لطمية ( اه يبني )

[ام عباس]

[align=center]السلام عليكم
هذه قصيدة حسينية ( اه يبني )

اه يبني اه يبني جبدي انفطر اه يبني
من لوعتك والنيران
من طيحتك عل التربان
جبدي انفطر اه يبني
---------------
انة امك يبني وتدري
ربيتك من ضي العين
يوليدي ومهدك صدري
وظميتك بين الضلعين
ورويتك دم شرياني
واتفكد نبضك كل حين
من شفتك يبني حيران
بكليبي شبت نيران
جبدي انفطر اه يبني
----------------------
ردتك يوليدي الشيبي
والكبري وحنية ظهري
يابدر منور ليلي
ويابسمة يومي وعمري
وردتك يبني تواسيني
وتمسح دمعاتي التجري
يبني ومن كثر الاحزان
حتى المدمع ضل خلصان
جبدي انفطر اه يبني
-------------------

من بعدك تيهة الراي
وظليت وحيدة بدنياي
دكعد يبني وحاجيني
يامهجة كلبي وعيناي
وصدر امك در يوليدي
يدري بك محتاج الماي
يدري بك يبني عطشان
بالحومة وبين النيران
جبدي انفطر اه يبني
-----------------------------
كل سهم الصابك يبني
جان بكلبي امصوبني
محتارة وتربي عيوني
ومصابك يبني شادهني
ايد امسح دمعات العين
وايد الزم كلبي اليدمي
ماظلي يبني وليان
حيلي انهدم والصيوان
جبدي انفطر اه يبني



نسالكم الدعاء[/align]

[منازار]

[frame="6 80"][align=center]ردتك يوليدي الشيبي
والكبري وحنية ظهري
يابدر منور ليلي
ويابسمة يومي وعمري
وردتك يبني تواسيني
وتمسح دمعاتي التجري[/align][/frame]

[mark=CC3300][align=justify]عظم الله أجوركم أختي ومثابة ان شاء الله[/align][/mark]

[ام عباس]

اللهم صلي على محمد وال محمد
واجوركم ايضا اختي العزيزة منازار وبارك الله بك

[maryam]

alahhhhhhhhhhhhhhhhhhhhhhhhhh
3ashat aidach ya yoma

[ام عباس]

انتي العايشة اختي العزيزة مريم

[AL7USSINE]

عظم الله اجركم ام عباس وبوووووووووووووووركتي اجمل شعر الغزل في اهل البيت ع السلام

موفققققققققين

الحسيني

[الحركاني]

موفقه مولاتي
وعضم الله لك الاجر والثواب
وجعلك من خادمات الزهراء(ع)
وزادك تالقا في خدمة منبر الحسين(ع)

[ام عباس]

اخي مناف الحسيني
بارك الله فيك وعظم لك الاجر في مصاب سيد الشهداء عليه السلام

اخي الكريم الحركاني
بارك الله فيك اخي وجزاك خير الجزاء وجعلنا واياكم من الموالين لاهل البيت عليه السلام ورجاؤنا شفاعتهم يوم الدين

[محب الحسين]

أحسنت أختي ام عباس على هذه اللطميه المؤثره النابعه من القلب

دام لك هذا العطاء ودامت القريحه الحسينية النيرة


ننتظر المزيد من الإبداع

تحياتي

[ام عباس]

احسن الله اليك اخي محب الحسين
جعلنا الله واياكم من الموالين لاهل البيت عليه السلام ورجاؤنا شفاعتهم يوم الدين

[قاسم البغدادي]

[align=center]مشكوره الاخت ام عباس واجرك الله ورقنا وياكم خدمة اهل البيت

ولكن اختي العزيزه كنت اود معرفت اسم الشاعر وجزاك الله خير الجزاء .....[/align]

[ام عباس]

بارك الله بيك اخي قاسم البغدادي وشرفت صفحتي المتواضعة

بالنسبة للقصيدة وكل ماانشره في هذا المنتدى الكريم من خواطر او اشعار او ابوذية فهي من تاليفي المتواضع وشكرا لك مرة اخرى

مع تحياتي
اختك ام عباس

[بسومه الحلوه]

عظم الله اجرك يا اخت ام عباس واثابك الله وبوركت ياريت تتحفينا بالمزيد

[عامر صباح المرزوك]

السلام عليكم
اتمنى لك المزيد من العطاء في خدمة اهل البيت والمزيد من مشاركاتك الحسينية الجميلة التي اتمنى ان اقرأها
فهنيئاً لك يا اختي ام عباس ومشاركات جديدة

[ام عباس]

الاخت بسومة الحلوة
اهلا بيج اختي وشرفتيني وتسلمين على الرد الحلو مثلج

الاخ عامر
تسلم اخي وبارك الله بيك وجزاك خيرا