قصيدتي ( الى روح الليث الهصور) الصدر (قد)

[ميثاق الهلالي]

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


بوجهك ياصدر مابين يقظه وطيف = يلتم النهار وتكمل الروعه

واشوفك عالنهر مرسوم جف وسيف = واضح كالشمس مو مسالة خدعه

سبع تيام بالاسبوع بس من جيت = صارتلك السبعه سبعطعش جمعه

يبو الدمعه الغريبه الشعلت التاريخ = دمعه وتشتعل جاشنهي من دمعه !!!!

يبو الكلا الشريفه الهدّمت اصنام = من تصيح كلا الثابت تشلعه

بجفية البسمه تنشف الدمعات = وتطفي الظلام بصرخة الشمعه

الكوفه مفرعه طلعت من وكع كرار = عجيبه ومن طحت هم طلعت مفرعه

وادوخ واتامل خفايا البيك = وياخذني الخجل وتهزني الك رجعه

والكاك العراق الدايخ انه وياه = لو حات ابتسامه مأطره بدمعه

لهسه خدود باطلهم زرك مولاي = كلما يرد مايه بجفك تصفعه

قيافه من الجفن قنّاص من عكاز = وصليات الرصاص شفافك تطلعه

ودبابه المنصه ولو عليها تغير = تسحك عالعله والطايح ترفعه

ودباباتهم ماكدرت تلاويك = خشب دبابتك ماينفهم وضعه

وكالولي طحت واستغربت مولاي = موتدري العراق بعازة الفزعه

وصبّرنه الدمع بس ماكدرنه عليه = غافلنه وركض يم جسمك يودعه

مولاي شكثر بالروح الك شوغات = جن جامه الكلب وافراكك يصدعه

قلعه انت وعلى روس الجبال تلوك = وجذاب اليكلك دفنوا القلعه

جذاب اليكلك دفنوا القلعه[/poem]

[منازار]

|--*¨®¨*--|قلعه انت وعلى روس الجبال تلـوك وجـذاب اليكلـك دفنـوا القلـعـه|--*¨®¨*--|

كم يحتاج العراق الان للشهيدين الصدرين.. ليتهم كانوا موجودين .....لكنها تبقى امنيات

شكرا لكم اخي ميثاق على القصيدة بحق الشهيد الصدر ليث العراق

[ناصر الصدر]

اخي ميثاق ارجو ان تكتب هذه الا بيات على الشبكة الي تكول بيها:
انا عادين كلمن يعادي العراق وبالاخص زمرة امية القاعدة
.................................................. .....................
.................................................. .....................
ارجوك ان تكملها ويجوز تسأل منين عرفتها انا ابن ولايتك

[راضي الموسوي]

موياليتني مستشهد انه اوياك
انه ياليتني طابوكه وبلحدك
يالعشت بزهد من مهدك ولليوم
لاهديته انته ولا رضه ايهدك
عله فرشة حصيرة خوص جنت اتنام
انطبع جلدك عليها وطبعة بجلدك
ومن تسجد يسيد جنت بالمحراب
يامهدي بجبينك يخط دم جدك
وعله اجتاف البشر ملكين ذني شهود
بس انته عليهن ربك امشدك

[ميثاق الهلالي]

سلام عليكم

شكرا لكم اخوتي على الردود الجميلة


وتلبية لطلب اخي العزيز ناصر الصدر

اقول


انه ضد كلمن يضدك ياعراق = وبالاخص احفاد اميه القاعدة

مايهمني الكال عن حبك قديم = لان حب الصدر كلبي يجدده

انه قادم ياوطن وشمايصير = اكطع الروس الخبيثه الحاقدة

من اكول الصدر جن كلت العراق = وترجف الكاع من اكولن مقتدى

ترجف الكاع من اكولن مقتدى


امنياتي

ميثـــــــــــاق

[الشاعر محمدالعيساوي]

رأيت صورة الى السيد الشهيد محمد محمد صادق الصدر قدس سره الشريف وهو جالس وكانت أمامه فانوس نفطي قد كسر القدر شيشته فكانت الصورة معربه وموضحة لزهد السيد في هذه الحياة فقلت

لاله مكسره تضويله عن الليل
حتى بكل ضمير وكل عقل تنبت
ويكضي الصيف وجفوف اديه مهاف
وواحدنه يكضي الصيف عالسبلت



الشاعر
محمد العيساوي

[صرخة الحق]

[align=center]الاخ والشاعر ميثاق الهلالي
دائما انت مبدع في كلماتك الرائعة
وجزاك الله خير جزاء المحسنين

بوركت اخي [/align]

[منازار]

أين أنت يا اخي ميثاق لقد هجرت الشبكة وحرمتنا من قصائدك منذ شهور طويلة

[عباس الركابي]

[align=center]ميثاق الهلالي انت رائع في كل كتاباتك عاشت ايدك وحياك الله تقبل تحياتي عباس الركابي[/align]

[mahde]

لهسه خدود باطلهـم زرك مـولاي كلمـا يـرد مايـه بجفـك تصفعـه
>>>>>>>>>>>>>>>>>>>>>>>>
كلها جميلة ورائعة
هنيئا لك انت الناتج العملي لذلك الشهيد الكبير
ثورتهه تلك صنعت المفكرين والادباء والثوار
دمت رائعا يا ميثاق
د.رحيم الساعدي

[ابو حيدر الفريجي]

قصيدة جميلة

[ابو حيدر الفريجي]

ممكن قصائد جديدة مع الشكر