 |
-
 گام الصدر
[align=center]هذه القصيدة هي رؤيا رأتها أحدى الأخوات المؤمنات في منامها وأحببت أن أنقلها على شكل قصيدة مربعة .. أرجو أن تنال رضا السيد الشهيد الصدر المقدس (قدس) والسيد مقتدى الصدر حرسه الله بحرسه ورضاكم أخوتي .....
المستهل
گام الصدر من مرقده ... للجمعة راح لمقتده
********************************
(1)
للكوفة متعني الصدر ... من گبره أسفر چن فجر
بدمه ورصاص أهل الغدر ... وإتعنه لبنه أيسانده
گام الصدر من مرقده
(2)
لمن وصل يم كوفته ... لن الجموع أتلگته
ناده اليصلي بجمعته ... للمهدي يبني القاعده
گام الصدر من مرقده
(3)
شاف الصدر إبنه أعتله ... منبر جمعته وصد إله
إعبرهه يبني المرحله ... ولتهمك أفواه العده
گام الصدر من مرقده
(4)
گبلك شفت من حاربوا ... وي الظلم ضدي غدوا
متگلي شنهو الحصلوا ... من حربي گوم الحاقده
گام الصدر من مرقده
(5)
گام ونفض چفنه ورحل ... من كوفته لصوب الأهل
والمرتضى لمن وصل ... گام وتلگه والده
گام الصدر من مرقده
(6)
ناده وعلى الوجنة الدمع ... لأم مصطفى أرد أستمع
گالتله گلبي المنفجع ... عگبك ولالحظة هده
گام الصدر من مرقده
(7)
لن الصدر ذب خطوته ... راح ورجع يم تربته
وعينه أعله أبنه بكوفته ... وصه الرعية الراشده
گام الصدر من مرقده
(8)
أوصيكم بخير الخلف ... ضد الظلم وحده وگف
وجيش الإمام ألكم شرف ... وللمهدي كل أحنه فده
گام الصدر من مرقده[/align]
-
الأخ الشاعر الحسيني خضير المسيباوي
حشرك الله مع محمد الصدر يارب كلمات حلوة جداً
مع تحياتي
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
