نكات
واحد راح لللكاظم كله يالكاظم ..جيتك واريد مرادي توكف الي يصير بالعراق ..طلعله صوت من الحضرة * كلة :شسمك؟ كله عمر كله: وين بيتكم؟ كله: بالاعظمية كله: انت مو عليه انت على ابو حنيفة
تعلن شركة عراقنا عن تخفيض في المكالمات.............بين شيعي وشيعي 2 سنت .....بين شيعي وكردي 4 سنت.....بين شيعي وسني يرجى المحاولة في وقت لاحق .......بين سني وسني ..مغلق او خارج منطقة التغطية
موبايل كربلاء من تتصل يطلعلك جاري اللطم واذا محصلت يرد عليك السيد يقولك الرقم الذي طلبته اما ان يكون مغلقا او خارج نطاق الحوزة
موبايل الرمادي من تتصل يطلعلك جاري الذبح واذا محصلت يرد عليك امير ويكلك الشخص الذي طلبته اما ان يكون مذبوحا او خارج منطقة العلس
تصنيف الأفلام الشيعية
عاشور ... رعب المهدي . خيال علمي- المتعة.. اباحي- لطمية أكشن
اكو 3 شيعه كاعدين بنص الليل يدفعون بسياره ويصيحون ياعمر يا ابو بكر سمعهم واحد سني كلهم انتو مو شيعه ليش متصيحون ياعلي كالوله احنه زواج انكعده بنص الليل
الجعفري ويه الدليمي جاي يلعبون دومنه وجان يموت الدوشيش بيد الدليمي جان يكوله الجعفري هاااا كول هم الشيعه كتلوه
ناصريه بالسينما، ماكو غيره وواحد لاخ.. گام گعد وره ذاك وگلله: بلكي شويه تدني راسك اخي.
ناصرية أعمى، تبرعتله مرته بعينهه.. وره العملية گللهه: وفوگاهه عوره؟ گام طلگهها.
ناصريه أبوه مانطاه عيديه ... كتب عالباب: يعيش الزرقاوي.
جريده بالناصرية نشرت صورة واحد يعبّر أعمى الشارع، كتبوا جواهه .. متى تنتهي هذه الظاهرة؟
شيخ جامع من الناصريه قرر يسوي محاضره للعميان عنوانهه: نعمة البصر.
ناصريه صب لأبوه گهوه.. گلله ابوه: شخبار الخباثه؟ گلله: نص الدله ديتول
أمريكي انخطف بالناصريه.. وره فتره هدوه.. سألوا الصحفيين : ممكن تگوللنه إششفت بالأسر ؟ گال: ماگولن.... بكيفي.
ناصريه گل لحرامي علمني البوگ واعلمك النذاله... الحرامي باگ محفظه گدامه گلله شوف شلون ابوگ .. يلله علمني خباثه... الناصريه گام يصيح: حرامي.... حرامي...
ناصرية صوّر الدفن مال ابوه بالفيديو.. كل شويه يراويه لأمه أمه همينه عالعناد كلما تشوف الفلم تگوم تتحمر وترگص.
ناصريه گل لمصلاوي: إش تتمنه؟ گال: يموت أبويه وأورثه؟؟ وإنته؟؟ گال: يندعم أبويه ويموت حته همينه الورث وهمينه الفصل.
ناصريه يوصي ولده: ما أوصيكم بالخباثه ويلادي ...الخباثه الخباثه.. ثم الخباثه. گالوله: ولايهمك... لمن مات ذبوا جثته بالزباله.
تلاثه من الناصريه رادوا يبوگون بنك، فقسموهه بيناتهم: واحد يبوگ و واحد يراقب ........ وواحد يروح يبلغ الشرطة.
ناصريه فتح مدرسه للخباثه.. لما كمل عدد الطلاب سدهه .
ناصريه شاف واحد يحترگ .. إنتظر شويه وراح طفاه.. گال: حته يعيش مشوه.
ناصريه... طرده أبوه من البيت... كتب عالباب: مقر حزب الدعوه الرئيسي.
ناصريه ببرنامج طلبات الاغاني گال: وأهديها الى صديقي بمناسبة وفاة والدته
ناصريه عينوه مدير شرطه غير رقم النجده من 111 الى 940984356743653429860
حرامي من الناصريه طب لبيت يبوگ مالگه شي..خابر رقم بأمريكا وخله السماعه مرفوعه للصبح.
ناصريه إشتغل مدير دار الأيتام..گاللهم راح أسوي أجتماع مجلس الآباء
ناصريه سوه حفلة زواج.. وزع بطاقات بيهه الجمره الخبيثه.
ناصريه فتح شركة بيبسي كتب عالبطل: رج القنينه جيداً قبل الاستعمال.
ناصريه أتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گل له نايم.
واحد أمّه من الناصرية اخذ دبة الغاز يعبيها گاللها : إدعي لي يمّه، گالت : الله يفتحها بوجهك وليدي.
ناصريه اشتغل بالدفاع المدني گام عبا خزانات الاطفاء بانزين بدال الماي .
ناصريه أفرار عايش بغير مدينة تبرع لجيرانه بدم ... اليوم الثاني گام ذاك بلغ عليه .
ناصريه دخل بالشته يبوگ فد بيت ، ما لگه شئ بس لگه عجوز أمگرمه وبردانه ومتلحفه باللحاف.. گام فتح المكيف على أعلى درجه وطلع .
ناصرية يرجم الشيطان وهو متلثم سألوه الناس ليش؟؟ گاللهم: يمكن أحتاجه فد يوم
ناصريه لگه حراميه يتقاسمون گال انطوني حصه وما ابلغ عنكم هالإسبوع.
واحد ناصريه سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على اغنية الحياة حلوة.
واحد ناصرية سمع أكو مجاعة بأفريقيه ، گام دگ رقم لاعلى التعيين بالصومال، وتدريع وسد السماعة .
مصلاوي راح للناصرية... گاموا وين مايشوفوه يمزگون فلوس گدامه.
ناصرية إسمه رزق الله.... صار عنده ولد سماه گاطع.
ناصريه ديموت.. بآخر نفس ويوصي ولده بالخباثة... أخير شي راد يتشاهد، گام الزغير سد حلگه.
ناصريه شاف واحد يصيح: راح أغرگ الحگلي يمعود ... گاله: أخي هذا يومك وهذي إرادة رب العالمين... تعذرني
ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل
قاضي بالناصرية حكم على أحول يلظم أبر خياط مؤبد.
فقير جوعان گال لواحد ناصريه أنطيني أي شي آكله جزاك الله خير.. گام إنطاه فاتح شهية
مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق طفر موانع
ناصرية واگف بالباص شاف وحدة موحلوه ضحكلهه هي هم كيفت وضحكتله، غمزلهه غمزتله.. گاللهه بالمنطقة الجاية إنزلي.. نزلت گعد بمكانهه
بعثي شاف وحدة سودانية دترضع ابنها كال هنياللك اشرب كابتشينو
ناصرية عنده سرطان كال لابنه اذا متت كول جان عندي ايدز ، علمود امك محد يتزوجهه
مره صدام و الوزراء كاعدين وصدام ديخطب فدخل عصفور للقاعه فصدام ظاج و طلع مسدسه وكال عندي بالمسدس 3 طلقات اذا ممات بيه العصفور اقتلكم كلكم فضرب اول طلقه مجتي بالعصفور ....كلهم بالوا بلبسانهم ...ضرب ثاني طلقه مجتي بالعصفور .....كلهم سووهه جواهم .....ضرب ثالث طلقه
همين مجتي بالعصفور.....فكلهم صاحوا بصوت واحد ......:سبحان الله ميت و يطير
صدام راح جهنم وشاف ستالين و هتلر وكعدو يتذكرون ايام حكمهم ستالين كال اني دمرت شعوب هتلر كال اني حركت شعوب صدام انطالهم ورقة لمن قروها خافو وكالو خاف الله يابن صبحة
مرة صدام صاعد بالطيارة كال للحماية والوزراء الصاعدين وياه راح اشمر (10) آلاف افرح بيهه واحد من الشعب . عزت الدوري اقترح عليه كله صرفهه خمستين واشمرهن وفرح بيهن اثنين كال خوش فكرة رد عليه واحد من الوزراء كله سيدي صرفهن على (1000) وفرح بيهن عشرة كال هم خوش فكرة .آخر شي كله محافظ الناصرية سيدي ليش ما تشمر روحك وتفرح كل الشعب؟
يوم صدام حسين دخل على جلسة البرلمان فكل الاعضاء انهزموا ما عدا محمد بحر العلوم ما كّدر ينهزم لأن جلبت العباية مالته بالبرغي مال الكرسي فاقترب منه صدام وكّاله: عجل يابا انته بحر العلوم؟ جاوبة:لا سيدي اني نهر القائد
[/align]
رد مع اقتباس
