خلص عام الدراسة وسدو الباب

[علي السعدي المسيباوي]

[CENTER]

يا ايتها الارواح الطاهرة فتعسا لزمر الحقد اللعين ولعصائب الشيطان المريد التي سفحت دمكم الزكي على ثرى ارض المسيب دون ما جناح ومعصية فهنيئا لكم ايها الشهداء فقد نلتم الرفعة وغمرتكم انوار الرحمة الالهية وكما نال اعدائكم الخسة والمكانة السفلى وغمرتهم اوحال العار اوحال الغزي والعار ..
هذه الكلمة للشاعر الاديب الاستاذ عبد الكريم الحاج نعمة المسيباوي






الشهيدة شهد عباس خليل




الشهيدة ماريا عباس خليل

قصيدة بحق الطفلة الشهيدة شهد عباس خليل التي طالها الانفجار الملعون من لدن شرار الارض واوباشها وكما ان اختها هي الاخرى تمرغت بدم الشهادة دم حب ال البيت الغر الميامين عليهم السلام وقد طارت روحهما الطاهرة معانقة سيد الشهداء وابا الاحرار الامام الحسين عليه السلام في ذكرى اربعينيته المقدسة وكما ان هذا الانفجار الغادر قد طال ارواح اخرين الذين وفدوا من مواطن اخرى وهم يحملون بين اضلعهم الحب والوفاء الحسيني في مدينة المسيب المنكوبة

القصيدة للشاعر الحسيني مهدي الشبيب المسيباوي

خلص عام الدراسة وسدو الباب
وعبالي اسأل شهد بابه اشطلعتي

وعبالي افتح جنطتج والگه تحضير
واحضرلج دروس البيهه غبتي

ولو ادري ابدروسچ كلهه عشرات
وعلى العشرة الاوائل تاج صرتي

يبابه اشگد احبچ وانتي تدرين
ولچ ذيچ المكانه ابگلبي چنتي

ترد روحي يحلوه من تضحكين
ولون گلتيلي بابه اطيب علتي

تناديني هلا اباباتي عباس
وتكسرين الضلع لو بس زعلتي

متعلم على اسمچ من اناديچ
يماي العين بويه شهد بنتي

شلع گلبي يبابه صوت الاسعاف
واحس گلبي طلع لمن صرختي

على الزوار شفتچ من تهلين
هله خاله استراحي هله ابعمتي


على راسچ خبز لحسين شلتيه
وخدامه لبو السجاد صرتي

ابتليت وعالجدر صبيت ماعون
وعلى هذا السبب بابه انفجرتي

هنيئا يا شهد حصلتي الاوسام
وكبرتي بعين زينب من وگعتي

زغيره ابلا ذنب يحميچ الحسين
وعلى هاي الكرامة البيهه فزتي

عزيزة ويم رقيه اليوم خطار
ولچ وحشه يبابه يا مهجتي

حلوات وتلعبن بيت ابو بيوت
وتلوليلچ سكينه لو نعستي

رقيه وعالطشت ماتت للحسين
وشهد فوگ الجدر بابه انذبحتي

طلعتي من الدرس مشايه لحسين
وهديه العين زينب فدوه رحتي

ميخالف طلعتي بواحد اكمال
ومشيتي الكربله واول طلعتي

مامتي شهد ظليتي تذكار
ابطريق اولاد مسلم واگفه انتي


الشاعر مهدي الشبيب المسيباوي

[منازار]

رحم الله الشهيدة الطفلة شهد وماريا وكل شهداء العراق وساعد اللله قلوب أمهاتهم وآبائهم على فقدهم فلذات أكبادهم


شكرا على النقل اخي علي ولو انك ابكيتنا

[جواد]

[frame="9 50"][poem=font="simplified arabic,6,firebrick,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ما ماتت شهد مات اليظنـّــون = بقتلها أحسين ينساه اليحبـّــون
شهد طفلة جسم, بس عالية شان = و علم صارت تدلـّــي اللـّــي يزورون
درب أحسين شائك حاطته ألغام = و بس شيعة علي أعليه اليكدرون[/poem][/frame]

رحم الله الشهيدتين و عظـّــم الله اجور أهلهما و حشرهما الله في ركاب الحسين عليه السلام

[علي السعدي المسيباوي]

رحم الله الشهيدة الطفلة شهد وماريا وكل شهداء العراق وساعد اللله قلوب أمهاتهم وآبائهم على فقدهم فلذات أكبادهم


شكرا على النقل اخي علي ولو انك ابكيتنا

رحم الله والديك منازار .. حفظ الله اطفالكم

[علي السعدي المسيباوي]

[frame="9 50"][poem=font="simplified arabic,6,firebrick,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ما ماتت شهد مات اليظنـّــون = بقتلها أحسين ينساه اليحبـّــون
شهد طفلة جسم, بس عالية شان = و علم صارت تدلـّــي اللـّــي يزورون
درب أحسين شائك حاطته ألغام = و بس شيعة علي أعليه اليكدرون[/poem][/frame]

رحم الله الشهيدتين و عظـّــم الله اجور أهلهما و حشرهما الله في ركاب الحسين عليه السلام

يسلم قلمك يارائع .. رحمك الله .. اثابك الله .. حفظ الله اطفالكم

[علي السعدي المسيباوي]

[web]http://www.m-alhusain.com/vb/t22356.html[/web]