا يدنيـــــــــه ـــــــــ گابلاني
بسلاسل حتى من جدمي ــــــــ گابلاني
چنت فرحان ومكـــــــيف ــــــــ گابلاني
الفرح واهل الفرح شحو عليــــــــــــــــه



ولك حيل
ـــــــــــــ
الوكت ياخوي طگ ضهري ـــــــ ولك حيل
ونشدني وگال متعافــــي ـــــــ والك حيل
اخبرك لا تزيـــــــــــــر الشد ـــــــ ولك حيل
تراهن خزنن جفيــــــــــــــــــــــــــــن اديه



وبرداني
ـــــــــــ
زماني بياختــــــــــي امچلب ـــــــ وبرداني
وبردني بخنجرهمـــــــــــومه ـــــــ وبرداني
اگضي اشتــــــاي بس ارجف ـــــــ وبرداني
ولامزنة شمــــــــــس طلعـــــــــــــــــت عليه



محله
ـــــــــــــ
اخويه الي عگــــــــــــــــــد حزني ـــــــــ محله
عزيز وبلگــــــــــــــــــــــــــلب ثابت ــــــــ محله
الوكت بالخـــــــــــــــــــــــير للطيب ـــــــ محله
حله للــــــــــــــــــي سعــــــــــــه ابشر واذيه




حلاك
ــــــــــ
سبحان من صــــــــــــورك ياترف ــــــــ حلاك
جميل ويصعب بالوصـــــــــــــــف ــــــــ حلاك
اتمنه انه مگص باطــــــــــــــراف ــــــــ حلاك
اكص شعرك واســـــــــــــــــــــــــوي الابوذيه




وحله
ـــــــ
حبيبي لاتكص شـــــعرك ، وحله
والله ابحسنك اتمـــــعن ، وحله
البصره وديالى والموصل ، وحله
هذني وانته وعيونك هــــــــويه



بسله
ـــــــ
حبيبي ورمه الكلـــــبي ، بسله
ودمعي مانـــــزل لحد ، بسله
هاك اخذ العنب وانطــي ، بسله
كل حبه من عندك هــــــــــــديه



هداني
ــــــــ
الف شكرا على ربــــــي ، هداني
عليل او وكتي من هجرك ، هداني
حبيبي ما مره الـي ورده ، هداني
والقفل هلمره يصــــــــــــعب عليه



دلالاي
ــــــــ
حبيبي وياك مايــــــــنفع ، دلالاي
مرت اجلاي لا تســـــــحك ، دلالاي
عجيبه اشلـــــــــون تيهته ، دلالاي
اختلف مسراه مدري اليانـــــــــويه

عله امي
ـــــــــــــــ
بجيت وراحت اعيوني ــــ عله امي
وحزين وطاح يحبيبه ــــ علمي
وحك الراحن اجفوفه ــــ على مي
يضل حزنج ابكـــــــــــــلبي للمنيه


وجدي
ـــــــــ
اريد احلف قسم بامي ــــ وجدي
لعيش العــــمر صادك ــــ وجدي
ابعون الله ممد ايدي ــــ وجدي
وطـلب عون من حاقد علــــــــيه


وفالك
ــــــــــــــــــ
حبيبي منهو البكدي وفـــــــــالك
وعلي ليش ارفعت حربه وفــــالك
انه ارضه فال الله وفــــــــالك
يهد حيلي ويشك هدم العليـــــــــــه


وراحل
ــــــــــــ
يكل احساب مايصعب وراحــــــل
وخلاني الوكت اركض وراحــــــل
لمن شافني امخلص وراحــــــل
اعتذر مني وكعد يبجي عليـــــــــه

بسهم
ــــــــــــــ

يدنيه الما حصل ويـاج بســــــــهم
العواذل صوبوني اهواي بســـــهم
حبيبي ارجوك كوم اوياي بســـهم

نمد افراشنه ونكعد سويـــــــــــــه

ولابت
ـــــــــــ
تلوج الروح من هجــــــــــرك ــــــ ولابت
وتكطع مابقه ابگلبـــــــــــي ـــــــ ولابت
اخبرك لاسكــــــــن عندي ـــــــ ولابت
عيونك والحواجب سكــــــــــــــــــن ليه[/align]

[align=center]
تحيات عباس الركابي[/align]

[aw7dy]

مشكور يا عباس الركابي على هذه البوذيات الرائعة والله يعطيك العافية

[حفيدة اهل البيت]

[align=center]
محله
ـــــــــــــ
اخويه الي عگــــــــــــــــــد حزني ـــــــــ محله
عزيز وبلگــــــــــــــــــــــــــلب ثابت ــــــــ محله
الوكت بالخـــــــــــــــــــــــير للطيب ـــــــ محله
حله للــــــــــــــــــي سعــــــــــــه ابشر واذيه



بارك الله فيك وجزاك الله خيرا اخينا عباس الركابي

تقبل فائق الاحترام[/align]

[منازار]

[align=center]تسلم اخ عباس على الدارميات واسمح لنا باقتباسها.


جميعها جميلة وهذه اجملها


ترابي
ــــــــــ
عزيز الوطن واعشــــــــگ ـــــــ ترابي
وتضل عالبلد عينــــــــــي ـــــــ ترابي
العراق اسرار واهـــــــوايه ـــــــ ترابي
رجال ابطـــــــــــــــال من نفس الهويه[/align]

[عباس الركابي]

[align=center]شكرا لكم لمروركم هنا واقول لمنازار الاخت الفاضله ان كل ما اكتب هنا هو ملككم
وانا خادم لكم ولشبكة العراق الثقافيه تقبلو تحياتي عباس الركابي[/align]

[salam]

عباس الابوذيات حلوات - المعاني
وخلاني اكتب اليوم و - المع اني
انا ما يوم كاتب شعر - اله معاني
لجن شعرك خلاني اغرد