السلام عليكم
هذا الموضوع خاص فقط للقصائد التي تتكلم عن الطفولة العراقية .. وهي دعوة لكل شاعر .. أن يكتب للطفولة العراقية الحزينة ..
أول قصيدة لهذا الموضوع هي

{ قصيدة الضمير }
لشاعر
(( احمد القلعاوي ))
*******
من ردت اكتب قصيدة 00 بيها اشرح ظرف أطفال العراق
راجعـت عندي قصايد من زمان ... بيها شي عن الطفولة عيد 00 والعاب 00 ومراجيح 00 ودلال
بس شفت 00 ما بيها جملة
تحجي بالموجود وتصور الأشوفه
ولذلك 00 كَـلت أطلع للعجد
أرد أعيش الحال واحجي بالشعر
وصدفة لاكَـاني طفل 00 كلش جميل
أستغربت سيماء وجها أشكَـد جبيرة ... واشكثر خشنات اديه
كَـتله من لعب ( الأتاري ) ؟
كَـال من لم القواطي من العجد !
وبيده سلاية وسألته منين هاي ؟
كَـال هاي 00 امنهد ما جنت اشتغل بالعربانه
تمرضت أمي وبعتها حتى اجيبلها دوه
وجان مشكَـوكَـ القميص من الردان ... والدكَـم مشدودة شد
شَعر بيه 00 أنا اتباوع عليه
كَـال عندي أنا جديد 00 أمي كَـالت من يجينا العيد ألبسه
وصارلي أشكَـد انتظر ما أجه العيد !
كَـتله ألبسه لو رحت للمدرسة 00 كَـالي انته اشكَـد قديم
أنا أمي بطلتني 00 من أبوي أنعدم بيام النظام
جان أخوي أشوية شاطر 00 عود خلينا ايكمل
انكتل ذاك اليوم من صار انفجار
اشكَـد ضجت مديت ايدي 00 بجيبي اورثلي جكَـارة
لزم ايدي وكَـال عندي افلوس لا عمي اشتغل !
وانحنيت عليه أو لأجله انحنيت ...
وجان عركَـان الطفل
كَـتله هم تتمنه شي ؟
كَـال يومية كَـبل مانام أظل اتمنه ساعة ساعتين
تالي أغفه وأمي تندهني الصبح
كَـتله مثل ايش اتمنه ؟
كَـال دوم اتمنه اجمع جم فلس 00 ارد اجيبن شيلة لأمي
شيلة أمي امشكَـكَـه 00 سنين صار ابيته وما سيرت
اورحت عنه 00 وبعد مده 00 صار صايح
كَـالوا الأرهاب كَـطعله طفل
وكَـمت أركض 00 بس ركض كلش ثكَـيل ...
بالضبط ركضه بحلم
الناس هوسه 00 اتلم وذر
اوشلت جف اوبس لزمته 00 اعرفته جف ذاك الطفل
باقية السلاية بيه
وجف الاخر مرمي غاد 00 بيه علاكَـه جديدة وبيها شيلة
لكن أغله من البريسم ..
هاي مشرية بدمه
كَـمت اصيحن أمه وين 00 أمه وين
ذيج كَـالوا 00 ع رصيف
أمتربه 00 بلايه عبايه 00 وحاطه الراس ابحضنه
اتكَـله أكبر 00 يمه أكبر 00 فدوه أكبر
هم جنت انته زغير اوكبرك هاذه الثدي
اوكَـامت اتلولي ابعلات الصوت 00 وتبجي الصخر

[align=center]دللول الولد يبني دللول [/align]
بعدهي امشكَـكَـه الشيله يمدلول