[align=center]إمامي المنتظر وبحبه ولهان .. نولد ليلة نصف من شهر شعبان
.................................................. ...........................
(1)
الليله فرح هنوني ياناس .... لإمامي المنتظر عطرت الأنفاس
وانه بعشگ الوله دگيته للساس.. بولايتهم صرت آنه اسعد إنسان

(2)
تعنت كربله وتمشي الملايين.. اجت متعنيه زارت جده الحسين
بدرب آل النبي كل احنه ماشين .. مراسيم الحفل صارتلي عنوان

(3)
لبو صالح نبض گلبي بوداده .. صف جنحه اعتله ورف بالسعاده
عهدنه انجدده بيوم الولاده .. كل من مايتبعه ايعيش خسران

(4)
عن حبنه الفرح هالليله يشهد .... نور المنتظر جده محمد
نفس النور كل عام ايتجدد .... يمهدي المنتظر مظهر الإيمان

(5)
لاحت بالسمة أنجوم الميامين..للمهدي أفرحت كل الموالين
مو شمس أشرقت أشرقت شمسين .. تنوّر للمحب وتضوي الأكوان

(6)
الف مبروك للإسلام اهني .. وللشيعي الورد بچفوفه اخلي
انه اكتاب الحزن هالليله اطوي .. وحب المنتظر علمني الإحسان


خادم الحسين (ع )
علي السعدي المسيباوي[/align]