كلام الدم

اذا دمك حجه بلسان كل انسان
شيكول الحجي لوحجه هذا الدم
حدث ياشهيد وتدري يومك صار
عيد الله ا لﭼبير بنصه ضل مئتم
عيد بنصه تضحك صاتلنه جروح
وحلوك الثكالى سنين تتكمم
ياعيد بلهاته وكفت الاموات
وعلى الشيبه البراسه جروح تتزاحم
بس والله عجيبه شلون هاي تصير
نقاط من الدمه على شفاف تتبسم؟
يبو هاي العقيده وانته ثوره تصير
شزرعت بكاع دينك ماطلع برعم؟
كوم وياي هسه واحرث انته الكاع
شوف الزرع لسه شبيه ماحصرم؟
بس ندري الارض مطشوشه هاي بذور
ضحايا من الجثث للدين تتقدم
وكل بذره تطيح تسلم على حسين
وتخضر وفه تسمعهه وتسلم
وبس دمك نزل خضرت هاي الكاع
وكل بذره يطك منهه الف برعم
ولو شفت السنابل وهيه وسط الكاع
تفكر بلحصاد شوكت يل موسم
ﭼجا يله الحصاد اليوم خل يصير
مادام المنايا غضب تتضرم
وكل بذرك صبح امه ويريد يثور
مادام القيود بسرعه تتهشم
ﭼجاشنهو اليضرك وانته عايش دين
خل يعله الضلم خل يعله كل مجرم
الشاعر

سعد عبد محمد