[frame="7 70"][align=center]الحب مولعبه لوحچي السان الحب تضحيه واخلاص وتفاني وانت بحبك دمرت انسان واتضح من فعلك جدا اناني
بكلب الي حبك اشعلت نيران وبحر من الندم ذكرك رماني من يوم العرفتك قفلت بيبان الكلب والفرح لليوم منك مااجاني
واليوم بأذيتي انت فرحان عجيبه اشلون تفرح واني اعاني وانه عمري بحقك ما چنت غلطان صنت ذكرك بكلبي وعلى
الساني بغدرك وبكذبك هدمت بنيان البنينا سوه بالحب والاماني لو ادري المحبتك كلبي ماصان چان ما هم الكلب اشما يعاني
انه النصبتك على الكلب سلطان وهجرت كلمن غيرك حبني وشراني رغم كلبك القاسي لحبي ماصان غمرتك بعطفي وحبي وحناني
وما كلت لحظه اني خسران وانه الخسرت كلشي تره اني واكول الله يسامح الذي خان الي على الوفه بهجره چواني اثاري الحب عندك
بس حچي السان اكيد حچيك هو العماني وانه الي بمحبتك چنت غركان عطشانه وحبك ماراوني ولاخر نفس ما كلت ندمان راعيتك
وكلبك ما رعاني وتكلى بمحبتچ فكري سرحان وبالشدة حبك ماحماني انطيني لمحبتك ولو برهان وانه الي بمحبتك اتغير كياني
زيدت همي وصرت امشي سرحان وحته النوم صد عني وجفاني وبلحظه انهدم حلم الذي كان بالكذب الي مثل ارضه التنخر
بالمباني كالولي ابعدي تره شيطان كلت كلبي الحبه ماغواني انه العمري انكضه ما جرحت انسان ليش اليوم يعذبني زماني
وليش دهري اليوم خلاني حيران وبالحب اتورطت اني شجاني ولو حبنا عليك , عليه ما هان وصورتك عن بالي ماغابت ثواني
اتمنـــــــــــــــــى اشوفك دوم فرحان وبروحي حبيبي افديك اني وياريت بضنوني اني غلطان وبيدي اخلقت اني احزاني وبعد كل الجرالي
عندي ايمان رب الخلقنــــــــــــــــــــــــني ما نســـــــــــــــــــــــاني[/align]
[/frame]