المساجلة الشعرية في الأبوذية

[الحركاني]

عفه كلبي اشكثر يحمل من الهم
او بيادر صارت همومي من الهم
ردت واحد انا اشكيله من الهم
يطيب خاطري ويحن عليه

انه الماهمن ابروحي ونه الهم
ويدك حمظل صبر وكتي ونه الهم
بعد مااشكي الامي ونه الهم
وموت ما امد الهم اديه

[الشذر]

السلام عليكم ورحمة الله وبركاته

في البدايه اشكر جميع المشاركين والمشاركات وبالاخص الاخت (منازار)على هذا الكلام العطر واهديكم هذه الابيات الجميله

كلبي الكربلا يا خوي عبره
ايتعلم من ابو السجاد عبره
البيت المصطفى مطلوب عبره

خمس عبرة عليل الغاظريه

[AL7USSINE]

يحسين الك هل روح والعين تربه
وسيله النبي وتمنه اندفن بل تربه
مثل دفنت فاطمه وحسين يتربه
ادفنون بكربلاء وكاع ابن الزجيه
مناف الحسيني

[ناصر الصدر]

اهدي ليكم هذا البيت من اخ عزيز بأسم ناضم العلي وهو خارج القطر رد على الاخ الهلالي

عليه هموم منهه الجبل ينهار
شحيح الماي وانا بعطش ينهار
عليه النذل صار وصبح ينهار
وانا لوذ بسكوتي شلون بيه

[AL7USSINE]

زين انت تكول اشلون بيه
انا ونين اون من يعثر عليه
حال زينب
ونين اليل يا زينب صدك بســـــــماع
على حسين وجسمه لو صدره الترعرع

[ناصر الصدر]

احسنت ياخي العزيز فلا احد يقيس مصيبته بمصيبة زينب (ع)
ولكن ياخي العزيز كان يجب عليك مراعاة الوزن في ما كتبت

والى جميع الاخوة هذا البيت من الابو ذية

هذا البيت هو لشاعر من مدينتي العزيزة يدعى شيخ داود رحمه الله

اليالي حيل ريجي مررنة
ولهن كل يوم دنة مرة رنة
الشامت علي عمدا مررنة
يشوفنة الجرة والصار بية

[ناصر الصدر]

وهذا البيت مني مجاراة للبيت نفسه

الليالي حيل كلبي مردنة
ولهن كل يوم رنة مرة دنة
كل صاحب علية مردنة
وهجرني كل صديج وخل الية

[ام عباس]

السلام عليكم
اخوتي الكرام
هذا ابو ذية عن الامام العباس عليه السلام

الحمل لو مال غيرك من يشيله
ويظل بعدك يبو فاضل من يشيله
جرح فكدك صعب شله من يشيله
وجنت انت الدوة يبن حامي الحمية

[الحركاني]

رائع يا ام عباس
ماجورة

يلاهي نار وسط احشاي طفلاي
بدي ونكطع نحرة ابسهم طفلاي
عهد معهود من النبي طف لاي
وظل مذبوح برض الغاضريه
نسئلكم الدهاء

[سيد محسن الشطري]

السلام عليكم جميعا.
الاخت منازار هل من الممكن الدخول في مساجله شعريه في الزهيري مع تمنياتي لكم بالتوفيق.

[ام عباس]

السلام عليكم

روحي من الحزن يحسين يارت
وعيني من المصاب اشكثر يارت
نبض لحدك تصير الروح ياريت
ولاشوفك ذبيح اعلة الوطية

[الحركاني]

السلام عليكم

روحي من الحزن يحسين يارت
وعيني من المصاب اشكثر يارت
نبض لحدك تصير الروح ياريت
ولاشوفك ذبيح اعلة الوطية

ام عباس ماجورة

بدم حسين دين الله تعله
وعله روس العده راسه تعله
مصيبت كربله الميت تعله
ويونلهه الصخر ونه خفيه

نسئلكم الدعاء

[عامر صباح المرزوك]

جسمي ما يظل بجفاك عامر
وانة حبي الك من قيس عامر
الج بسمك اظل انخاك عامر
ولا ساعة يحن كلبك عليه
اخوك زيد الشاعر

[علي السعدي المسيباوي]

طلع من البشر عابس وشـــــــــــــــــــــــــــــــــــــمله
يفوح المسج من عنده وشــــــــــــــــــــــــــــــــــــمله
حب حسين اصبحله وشـــــــــــــــــــــــــــــــــــــمله

اجه يقاتل جيوش وال اميه

هذا البيت الابو ذيه الى بحر العشق الالهي الذي قال جنني حب الحسين (ع) تحياتي الى خدام الحسين عليه السلام اخوكم علي الخطاط

[علي السعدي المسيباوي]

الى كل الاخوه الشعراء اهدي هذا البيت الابو ذيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

شوك البيه مو لـــــــــــــــــــــــــحد ترهلاك
دخيلك لا تكاطعني تره ترهـــــــــــــــلاك
اذا ميمر على عيوني ترهـــــــــــــــــــلاك

فلاونزا الطيور ايصير بيه

تحياتي للاخوه الشعراء انتظر الرد