اخشوم الزامطتنه اليوم نگطعها
واللبست عبي انزفها ونفرعها
بعدهي اچفوفنه امجمره اعله ظهر الطاح
وظهر الماينخ عشرتها نطبعها
وبعدهي احبال ادينه اتجر سفن هامان
اذا دگ بسمانه انجر نفزعها
ارماح الگابلتنه وهدت بلا شوف
تلگتهه الرفوش تريد تبلعها
وألركعت امس والصلت الفرعون
نشگ احلوگها وغصبن نركعها
خل اسيوهم تطبگ علينه اغيوم
نوج بعيونها النار ونموعها
الحبل احنه النشده وبي نعلك ابليس
وخيول الحقد حيدر يرجعها
نعم يتعلك ولازم تشوفه الناس
وعظام المگابر كلها نطلعها
الصدر وابن الصدر واحسين والعباس
والباكو شرفهه وكسروا اصبعها
نراوي العرب كلها ومانخاف الصاح
مانشرم اذن وبخوف نسمعها
احنه اليوم كل واحد بالف مختار
وسبايا احسين احنه الي نرجعها
خلها بلا عتب كون الترف امتون
اذا صفنت جبل كل جلده نكشعها