لطمية حادي الضعن ( بمناسبة اربعينية الحسين عليه السلام )
[align=center]حادي الضعن بله اعليك وديني عدهم
يم كبر اخوتي بكربله نسمع خبرهم
---------------------------------------
اكعد واسولف قصتي لحسين وانحب
واشكيله جور الايام واحجيله واعتب
شفنه المذله باليسر والشتم والسب
خوية الصدة علينه تره للطفل شيب
كل همي شوفة اخوتي ماعندي مطلب
يم الجسوم الطاهرة نتبع اثرهم
------------------------------------
رديت خوية الكربله من اليسر والهم
رحنه يسارة بلاولي والدرب اظلم
فوك السبي وفوك الهظم حيلي تهدم
بعد الخدر بعد الستر فرجة للوادم
بالشام خوية دخلتي لمجلس الظالم
وين الرؤوس الشامخة الجانت تذلهم
-------------------------------------------
جبنه الرؤوس الطاهرة والدمع مسفوح
راسك يخويه عل الرمح من النحر مذبوح
مابين حسرات والم والكلب مجروح
مابين دمعات الحرم المكسورة الروح
كل وحدة كعدت يم كبر واليهه وتنوح
وين البدور النيره بس ظل كبرهم
---------------------------------------------
صد عينه والمدمع يهل ينحب السجاد
تذكر مصايب كربله وطيحة الاجساد
من شاف ابو اليمه انصاب ابسهم الاحقاد
وجسمه توذر داسته اخيول الاوغاد
وعباس عمه عل النهر مكطوع الازناد
والاشد من يوم المشه وابعد ضعنهم
----------------------------------------------
اليوم اجيتك يالولي اشكيلك الحال
اشلون ارجع للوطن مسبيه العيال
لو سالو اعليكم هلي جاوين الرجال
سحجي وشجاوب والدمع من عيني همال
راس الحسين واخوته عل الرمح ينشال
اجساد اخوتي موذره بس ظل ذكرهم
-------------------------------------------
-نسالكم الدعاء
خادمة اهل البيت ام عباس الكناني //[/align]
رد مع اقتباس
