صوت من الكوفه ولحسين ... مسلم وحده وماله معين

ضل بين اهل الردده وحيد ... ولضعون اهله الدرب بعيد

مسلم وحده وماله معين

ــــــــــــــــــــــــــــــــــــــــــــــــــ ـــــــــــــــــــــــــــ

مسلم يبن حيدر يجود بروحه ... وتندب فدى الاطهار كل جروحه

صاح الوداع وزاد لاجلك نوحه ... وونات تلهب بالغرب مطروحه

حسراته على حسين تزيد ... ولضعون اهله الدرب بعيد

مسلم وحده وماله معين

ماهان يالدر عالوحيد مصابك ... ودم نحري يا مولاي يفدي ترابك

نيران فكدك تسعر على احبابك ... يا من ينوخ الزود عند اعتابك

وحده وبين حشود يزيد ... ولضعون اهله الدرب بعيد

مسلم وحده وماله معين

غدرت يبو السجاد كوم الكوفه ... وهيهات مسلم ال اميه تعوفه

ضددك نشرهه الجيش كل صفوفه ... ويزيد من اسمك يضيغم خوفه

ودم مسلم عدوانه تريد ... ولضعون اهله الدرب بعيد

مسلم وحده وماله معين

مسلم يداح الباب يحزن حاله ... سيوف الغدر واهل الكفر تبراله

ايتام ضلت بعد عينه عياله ... وشمتان بمصاب الطهر جتتاله

بجتلة مسلم عدهم عيد ... ولضعون اهله الدرب بعيد

مسلم وحده وماله معين

دارت عليه اهل المجايد صوبين ... ماصح نصير ينصره لو دار العين

سيوف المنايا تحوم وتصيح الدين ... وثارات اميه تشابجت ويه البين

حيلي ويه الونات يبيد ... ولضعون اهله الدرب بعيد

مسلم وحده وماله معين

يبن الطهر ينعاك قلبي وعيني ... افديك يبن اهل الكرم بسنيني

للموت ما يبطل عليك ونيني ... انتم وحق الدين راية ديني

وغير شموس الحك ماريد ... ولضعون اهله الدرب بعيد

مسلم وحده وماله معين

رحيم الحسناوي