ذيل الركوك

[علي السعدي المسيباوي]

[align=center]قصيدة للشاعر كاظم ال جابر السماوي


ذيل الركًوكً


طكً ظهرها وكًوم شدلها الدروًكً

خلها تهذب لوفلت زنجليها


لايكظها المردم العالي ويعوًك


والجبل ينهد ولايعصيلها


سرج المذّهَّب للمذهَّب يلوكً


خله عود ابرهه ايطب ابفيلها


وكت المطارد حله وشب السبوكً


خلها تجبل بالصهيل وخيلها


نكًطع اچفوف اليمد ايده ويبوكً


والخبيثه من الاعروكً انشيلها


يخاف من عدنه السبع وكت النروكً


والهوارف تفر من نوميلها


صح تنشكًنه الصبر وكت النشوكً


لاچن بكل راس يصفر ويلها


نعرف الطبو واجو واهل العكًوكً


والنفض زيكًه وبچه اعله اشليلها


البيض يطلع من نفس مچن الضروكً


لاتغرنه اوجوه بيضه وحيلها


لايهش ولاينش ذيل الركًوكً


والعجارب ميته يلدغ ذيلها


نشيلها شما عسرت وكت الطلوكً


والرخت مانكربلها انشيلها


بيدنه العصه وعله التنحر نسوكً


ونكًطع اخشوم العصت ونزيلها

الشاعر

كاظم ال جابر السماوي[/align]