المساجله الشعريه في الدارمي

[مشير السعيدي]

السلام عليكم

للاخت خادمة الزهراء هذا الدارمي

حتى الحلم يحباب هم مني مغتاض
بالغربه مَر جيثوم غثني اومشه اركاض


مشير السعيدي

[خادمة الزهراء]

السلام عليكم

للاخت خادمة الزهراء هذا الدارمي


حتى الحلم يحباب هم مني مغتاض
بالغربه مَر جيثوم غثني اومشه اركاض

مشير السعيدي

وعليكم السلام ورحمة الله وبركاته .
شكراً لكم اخ مشير على هذا الدارمي .. وكنتُ فعلاً في حيره للاجابتي عليه فكتبت هذا الرد عسى أن ينال رضاكم .

[align=center] گلي الجواب شلون ياخويه يمشير ***** وبذني البتين كل التعابير[/align]

أن شاء الله الرد عجبكم لأن انتم الشعراء ونحن القراء لكم أخي الكريم .

[مشير السعيدي]

الاخت خادمة الزهراء

تحياتي

ردكم اروع من ان لو كان رد بحاله واليك هذا الدارمي

ابن امي شامت صار وابن امي نمام
كومته لمن طاح طيحني من كام


اخوكم
مشير السعيدي

[دجلة الخير]

صبحكم الله بالخير
عودة للدارمي

[align=center]ابن امي هو السند وبيه أرفع انا الراس
ابن امي بالكلـفات تشهد له كلها الناس[/align]

[خادمة الزهراء]

الاخت خادمة الزهراء

تحياتي

ردكم اروع من ان لو كان رد بحاله واليك هذا الدارمي

ابن امي شامت صار وابن امي نمام
كومته لمن طاح طيحني من كام


اخوكم
مشير السعيدي

جوابي للأخ مشيرهو .
[align=center]بالك تهيج اجروح خليها سكته ***** والأخو بهل أيام ما يعرف اخته[/align]
بس مو الكل اكو هيج أخوه لحد يزعل علينا .

صبحكم الله بالخير
عودة للدارمي

[align=center]ابن امي هو السند وبيه أرفع انا الراس
ابن امي بالكلـفات تشهد له كلها الناس[/align]

صبحكم الله بالخير والعافية وحياالله من جانا هلا والله عزيزتي ام محمد .

جوابي الج أسمعي أقصد أقري ;)

[align=center]الله يحفظه الج ويبقى السند دوم ***** والأخو كون يصير للكلفه كل يوم[/align]
مع تحياتي للجميع

[راضي الخلف]

السلام عليكم وحياكم الله
للموت اظل وياك لاتزعل وياي**** انت حبيب الروح وابجرحك ادماي
اطبخ وافكر بيك ياحلو العيون****اعله المرق احطن شاي حسبالي معجون
القلب صار ارماد مايحمل اجروح****وجرحك حبيبي اغميج عذبه للروح

[دجلة الخير]

رحم الله والديج خيتي خادمة الزهراء
ربي يحفظ لج كل عزيز

[align=center]
ماعندي غيره اخوان بس هو بالبيت
يحزن على فرقاي ويفرح اذا جيت[/align]

[خادمة الزهراء]

وعليكم السلام اخونا راضي الخلف وحياك الله معنا من جديد .
وصح السانك دارميات حلوه وأحلى مابيهم هو الدارمي الي قلت بيه.

اطبخ وافكر بيك ياحلو العيون****اعله المرق احطن شاي حسبالي معجون

والله كلش حلو وعجبني بس اتعجبت قلت الشاي اسود والمعجون احمر شلون هاي =)
الله ايجمعك بالي اتفكر بيه بحق محمد وال محمد وخلي انشوفكم على طول هنا أخي الكريم .

رحم الله والديج خيتي خادمة الزهراء
ربي يحفظ لج كل عزيز

[align=center]
ماعندي غيره اخوان بس هو بالبيت
يحزن على فرقاي ويفرح اذا جيت[/align]

ويرحم والديج عزيزتي انت أم محمد
الله يحفظه الج من كل العيون ***** ويسئل عنج يظل اليرحون ويجون
يلا كافي بعد تعبت اشوفكم بخير جميعاً . :=

[مشير السعيدي]

السلام عليكم
الاخت خادمة الزهراء والاخت ام محمد

الخوه كون ايصيح كبلي امن اصيحن
بالشده كبلي ايطيح موش امن اطيحن


الخوه صح اشكال كلمن حليبه
بس الرضع وياي جدم نسيبه

الاول لخادمة الزهراء والثاني لام محمد


اخوكم
مشير السعيدي

[دجلة الخير]

حيا الله الاخ مشير السعيدي

[align=center]يندم وحق عيناك الــ ينسـى خيــّه
لو طاح كلها تصير منــّه متبريّــة[/align]

[سانا]

الله يقويكم يا رب و يخليكم لبلدكم ويخلي بلدكم لالكم و عنجد ما اجمل الانتماء و الحب للوطن و انا يا ريتني بعرف اكتب شعر متلكم بس يا خسارة ما بعرف و الله يوفقكم يا رب

[خادمة الزهراء]

يسلموووووووووووووووو ياسانا
كلماتك هي شعر عنجد بحكي مش هيك بتحكو =X: لأن أني عراقية
أهله وسهله فيك معنا شكراً للمرور والتعليق الحلوووووووووووو

[الرسام السحري]

لربما تكون لي أول مشاركة هنا بينكم أخوتي
تحيتي وسلامي واحترامي لكل الأخوة هنا

الخوه كون ايصيح كبلي امن اصيحن
بالشده كبلي ايطيح موش امن اطيحن

صح المثل من كال كلمن وذاته
والعارف بهالدين ماكو بصافته

الخوه صح اشكال كلمن حليبه
بس الرضع وياي جدم نسيبه

ياكاتب الأشعار يا (سعيدي) خلني
قدم صديقه وكال هذا ابن عمي

آسف لركاكة أسلوبي أخوتي
لأنها مجرد محاولات

[راضي الخلف]

السلام عليكم الاخت العزيزة خادمة الزهراء ولجميع الحاضرين حياكم الله وربي يسعدكم
طير ويريد ايطير قلبي اعله جنحين*****هيج القلب ملهوف لزيارة احسين
كون الوكت ينعاد ولصحنك انعود*****نحلف يبو السجاد منعوفك اردود
حبك يبوالسجاد ابقلبي موجود******وروحي اعله صحنك طير تاخذني وتعود
اسمك يبو السجاد يسري ويدمي****وصاير نشيد الروح من صغر سني

[منازار]

حياك الله اخي الرسام السحري دارمياتك جميلة وبدايتك موفقة