الابوذيـــــــــــة
الابوذيــــــــة
بهواك الكلب يمدلل تمر مر
وتمنيتك ولو مره تمر مر
نخلنه هواي لو رايد تمر مر
سلال ملكطة محضر هدية
*****************
ما راد الكلب غيرك ولك راد
نهيته من العشك كلبي ولك راد
عربنه ما حوت حسنك ولك راد
دخيلك لا تشح وصلك علية
*********************
الك هالروح ياما طروش عنت
ولا فد يوم عن طرواك عنت
اتمنه اجي والكاك عنت
واشوفك يا سبب هم العلية
*********************
يل الهجرك سحن روحي وسلهه
وناشدهه شجره عليهه وسلهه
لجلك بالع العيطة وسلهه
وما احمل بعد منك اذية
*********************
غزينة احنه الشعر محد غزلنه
ولذيذ ويسحر السامع غزلنه
شحده البلشعر يغزل غزلنه
نرسمهه الصور بالابجدية
********************
شوكت من الحقد كلبك تعله
وعليه الدوني يا وكتي تعله
لون حالف على كلبي تعله
بينلي سبب هاي الاذية
********************
الشاعر
محمد العيساوي