عندنا مثل في العراق يقول لشخص انت مثل صكر فيلح ,كل الناس عده صكور تروح تصطاد طيور ما عدا هذا المسكين صكره يجيب حيايه ويذب عليه...
عندما انتخب الشعب العراقي مجلس النواب وجان يتوقع ان ابناء هذا المجلس راح يقدم للشعب شي جديد ويضحي ويستقتل لكن للاسف الي صار ان الشعب قدم للاعضاء خدمه يحلمون بيه طول اعمارهم.
انتشرت في الاونه الاخيرة ظاهرة تعليق العضوية هذه الكتل بدل ان تبقى في المجلس وتصنع حلول لمشاكل البلد لكن الي جاي يصير عندما يحمي الوطيس يضع راسه في التراب مثل النعام اي يعلق عضويته ,,ها ها ها ها ولكن براتب يعني يعلق وياخذ راتب اذا كان هو شريف خلي يعلق وما ياخذ راتب او يتبرع بيه للعوائل المهجره سواء كانوا شيعه او سنه.لكن هذه خوش حيله شرعيه يعني يبين نفسه النائب بانه وطني وميقبل على على الاوضاع الي جاي تصير بالبلد يعني يا اخوان ليش ما تاكلون وتوصوصون احسن من العلاويات والعفلقيات,لو تجي تحسب الايام الي يداوم بيه الاعضاء طلع جمعه وسبت وشكم يوم غايب وشكم يوم معلك عضويته ,خلص الشهر يمته الراتب ومن تصير حادثه يطلع لسانه متره ونص .واخر شي استشهد بيه مثلهم مثل حمام الكاظم ع
ياكل بالكاظم و-----على ابو حنيفه