تظن انساك وانته الروح واسلاك سبب مايوم مني انقطع وسلاك أعيش آنه عقب فرقاك وسلاك معافي والوشاة أعملوا بيه
من مثلي دمع عيني يهلهه سبب غالب على روحي يهلهه وعلي تحيولكم ميت يهلهه من تبدي ترد الروح اليه
الدمع نهران بخدودي كراهه حبيبي سلب من عيني كراهه ليش امحبتك صارت كراهه اشبده مني وتشمت اعداي بيه
تهت محد من احباب علي شار ينجيني الذي شمسه علي شار حجيت المصلحه طلعت على شار رجيت الغانمه صارت رديه اعذرني والوكت عنك لهاني بعزاك الزاد الي ابدا لهاني تفر من البدن روحي لهاني بسبب ماشالت التابوت هيه ابنار الهجر يامهجه دموعاي على مصابي السمه يمطر دموعاي اشما هلن يدندوشه دموعاي حسناتج تبدل بالف سيه
قسيت اوياك يسمر عمي أنا أوعين الماتشوفك عمي أنا إذا خالك فزع لك عمي أنا تبرى أوضحك الوادم عليه عايش حالي وخالياومختلي اب وشوف اهواي بعيوني وخالي عمي دب علي جمره وخالي جاب امهفته وهفه عليه روحي برشف خدك من عداها احب وصلك وهابك من عداها افراكك يوم احمله ، من عداها ازورك لو تصير احزاب اليه تشوف بعيونك وترها اهمومي وتغيب وتكطع بروحي وترها يرهيك الوكت يسمر وترها وتصير انت ابو الراهي عليه
تهزهز يا كبر وانفض ترابيك وعزيز الروح هالنايم ترابيك اجاني العيد وعيوني ترابيك انهض لاتشمت اعداي بيه
الكلب شاجر على ابن أمه وداوي تضعضع ونهدم ركنه وداوي لا مجروح حتى اكعد وداوي ولا غايب وكول يعود ليه همي من كثر يذبل وراها ونار الكلب ما يخمد وراها كل شده يهل وادم وراها فرج ، والفرج من رب البريه
الابيات للشاعر الكبير عريان السيد خلف ابن الناصرية والكصب والهور
الحر الناصري السلام عليكم الابيات المذكوره اعلاه اكثرها ليست لعريان عزيزي واعرف اصحابها رجائي ان تراجع معلوماتك اخي الفاضل مشير السعيدي
شاعر غريب في غربته
عراقي من الجنوب واصلي من ذي قار ******** نهنيه ذي قار اليوم نهنيه *********** الى الاخ ادري بان اغلب الشعر ليس للشاعر الكبير عريان سيد خلف عيب الصاحب الينكر صحابه ولا الهم يحن كلبه صحابه اذا وكت النبي خانو صحابه اكيد بهل الوكت ينكر خويه
يريح السارح بروضي وفالي تعال وشوفلي بختي وفالي ليش اوفي ولاواحد وفلي واسوي الطيب شر يكلب عليه
هخرك يا ولف صاير بلا حد مثل سيف اليكص ركبه وبلا حد تانيتك بلكن ترجع بالاحد اجه الاحد وما مريت بيه
العفو كان المقصود من هحخرك هوه هجرك
همومك يا ولف ما خلن علي حال ومن حزني عليك تعاضمت علي المصايب والاهوال وجانن بذكرك يمرن شكد سهال
اني الي زماني رماني على عداي رميه حيدره لاضربهم لحد ما تميت الكاع وانه ابن حيدره
قوانين المنتدى
رد مع اقتباس