باقات من الشعر الشعبي في قضاء المجر الكبير / للشاعر علي كاظم الدرجال

[علي كاظم درجال]

من تراث المجر الكبير في الشعر الشعبي
-------------------------------------
من شعر الابوذية
-------------------
1-الشاعر عبد الامير بن مطشر بن عبد النبي النداف المجراوي
--------------------------------------------------------
ماتودنه
نودك ليش يسمر – ماتودنه
يلي مصة خديدك – ماتودنه
اشعجب شوق وتحيه – ماتودنه
وانه ابكل لحطه اوديلك تحيه
*****
من فتاها
كبدتي اسأل عليها – من فتاها
وحرام الحب حبيبي – من فتاها
دخيلك روحي ذابت – من فتاها
حلو ويمصمص بشفته عليه
*****
ورايه
عقلي انشل يمحبوبي – ورايه
انا اشما التفت عاذل – ورايه
انته للعشق بيرغ - ورايه
عليمن تبخل ابنظره عليه
*****
سالمنها
جفوفك من اذيتي – سالمنها
ابهجرك دمه جفوفي – سالمنها
تعال اوعد جروحي – سالمنها
الجواب هموم وألام المنيه
---------------------------------
مع تحيات ابو عمار الربيعي

[علي كاظم الربيعي]

من تراث المجر الكبير في الشعر الشعبي
---------------------------------------
شعر الابوذية
--------------------
2- الشاعر حميد شنيشل الفريجي
---------------------------------
لاجن
لااهجع عليك بليل – لاجن
انياب الدهر بيه اعملن –لاجن
لساني ماوصف للناس – لاجن
تره دمعي فضحني وعم عليه
*****
يندار
حبيبي معدنك ياقوت – يندار
ودليلي لاتظن للغير – يندار
امن اشفافك لذيذ الخمر – يندار
عيونك سحر بيهن جاذبيه
******
فضه
حديثك لو ردت تنهاب – فضه
وحك الي تغذه بلبن – فضه
لون تعرف كلامك بيه – فضه
السكوت امن الذهب والزم وصيه
***************************

[علي كاظم الربيعي]

يهيله
الواشي يلومني بحبكم = يهيله
وانه جفني الدمع مزنه = يهيله
لون كل الخلك لامت = يهيله
يحن كلبي ويزيد الشوك بيه.
----------------------------

-

[علي كاظم الربيعي]

هيله وثلث تنعام بيكم وله دوم ** من كثر نوحي عليك سردت ألهدوم
*****

ومن ألأبوذيه ::
أجروحي دوم تدي ** وانه داوي
وتهب رياح صرصر ** وانه داوي
ربح كل داو يسمر ** وانه داوي
خسر وهل الهوى يلومون بيه
*****
ما عندي عين تشوف كسرك يعمي ** خلني بحزن وبعيد غارج بهمي
==============================
بالحرثه ضاع الجدم ياهيه ** يابردي
بصيف المكابر علي رديت ** يابردي
ابرد ولا اثمرت بالوكت ** يابردي
ابجرفك يدجله هلي واحباب الي ** يحنون
وشماة بجفوفهم من مد معي ** يحنون
للنار ماظن هلي هامتهم ** يحنون
والحال مدري علت بغيابي ** يابردي

*******
عيوني مشوفه ألج حلي ألشعر ** وأنسلي
انتي ابدلال او غنج وانه احتمس ** ونسلي
خلان جانوا امس لو دلهمت ** ونسلي
واليوم ضاك الخلك راحن ليالي ** السمر
سمرت جرح الكلب مانفع بيه ** السمر
من البيض ما حصلت شمحصل امن ** السمر
يا دموعي ما ظل صبر عوفي الجفن ** وانسلي

*****
ألمشوفه معناها ألمرايه
==============
يا هيله ما بلكلب من المصايب ** وجل
محمود عمر أ لبشر كلمن أ بساعه ** وجل
رمان خدك عذب أ حمد أ بطعمه ** وجل

تكعد أ في أ لنخل وانه أشتكي ** من برد
والوكت يا منيتي يبرد أ بكلبي ** برد
أنشد على خلتي اْ ويا يوم أ حظى **برد
كلهم تره أ شتتوا سيحان ربي ** وجل
=======================
ياماي رمان خدك للمحب ** ورد اله
وغتاض من كل الورد جي ازهرت ** ورأله
غصبن عليه أ بتعد عن الهوى ** وأردله
ياهيه يا صاحبي اوفي النخل ** فيه
الشوك صار أ فرسي اوليل أ كطعت ** فيه
البحر لو صادفك بجف العزم ** فيه
وان جان وكتك تعس يمكن تعس** وردله
====================
هيله :
حمد يهواي ** ياسلوتي اْويادنياي
يا غيمه التغطيني ** اوتصد الشمس عن ملكاي
وانت اْوياي ** اْ نسه الضيم اْ نسه اهموم
كل دنياي **
هم تذكر يبعد اجلاي ** من نغفه اعلى جرف الماي

والوادم تغط با لنوم واْحنا اْ معاتت اْ بلا راي

روحين اْ بجسد واحد شبكنه اْلضيم واحنا اْ صغار

ماندري العدو ياهو !!! اْ هلنا

حمد :

لا وحك هودج هواكم ** من يكطعوني وصل اْ ضعن وراكم

هلي ظلام اْ وعفتهم موش اْ بنهم اْنه اْ بنكم *** اْنه اْبنكم
============================
سليل أ هل أ لمجارم لبس **بته
وبسده طويل أ لليل **بته
لبن كلبي ردت يا ناس **بته
شريفه أومن شريف أو ِشرف ليه
**
سليل أهل ألمكارم ** من عباها
تبشر لون خا يف ** من عباها
تعال أ لنا وخذها ** من عباها
لون ترضه كلب ولسان هيه
===================

[علي كاظم الربيعي]

من شعر الابوذية
-------------------
ونته هيله
قرص نعناع خدك – ونته هيله
جميع الحسن عندك – ونته هيله
اتراب القبر بيدك – ونته هيله
تهيله انته ويصب دمعك عليه
*****
ياهل
ابزلفك مسج يامدلول – ياهل
يمن خدك هلال العيد – ياهل
احبك من جنت بالمهد – ياهل
دكلي اشغيرك هسه عليه
*****
جسمهه
من قرص الشمس ربك – جسمهه
وماادري البخت المن – جسمهه
اذا بالماي يتخدش – جسمهه
اشرايك من تصير ابين اديه
---------------------------------
مع تحيات ابو عمار الربيعي

[علي كاظم الربيعي]

من شعر الابوذية
-------------------
ونته هيله
قرص نعناع خدك – ونته هيله
جميع الحسن عندك – ونته هيله
اتراب القبر بيدك – ونته هيله
تهيله انته ويصب دمعك عليه
*****
ياهل
ابزلفك مسج يامدلول – ياهل
يمن خدك هلال العيد – ياهل
احبك من جنت بالمهد – ياهل
دكلي اشغيرك هسه عليه
*****
جسمهه
من قرص الشمس ربك – جسمهه
وماادري البخت المن – جسمهه
اذا بالماي يتخدش – جسمهه
اشرايك من تصير ابين اديه
--------------------------------
مع تحيات ابو عمار الربيعي

[علي كاظم الربيعي]

من شعر الابوذيه / للشاعر مطشر بن عبد النبي النداف المجراوي
------------------------------------------------------------
تمعنه ألله بجمالك – قبل نامه
ولجل هذا أتخذتك – قبل نامه
جنت ساهي اوليلي – قبل انامه
شح وصلك وشح نومي عليه
*****
ومن شعر الابوذيه / الامير خزعل مرداو الكعبي
ياهل
ابزلفك مسج يامدلول – ياهل
يمن خدك هلال العيد – ياهل
احبك من جنت بالمهد – ياهل
دكلي اشغيرك هسه عليه
*****
ومن شعر الابوذيه / الشاعر عبد الكريم القصاب
بستكاني
متى يحظه دليلي – بستكاني
امن اذكرك يصب دمعي – بستكاني
امس بالطيف يشقر – بستكاني
وهذني اشهودي اشفافي نديه
*****
ومن شعر الابوذية / الشاعر علي كاظم درجال الربيعي
عنبراني
انا موشتل حنظل – عنبراني
ويفوح الطيب مني – عنبراني
محط السفن كلبي – عنبراني
وانا الطيب الذات أخذ تحيه
*************************

[علي كاظم الربيعي]

1 - وناباك
اشوف الناس فرحانه ** وناباك
حيل اوياك يلعضك ** وناباك
اشما يشتد عسر دهري **وناباك
يحيدر لاتظن الخلل بيه
------------------------

2- نسلها
بعد ياهو العلى الشده ** نسلها
اسباع الموزمه ضايع ** نسلها
حف احواجبه الكذله ** نسلها
ذكر بنثى بقه يطاطي عليه
---------------------------
للشاعر قاسم كريدي المالكي

[علي كاظم الربيعي]

صحبح الناس تتغير بالالوان ** بس تبقى تضل نفس السلالة
تشوف الناس تمشي بشكل طاووس ** يتبختر لأن شايف خياله
تعرف الناس وكت الضيج والعوز ** يبين الزين وتبين الحثاله
---------------------------------------
للشاعر قاسم كريدي المالكي

[علي كاظم درجال]

المجر الكبير / للشاعر ابو عمار الربيعي
--------------------------------------
مجر يامجر اه يامجر
**
ياغيمة ربيع ابمطر
**
ياجولان زاهي بهور
**
يابردي وكصب اخضر
**
ياكحل اليضوي العين
**
ياحنة ابرجل السمر
**
يادهله اليداوي الكاع
**
ينبت رازقي اوعنبر
**
ياسدره ابثنايا الهور
**
كاط اوشمبلان احمر
**
زهر اخضرطلع خريط
**
شك الماي لونه اصفر
**
مثل طعم العسل بالريك
**
جمار النخل لو طر
**
يبلام اليجول الهور
**
كلي ابياكتر تفتر
**
اريد اتناك حتى هناك
**
نكتب دارمي ابدفتر
**
صرت مغزل ابحلك الماي
**
لامخلاص لامعبر
**
شريعتنا كصب مضغوط
**
والموكد ضوه وجمر
**
حلم لاجن حلم تعبان
**
بضلوع الكصب حشر
**
دجدم واربط المشحوف
**
يابلام كلبي انطر
**
تعال اكعد تدفه بنار
**
هيله المجر واتمختر
**
هيله ام المجر صوبين
**
هيله الطين والمرمر
**
واخو هيله نبت بالكاع
**
مثل السدر لو خضر
**
هيله عروكها المران
**
كلما يرتوي يكثر
**
هيله من غزاها الروج
**
ملح بزاد غط ماضر
**
صارت هيله ام الكاع
**
ماحضنت ابد منكر
**
مو مثل الخذاه الروج
**
صار اسناد واستهتر
**
طبع الذيب للرباه
**
ياكل نعجته ويجتر
**
يبلام المنايا تحوم
**
فوك الهور غيم احمر
**
يبلام السفينه اشراع
**
من ينكسرتدمر
________________

[علي كاظم الربيعي]

عودي
عودي ياسنين الخير ** عودي
عنبر خيار انشتل ** عودي
شلي بالورق لو سلم ** عودي
على ألله العود سالم يضل ليه
****

[منازار]

أمي ألحنونه الزاجيه
************
امي الهزت الكاروك ** وامي اللولت وناحت
وامي الماتنام الليل ** لو نام القطا نامت
وامي انعجن بيها الطيب ** مثل الورده لو فاحت
وامي عيونها النجمات ** بعنان السما لاحت
وامي معدله وبت خير ** لو كعدت اولو كامت
وامي لو صرخ جوعان ** عافت زادها وصامت
وامي بلون ثلج الكاع ** بيضه ومهره لو صالت
وامي مهندجه وعيون ** شهله وبالدمع لاجت
وامي ام جرغد النوماس ** لو دردمت لو لولت
وامي اموسمه بشامات ** سود او عالوجن دارت
وامي المالواها العوز ** والايام من جارت
وامي اومن اصيح امي ** يهيج الشوك بيه وعت
امي وماابدل امي ** لأن كل بت لها منبت
امي مزامط الاوطان ** لو غنتبت لو ضحكت
امي من تزاعل ناس ** جن عين الشمس دارت
امي وبليالي شتاي ** تسهر ابد مانامت
امي اومن دمعها الكاع ** صارت وحل لو ناحت
امي وياحسافه الموت ** اخذها وفرحه مادامت
امي اشعندي غير امي ** الوفيه الطاهره البارت
امي ويامعزة امي نبت طيبين والبطون ماخابت
ـــــــــــــــــــــــــــــــــــــــــــــــــ
للشاعر / علي كاظم درجال ( ابو عمار )

من أجمل ما كتبت أخي الفاضل سلمت يمنيك

[علي كاظم الربيعي]

بكنّ
الليالي اشجم كلب لوعن ** بكنّ
هل هذا جزى الاحسان ** بكّن
كنت اعتقد بيه الامل ** بكّن
لاتعتقد بالذاته رديه
-----------------------------

[علي كاظم الربيعي]

شكرا للفاضلة منازار ,, حفظك الله ورعاك وحصنك من كل مكروه .....
-----------------------------

[علي كاظم الربيعي]

حراميه*************** كالــــــولي انبكـــــــت كلتلهـــــــــم انــــــه ابد ماصــــــــدكت كلت اصطــــــوانـــــــه لأن انــــــــه المجر ناســــــــه وزمانـــــــه انه المـــــــــــــاي الجـرى ودكاك دانــــــه انه ريحة اشجاره عثوك بستانــــــــــــه وانه الواصــــــفه وزين اعرف الـــوانــــه وانه الشتل ســــــــــدره ابحضن ديوانـــــه وانه الحضـــــر عرسه اوشارك احزانــــه وبسده انام الليل واتنومس ابذرعانـــــــــــه لأن ظله نخل فيه اعلـــــــــــــى جيرانــــه عمت عين الزمن ســــــــد باب صيوانــــه وعمت عيـــــــن الليالي الهدمت اركــانــــه مجر والمجر رفعــــــة راس صـــحبانـــه يادانك الطر الهور ياملعب الســــــــــفانـــه ياموكد جمر ديوان حف البردي جولانـــــه ياريحة هلي الطيبين يامشـــــبع الجوعانــه ياوسفه صدك مبيوك والباكوني الدنانــــــه لان عرك البشر دساس وعروك الردي عفانه ولك انت التبوك الناس هاي الناس تعبانــــــه لجن طبع الذيابه ذياب دوم امكشر اسنانـــــه حتى لو رضع من ديس نعجة هله الحنانــــه صح انه انبكت والباك لابد الكه عنوانـــــــــه واكله اتدوس بيت الناس واتسولف ابطروانه واظنك مو رجل والله لعبه ابحضن عريانه الك يوم التطيح ابير اظلم ملسه حيطانــــــــه وحك عزت علي الكرار وبشيمته وتيجانــــه بس اوصل الراس الخيط اوسدنك الجبانـــــه لأن انت ردي ومذموم نفسك دوم سكرانــــه تدري الصبر عزم رجال للدك عوز بيبانـــه مو ينهب حلال الناس واليوزن ابميزانــــــه حدت بينا سنين عجاف اكلنه سحاله وســيانه مامر بينا طاري البوك بعنه العفش وغطانـه دك رجلك ابحلك العوز عربد واكطع لسانـه تره الناس التكلك بوك دوم الدهر خوانـــــــه ولك حاسب ضميرك زين لاتتبع البطرانه تره اليركب سفينة بوك خل يحسبها غركانه -----------------------------------