النتائج 1 إلى 3 من 3

الموضوع: شوكت .. نرجع ؟

  1. #1
    تاريخ التسجيل
    Apr 2008
    المشاركات
    504

    افتراضي شوكت .. نرجع ؟

    جن... غفوة... بصحو ...

    فززني ... حلم ... زغير...

    هجست... مرادم النبضات .. كمت الهث... وأتوجع

    ولن مدري شبلاهه... الروح ... تفر... ويّة الزرازير...

    ارد الحك... قطار الوطن ...

    محتامة واريد... أرجع ...

    متحزمة... بسفيف الشوك ... ومتعشمة ... و هلي بالدار

    نرد لبيوتنا ...نغني ويه قوري الجاي ... نتسامر... ونتربع...

    مليتك يطور النوح... ظلمه... وخاويه البير ..

    هنيّاله... الشربهه... مّيتك... يعراقنا... ويشبع...

    شوكت... نرجــــــــــــــــــــــــــع ؟

    غفى بعيني ... حلــــــــــــم ... مغرور...

    نهاره... طموح ... يلوي الليل...

    نيشانة ... فرس ...

    يصهل...

    وبنيت... صروح... فوك الكون . ..

    الضباب... ندغدغه ...ويضحــك...

    نجم ... يتناثر ...

    يهلهل...

    وتحدينا ... جفاف الروح ...

    وعلّكنا... الامل... فانـــــــــــــوس...

    وهلـــه ... بطير السعد ...

    مجبل...

    شو جّــنة الزمان ... أغتاظ ...

    ولن بدري... بده ...

    يجفــــــــــل

    شو جّـنّـة ...الوكــــــــــــــت ...

    ظل يمشي ... بالمكــــللوب...

    يزرع ... غضــــــــــــــــب...

    مو سنبل...

    خنك... حلمــــــــــــــــــي ...

    وغمسني... بخــــــــــــــــــــوف ....

    وشبابي ... مصوفـــــر ...

    ومكهــــــــــل...

    أنه ... أمك ... يا وطـــــــــــــــــــــــــــــــــــن...

    دليني ؟ ما أندل ...

    أنة الحرمه ..

    بمضيفك ... أفصل التاريخ ...

    واحلّف ... الراح ...

    والمجبل ...

    صحيح ... سجونك ... مروعة ..

    وسده بيها ... أمر ....

    مذهــــــــــــــــــــل

    وصحيح ...الغربة ...عيد يتيم ...

    وفراكك .. عمــر ...

    يذبــــــــــــــــــــــل...

    أنه ... أمّــك ... يا وطــــــــــــــــــــــــــــــــــــــن ...

    دليني ؟؟؟ ما أنــــــــــدل؟

    دليني ؟ التراب ... البي شمس ...

    نامت غفل

    متلفلفة ...

    وتخـجـــــــــــــــل ...

    دليني؟ المشت فرحانة... عالتيزاب ...

    ودرب الجنّة... بدماياتها

    مبــــلل...

    دليني ؟ الجريمتها ... طهـــر وحجاب ...

    وذنبها ... كللبي...

    يتعــــــــــــــــلعل...

    دليني ؟ الجرح ... ينزف ...

    ما اضنّــه بعد ...

    يدمـــــــــــــــــــــــــــــل ؟؟؟

  2. #2
    تاريخ التسجيل
    Jul 2004
    الدولة
    هناك
    المشاركات
    28,205

    افتراضي

    [glow=ff6600]هنيّاله... الشربهه... مّيتك... يعراقنا... ويشبع...[/glow]

    ان شاء الله قريبا ترجع ويرجع كل غريب

    تحياتي
    يا محوّل الحول والاحوال ، حوّل حالنا إلى أحسن الحال......








  3. #3
    تاريخ التسجيل
    Oct 2008
    المشاركات
    40

    افتراضي تحيات

    تحياتي الى كل الغرباء وإن شاء الله يعودون للوطن بكل خير

المواضيع المتشابهه

  1. عجل يابه شوكت تبطل الجذب؟
    بواسطة safaa-tkd في المنتدى واحة الحوار العام
    مشاركات: 1
    آخر مشاركة: 25-12-2004, 20:12

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني