النتائج 1 إلى 2 من 2
  1. #1
    تاريخ التسجيل
    Nov 2005
    المشاركات
    3

    {أحنه أخوان} إلى كل القوائم الانتخابيه

    [align=center] نعمة الأ نتخاب وقسمه الأصوات
    والف عفيه على الراضي بقسمته
    احنه اخوان كلنه الطاح والفاز
    فتره يصيرونقيم فترته
    اذا يوكف ويانه نصير بستان
    حري ارواحنه ويحصد ثمرته
    واذاشفنا حشاه ما وفه للكاع
    عهد نطويه طوي ونكلب ورقته
    وحنه نريد واحد يدري لاوين
    يبحر بينه ونعينه برحلته
    منريده مثل كلكامش يصير
    على المامش مشه وردت سفرته
    لتسبه اليفوز وكله مبروك
    وافرح يمه لاتكسر فرحته
    احنه بمعركه وتراد الاخوان
    الاخو من يفزع تشيلك فزعته
    واليداعي بحكم ويكول حصاص
    مثل الجذب وصدك جذبته
    عدل خل يحجي الاعوج عدنه ميصير
    بس مسموح خل يعوج كعدته
    عراقي وكل عراقي بطبعه معروف
    ويه اخوانه يتكاسم لكمته
    واذا مس شعره من راس اخوته الضيم
    جيل لجيل تتوارث وكفته
    احنه نريد كلعباس خوان
    رخص روح من طاحت جربته
    من شافت عيونه حسين عطشان
    الغيره اتعنته وصارت مهرته
    الاهي بجاه كلمن عده الك جاه
    الاهي بجاه من طكو حظرته
    نلتم كون كلنه او واحد انصير
    واحد كالأبو من يصون اسرته
    يفرح من يشوف وليده فرحان
    وكبل لايبجي اخو تنزل دمعته
    وكبل لايبجي اخو تنزل دمعته

    شعر \ ايهاب المالكي \ العراق \ الناصريه[/align]

  2. #2
    تاريخ التسجيل
    Jul 2004
    الدولة
    هناك
    المشاركات
    28,205

    افتراضي

    نعم اخوان للذين قلوبهم على الوطن لا للقوائم للبعثية والحرامية


    سلمت يداك أخي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني