المساجلة الشعرية في الأبوذية

**ناصر الصدر** · 12-02-2006, 09:34

الى الاخ علي الخطاط هذا البيت ردا عليه ..
ذبحت البط علي يا خوي وديج
ولحالة ترك ياصاح ودج
يروحي بطلي للعافوج ودج
فلاونزا الطيور العشك بية // اي ان حبي قاتل ومعدي كا افلوانزا الطيور
اعذنا الله واياكم وجميع امة محمد من هذا المرض الخبيث

**علي السعدي المسيباوي** · 12-02-2006, 10:59

عاشت ايدك حبيبي الاخ ناصر الصدر وارجو منك المزيد لكي نكتب حول موضوع واحد يحكي عن مظلومية الشعب العراقي وانتظر مني الرد

تحياتي

علي الخطاط

**علي السعدي المسيباوي** · 12-02-2006, 11:25

كلنا يعلم من سبب هذه الامراض ومن سبب مخترع هذا المرض ابعد الله عنكم ايها المسلمون شر هذا المرض واحببت ان اكتب هذا

الابوذيه الى الاخ ناصر الصدر خاصة والى الاخوه المشاركين عامة وانتظر الرد

لا تذبح البط ياصــــــــــاح / منديج
وجابوا ها المرض لعراق / منديج (مندج )
اكولن للقيطه بكلــــــــــــــمة/ منديج ( ما اناديج)

تجاره وكفر والحاد واذيه

تحياتي للجميع انتظر الرد

**الحركاني** · 12-02-2006, 15:55

المشاركة الأصلية كتبت بواسطة ناصر الصدر

الى الاخ علي الخطاط هذا البيت ردا عليه ..
ذبحت البط علي يا خوي وديج
ولحالة ترك ياصاح ودج
يروحي بطلي للعافوج ودج
فلاونزا الطيور العشك بية // اي ان حبي قاتل ومعدي كا افلوانزا الطيور
اعذنا الله واياكم وجميع امة محمد من هذا المرض الخبيث

سنابك جنحي ها ياروح ودج
ترد تطلع انوب اردود ودج
عراقي وما يهمني الطبر ودج
وجرحي اشماغمك ينزف حميه
الحركاني

**الحر المصطفى** · 15-02-2006, 19:15

يسم الله الرحمن الرحيم
انا لله وانا اليه راجعون
تنعى عائله الحر الناصري لوفاه الحر الناصري اثر حادث مؤسف بتاريخ 23\11\2005 ارجو من الاخوه الشعراء كتابت بعض الابيات الشعريه وانا اخو الشاعر الحر الناصري

**الحر المصطفى** · 15-02-2006, 19:16

يسم الله الرحمن الرحيم
انا لله وانا اليه راجعون
تنعى عائله الحر الناصري لوفاه الحر الناصري اثر حادث مؤسف بتاريخ 23\11\2005 ارجو من الاخوه الشعراء كتابت بعض الابيات الشعريه وانا اخو الشاعر الحر الناصري

**الحر المصطفى** · 17-02-2006, 17:53

سوف اكتب بيت ابو ذيه مع دارمي لشاعر السيد كريم خلف الناصري

وحك الحاء ثم السين والين
مرن انه اصير وياك والين
تبيع الناس بالدولار والين
وانه بكاغد ابيع اشلون بيه

طير وجنح مكسور ومهلس الريش
وتريده هذا اطير مثل الخفافيش

**ناصر الصدر** · 18-02-2006, 10:39

حول فلاونزا الطيور
بيتي ديج ما عوعة ولا صاح
بعد والبيض مايذكر ولا صاح
ذبحتهن هالخبر خطأ ولا صح
حرامات الدجاجة تعم علية //حرامات دجاجة تقتلني

**عبد العزيز** · 26-02-2006, 16:16

ضعنهم يشعب الدلال لو زم
ومن يداوي الجرح بعدهم لو زم
ترى عين الحي تشوف الحي لازم
وعين الميت غاشيها التراب.......
ارجو ان تقدروا هذه الابوذية وشكراً[B]

**nono** · 02-03-2006, 09:10

السلام عليكم

**عبد العزيز** · 19-03-2006, 17:34

بسم الله الرحمن الرحيم
الحمدلله والصلاة والسلام على رسول الله وعلى آله الطيبين الطاهرين
السلام عليكم ورحمة الله وبركاته
شكراً لكم على هذا المقال
هامات فك العلو وكت السقوط اسقطت
واخلاق بعض الربع مدري اشبلاها اسقطت
يا ريت ام النذل بأول حملها اسقطت
من جان قطعة لحم ومن الشهور اربعه

**علي السعدي المسيباوي** · 24-03-2006, 15:48

هذه الابو ذيه الى الشاعر حمزه سلمان المسيباوي وليس لي ( يهديه ) الى كل الموالين لاهل بيت النبوه عليهم السلام

كضينه من الهظم والوّن علانه
وبسمنه الحرب متسجل علانه
اظهر غيبتك طالت عــــلانه

خلّص كل صبرنه بعد وانتاه
تدري اشكد حزين اثكلت وانتاه
علينه جارو الظلام وانتـــــــــاه

غايب ماعرفنه اشوكت راياك
يالصبرك حلات الطعم راياك
ترفرف يمهدينه اشوكت راياك

نشوفنهه بجوار الكمر صفت
انصارك شبيه الجيش صفت
بس انته لعد والدك صفت

غيرك محد من اهله ظلاله
اظهر عالكفر واهل الظلاله
متى نورك علينه ايشع ظلاله

حتى انشد حزمنه وياك وانهاب
ونعلم كل رذيل الباك وانهاب
يبو صالح الشخصك نكف وانهاب

بس نهجك لعد العدل هدنه
جبناهه حرب مايوم هدنه
ما مش حيل غم الوكت هدنه

لاجن مافكدنه الامل والراج
وماهمنه وحيف القصف والراج
قليل الي اخذه السيل والـــــــــراج

البعض منهم رجع والبعض مارد
بس دربك عدل كل عوج مارد
حبك يضل طول العمر مارد

بس انته التخلص الناس منظم
يل جيشك لعد الكفر منظم
المن يا ذخير الحسن منظم

علينه اجمعت كله ودارت
هوايه ادموعنه ذرفت ودارت
انته تعرف الغايه ودارت

ما حاجه نخبرك ماجرنه
كعدنه ايجار للي ما جرنه
عدا دمع المثكله ما جرنه

هذا وما خفاك الصار بالحال
تره ضاكت علينه اشلون بالحال
تاهت والحرامي انخبط بالحال

يالمهدي بظهورك تصفه هيه
يالمهدي بظهورك تصفه هيه

نسألكم الدعاء اخوتي اللّهم صل على محمد وال ومحمد وعجل فرجهم والعن عدوهم تحياتي وتحيات كاتب هذا الابو ذيه الزنجيل الاخ الشاعر
حمزه سلمان المسيباوي

**ميثاق الهلالي** · 25-03-2006, 10:12

جميل جدا ياحمزة المسيباوي هذا الزنجيل

شكرا لك اخي

وسلامي للاخ الشاعر المبدع

علي الخطاط

شكرا على نقل الزنجيل هنا اخي الكريم

سلامي لك

وللاخ حمزه المسيباوي

ميثاق

**ميثاق الهلالي** · 25-03-2006, 10:15

الدهر يبجيلكم ساعه مهدلاه

وعليكم تلطم الدنيه مهدلاه

السبط جبريل جان يهز مهدلاه

حسافه الهزته ارماح ال اميه

ميثاق الهلالي[B]

**AL7USSINE** · 30-03-2006, 01:30

[align=center]السلام عليكم

ابوذيه حال الامهات

تمر بينه اليالي امعسره وتعسر

نطكَهن ننهظ ولا نظل نتعسر

ربينه الزغارجروح صل تسعر

تجازون ابملح على جرح بعده اخظر

مناف

الحسيني[/align]

الموضوع: المساجلة الشعرية في الأبوذية

أدوات الموضوع

عاشت ايدك

الى ناصر الصدر اخونا المخلص

فلاونزا الطيور

الرد على الارهابيين العملاء

ابو ذيه زنجيل

ضوابط المشاركة