صفحة 2 من 3 الأولىالأولى 123 الأخيرةالأخيرة
النتائج 16 إلى 30 من 32

الموضوع: نكات حشاشة

  1. #16
    تاريخ التسجيل
    Oct 2006
    الدولة
    عراق ظلم ضحايا البعث
    المشاركات
    1,437

    افتراضي

    وحده تقول لزوجها: ياريتني تزوجت ابليس ولا خذتك
    قال لها: ما يجوز اخو ياخذ اخته

    الزوجه تقول لزوجها : اسلوبك صاير زفت معاي هالأيام
    رد عليها: على طاري الزفت شخبار ابوج ....

    بدوي راح السينما و ماشاف الفيلم .. ليش ؟؟
    قعد يسلم على اللي في الصالة

    ناصرية قالوا له: تريد أبوك يموت وتورثه؟
    قال: لا ودي يندعم ويموت حتى آخذ الديه و أورثه

    محشش يسأل ربيعه : تخيل تقوم الصبح تلقى نفسك ميت!
    قال : والله انتحر


    منتخب الهند يلعبون مباراة ، اعطاهم الحكم ( كورنر ) فتحوا فيه محل سمبوسه

    رواد فضاء هبطوا على القمر جاهم هندي دق الجامه قال : بابا غسل صاروخ؟؟

    محششين مطرت عليهم قاموا يقمزون ليش ؟
    ما يريدون يدوسون على نعمة الله


    ديك قال للدجاجة: انتي شو تستفيدين تجيبين بيض والناس ياكلوه؟
    قالت: والله أنا أحسن من اللي يأذن ولا يصلي


    [align=center]

    الثور والحظيرة
    الثور فر من حضيرة البقر- الثور فر
    فثارت العجول في الحضيرة
    تبكي فرار قائد المسيرة
    وشكلت على الاثر محكمة ومؤتمر
    فقائل قال قضاء وقدر وقائل قال لقد كفر وقائل الى سقر
    وبعضهم امنحوه فرصة اخيرة لعله يعود الى الحضيرة
    وفي ختام المؤتمر تقاسموا مربطه وجمدوا شعيره
    وبعد عام حدثت حادثة مثيرة
    لم يرجع الثور ولكن .. ذهبت وراءه كل الحضيرة..


    للشاعر ابن البصرة احمد مطر
    [/align]

  2. #17
    تاريخ التسجيل
    Oct 2006
    الدولة
    عراق ظلم ضحايا البعث
    المشاركات
    1,437

    افتراضي

    * صارت حادثة بالفلوجة لوري ضرب سيارة تكسي فلمن اجو الشرطة شافوا مجموعة دليم سألوهم اكو احد شاف الحادثة؟
    واحد من الدليم كلهم آني قالوا له اوصفلنه الحادث فرسم دائرةعلى الارض وطلع باكيت سجائر وشخاطة ونزع نعاله وخلاه يمهن وقال لهم: هذا اللوري (الباكيت) اجه بسرعه وضرب التكسي (الشخاطة) قبل ان يوصل للفلكه (الدائرة) فقال له الضابط والله انت توصف بشكل جيد زين هذه النعل شنو فقال آني وأخويه.!!!

    * محشش عزم غبي على دجاجه
    فرد الغبي:- اني اخاف اكل دجاج من انفلونزهالطيور؟؟؟؟؟؟؟؟
    المحشش رد:- لا اتخاف كصينه اجناحاتها؟
    الغبي:- ليش؟
    المحشش:- والله شفناها اتعطس وتمسح خشمها باجناحها

    * مصلاوي ابوه انفشخ وداه للدكتور حته يخيط راسه الدكتور كال الخياط يكلف 25 الف كله شدعوة دكتور قابل جايبلك انا حذاء " ايكو "!!

    * بعد عناء ومشقة توصل احد البرفسورات في علم الفلك انه في سنة 2050 ما يبقى غيرالعرب على كوكب الارض لان هم الوحيدين اللي مراح يصير براسهم خير ويتطورون!!

    * اثنين عراقين فاتو بالموصل واحد كل للثاني هذا اكيد بيت مصلاوين.
    كال الثاني ليش؟؟
    جاوبه الاول مو انا افوت كل يوم واشوفهم غاسلين الكلينكس وناشريه!!

    * معلم سال طالب كال اين تكثر زراعة الكرفس ..جاوب الطالب بل العمارة ..المعلم ليشكال لان يسون هواي خبز العباس

    * فقير جوعان گال لواحد ناصريه أنطيني أي شي آكله جزاك الله خير.. گام إنطاه مشهي!!

    * فد يوم دليمي تمرض اخذو للمستشفى شدولة مغذي إنكتب على كصتة جاري الشحن!!

    * زوج كال لزوجتة الحياة صايرة مثل حديقة الحيوان! كالتلة ليش ؟ كللهة اكوم من النوم مثل الحصان واروح اشتغل مثل الزمال وارجع بالليل الهث مثل الكلب واخرتها انام ويه بقرة أقصد يمج.

    * الاكراد كالو ليش كل النكت على الدليم خلي نعمل شي احسن منهم..
    راحو يصيدون سمج بالصحراء لكو ادليمي يسبح اهناك!!

    * اصلع كلما يشوف المشط يظل يبكي ليش؟ يتذكر ايام الخير.

    * سألو اذكى حشاش بالعالم قالو له شنو العامل المشترك بين السلاح والنسوان قاللهم اثنينهم يقتلون الرجال.

    * الاكراد سووا مظاهرة تضامن مع الفلسطينيين............ لبّسوا واحد منهم " نتن ياهو " وحرگوه.

    * عسكري كردي ديشرح لمام جلال:
    هذا المدفع يضرب من مسافة 40 كيلو.
    فسأله مام جلال: طيب لو كان العدو على مسافة كيلوقال: نرجع 39 كيلو ونضرب؟؟؟

    *واحد رايح للرمادي قبلها بعشرة كيلو لقى ناس يلعبون طائرة سألهم تعرفون بيت فلان؟
    كمز واحد وقال انا اوديك، من وصلوا، قال له هذا بيته بس هو هناك يلعب طائرة.!!!

    * محشش راح للطبيب قال له دكتور يوميه احلم بزازين يلعبون طوبه قال له الدكتور طيب لتنام اليوم..
    قال له ما اقدر اليوم يلعبون على النهائي.!!

    * الناس متنعمه بالجنه حوريات وقصور وانهار من لبن وعسل.
    واكو واحد ناصرية ينقل على كتفه تنكات... صبح وظهر وليل. قال له يابه ماتشوفون هذا المسكين شنو قصته .. لكوه يصب نفط على اهل النار.( خبيث عايف الجنة ورايح يخبث على اهل النار.)

    * اكو واحد كردي جاي من البصرة وديروح لسليمانية وراكب سيارة كيا حكومية بالطريق احترقت السيارة فكل الركاب طفروا من السيارة ظل بس هو قال له واحد ليش متطفر كلة كاكا قابل السيارة مال الخلفوني!!

    * كردي سأل شيخ عشيرته قال له شيخ شلون نعرف البكه فحل لو نثية كله بابا انت يضل غشيم اذا طار هاي فحل واذا طارت هاي نثيه.!!

    * وحدة قالت لزوجها شنو رأيك تذبح خروف بعيد زواجنا الخامس و العشرين؟ كلها شنو ذنب الخروف يدفع ثمن غلطة حمار؟

    * فار يجر اسد ميت شاف .. حيوانات الغابه كلها تصفق له قال لهم : هو اني هيج من اضوج ماارحم.


    * ناصرية يوميا يروح للمقبرة ويبكي سالوه الناس ليش انت تبكي يوميا هنا ..
    قال لان سمعت ان البكاء يؤذي الميت!!

    * دليمي مايعرف لا السياره ولا السياقه فد يوم جائه ورث راح واشترى " روز رايز " توه صاعد بيها وديمشي شغل الراديو جان تكول المذيعه هنا لندن جان ما يكول ايباه ه ه ههاي السرعه.!!

    * محشش سالوه ماهو اقوى حيوان بالعالم؟
    قال النمله قالو له ليش؟
    قال لهم قبل فتره ردت اطلع نمله من سويج الكهرباء بالشيش شالتني ولطتني.!!

    * كردي اجا لبغداد شاف بنية تسرح شعرها بشسوار ....كال ايباااااااااااااااااخ
    بنات بغداد يكتلون الكمل بالمسدس.!!


    * انتخبوا كتلة الفلافل الوطنية.... شعارنا لفة لكل مواطن.... هدفنا القضاء على الكص.!!

    * كردي مات نزلو علي 62 ملاك اثنين منهم يكتبون اعمالة وستين واحد يفهموا.

    * عراقي يسولف لجماعته هاي الدنيا كلش مالها امان اتصوروا رحت ابوك جيرانه لقيت ثلاجتنه عدهم.!!

    * مصلاوي راسه يوجع اشترى حبايه براسيتول وشدها بخيط كلما راس يوجع ينزلها للمعدة ومن تطيب يسحبها.

    * كردي وعربي يمشون بسيارة بالطريق صادفهم حمار نزل العربي دفرة جلاق ميمشي نزل الكردي شاوره مشى رجع للسيارة العربي كلة للكردي اشلون مشيتة كلة طلع عرف

    * كردي راح الى ايران اول ما دخل عبر عليه خفاش ؟؟؟
    قال : ايباه ه ه هه حتى فيرانكم تلبس عباية.!!

    * اثنين واحد بالجنه واحد بالنار ابو النار قال لابو الجنه انطيني رمانه قال له ما انطيك ليش ما صرت مؤمن قال له بسيطه تجي اتخدر جاي.!!

    * بقره صار بيها جفاف قامت اتطلع حليب باودر.

    * مصلاوي سافر للخارج بعد اسبوع ارسل له اخوه رساله وقال له ارجع حالا ابوك يريدك . خاف الولد ليكون ابو صارله شي حجز ورجع للعراق وصل للبيت شاف اخو لحية طويلة قال له خير شكو . قال له ادخل شوفه لابوك.. دخل بسرعة الغرفة شاف ابوه قاعد ولحيتة طويلة كعد الولد تحت رجل ابوه وقال له يابه كلي شصاير..؟
    التفت عليه ابوه وقال له : ولك يول ليش ماخذ الموس وياك متقول اني واخوك بيش نحلق!!


    * شاب سافر للخارج شاف اعلان حبوب ترجع الشخص شباب قال ارسلهاا لامي وابويه بدل مربوني وصلوني لهنا.
    المهم ارسلها بعد فترة رجع لاقته امه راجعه شابه وبيديها طفل قال لها ها يمه بسرعه جبتي جاهل كالته لا يمه هذا مو جاهل هذا ابوك المشايف شرب الشيشه كلها.!!

    * دليمي فتحوا بانزين خانه براس شارعهم قال اي هم زين منا وهيج اروح افول مشي ميحتاج اخذ السيارة.

    * موظف اسمه جبرطلع له ايفاد الى فرنسا بالغلط اول ماوصل الى فرنسا تعرف على شخص وصار يعرفه على معالم البلد شافوا مقبرة مكتوب على كل قبر 5 شهور والثاني 10. جبر استغرب سأل شنو هذا ليش عمرهم قصير.... قال له لا هذا كل واحد اشكثر متونس من عمره مكتوب على قبرة...
    فكر جبر وقال اذا اني متت كتبوا على قبري : مسكين يللي اسمك جبر من بطن امك للقبر:

    * حشاش سألوه اجدد كائن حي ظهر على وجه الأرض؟ كال القنفذ..كالوله ليش كال مسوي سبايكي.

    * رجال ديموت بالفراش فصاح اولاده وقال لهم اولادي اطلب فلان 5 ملايين واطلب فلان 10ملايين واطلب فلان 15 مليون وفلان يطلبني 200 مليون كالو اهو كام يهذي غطوه غطوه.

    * ذبابة دخلت لغرفة مال محششين .. هي شمت الريحة هي قالت : جاكم الصقر!

    * واحد سائل شيخ قال له شيخنه جنت صايم ومتوضي ومرتي باستني شسوي ؟؟ كله صارلك اشكدمزوجها كاله 25سنه كله عادي جنك بايس اخوك

    * عراقي رجع للعراق بعد الغربه فاول ما نزل من الطائره خله الجنطه بالكاع وانحنى ايبوس تراب الوطن رفع راسه مالقى الجنطه كال رجعنه لطيحان الحظ

    * مصلاوي عدموا ابنه ايام صدام كالوله نريد فلوس الرصاصات كلهم جان خنقتوه.

    * كردي قال لأبوه: أني رايح انتحر.. قال له : أوكي بس لتتأخر.

    * الحمل بكل الدول تسع اشهر بس بالسودان عشرة اشهر .... ليش؟؟ لان تسعة حمل والعاشرتحميص.

    * كردي شاف مره تبجي على الشط ابنها غرقان كال لها هاحجية شبيج تبجين قالت له يمه ابني غرق صار له شهر ومالقيناه.. قال لها حجية خلي ايمانك بالله كبير بلكت يطلع اسير.!!

    * مجموعة صيادين طلعوا للصيد.. كل صياد عنده كلب يجيب له الصيد مالته. .واحد من الصيادين الكلب مالته يخاف من صوت الطلقات.. جماعته قالو له سهلة وديه دائما للاعراس حتى يتعودعلى صوت الطلقات.. ورة 6 شهور طلع ويه الكلب مالته للصيد.. اول ماضرب الطلقة الكلب صار يهلهل.!!

    * عربي راح يشتري كلب راح عامل على كلبين قال له هذا الكلب الاول شكد سعره قال له 25 الف قال له الكلب الثاني كم سعره قال له 40 الف قال له ليش هذا 25 وهذا 40 قال له هذا الاول كلب والثاني كلب ابن16كلب.!!

    * مهرب مات صعد للسما قالوا له انت مأذي ناس كثير بتركيا بس بنفس الوقت مسوي خير للناس فراح نخليك بين الجنة والنار.. خلوه بين الجنة والنار صار يهرب باهل النار يوديهم للجنة..

    * واحد خابر للبيت طلع ولد قال له ابني انطيني امكقال له بابا امي يمك بالغرفةقال له ولك ياحمار اني مو بالبيت... قال له طيب هذا منو بالغرفة يم امي. قال له اخذ المسدس واقتلهم اثنينهم
    هو اخذ المسدس وقتلهم ورجع على التلفون بابا قتلتهمقال له ارمي المسدس من شباك المطبخ بالنهر قال له بابا بس مافي عند بيتنا نهر...
    كان ينتبه الرجال كان يقول اسف الظاهر اني غلطان بالرقم.

    * واحد سأل الصيدلي قال له عندك دواء صراصير؟؟؟ الصيدلي قال له سلامتهم شبيهم.!!

    * وحدة دليمية اسمها فاطمة فتحت جواز زوجها شافت كاتبين على المهنة رجل اعمال مسحتها وتكتب رجل صابرين.

    * ناصرية أشترى سيارة راح للخطاط قال له أكتب لي على القطعه أبو عليوي سأله ليش: قال له طيب يعني أبو ظبي أحسن مني.


    * قرر زعيم البعثية أن يثبت بأن البعثية اذكياء جدا. فجمع اكبر عدد منهم في برنامج يبث على الفضائيات مباشرة وقال لهم : بصوا..رح اسألكم سؤالين

    السؤال الأول : من فاز بمعركة أ ُحد؟ المسلمين وإلا المشركين؟
    جاوبوه: المشركين
    ارتاح جدا
    السؤال التاني: من فاز بالمباراة اللي البارحة بالليل؟ البرازيل وإلا الأرجنتين؟؟
    جاوبوه: البرازيل
    انتعش اكثر لإنهم طلعوا أذكياء قدام الكاميرات..
    فجأة رفع رفيق بعثي اصبعه، فأعطوه الميكرفون.. فقال:
    معلش يا سيدي، سؤال لو سمحت
    قال زعيم العصابة البعثية: تفضل يا رفيق
    قال البعثي : يعني الان البرازيل والمشركين رح يلعبوا عالنهائي؟

    ----------------
    واحد كل يوم تجيه كوابيس. أربع سنين كل مانام جاه كابوس وكابوسه معروف (تجيه سياره او تريلا وتدعسه)الرجال ماتحمل الوضع راح لمحشش وقال
    انا كل مانمت تجيني تريلا وتدعسني وانا تعبت من هالحاله شف لي حل '.
    قال المحشش :
    ' بسسسسسسسس ؟؟؟
    لا أمرك سهل يابو الشباب وطلع المحشش ورقه صغيره وكتب له كلمتين وقال له :
    ' خذ هالوريقه هذه وحطها تحت المخده وأبد ارقد وآمن ومابيجيك اي كابوس '.
    قام ابو الكوابيس
    حط الورقه تحت المخده مثل ماقاله المحشش .وقعد شهر لا تريلات ولا شي .ينام في الحلم في نص الطريق ولاجاته ولا سياره ولاشي . بعد شهر إنبسط وإرتاح
    وقرر إنه يشوف شو مكتوب في الورقه .طلع الورقه من تحت المخده فتحها وقراهالقى مكتوب فيها
    تــحــويــلـــه
    [align=center]

    الثور والحظيرة
    الثور فر من حضيرة البقر- الثور فر
    فثارت العجول في الحضيرة
    تبكي فرار قائد المسيرة
    وشكلت على الاثر محكمة ومؤتمر
    فقائل قال قضاء وقدر وقائل قال لقد كفر وقائل الى سقر
    وبعضهم امنحوه فرصة اخيرة لعله يعود الى الحضيرة
    وفي ختام المؤتمر تقاسموا مربطه وجمدوا شعيره
    وبعد عام حدثت حادثة مثيرة
    لم يرجع الثور ولكن .. ذهبت وراءه كل الحضيرة..


    للشاعر ابن البصرة احمد مطر
    [/align]

  3. #18
    تاريخ التسجيل
    Feb 2006
    المشاركات
    23

    افتراضي

    فد يوم واحد شال توثية وراح للمطعم كلوله وين رايح كلهم والله راح أضرب الغدا.......ههه

  4. #19
    تاريخ التسجيل
    Mar 2006
    الدولة
    عراق المظلومين من قبل الانتهازيين والوصوليين
    المشاركات
    7,082

    افتراضي

    * ليش الخشب يتيم؟ لأن مقطوع من شجرة
    * مره واحد حب... أكلته العصافير
    * واحد عندة فلوس، راد يشوف نفسه، راح اشترى مراية
    * أعمى فتح، من الفرحة انشل
    * مرة واحد راح يوكل محامى لقاه صايم
    * واحد رمى يمين الطلاق على مراته ما أجا بيها
    * واحد باع اللي وراه واللي قدامه واشتري اللي بصفه
    * نذل اشتغل في الشرطة، بدل رقم الشرطة من 104 الى 83001865319
    * واحد رايح حفلة تنكرية، دزأخوه
    * واحد مايع واقف وراء الامامبالصلاة، فالامام بقول أستقيموا وأعتدلوا. فقال: أوكي حياتي جاهزين
    * واحد ضربته الشمس، صاح جماعته
    * كسلان داخل الاختبار. وقع منه القلم، سلم الورقه
    * مرة واحد زرع وردة طلعتله ام كلثوم
    * بقرة صابها جفاف، نزلت حليب بودرة
    * ليش يسقون اشارة المرور؟... حتى تبقى خضراء
    * في دجاجه غسلت بشامبو هيد اند شولدرز باضت بيضة بدون قشرة
    * نفاخة سمعوها نكتة انفجرت من الضحك
    * كلب شوارع مر بصف مركز شرطة شاف كلب بوليسي قال آخ لو كملت تعليمي
    * محشش قال لمحشش : أنا بردان من المكيف. قال و النعم وانا محمد من القصيم
    * محشش طلعت له حبة في راسة راح للدكتور قاله تحكك ؟؟ قال له : لا انا احكها
    * محشش قالوا له في الصين كل دقيقه ينولد واحد - قال هذا التطور مو مثلنا احنا كل 9 أشهر
    * محشش طلبت المحكمة منه شي يثبت ملكيته للبيت - جاب لهم صورته وهو يغسل الحوش!!
    * هنديه راحت للاهرامات في مصر قالت للمصري بابا منو يسوي سمبوسة كبير
    * مذيع كان يسوي لقاء مع محششين - سأل الاول قاله شنو تعنيلك السعودية ؟؟ رد عليه المحشش وقاله: السعودية هي أمي- وسأل المذيع المحشش الثاني وقاله وأنت شنو تعنيلك السعودية؟؟ قال له مااقدر أتكلم عن أم اخوي.
    * محشش دخل شركه قال وين المدير قالوا المدير العام قال لا السنة هذه.

    * حشاش ابوه مات اخذه للمغيسل كله اريدة غسل وكوي
    * محشش صار عصبي على صاحبته كتبلها شعرليش انت هيج وياي .. ليش انت هيجي من صرت هيج وياك صرت انت هيجي
    * محشش يسولف مع صديقه و جته فكره و قل للصديقه.. خل انصير فنانين تشكيليين..انت تشكيلي و انا اشكيلك

    * حشاش عطس ... صاحبه گح.. قال له ليشتغير الموضوع؟

    * عشرة محششين ديتشاقون بالرشاشات خمسه ماتو و3 تصوبو بقوا اثنين كالو خل نبطل لتصير صدك
    * حشاش ارسل رسالة لصديقه مكتوب بيها: عازمك على العشا باجر الصبح ساعة 12 العصر يوم الاحد بعد صلاة الجمعةعلى نص نفر شيش فلافل محشي دولمة مع كلاص عصير شنينه طبيعي مركز 100 % لبن دجاج خاثر بالثريد والبيض المصادف 41 شباط 1480..
    * محشش سأل محشش بالمقبره قال له الميت شنو يشتغل قال له المحشش الثاني الميت يحفر قبور قال المحشش الاول سبحان الله من حفر حفره لاخيه وقع فيها .
    * محشش تقدم لبنيه قالت له اني اسفه اني بداخلي انسان ثاني غيرك انتظره قال لها بلا فلسفه قولي من البدايه اني حامل .
    * ثلاثه يشوفون منو انذل واحد بيهم الاول دفع مرة عجوز ووقعها، الثاني داس فوقاها،الثالث صار يضحك قالو له ليش تضحك قال هاي بيبيتي .
    * ناصرية انقذ واحد غرقان،اعطوه وسام شجاعة وقالو لهبس للاسف الرجل انتحر شنقا، رد المحشش لا انا علقتة حتى ينشف
    * المعلم قال للطلاب بدرس الأنشاء: اكتبوا موضوع انشائي وتخيلوا انفسكم مدراء احدى الشركات، بدؤا يكتبون الا واحد فسأله المعلم: ابني ليش متكتب ؟؟؟؟ الطالب : استاذ انتظر السكرتيرة تجيب لي الاوراق .
    * حشاش صعد على عامود ألكهرباء قريب بيتهم ألتمت علي الناس ويصيحوله أنزل يمعود أبو ألغيرة ومايفيد قالو له شنوالسالفة، قال لهم عوفوني ظلت حصرة بقلبي تكهربني ألكهرباء الوطنية .
    * محشش يوم عرسه كان محشش حيل وره ما راحت الناس دخل البيت جوه لكى العروسة قاعدة، قال عرفت من الهوسة راح ينسون احد .

    * محشش جاب عصفورين للبيت واحد غرد ثاني ساكت سألته امه يمة ليش هذا غرد والثاني ساكت قال لها يمه مو هذا الملحن ماله

    * محشش اشتغل بالامن لزم واحد ارهابي ضل يضرب بي كل دقيقة قال له اعترف قل كم مرة مفجر نفسك؟

    * محشش قالو له :شنو رأيك في الزواج المبكر؟ قال يعني الساعه كم؟؟؟!!

    * ناصرية سمع ان الشيطان شاطر راح يدرس معاه

    * محشش سألوه ماهو اصعب شي في الدنيا ؟؟ قالهم اني احدد السكسوكة وانا آكل علكة

    * محشش صايم اتصل على ما يطلبة المستمعون سألوه شنو تحب تسمع قال لهم مقطع من اذان المغرب

    * محشش وقف عند نقطه تفتيش قاله:- املي الخزان لي بنزين بعشره

    * محشش حط ثوبه على العلاقه وجلس. الثوب طاح قال المحشش .الحمدلله ماكنت جوا الثوب

    * محشش قطع راس اخوه وهو نايم وقال مااحلاهاذا قام ولقى راسه بجنبه يموت ضحك على نفسه

    * محشش ضيع امه فيالسوق راح سأل واحد وقاله : ماشفت وحده تمشي انا ما امشي معها

    * محشش جاله ولد بعد 3 سنوات من زواجه سماه .. " توَّك تجي"

    * دليمي مر من عند مقهى انترنت مكتوب عليه الساعه بعشره دينار . دخل وسألهم : هي الساعه ضد المي

    * بعثي صدم عامود كهرباء قال : يلعن ابو شركه المي مايحطون برج الجوال إلا هنا

    * محشش سأل سكران شنو اسماء اخوانك . قاله كلهم محمد إلا عبدالله اسمه احمد

    * احد اشعار الشاعر المشهور (( محشش)) البارحة ما جاني نوم اعد النجوم والشمس تحرق فيني

    * اثنين محششين واحدمنهم قاعد يسمع شريط فارغ قال له المحشش الثاني إذا خلصت سجله لي ....

    * محشش طاح من عماره تجمعوا عليه الناس وسألوه وش صار قال والله ما ادري توني جاي

    * محشش راح يكشف على اسنانه عند الدكتور قاله الدكتور تحتاج تقويم قاله المحشش هجري والا ميلادي

    * محشش يسأله صديقه أنت ليش أصلع قال: من غرابيل الزمن رد عليه: لا تحلق عنده

    * محشش دخل البيت لقى امه تحترق قال:- ماشاء الله الوالده منوره اليوم.

    * دليمي طالع للصحراء واحتاج بصل قام وراح لشباب حوله (محششين) قال لوسمحتوا أريد شوية بصل. قام واحد وقاله شنو شايفنا هنا صيدلية.

    * حشش فتح محل سماه منجرة الأقمشة الكهربائية لحلاقة الأحذية الغذائية

    * مصلاوي اتصل على المطعم قال عندكم عشا قال: نعم قال ليش ما تعزمونى!!!!!!

    * محشش يكتب رساله فجأه غيرالخط ليه؟؟؟ قال الخط الاول في تفتيش

    * محشش جالس بالمقهى قال للجرسون: هات لي واحد قهوه وسط وأثنين هجوم

    * مصلاوي ابوه ما ت يوم غسلوه قالو له اعط الرجال 50 دينار قال ليش هو سيارة لكزس

    *سكران اتصل علي زوجته في وقت متأخر قالت له ايش فيك انت سكران قال الله يلعن ابو الكاشف

    * ناصرية راح يخطب قدمو له شاي لبتون قال حلو من بدايتها سحر

  5. #20
    تاريخ التسجيل
    Oct 2006
    الدولة
    عراق ظلم ضحايا البعث
    المشاركات
    1,437

    افتراضي

    * كردي وگفوه بسيطره .. گالوله اي سياره اتفوت منا لازم اتگمرك منها شي. اجتي سيارة اسعاف وگفها سأل السايق اشايلين گاله موته گاله فد اثنين ام العوده ووحده كبوس.

    * جندي كردي ببغداد لازم سيطرة وگف واحد ابو برازيلي تعبانة گله انزل افتح الصندوك السايق كله بس اشيل رجلي من البانزين تطفي السيارة الجندي كله روووح انته شوف شكو بالصندوك واني اضل دايسلك

    * دليمي شاف هاي العلامه (!) گله لصاحبه هاي شنوگله هاي يعني ميصير تبول هنا حتى ولو نقطه.


    * فد يوم وحدة مگدية طلبت من الامريكان فلوس هي دا تگدي بالشارع چان ينطيها مية دولار چان تكله يمه الله ينصركم على امة محمد


    * سنة جابوا مؤذن لجامعهم كلوله لك فدوه نطيك 750000 بالشهر بس لتجيب طاري علي بالآذان لهم سووها مليون وحتى الله هم ماجيب طاريه.


    * كردي راح يشتري راشي ما عرف اسمه گال للبگال عندك لبن عسكري؟؟


    * جيش المهدي سووا سيطره قتل عالهوية، كمشوا محشش سألوه شيجي ورة عشرة عاشور ؟؟؟؟
    صفن.... گلهم دعش داعوش.


    * خبر عاجل: قررت الحكومة العراقية دمج مديرية الاطفاء مع وزارة الكهرباء وجعلها وزارة اطفاء الكهرباء.

    * اثنين اصدقاء واكفين على الطريق يصجمون...واحد منهم كلما تمر وحده حلوه يتفل.فالثاني تعجب كاله معقوله انت ما تعجبك وحده كلمره تتفل.كاله انا اتفل علعندي بالبيت.


    * الحزب الشيوعي اتوحد وية حزب الدعوة بحزب جديد وسموه حزب شدعوة.

    * گاص ايده گالوله ليش گال مام جلال يگول " صيرو ايد وحده" .

    * شيخ عشيرة قال لأهل عشيرته بيكم كثير أغبياءوزادت علينا النكت ولازم أصفيهم راح أسأل الجميع واللي ما يعرف يجاوب راح نتخلص منه .
    سأل الأول : 3+5 شكد؟؟ فقال = 8 فقام كل أهل العشيرة يصيحون انطيه فرصة ثانيةشيخنا.

    * صدام ماخذ جلال الطالباني ويفتر بيه على مكاتب الموبيلات ليش؟ حتى يعربه.

    * مره وحده قالت الى زوجها خلينا نروح الى الحديقة العامة ونسترجع ايام الخطوبه وبعدان راحو اجت الشرطة ومسكتهم الزوج صار يتوسل بالشرطي فقال له الشرطي اوكي هذه المرهانته سماح بس هذي بنت الملعون صار 12 مره نگمشها.

    * واحد راح للدكتور كله دكتور خشمي مسدود كله اي ادخل بالفروع.

    * لاجئ عراقي رجع من هولندا صديقة كلة شلونها هولندا؟ كلة يمعود المزارع هناك تخبل بس يعجبك تصير خروف.

    * ماجدة بعثية كلولة المودة هالسنة جلد طبيعي طلعت عريانة للشارع.

    * إمراة شافت جنازه مكونه من أول شئ تابوت.. وراه كلب ووراء الكلب 40 إمرأه بسره واحد.
    سألت أول أمرأه بأستغراب شديد منو المرحوم؟ قالت زوجي. بعدين سألته مرة ثانية والكلب؟ قالت هاذا كلبي الذي اكل زوجي.. صفنت المره وبعدين شاورتها ممكن استعير كلبك؟ جاوبتها المرأة أكيد ممكن بس لزمي سره وره هالنسوان!!.

    * نجفي .. " خجول " جدا طلع مع وحدة لاول مرة.. ظل يفكر كيف يبدا الحديث معها....وبعد طول انتظار..نطق الحجر وقال.. اقول انتو وين تدفنون...؟؟؟ .

    * عراقي لكة الفانوس السحري وفتحه وماوجد المارد لان جايله تهديد ورايح لغير قوري.

    * كردي لقى فانوس سحري فركة طلعلة المارد كلة اتفضل كدامك 3 امنيات الكردي كلة اريدسيارة برازيلي وسيارة برازيلي وسيارة برازيلي المارد كلة شتسوي بيهم 3 كلة حتىابيعهم واشتري مرسيدس.

    * سألو مشاهد عربي شنو رأيك بالشرقية گال الغربية احسن لأن بيها شطافة!! ( مهداة للبعثي السافل سعد البزاز) .

    * جني متلبس بواحد مصلاوي فالشيخ ديقره عليه ويكله اطلع الجني شيكوله والله اني اريد اطلع بس خل ينطيني نعالي.

    * واحد نايم اجا ابنه كله بابه بابه حرامي راح شاف لكه واحد نحيف كله شسمك كله كريم لزمه موته كتل ثاني يوم هم اجا ابنه كله بابه بابه حرامي هم كام كال اهو هذاتعلم على الكتل راح شاف واحد ضخم باوع عليه كله جا كريم وين .

    * بإنفجار مقر الأمم المتحدة ببغداد راح محشش يدور على صديقه، فوگف يم واحد صيني متمدد عالسديه ويصيح (شن شان شو شي شا...) گال المحشش يمكن ديوصي خللي أكتبالوصيه... فلما مات الصيني أجوي يقرون الوصيه لگوا الترجمه تعني( ولك وخر رجلك عنصوندة الأوكسجين تره راح أختنگ وأموت.

    * منتجات العولمة :- جنون البقر : انفلونزا الطيور : انفلونزا الخنازير : ترقبو جديدنا كحه القرده واسهال السمك.

    * عائلة عراقية طلعِلها لجوء في أمريكا.
    فسافرت العائلة المكونة من الأب والأموأولادهم الثلاثة إلى هناك بس المشكلة أنه العائلة كلهم ميعرفون يحچون إنكليزي.. يعني ولا طگـّه.
    وصلوا للمطار.. الأب راد يفيـّك على جهاله ومرته فگاللهممعليكم.. عوفي الحچي عليّه.
    أشّر الأب بإيده على تكسي وصاح بعلو حسـّه.... تكسيشن
    رأساً التكسي وكفلهم.. خلّوا الجنط بالصندوك وركبوا وياه.
    الأب كاللهمخلي ناكل أول شي.. فاندار على أبو التكسي وگلـّه.
    ودّينا لمطعميشن.. مشتهين ناكلتمنيشن وفوكاه دجاجيشن
    وداهم أبو التكسي للمطعم.. الأب كلّه لأبو التكسي... إنتظرنيشن فد نص ساعتيشن
    وطبوا للمطعم أكلوا وراها رجعوا لأبو التكسي
    الأبكلـّه لأبو التكسي
    هسـّه ودينه للفندقيشن
    أبو التكسي وصلهم للفندق وهمـّهدينزلون غراضهم يم الفندق الأب گال لجهاله ولمرته..
    مو گلتلكم الانكليزي سهل.. وعوفوا الحچي عليـّه
    شفتوا إشلون لفلفتهم بلساني
    السايق ضاج وإلتفت على الأبونطق لأول مرة وگلـّه !
    لوما آني عراقيشن..چان أكلتوا تبنيشن!!!

    * عجوز صاعده عدها الغازات فكاعده بنص اهلها... اتوازت... فكالت هجم بيت النوكيا كليوم رنه شكل.

    * ناصرية ومصلاوي وكردي ودليمي اشتغلو بالبرلمان الشعب العراقي طلب لجوء للقمر.

    * اسد وديج وبعير ومطي راحو سفرة بنص الطريق تاهو وصارو بصحراء وخلصو اكل فالاسد كاللازم انضحي بواح من عدنة فكل واحد ينطي سبب مقنع ومناكلة وكال اني ابدي
    فقال الاسد اني اسد ابن اسد ابن اسد ابن اسد ابن اسد ملك الغابة فكالولوة سببمقنع
    الديج كال اني ديج ابن ديج ابن ديج ابن ديج ابن ديج جان يكعد الناس الصبحالاسد كلة نمشيلك هذا السبب
    البعير كال اني بعير ابن بعير ابن بعير ابن بعير ابنبعير هاجر عليه الرسول ص الاسد كلة اوكي انمشيلك هذا السبب لاسباب سياسية واحزابدينية
    المطي كال اني مطي ابن مطي ابن مطي ابن مطي ابن مطي لين وافقت اطلع وياكمبهاي السفرة.

    * كردي اشتغل دفان جابو له جنازة يدفنها.. فز الميت من الغيبوبة لانه كان حي!! اهله خافو.
    الكردي وكع دك بالكرك على راس الرجال وصاح على اهله لا تخافون قتلته.

    * يهودي جاء للعراق استقبله محافظ الموصل ( اثيل النجيفي) " مصلاوي" وقال له اتفضل يمنا بالبيت .اليهودي ساله شنو دينكم يأمركم بأكرام الضيف؟ . المحافظ قال له طبعا دينا يأمرنا باكرام الضيف ليش وانتو؟ .اليهودي كلة لا دينا ما يأمرنا بأكرام الضيف..فأبتسم النجيفي واعتنق الديانةاليهودية.

    * مثقف اتزوج بنت عمه من الناصرية قال لها اذا متعرفين تحجين قولي انظر شاهد. صديقة عزمه بالمطعم
    راح هو وزوجته بالمطعم توجد نافورة ماء هي من شافت النافورة اتعجبت وقالت له انظر شاهد النافورة اتزرج ماي!!

    * عبد العزيز الحكيم زار مستشفى سمع واحد بس ايصيح كال هذا شبيه قالو له ايريد بنج وماكو كاللهم انطو شيش.

    * مصلاوي طبب ولده لفلم رعب عنوانه المبذرون.

    * ايام البعثية ..كان في جحافل, كردي مع زماله يريد يعبر سيطرة الاستخبارات, فجماعة الاستخبارات يريدون يضحكون عليه فسالوه ها كاكا رايح تسجل هالزمال بالجحافل ؟ الكردي جاوبهم قال اي والله شاسوي قلت اروح اكتب اسمه بالجحافل, طبعا كلهم ضحكوا, راح الكردي ورة يوم رجع هم الجماعة شافوه قالو خلي نضحك عليه , فسالوه ها كاكا كتبت اسمة , جاوبهم قال لا والله ملعون تطلع تعداده عربي.

    * واحد راح للفاتحة شاف كل كاعدين مسؤولين و وزراء قال رحم الله من قرأ النشيد الوطني.

    * مهداة الى البرلمان العراقي.. جماعة عايشين بقرية الثور مالهم عصى راسه بحب الماء احتارو شيسوون جابو افهم واحد بيهم..قالوا له السالفة واحنا منريد نخسر لا الثور ولا الحب قال لهم بسيطةاقطعو راس الثور قالو له لا يمعود قال لهم انتو معليكم بس سمعو كلامي قالو له ميخالف وقصوراس الثور..لكن هم ظل راسه بالحب قال لهم كسروا الحب قالو له صدق كذب يمعود قال لهم سمعوكلامي ومعليكم وهم كسرو الحب فصار الي يفهم يبكي.. سالوه لا تبكي يمعود فدوة الك اثنينهم قال لهم اني ماابكي عالثور والحب سالوه .. طيب ليش تبكي؟ جاوبهم بكرة والا بعد اذا متت منو يحل لكم مشاكلكم.
    [align=center]

    الثور والحظيرة
    الثور فر من حضيرة البقر- الثور فر
    فثارت العجول في الحضيرة
    تبكي فرار قائد المسيرة
    وشكلت على الاثر محكمة ومؤتمر
    فقائل قال قضاء وقدر وقائل قال لقد كفر وقائل الى سقر
    وبعضهم امنحوه فرصة اخيرة لعله يعود الى الحضيرة
    وفي ختام المؤتمر تقاسموا مربطه وجمدوا شعيره
    وبعد عام حدثت حادثة مثيرة
    لم يرجع الثور ولكن .. ذهبت وراءه كل الحضيرة..


    للشاعر ابن البصرة احمد مطر
    [/align]

  6. #21
    تاريخ التسجيل
    Aug 2008
    المشاركات
    4,251

    افتراضي

    السلام عليكم ورحمة الله وبركاته :

    شكرا للجميع على هذه المشاركات الحلوه .

  7. #22
    تاريخ التسجيل
    Apr 2009
    المشاركات
    53

    افتراضي

    هههههههههههههههههههههههههههههههههههههههههههههههههه
    مثقف اتزوج بنت عمه من الناصرية قال لها اذا متعرفين تحجين قولي انظر شاهد. صديقة عزمه بالمطعم
    راح هو وزوجته بالمطعم توجد نافورة ماء هي من شافت النافورة اتعجبت وقالت له انظر شاهد النافورة اتزرج ماي!!

  8. #23
    تاريخ التسجيل
    Oct 2006
    الدولة
    عراق ظلم ضحايا البعث
    المشاركات
    1,437

    افتراضي

    اندلعت النار في بيت مواطن....
    فهرب بسرعة..وشاهد الناس قد التموا ، ثم تذكر أن عائلته في الداخل ، فدخل مغامراً بنفسه وخرج حاملا ابنه ...

    ثم دخل ثانية وخرج حاملا ابنته .... ثم دخل ثالثة وخرج حاملا زوجته وسط تصفيق الواقفين... ثم دخل رابعة وخرج وليس معه شيئاً.

    وتنفس الصعداء وعاد خامسة وخرج من النار وليس معه شيئا..

    وهكذ دواليك.

    فسأله الناس وقد شكوا انه اصيب بنوع من الجنون شو قصتك يا رجل ، داخل طالع وما في معك شيء؟

    أجابهم وهو يلهث
    : حماتي جوا.. وقاعد أقلبهاعلى النار.
    [align=center]

    الثور والحظيرة
    الثور فر من حضيرة البقر- الثور فر
    فثارت العجول في الحضيرة
    تبكي فرار قائد المسيرة
    وشكلت على الاثر محكمة ومؤتمر
    فقائل قال قضاء وقدر وقائل قال لقد كفر وقائل الى سقر
    وبعضهم امنحوه فرصة اخيرة لعله يعود الى الحضيرة
    وفي ختام المؤتمر تقاسموا مربطه وجمدوا شعيره
    وبعد عام حدثت حادثة مثيرة
    لم يرجع الثور ولكن .. ذهبت وراءه كل الحضيرة..


    للشاعر ابن البصرة احمد مطر
    [/align]

  9. #24
    تاريخ التسجيل
    Mar 2006
    الدولة
    عراق المظلومين من قبل الانتهازيين والوصوليين
    المشاركات
    7,082

    افتراضي

    بعثي عينوه سفير بكندا مع زوجته .. بعد سنة ولدت زوجته ولد أشقر وعيونه زرق .. سألها

    كيف ؟

    ردت عليه : طبيعي وأنا في البلكونة أشوف أشقر رايح وأشقر جاي وتوحمت‎


    ‎ اقتنع البعثي‎ .....


    ‎ بعد فترة نقلوه إلى نيجيريا .. بعد سنة ولدت الثاني ولد أسود .. سألها : كيف ؟

    ردت عليه : وأنا في البلكونة أشوف أسود رايح وأسود جاي وتوحمت‎


    واقتنع الرفيق‎

    لما رجعوا بلدهم بعد كم سنة .. سألته أمه وقال لها القصة‎

    قالت الأم : ذكرتني بأبوك يتركني في المزرعة أشوف حمار رايح وحمار جاي وجبتك

  10. #25
    تاريخ التسجيل
    Sep 2002
    المشاركات
    1,055

    افتراضي

    خلقت المرأه لتسأل زوجها
    من قابلت؟...ومن اتصلت؟ومن؟ومن؟ ...
    لذلك سميت المرأة بالانجليزيه " ومن "


    محشش مثقف يلقي محاضرة عن النساء

  11. #26
    تاريخ التسجيل
    Sep 2002
    المشاركات
    1,055

    افتراضي

    واحد عنده أسهال .. راح لطبيب أمحشـّـش ... كالـّــه دكتور بطني تطلع أهواي ... الطبيب كلـّــه خاف فانيلتك قصيرة

  12. #27
    تاريخ التسجيل
    Mar 2006
    الدولة
    عراق المظلومين من قبل الانتهازيين والوصوليين
    المشاركات
    7,082

    افتراضي

    شعر الزوج بان زوجته اصبحت ضعيفة السمع ... وخوفا عليها ذهب للطبيب لاستشارته، فاجابه الطبيب

    "كل مشكلة و الها حل .. بس علمود نفهم الوضع اكتر ممكن تعمل تجربة ... ابعد عن مرتك 40 متر و كلمها بنبرة صوت عادية جدا.. اذا مردت قرب 30 متر و كلمها اذا مردت قرب 20 متر و كلمها اذا مردت قرب 10 متر وكلمها"

    وبالفعل .. عاد الزوج للمنزل ووجد زوجته بالمطبخ ... فابتعد جدا عنها ... بمسافة 40 متر و قال بنبرة صوت عادية

    حبيبتي شمسويتلنة على العشا

    ولمترد

    فتقدم الزوج 30 متر و قال للمرة الثانية

    حبيبتي شمسويتلنة على العشا

    ولمترد

    فتقدم الزوج 20 متر و قال للمرة الثالثة

    حبيبتي شمسويتلنة على العشا

    ولمترد

    فتقدم الزوج 10متر و قال للمرة الرابعة

    حبيبتي شمسويتلنة على العشا

    ولم ترد

    فتقدم الزوج بالقرب من زوجته تماما و قال للمرة الخامسة

    حبيبتي شمسويتلنة على العشا

    هنا قالت الزوجة بغضب

    للمرة الخامسة اقولك مسوية دجاج

    ---
    المدرس يسأل الطلاب :حيوان يزحف ببطء شديد ؟
    جاوب محمد وگال : السلحفاة
    گال المدرس: أحسنت يا محمد وين يشتغل أبوك ؟
    گال محمد: دكتور .
    گال المدرس: شفتوا أولاد الدكاترة شلون أذكياء .
    سأل المدرس سؤال ثاني: شنوه الطائر الذي يتكلم ؟
    فأجاب عبدالله: الببغاء .
    فقال المدرس:أحسنت يا عبدالله وين يشتغل أبوك ؟
    گال عبدالله :مهندس
    گال المدرس : شفتوا أولاد المهندسين شلون أذكياء
    وبعدين سأل المدرس ماهو الطائر الذي يبدأ بحرف الــ تاء ؟
    فأجاب أحد الطلاب : تمســـاح .
    المدرس : اوكف يا غبي وين ابوك يشتغل
    الطالب كله يشتغل بالاستخبارات
    گال المدرس :
    أحسنت .. التمساح إذا شد حيله ممكن يطير...
    بارك الله بيك ياولدي
    ---
    مناطق بغداد الجديده......

    باب المعلس - باب المعظم

    باب العلسي - باب الشرجي

    شارع ابو علاس - شارع ابو نؤاس

    العلسة - الشعلة

    شارع علسين - شارع ستين

    حي العلس - حي العدل

    حي المعالس -حي المعالف

    شارع العلسون -شارع السعدون

    العلسية - الحرية

    الجامعة المستعلسية -الجامعة المستنصرية

    العليسية-اللطيفيه

    الاعلسية- الاعظميه

    العلاسيين - البتاوين

    علوسه- زيونه

    ---------
    واحد مصلاوي شاف صديقه جاي سياحة من بغداد
    وراح سلم عليه و رحب بيه
    وشوف الحوار


    المصلاوي: اليوم الا تتغدى عدنا

    البغدادي: لا عيني مو ما اريد اسويزحمة

    المصلاوي: لا ابد انت ليش كل يوم موجود هاليوم لازم تتغدىعدنا

    البغدادي: زين يابة ميخالف

    المهماتفقوا انو يلتقون ببيت المصلاوي الساعة وحدة علمودالغدا

    فوصلالبغدادي لبيت المصلاوي ولكى بابين

    البابالاول مكتوب عليه : الضيوف الاقارب

    البابالثاني مكتوب عليه : الضيوف الاصدقاء

    فالبغدادي كال اني من الضيوف الاصدقاء فدخل بالباب الثاني جان يشوفبابين كدامه

    البابالاول: الضيوف الاصدقاء الاعزاء جدا

    البابالثاني: الضيوف الاصدقاء الاعزاء

    فهوكال يعني اني مو عزيز جدا يا دوب بيني وبينه سلام خلي ادخلبالثاني

    دخلبالثاني جان يشوف بابين كدامه

    الاول: الضيوف الاصدقاء مع هدايا

    الثاني: الضيوف الاصدقاء بدون هدايا

    فهوكال يعني هاي العزيمة صارت غفلاوية وما لحكت اجيبله شي خلي افوت من البابالثاني
    فات بالباب الثاني

    جانيلكي نفسه بالشارع !!!!؟

    مع كامل احترامي لاخواني فيالموصل


  13. #28
    تاريخ التسجيل
    Sep 2002
    المشاركات
    1,055

    افتراضي

    واحد ضايج من الدنيا خابر صاحبه المحشش و كال : آنــه راح أنتحر ... صاحبه كالـّــه أوكي .. بس لا تتـأخـّــر

  14. #29
    تاريخ التسجيل
    Mar 2006
    الدولة
    عراق المظلومين من قبل الانتهازيين والوصوليين
    المشاركات
    7,082

    افتراضي

    طفل امة حامل سالها: ماما هذا شنو ببطنج كالت حبيبي هذا اخوك قال لها : انتي تحبيه قالت طبعا قال لها طيب ليش بلعتيه..



    شايب حب يجدد حبه لزوجته العجوز ؛ كالها : شنو رايج نعيد ايام زمان ؟ وأنزل على باب الدكان ونتقابل هناك واتغزل بيج ؛ حبت العجوز الفكره ؛ ونزل الشايب وكعد ينتظر ساعة ساعتين ثلاث ساعات ولا أجت العجوز ؛ رجع للبيت لكاها كاعدة تبجي سألها شنو الصار ؟ كالت : ابــوية ماخلاني اطلع .


    امريكا اخترعت جهاز يلزم الحرامية وطبقو بامريكا خلال ساعه لزم 25 حرامي واخذوه للبرازيل بعد ساعه لزم 33 حرامي جابو للعراق بعد نص ساعه انسرق الجهاز.


    محشش شاف مكدية مد ايدة بجيبة طلع 250 دينار نطهاهة جان تكلة يمة اشو ميتين وخمسين كاللهة اي حجية مو اني انزل راس الشارع


    مأساة شخص
    واحد كاعد على ابو نواس اجاه واحد كله شبيك كاتل روحك ماكو شي يسوة
    كله شلون قبل اربع اشهر ابويه مات بطلقة تايهة وعافلي عمارة بالكرادة
    وقبل ثلاث اشهر امي انفجرت عليها مفخخة وعافتلي بستان بالدورة
    وذاك الشهر اخوية كتلته عصابه علمود سيارته وعافلي معرض سيارات بالبياع
    وهالشهر كل شئ ماكو


    عربي وكردي
    كل واحد عنده بيت وهم جيران العربي راد يبوك الكردي طب للبيت صارصوت الكردي كال منو العربي صاح مااااااااااااااع
    وراح رجع للبيت
    وثاني يوم الكردي راد يبوك العربي طب للبيت صار صوت العربي كال منو الكردي
    كال اني طلي.


    محشش راح يكشف على اسنانه عند الدكتور كاله الدكتور يرادلك تقويم .. كاله المحشش هجري لو ميلادي..


    معلم الرياضيات سأل تلميذ لو ابوك تداين من البنك مليون دينار ومن جيرانكم مليون فكم مليون راح يرجعلهم فالتلميذ كال ما يرجعلهم اي شيْ فالاستاذ كال تداين مليون وبعدين مليون " رد التلميذ ما يرجع ولا فلس فالاستاذ كال اكعد انته كلشي ما تعرف بالحساب " رد التلميذ انته الي ما تعرف ابويه بالفلوس.


    بعثية يمشون بالصحراء طلعلهم اسد فالاول ضربة بالطوبة وركض ويباوع وراه لكة صاحبة واكفكلة ليش ما تركض رد عليه قابل آني ضربته.


    دليمي كلولة خلي (أن) بجملة مفيدة كال : اشتريت موبايل أن سبعين


    العصفور بالسعوديه يطير بجناح واحد ليش ؟؟؟ لان الجناح الثاني لازم بيه العكال.
    والعصفور الايراني يطير بجناح واحد ليش؟؟؟


    حشرات المحافظات وخباثاتها:-
    ذبان البصرة : ينتظر الواحد يحجي حتى يفوت بالحلك...
    بق ديالى: يهجمون ثلاثة.. اثنين منهم يرفعون اللحاف و وحدة تفخخ...
    حرمس العمارة : وحدتهم تكول عبالك كاتل ابوها
    صراصر بغداد : صارت بينهم وبين النعال صداقات وعلاقات حميمة
    نمل ابو غريب: شكر او بدون شكر تلكاهم ملمومين
    الجراد مال ربيعة: ياخذون خاوات من الفلاحين
    كمل الكوت: ما يروح الي بعملية جراحية.
    ابوبريص الموصل: يظل يباوع عليك عبالك تعرفة من قبل.


    مصلاوي كاتب على باب بيته: لا تدقوا الجرس ،أنا أفتح الباب كل 5 دقائق !( مو بخيل ولكن كهرباء ماكو).


    كردي يشتغل كهربائي جاءت عليه وحده كلتله جرص بيتنه عاطل بلكي تصلحه قال لها اني اجي اسويه وجاءت عليه ثاني يوم وقالت له اشو ما اجيت سويته قال لها اجيت ودكيت الجرص ومحد طلعلي.


    جماعة مروا على فد بعثي لكوه يلعب دومنة وية الزمال فكالوا شوف هذا والله غبي مايلعب دومنة الا وية الزمال كاللهم هذا اللي مايعجبكم غلبني داسيين.


    واحد كال لامه اني شلون اجيت للدنيا كالت خليت تحت السجاده شكر وره يومين شفتك جاي...
    هو هم راح خله تحت السجاده شكر وره يومين شاف صرصر كال ولله لو ما ابني جان موتك كتل


    حشاش صعد على عامود كهرباء اللي يم بيتهم التمت عليه الناس ويصيحوله انزل يمعود ابو الغيرة .. وما يفيد كلولة شنو السالفة؟؟؟ كلهم عوفوني ظلت حصرة بگلبي تنتلني الكهرباء الوطنية.



    كردي بقى 15 سنه يوميه يدعو ربه ان يرزقه بولد.فنزل عليه ملك. فقال له: والله ثبرتناهسه غير تتزوج..


    ابليس هرب من العراق سألو ليش : كال علمتهم عالغش والحواسم واشترو بيوت تالي يكتبونعليها هذا من فضل ربي.


    حجي معزوم على عشة فكعد عالسفرة بدا ياكل جان يتذكر انه طخم السنون مالتة ناسيه بالبيت فما كدر ياكل، الي بصفة من الناصرية سألة شبيك فكالة والله هيجي السالفة فالناصرية طلع طخم اسنان من جيبة وانطاهياه فالشايب كيف و لبسة وراد ياكل بس همينة ما أكل، الناصرية كاللة شبيك هسة، كاللة والله الطخم جبير، فالناصرية طلع طخم ثاني من جيبة وانطاهياه كللة جرب هذا، فالحجّي لبسة وكيّف علية وبدا ياكل الى ان خلص أكل، فتشكر ! هواية من هذا اللي يمة (الناصرية) وسألة كاله دكتور انتة وين عيادتك حتى اجي عليك، فالناصرية كالة والله اني مو طبيب اني أغسل موتى.


    وحده حلمانه واحد يركض وراهه .. گالت له: ليش تركض ورايه؟ گاللهه: آنه أدري؟؟ انتي اللي حلمانه

  15. #30
    تاريخ التسجيل
    Oct 2009
    الدولة
    بغداد
    المشاركات
    66

    افتراضي

    عزيزي أهنيك على هذه الموهبة الرائعة والقابلية الجيدة سواءا كانت هذه النفحات الفكاهية من ابداعك الشخصي أم مقتبسة فأنك بحق أدخلت الضحكة والأبتسامة في قلوبنا وأنفسنا فعشت لحظات من السعادة والأرتياح
    فشكرا جزيلا ودمت لنا صديقا يدخل البهجة والسرور إلى قلوبنا

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني