انا الحزن
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بسم الله الرحمن الرحيم السلام عليكم ورحمة الله وبركاته
انا الحزن
اسالك يالعشت وياي حفنه سنين تعرف جوهري المخلوق والمعدن
عشت وياك وانت بعيد مو وياي ماشفتك دفعت همومي من هدن
من بخلن اديك يدفعن البلوات ولك حرك لسانك واسال شيردن
وانت تشوف خواني وي اليهدون وعلى متوني الصخاري تسمع الهن دن
وسنين الگباحه محملات غيوم ماعرفن ايام الصحو وما حسبن
من دم ولحم مخلوقه هالاجساد بس انا طلعت مخلوق مو من ذن
انا مو بشر انا لغز واسرارخليها بتبنها العايشه على الون
ولك تدريني شاطي اندفن من سنين واذا تموت الشواطي السفن مامرن
نحر بيه العطش وسنين مامش ماي بس انا الشربت دموعي من صبن
ضربات الوكت نزلن على اليافوخ چا وين الادين الفزعن وشگفن؟؟
شگفت نص الصخاري ومانخيت الذيل من كثر الصخاري ظلوعي تحنن
واحس ضربات اخوتي الماكله الجنبين وسچاچينهم بظلوعي انحدن
شلون تريد اضحك والرمح بچلاي واحس فالاتهم حدر الظلع شچن
واعض على الجرح واتحمل العطاب واذا صاحن شفافي الاه ينگصن
وحق الخالق الاكوان والافلاك اموت ولا ادي للذيل ينمدن
لو عندك عمر اهل الكهف مرتين ماتگدر تفسر لغزي لو تنجن
لاتتعب حچي اللي طال مابي خير اخذ مني سواده الليل من يحزن
ولك مني الحزن مخلوق من صباي وكل عمره الحزن بهدومي يتردن
انا العلمت حوا تصب دموع لمن مات ابنها بساعة المدفن
وانا الراح اخلي شلون ملك الموت يبچي بساعة جباله عليه صكن
انا الحزن كله ودمعة اليبچون وعيون اليتامى من البچي يعمن
انا چان الحزن بالدنيا عشر اعشارتسع اعشار عندي والعشر يكفن
واذا دمع البشر ينزل يصير امطار انا دجله وفرات بدمعي يغرگن
شلت احمول من الظيم ماتنشال كون جبال شالن بس عشر طگن
ايست مل مني الصبر من كثر ماالگاه ونجوم الليالي مابعد يضون
بنادقهم شبح رادوني للصياد وتدري شلون حال الشبح لو يرمن؟
مااگدر اسولف بالگلب بركان شحد اجدامهم لو ينفجر يمشن
اسف چا وين اخوتي من الليالي السود وخواتي بيوم طگني البين ماسمعن؟
مامروا علي بنخوة لو فزعات ولاعدلوا حمولي بساعة الطاحن
شلون تريد اسكت واسمع اليحچون وسنين الفرح راحن علي ماجن
حتى الشامت المابي رحم فد يوم لمن شافني بالظيم گلبه حن
خليني على ظيمي العشته من سنين مافاد الحچي بس سكتتي احسن
ولك عندي وصية بذمة الدفان لاتذكر اسم علگبر لو سئلن
گل الهن حزن اسمه يالمعزيات گولن مات ابو الاحزان من تبچن
مع تحيات عمكم ابو حيدر الشريفي[/poem]
لو دامت لغيرك ماوصلت اليك
رد مع اقتباس
