النتائج 1 إلى 4 من 4

الموضوع: دارميات

  1. #1
    الصورة الرمزية دجلة الخير
    دجلة الخير غير متواجد حالياً مشرفة واحة التجارة والاقتصاد
    تاريخ التسجيل
    Jul 2003
    المشاركات
    2,033

    افتراضي دارميات

    خَـلْ روحَـــكْ إبعِـز دوم بالك تذلهــــا
    ولا تطلب الحاجــات إلاٌ من أهلهـــــــــــــا

    غصبن عليـٌه الروح آنـه الأذلهـــــــــــــا
    محتـــــــــاج والحاجات ماهُـمٌـه أهلهـــــــا
    .
    .
    وين الكفن ينباع يالشايل الخـــــــــــــــام
    عدله أرد أطمها الروح من ظيم الأيــــــــــــــام
    .
    .

    خلـٌـيتك إبسرداب فوكًًـــــه متر صَـبْ
    صبٌـح الواشي وياك من ياكتر طـَــــــبْ
    .
    .
    عود آنه مثل الناس هم عندي بــــــطه
    راحت تغط بالماي والغطٌـه غطٌــــــــــه
    .
    .
    الغربه سـاحة خيــل ومزامط إرجــــــال
    واليطب بيها إبزود كون أصله خيـــــــــــٌال
    .
    الغربه وصــلة بور مابيــها ثمره
    تترجٌه غيم الصيف يمطرله كًًــــــــطره
    .
    الغربــه زين وشين ذ ٌبت عليـٌـــــــه
    والعيـــشه وي بـــذاٌت أكبر بليـــٌـــــه
    .
    الغربه من الناس راوتني أشكـــــــــــال
    والكذب لو بفلوس ما ظنـٌـــــه ينكًًــــــــــال
    .
    بالغربــه خاوه الروح تنـْـوِخـِـــذ كًًـــــوٌه
    واليرِد حكًًٌــــه إبسيف مو بالمـــــــــــروٌه
    .
    .
    .
    حقي من أحامي إعليـــج ياشجرة التيــن
    ماي الربيـــــتي إعليه من دمعة العيــن
    .
    .
    .ميت والمعزيــات موش أمهــٌاته
    مايبجـَن إعله المات يبجـَن شمــاته

    ميت والمعزيات يبجـَن عياره
    ويرمـَن على التابوت كَطف الجكًــاره

    ميت والمعزيات مابيهن أمـــــٌه
    وحده التشـَتم بيه وحده التـُغمـٌه
    *·~-.¸¸,.-~*وبَشــــــــِّـــــــــــــــــر الصـــــــــــــــابرين*·~-.¸¸,.-~*

    [align=center][/align]

  2. #2
    تاريخ التسجيل
    Nov 2002
    المشاركات
    4,192

    افتراضي

    ميت والمعزيــات موش أمهــٌاته
    مايبجـَن إعله المات يبجـَن شمــاته

    ميت والمعزيات يبجـَن عياره
    ويرمـَن على التابوت كَطف الجكًــاره

    ميت والمعزيات مابيهن أمـــــٌه
    وحده التشـَتم بيه وحده التـُغمـٌه

    ظاهرة لاحظها وسجلها هذا الشاعر بذكائه ودقة ملاحظته. ظاهرة سيكوإجتماعية ينبغي لنا كعراقيين أن ندقق بها ونستكشف ما تخفيه. قد تكون ظاهرة موجودة فقط في المجتمع العراقي وربما في أصقاع أخرى من العالم العربي.

    ظاهرة التمادي في التعبير عن المشاعر،
    المبالغة في إظهار الحزن والولع
    الحزن الذي يقترب أن يكون جزعاَ

    ولكن كل هذه المبالغة والتعسف في إظهار هذه المشاعر قد يخفي شيئاَ كريهاَ
    شيئاَ يشعاَ
    شيئاَ غير برئ

    قد يكون بكاء من يبكي في عزاء شماتة للميت.

    إذ أن المبالغة في التعبير عن الحزن قد تكون أداة لإيصال خبر الموت وخبر الفاجعة، وهذا الذي يبالغ في تعبيره إنما يفرح في قلبه لموت من مات.

    لا أستطيع إلا أن أقول إنني أقف بتواضع لإلتفاتة هذا الشاعر العظيمة في مدلولها. ظاهرة تستحق التوقف طويلاَ في التحليل!

    إ
    "أن تشعل شمعة خير من أن تلعن الظلام"
    كونفوشيوس (ع)

  3. #3
    تاريخ التسجيل
    Mar 2006
    الدولة
    عراق المظلومين من قبل الانتهازيين والوصوليين
    المشاركات
    7,032

    افتراضي

    يحكى ان رجلين كانا على خلافٍ دائم بسبب المواشي. وشاءت الصدف ان يحب ابن الرجل الاول بنت الرجل الثاني. وبعد عناءٍ تكبده الولد في اقناع ابيه ذهب هو وابوه مع مجموعة من (المشاية) الى بيت الرجل الثاني ليطلبوا يد الفتاة ولكن والدها رفض اعطاءها كما ياتي:

    والد الفتاة: شلي بحلالي اليوم لو صبح واشي

    اعذرني يا ابو فلان واخذ المواشي

    والد الفتى: ياخوية انه وياك باجر مرحلين

    خنجر عليش تصير بين المحبين

    فقررا الوالدان ان يحمعا بين الشابين ويستمعى الى حديثهما عن الحب فوقفت الفتاة خلف الستارة:

    الفتى: اثمرت هاي الكاع للبيها متعوب

    وخضرت سنبلتين مابين الكلوب

    الفتاة: اي صدك سنبلتين شوك ونداوة

    ولمت شمل خصمين بعد العداوة

    الفتى: اتكربنا صدكوا نريد نتكرب اكثر

    اكبار وصفيتوا احباب واحنة نتمرمر

    للوردة دمعي الماي بسكوت اساجي

    اتعطشونة واحنة فروع من السواجي



    والد الفتى: اشرايك يا ابو الديوان يالهمي همك

    نمشي ونعوف الزاد.. لو حلها يمك

    والد الفتاة : يحرم علي الزاد لوما احلها

    من هسة تمشي وياك وابنك رجلها

    للشاعر ناصر محسن الساري



    تابع احد الشبان احدى الفتيات فقال لها
    كاع انه وانت الطير لابد يحط يوم
    لو تتعب الجنحان لو ينكرك حوم
    فقالت له
    كاع انت وانه الطير وتظن احطن
    لو تتعب الجنحان .. بالماي اغطن
    ليسَ بـــــلد احق عليك من بلد ==== خير البلاد من حملك.


    شَكَونا لهم احزاب العراق === فعابوا علينا لحوم البقر
    فكانوا كما قيلَ فيما مضىِ === أُريها السُهى وتريني القمرْ

  4. #4
    تاريخ التسجيل
    Mar 2006
    الدولة
    عراق المظلومين من قبل الانتهازيين والوصوليين
    المشاركات
    7,032

    افتراضي

    حوار بين ام عاشت في زمان الحب وابنتها التي عاشت في زمان المال عندما جاء رجل يحبها لكنه لا يملك المال التي كانت تحلم به :

    الام: يمه الاجه ابن اجواد موش ابن غربة
    اصل الستر والطيب واصل المحبة

    البنت: اليخطبني لازم كون انه الاريده
    عنده قصر واموال وسويجه بيدة

    الام: ابكبرج :- واجوا خطاب كتلهم ارضى
    جابولي خام الشام والحجل فضة

    البنت: يمة زمانج راح بيه انظلمتي
    وذاك الوكت مرفوض مو مثل وكتي

    الام: عشنا بوفا وبطيب كل الليالي
    لازفة لاكنتور.... لامهر غالي


    البنت: اعرف بنات هواي عزن نفسهن
    اتكلف كذا دينار بدلة عرسهن

    الام: اشرايج لوَن زنكين عالحسن حبج
    وملج.. وبعد شهرين واعلينا ذبج

    البنت: بنتج بعدها اليوم حلوة وزغيرة
    مو مشكلة من يروح يخطبني غيرة

    الام: بس كلمة عندي وياج ولله شهادة
    بالوفا وبالاخلاص سر السعادة

    البنت: اخر كلام وياج متطورة انه
    والما يجيب المال شلي بحنانة

    الام: اختاري والله اوياج يا سلوة العين
    امج واعرفج زين باجر تندمين .

    ----------------
    محاورة شعرية بين طالب وطالبة واستاذ:

    الطالب : بالصف افكر بيج وعن درسي فاتر
    واسمج كتبتة بشوك فوكَ الدفاتر

    الطالبة: من الجامعة للبيت وانت على بالي
    وبكل صفحة يالمحبوب وجهك يلالي

    الاستاذ: الحب يدفع الانسان لاعلى المراتب
    ويتبره منه الشوق لو طلع راسب

    الطالب: انه ادري يا استاذ للعاطفة حدود
    والواجب اخليه للدرس مشدود

    الطالبة: حب الوطن يا استاذ من حبنة اكبر
    نريد نتفوق دوم وبالعلم نسهر

    الاستاذ: ولدي المحبة احساس والعلم بابه
    ويندم هواي هواي اليهمل كتابه

    -------------
    محاورة بين عشاق:

    هو: بسد شجرة التفاح مشتولة روحي
    وبالفركة حتى الطير ناح على نوحي

    هي: اجيتك ومن ابعيد سبقتني روحي
    ومن لمست الجفين طابن جروحي

    هو: لا كلبي نوبة ايهيد لا عيني تغفه
    لا صبر بيه يفيد لا ناري تطفه

    هي: اتمنى روحي اتصير نجمة وترابيك
    وبهيدة تالي الليل انزل واشم بيك

    هو: اتمنى اهل الشوك يلتم شملهم
    والطرب والاشعار اتبرع الهم

    هي: اهل الهوى ايكولون كلهم مساكين
    وعدهم الف تفسير لو رفت العين
    ليسَ بـــــلد احق عليك من بلد ==== خير البلاد من حملك.


    شَكَونا لهم احزاب العراق === فعابوا علينا لحوم البقر
    فكانوا كما قيلَ فيما مضىِ === أُريها السُهى وتريني القمرْ

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني