المساجلة الشعرية في الأبوذية

[الحسيني]

[align=center]

وعليكم السلام ورحمة الله وبركاته ..


والحسان ... وحگ المصطفى وشبل حيدر والحسان ..
رَبعي أنكرو كل طيبي والحسان.........
بطل ياگلب ريض من الحسان ..........
تره الطيبة أتجازيه الردية ...


تحياتي[/align]

[الحسيني]

[align=center] (( الأبوذيات ))

تراث يحتضنه الضياع , لنحييه معاً ..
هذه نبذة مختصرة وجدتها في أحدى صفحات ألأنترنت ..

الأبوذيات..

أحد أنواع الشعر النبطي يتميز بتكونه من أربعة أشطر تسمّى البيت. الثلاث الأولى تنتهي بلفظ واحد أو متقارب جداً ويكون كل واحد من هذه الأسطر الثلاثة يحتوي على معنى مختلف عن الآخر والشطر الرابع لا بدّ أن ينتهي بكلمة نهايتها ( يّة ) ويسمّى الرباط ولا بدّ للفظ المشترك في الأشطر الثلاث أن يكون في كلّ شطر يعطي معنى غير الشطرين الآخرين وبذلك يكون لفظ واحد بثلاث معاني. وأول من قال ونظم شعر الآبوذيه هم أهالي منطقة سوق الشيوخ في العراق ولديهم باع طويل في نظمه بالإضافه الى باقي أنواع الشعر النبطي.وتتميز الأبوذيه أنّه ينظّم في الأحزان والفراق ولذا أخذ أسمه منها (أبو الأذية) وشاعت الأبوذيه بهذه الصيغه نتيجة اللهجة العاميه للمنطقه. ومن أشهر روّاد هذا الفن في البحرين هو الملا إبراهيم المسموم الدرازي يرحمه الله وبعده تلميذه الشاعر الملا عطيّة الجمري يرحمه الله وللأسف لا توجد لدي أبوذيات الملا إيراهيم المسموم ولكن أبوذيات الملا عطية موجودة في ديوان (الجمرات الوديّة)

واختلفت الأبوذيات باختلاف الأقاليم والثقافات والعادات والتقاليد متأثرةً بأجواء البلد وبطريقة الإلقاء والنظم للشعر الشعبي ومن أشهرها.

- الحياوي نسبة الى مدينة الحي

- الشطراوي نسبة الى مدينة الشطرة

- المجراوي نسبة الى منطقة المجرة

- الصنداقي نسبة الى منطقة المصندق

- البحراني نسبة الى منطقة البحرين

- القزويني نسبة الى السادة آل قزوين

- الطريحي نسبة الى آل الطريحي النجفية

- الغافلي نسبة الى أسرة آل غافل

- السويطي نسبة الى عشيرة السويطات

- الحليوي نسبة الى عشيرة أبوحليو الغجرية

- الأميري نسبة الى ما مدح به أمير ربيعة

- العراكي نسبة الى عشيرة العراكات

- الجادري نسبة الى الملا جادر

- الزايري نسبة الى الحاج زاير

- الطويرجاوي نسبة الى عبدالأمير الطويرجاوي

- المشمومي نسبة الى الأخوين سعود و محمد المشموم

- العياش نسبة الى محمد العياش

- الحميدي نسبة الى الشيخ حميد المحتصر

- المحبوب نسبة الى محبوب العبد

- الجبهاني نسبة الى جبهان الركابي

- العنيسي نسبة الى ملا عنيسي البصراوي

- النوري نسبة الى سيد محمد النوري

- الصبي نسبة الى طائفة الصبي

- اللامي نسبة الى نغم اللامي

- المنصوري نسبة الى مقام منصورى على نغم الصبا

- الدشت نسبة الى مقام الدشت على نغم الحسيني

- الحويزي نسبةالى مقام الحويزاوي

- الملاحي و السفاني نسبةالى مهنة الملاحة و السفانة

- الملائي نسبة الى الملالي و المقرئين

- النواعي أو النعي نسبة الى الندابة

وهنا سأورد بعض الأمثلة التي من شأنها أن تسهل على الأخوة الأعضاء معرفة الأبوذية.

مثال 1:-

إلك مسكن وسط قلبي و لك دار ... تزيحنْ كل مُصيباتي و لكدار
أخِــذْ وجـهي إلك لـــما إلك دار ... زمانــي وجه بالهـــم والأذية

ملاحظة
1- لك دار : بمعنى لكَ دار أي بيت.
2- لكـــدار : بمعنى الهموم والأحزان.
3- إلك دار: بمعنى إليكَ أدارَ .

مثال 2:-

دروبي بيك إزدانت دروبي ... دروا بي الناس لو هُم ما دروا بي
دروبي قول للمايه دروبي ... ولا تــقـــول أبتــعــد عـــنك شـــويّة


ملاحظة:-

1- دروبي:- بمعنى الدرب أي الطريق
2- دروا بي:- بمعنى الدراية أو المعرفة
3- دروبي:- بمعنى الرواب أي أصبحي روباً.

وهكذا.[/align]

[عباس علي الشمري]

بسم الله الرحمن الرحيم بارك الله فيك يااختي الكريمه على هذا الباب والذي يدل على اصالتك العراقيه ولك مني هذه الابيات

عمر ماعدل العوجه وردهه
وعلينا للشمس اشر وردهه
حسن وحسين للجنه وردهه
وحديقتهم الزهره الزجيه

[منازار]

[align=center]ألف شكر أخي الحسيني لإثراءنا بمعلوماتك القيمة

أهلا وسهلا أخي الشمري عاشت ايديك



تهاني من الگلب لهلي وناســي

تراها اليوم تحچي لك وناســى

صُبَح بسرور كل ذاچر وناسـي

يصلي اعلى النبي خير البريــة[/align]

[الحر الموسوي]

مسيت العافيه يسمر تمساك
وعونه اللي بوجناتك تمساك
لون نيران البكلبي تمساك
أعتقد جاه مانمت ليله هنيه

عليكم منشغل فكري وبالي
وعله اللي سبب لروحي وبالي
صرت مثل الخشب يابس وبالي
حته النار ماتنشد عليه

شوكت تمر يمحبوبي وناراك
وعفه كلبي حمل ناره وناراك
اذا انته ذبل عودك اناراك
عليل اشفه اذا مريت بيه

[محب الحسين]

[align=center]تحياتي لكم جميعا

بـحـدايــق قــلـبــي بـــس أزرع وردهــــم
وتــربــي الــــروح مــن أوصــل وردهــم
واعــــــوف الــمــاتـــوالاهـــــم واردهــــم
وأظــل أمــشــي بــضــعــنـهـم لـلــمـنــيـة

عـقـلــي بـغــيــــرهـــم لا والـلـه مــاهـــام
ويـروي رويـحـتـي ويـحـيـهـــا مــاهـــــام
وآنــا بــغــيــرهـــم يــحــبـــابــي مــاهــام
بــذكــرهــم أفـــرح وأنــســـه الـلـي بــيـَّـه

عـشـقـكـم يـالـحـبـايــب بـــــيــدي لامـــات
وبـصـدري زرعــتـــه زرعـــــه لامــــات
شـمـا تـحــجـي الـنـواصـب مـهـمـا لامـات
تــهـــون أحــبـــابـــي بـيـكــم كـــل أذيـــه

دلـيـلـي بــنــار حــبــكـم مـشـتـعــل شــاب
ولـنـكـم ســكــن قــلـــبــي أبــد مــا شـــاب
إبــن عــشــره وابــن ســبـعـيــن أو شـاب
كــلــهـــا ألــكــم إجــت هـــذي الـمــسـيــه[/align]

[الحر الناصري]

مسيت العافيه يسمر تمساك
وعونه اللي بوجناتك تمساك
لون نيران البكلبي تمساك
أعتقد جاه مانمت ليله هنيه

عليكم منشغل فكري وبالي
وعله اللي سبب لروحي وبالي
صرت مثل الخشب يابس وبالي
حته النار ماتنشد عليه

شوكت تمر يمحبوبي وناراك
وعفه كلبي حمل ناره وناراك
اذا انته ذبل عودك اناراك
عليل اشفه اذا مريت بيه

صرح الحب بنيته وسطك انه
وياهو الوشوش بذاني وسطك انه
تكلي وينك انته وسطك انه
تدور بالنبض تعثر عليه

[دجلة الخير]

السلام عليكم

[align=center]بدرب مسدود ومتيه محـله

ادموعي جم ذنب قلبك محله

بعد طير بضباب ابدا محـله

ولا اظن بعد نتلاكه سـويه[/align]

[محب امير المؤمنين]

تحياتي لجميع الاخوه ولمحبي الابوذيه واليكم هذين البيتين

[align=center]طحنه بناس لامذهب ولا دين

اوقرضه ماحصل منهم ولا دين

يحسبون البغل منا وله دين

يحلبونه ويسوونه رثيه

--------------------

الدهر معلن علي كل يوم ثاره

محا ثاري عساه انمحت ثاره

شلك عندي يادهر الشوم ثاره

تصاحبني وتراوحني برزيه[/align]

[منازار]

السلام عليكم

[align=center]بدرب مسدود ومتيه محـله

ادموعي جم ذنب قلبك محله

بعد طير بضباب ابدا محـله

ولا اظن بعد نتلاكه سـويه[/align]

[align=center]مشيت وشوكم عتني وردني
ومسحت الدمع بجفوني وردني
اذا مكتوب من عدكم وردني
مثل ميت ترد الروح بيه[/align]

[حنين]

السلام عليكم ورحمة الله وبركاته
من بعد غيبة اسمحوا لي بهذه المشاركة المنقولة
***

ابنار الهجر يامهجه دموعاي --

على مصابي السمه يمطر دموعاي --

اشما هلن يدندوشه دموعاي --

حسناتج تبدل بالف سيه --

[منازار]

السلام عليكم ورحمة الله وبركاته
من بعد غيبة اسمحوا لي بهذه المشاركة المنقولة
***

ابنار الهجر يامهجه دموعاي --

على مصابي السمه يمطر دموعاي --

اشما هلن يدندوشه دموعاي --

حسناتج تبدل بالف سيه --

يا هلا باللي جانا نورتي الابوذية ولا تحرمينا من طلتج مرة ثانية :)




انـا بللـي كــتــب مـولاي مـومـن
اله فـدوه تـروح الـروح مومن
بـقـلـبـي اطنان من فرقاك مومن
اريـد ك يا وليفي اتـحـن عـلـيـه

[منازار]

تحياتي لجميع الاخوه ولمحبي الابوذيه واليكم هذين البيتين

[align=center]

الدهر معلن علي كل يوم ثاره

محا ثاري عساه انمحت ثاره

شلك عندي يادهر الشوم ثاره

تصاحبني وتراوحني برزيه[/align]

[align=center]
الدهر بهروش گلبي سنين ماطل

و مره على الگلب بالفرح ما طل

طويل الصبر بس وياك ما طال

امد حبله ويرد مگطوع اليه[/align]

[aw7dy]

موضوع جميل وحبيت المشارك

يشرفني أخــــو أصبح وصاحب

يامن سـاند في كل شدة وصاحب

يا ربي بجاه من للعصر صاحب

تخلي هالأخـــــــــوة دائمــــــية

اخوكم جعفري

[موج البحر]

يا ابو الحسنين
مرقدك جم قلب من شيعتك هامله
والمثلك شلون تنطر يا علي هامة له
وها الليله العيون لمصابك دمه هامله
غيرك المهموم من يجلي بعد هامله

يا من باسمك نجى حين انتخى نوح
وسيفك تولى العدى بكل المعارك نوح
خل تنصب الرافضة لفقدك يا حيدر نوح

يامن تجلي للمهموم هامة
ابن ملجم شلون السيف هامة
وطبر منك يا داح الباب هامة
وسفك دمك يا حماي الحمية